Ռուսաստանն ու Չինաստանը վետո են դրել Սիրիայում հումանիտար աջակցության մասին ՄԱԿ-ի բանաձեւի վրա

Ռուսաստանի Դաշնությունն ու Չինաստանը ՄԱԿ-ում վետո են դրել Սիրիայում Դամասկոսի տիրապետության տակ չգտնվող  շրջաններին մարդասիրական օգնություն տրամադրելու մասին բանաձեւի վրա: Այս մասին հայտնում է Euronews-ը:

Սիրիայի միջսահմանային հատվածում ՄԱԿ-ի առաքելության կողմից մարդասիրական օգնություն ցուցաբերելու վերաբերյալ բանաձևը Միացյալ Ազգերի կազմակերպության քննարկմանն էին  ներկայացրել Գերմանիան եւ Բելգիան:

Ինչպես բացատրել է ՄԱԿ-ի Անվտանգության խորհրդում Ռուսաստանի Դաշնության մշտական ներկայացուցիչ Վասիլի Նեբենզյան, վետո է դրվել, քանի որ «այդ մեխանիզմը պետք է աստիճանաբար դուրս գա»: Դրանից առաջ Մոսկվան բազմիցս հանդես է եկել այն անցակետերի թվի կրճատման համար, որոնց միջոցով օգնություն է փոխանցվում Սիրիա ՝ «շրջանցելով» Դամասկոսը:

ՌԴ մշտական ներկայացուցչի խոսքով, Սիրիային մարդասիրական օգնության փոխանցման ծրագրի 6 տարիների ընթացքում իրավիճակը Սիրիայում զգալի փոխվել է, Բաշար Ասադի տիրապետության տակ են վերադարձել շատ շրջաններ, իսկ դա նշանակում է, որ օգնությունը Սիրիա կարող է փոխանցվել բացառապես սիրիական կառավարության հետ պայմանավորվածությունների արդյունքում:

«Մենք կներկայացնենք մեր որոշման նախագիծը, որը ենթադրում է հումանիտար աջակցության ծրագրի 6 ամսով երկարաձգում, իսկ առկա անցակետերի քանակը կսահմանափակվի մեկով. հումանիտար օգնությունը Բաբ Ալ-Հավա անցակետով միայն կփոխանցվի: Հաշվի առնելով այն փաստը, որ Իդլիբում ահաբեկիչների կողմից վերահսկվող տարածքի չափը նվազել է 30% -ով, մենք վստահ ենք, որ այս անցակետը բավարար կլինի այս տարածքում բնակվող մարդկանց բոլոր մարդասիրական կարիքները հոգալու համար», - ասվում է ՄԱԿ-ում ՌԴ մշտական ներկայացուցչի հայտարարության մեջ:

Սա արդեն 15-րդ վետոն է, որ ռուսական կողմը կիրառում է Սիրիային առնչվող ՄԱԿ-ի բանաձեւերի վրա:

Իր հերթին ՄԱԿ-ի մարդասիրական ծառայության ղեկավար Մարկ Լաուկոկը պնդում է, որ Թուրքիայի հետ սահմանին գտնվող երկու անցակետերը շարունակում են մնալ «փրկարարական օղակ միլիոնավոր խաղաղ բնակիչների համար, որոնց  ՄԱԿ-ը չի կարող այլ ճանապարհներով օգնություն ցուցաբերել»:

ԱՄՆ-ի ներկայացուցիչը կոշտ քննադատության է ենթարկել Մոսկվայի ու Պեկինի դիրքորոշումը:

«Ռուսաստանն ու Չինաստանը օգտագործում են ցանկացած հնարավորություն, որպեսզի պաշտպանի Ասադի արյունարբու ռեժիմն ու նրա դաժան վերաբերմունքը Սիրիայի ժողովրդի նկատմամբ»,-ասել է ՄԱԿ-ում ԱՄՆ-ի ներկայացուցիչ Քելլի Քրաֆթը:

Առաջարկությունը կազմել են Գերմանիան եւ Բելգիան համատեղ: Նրանք առաջարկել են միջսահմանային մեխանիզմով օգնության ծրագիրը  երկարաձգել ոչ թե 6 ամսով, այլ 1 տարով՝ ինչպես նախկինում հաստատված է եղել: Անհրաժեշտության դեպքում կավելացվի  ՄԱԿ-ի համար բացվող հսկիչ անցակետերի քանակը:

Քննարկման ժամանակ, օրինակ առաջարկվել է բացել Իրաքի հետ սահմանի հսկիչ անցակետը՝ բժշկական պարագաների մատակարարման համար, որոնք անհրաժեշտ են COVID-19-ի բուժմանը:

«Մենք ցավում ենք, որ այս տարբերակը ընդունելի չէր Անվտանգության խորհրդի անդամ բոլոր երկրների համար, բայց սա դեռ վերջը չէ: Առաջիկա ժամերին եւ մոտ օրերին մենք բոլորս միասին աշխատելու ենք համաձայնության գալու համար: Սա անվտանգության խորհրդի կարեւորագույն պարտականությունն է: Հուսով ենք, որ միասնական դիրքորոշում կձեւավորվի, որը կբխի դժբախտությունների մեջ գտնվող սիրիացի ժողովրդի շահերից», - ասել է Բելգիայի մշտական ներկայացուցիչ Մարկ Փեքստենը:

ՄԱԿ-ի Անվտանգության խորհրդի գործող բանաձեւն ընդունվել է  2014 թվականին եւ երկարացվել է մի քանի անգամ: Այդ բանաձեւով դեպի Սիրիա հումանիտար եւ բժշկական օգնության փոխանցումը իրականացվում է պարզեցված եղանակով: Սկզբում օգնությունը փոխանցվել է 4 հսկիչ անցակետերով՝ Բաբ-էս-Սալյամ, Բաբ-ալ-Հավա, Էլ-Յարուբիա եւ Ալ-Ռամթա: 2020 թվականից անցակետերի թիվը կրճատվել է երկուսով: Այդ անցակետերի կրճատմանը կողմ են Ռուսաստանը, Չինաստանը եւ Սիրիան: Նրանք պնդում են, որ երկրում իրավիճակը փոխվել է եւ իշխանություններն ի վիճակի են երկրին ուղարկվող բեռներն ինքնուրույն հասցնեն անհրաժեշտ շրջաններ:

Բանաձեւի ժամկետն ավարտվում է հուլիսի 10-ին:

Փաստաթղթի քննարկման ժամանակ նշվել է, որ Սիրիայում այժմ ավելի քան 11 միլիոն մարդ ունի հումանիտար աջակցության կարիք՝ հատկապես կորոնավիրուսի համաճարակի եւ սիրիական տնտեսության ճգնաժամի պայմաններում: Հումանիտար օգնության կատաստրոֆիկ պահանջ կա հատկապես Իդլիբի շրջանում, որտեղ բնակչության մեծ մասը մատնված է սովի:

Տպել
504 դիտում

Բանկային համակարգին սպառնացող աղմկահարույց գործը Վճռաբեկ դատարանում է

Բացվեց Յունիբանկի «Սիսիան» մասնաճյուղը

Նավը, որը անվանվեց Առնո Բաբաջանյանի անունով, պատրաստ է մեծ նավարկության (լուսանկարներ)

Պայքարի օրենքը. Սևրի պայմանագրի 100-ամյակը

«Նոան» դարձավ Հայաստանի սուպերգավաթակիր՝ կրկին «քամբեք» անելով «Արարատ-Արմենիայի» դեմ խաղում

ՎՏԲ-Հայաստան Բանկը բարելավել է սպառողական վարկերի պայմանները

Նոր դաստիարակները մասնագիտական նրբություններով կկիսվեն երիտասարդ երկաթուղայինների հետ

Գնացքների երթևեկության անվտանգությունը՝ տրանսպորտային անվտանգության բաղադրիչ

IDBank -ում համավարակի ընթացքում աշխատանքն ընթանում է ամբողջ թափով

Վիվա-ՄՏՍ-ն ավելացնում է սպասարկման կենտրոնների թիվը

ԳեոՊրոՄայնինգ Գոլդ ընկերությունը շնորհավորում է երկաթուղային գործընկերներին մասնագիտական տոնի կապակցությամբ

Յունիբանկի դոլարային պարտատոմսերը ցուցակվել են Մոսկվայի բորսայում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել