Խուզարկել են նախկին պատգամավոր Վանիկ Ասատրյանի տունը. պաշտպանը մի շարք բողոքներ է ներկայացրել

ԲՀԿ-ական նախկին պատգամավոր Վանիկ Ասատրյանին Ազգային անվտանգության ծառայությունում քննվող ընտրակաշառքի գործով մեղադրանք է առաջադրվել ընտրողին անձամբ կամ միջնորդի միջոցով կաշառք տալու համար՝ ՀՀ ՔՕ-ի 154.2-րդ հոդվածի 2-րդ մասով:

«Հայկական ժամանակ»-ի հետ զրույցում նրա պաշտպաններից Էմին Բեգլարյանն ասաց, որ Ասատրյանն առաջադրված մեղադրանքը չի ընդունել եւ իրեն հայտնի հանգամանքների վերաբերյալ տվել է ցուցմունքներ:

Պաշտպանի խոսքով՝ Վանիկ Ասատրյանն ի սկզբանե հրավիրվել է որպես մեղադրյալ հարցաքննության, ներկայացել է, եւ նրան մեղադրանք է առաջադրվել հուլիսի 3-ին, ինչից հետո վարույթն իրականացնող մարմինը միջնորդություն է ներկայացրել դատարան՝ նրա նկատմամբ կալանավորումը որպես խափանման միջոց ընտրելու համար: Երեւանի ընդհանուր իրավասության դատարանը, դատավոր Արմինե Մելիքսեթյանի նախագահությամբ կալանավորելու որոշում կայացնելով, հաստատված է համարել հիմնավոր կասկածն առ այն, որ Ասատրյանն առնչվում է իրեն մեղսագրվող արարքին՝ միաժամանակ հաստատված համարելով կալանավորման՝ քննիչի կողմից ներկայացված հիմքերից միայն մեկը: Թե կոնկրետ որ հիմքի մասին է խոսքը, պաշտպանը չցանկացավ բացահայտել՝ նախաքննության գաղտնիությունից ելնելով, սակայն նշեց, որ իրենց գնահատմամբ՝ կայացվել է անհիմն դատական ակտ: Դրա դեմ այսօր վերաքննիչ բողոք է ներկայացվել:

Մեղադրանքի առաջադրումից առաջ՝ դեռ հունիսի 26-ին, Վանիկ Ասատրյանի բնակարանում խուզարկություն է կատարվել, ինչը եւս պաշտպանն անօրինական է որակում. ըստ նրա՝ տեղի է ունեցել  դատավարական կարգի կոպիտ խախտում. «Խուզարկության թույլտվության մասին դատարանի որոշման մեջ նշված է եղել մի հասցե, սակայն խուզարկությունն իրականացվել է այլ հասցեում. տվյալ պարագայում մենք դա հավասարեցնում ենք առանց դատարանի որոշման խուզարկությանը»: Որոշման մեջ նշված հասցեն, ըստ պաշտպանի, որեւէ կերպ չի առնչվում Վանիկ Ասատրյանի հետ. «Մենք հարցում ենք արել քաղաքապետարան եւ նման բովանդակությամբ տեղեկանք ունենք,  նա երբեք այնտեղ չի բնակվել, ենթադրում ենք՝ այլ անձին պատկանող տուն է»: Խուզարկության արդյունքում առգրավվել են փաստաթղթեր, սակայն դրանց բովանդակությունը եւս պաշտպանը չցանկացավ մանրամասնել, միայն պնդեց՝ ապօրինի քննչական գործողության միջոցով ձեռք բերված ապացույցները որեւէ կերպ չեն կարող դրվել մեղադրանքի հիմքում, քանի որ դա անթույլատրելի է Քրեական դատավարության օրենսգրքի 105-րդ հոդվածի ուժով. «Ամեն դեպքում, մեր կարծիքով՝ նույնիսկ այդ փաստաթղթերը որեւէ առնչություն չեն կարող ունենալ մեղադրանքի հետ»,- ասաց նա:

Մեր հարցին՝ Վանիկ Ասատրյանն առերեսվե՞լ է այս գործով մեղադրյալներ Գագիկ Ծառուկյանի կամ Աբրահամ Մանուկյանի հետ, պաշտպանը բացասական պատասխան տվեց՝ հավելելով, որ առերես հարցաքննություն առհասարակ տեղի չի ունեցել, թեպետ եղել է նրա դեմ ցուցմունք տված անձ. «Մենք միջնորդել էինք, որ գործով անցնող անձանցից մեկի հետ առերեսում կատարվեր, ինչը չի իրականացվել, չնայած, որ մեզ շաբաթ օրը՝ առավոտյան, հրավիրեցին ԱԱԾ, մենք գնացինք, 6 ժամ սպասեցինք, հետո քննիչը հեռախոսազանգով տեղեկացրեց, որ հարցաքննությունը տեղի չի ունենալու»: Ըստ Էմին Բեգլարյանի՝ պատճառն իրենց համար անհասկանալի է, քննիչը չի պարզաբանել, եւ իրենք կարող են ենթադրել, որ եթե առերեսումը տեղի չունեցավ, ապա երկու անձանց ցուցմունքների հակասությունը վերացել է: Հարցին՝ ո՞վ է անձը, որ ցուցմունք է տվել Ասատրանի դեմ, պաշտպանը պատասխանեց, որ նա հանրությանը հայտնի մարդ չէ եւ գործով վկայի կարգավիճակ է ունեցել. այս պահին դա փոխվել է թե ոչ՝ իրեն հայտնի չէ. «Նույնիսկ կալանավորման հարցի քննության ժամանակ ես դատարանին միջնորդեցի, որ քննիչից պահանջի եւ գործի նյութերին կցի այդ անձի կողմից ենթադրաբար տրված նոր ցուցմունքի արձանագրության պատճենը, դատարանը պահանջեց, սակայն քննիչը հրաժարվեց՝ ասելով, որ դա նախաքննական գաղտնիք է, ըստ իս՝ եթե այդ երկրորդ ցուցմունքով եւս մեր դեմ որեւէ հանգամանք հաստատվեր, քննիչը դա եւս կներկայացներ, քանի որ կամրապնդեր իր միջնորդությունը, բայց քանի որ չներկայացրեց, կարող ենք ողջամտորեն ենթադրել, որ այլ բովանդակությամբ է եղել, որը ձեռնտու չի եղել իրենց»,- ասաց պաշտպանը:

Վերջինս համաձայն չէ նաեւ դատախազության այն պնդմանը, որ այս գործի նախաքննությունը կարող է իրականացվել ԱԱԾ քննչական դեպարտամենտում: Ըստ նրա՝ դա ուղղակիորեն հակասում է Քրեական դատավարության օրենսգրքի 190-րդ հոդվածի կարգավորումներին. այն սահմանում է, թե որ տեսակի քրեական գործերը նախաքննական որ մարմնի կողմից պետք է քննվեն: Տվյալ դեպքում նախաքննությունը, ըստ պաշտպանի, պետք է իրականացներ Հատուկ քննչական ծառայությունը. «Սրա վերաբերյալ մենք բավականին ծավալուն ելույթ ենք ունեցել դատարանում՝ մեր դիրքորոշումը հիմնավորող փաստաթղթեր ներկայացնելով. խոսքը վերաբերում է Վճռաբեկ դատարանի մի շարք նախադեպային որոշումներին, ըստ որոնց՝ եթե նույն հարցի վերաբերյալ կարգավորումներ են պարունակում Քրեական դատավարության օրենսգրքի ընդհանուր եւ հատուկ մասերում, ապա կիրառելի են հատուկ մասի նորմերը, մինչդեռ պարզաբանում տալիս դատախազությունը նշեց, որ նախաքննության իրականացումը ԱԱԾ-ին հանձնարարելով՝ գլխավոր դատախազն առաջնորդվել է Քրեական դատավարության 53-րդ հոդվածով, իսկ դա գտնվում է օրենսգրքի ընդհանուր մասում, իրենք հղում էին արել «Իրավական ակտերի մասին» ՀՀ օրենքին եւ ասել, որ քանի որ ընդհանուր մասի դրույթների իրավաբանական ուժը ավելի բարձր է, քան հատուկ մասինը, հետեւաբար իրենք խախտում թույլ չեն տվել, բայց իմ նշած նախադեպային որոշումներով դրան հակասող դիրքորոշում է առկա»: Ըստ պաշտպանի՝ իրենց համար զարմանալի է, որ դատարանն առհասարակ այդ հարցին չանդրադարձավ եւ չնշեց՝ պաշտպանական կողմը ճիշտ էր թե ոչ. «Համենայն դեպս, ես նախկինում ընտրակաշառքի բազմաթիվ գործերի եմ մասնակցել, եւ սա միակ գործն է, որ քննվում է ԱԱԾ-ում, բոլորը ՀՔԾ-ում են քննվել»,- ասաց նա:

Էմին Բեգլարյանն ընդգծեց, որ դատարանը չի անդրադարձել նաեւ այն հանգամանքին, որ Վանիկ Ասատրյանը առողջական խնդիրներ ունի, 64 տարեկան է եւ համավարակի պայմաններում ռիսկային խմբում է. «Վանիկ Ասատրյանը ունի շաքարային դիաբետ, արդեն երկու ամիս է՝ նյարդային համակարգի հիվանդության բուժում է ստանում, կարող եք հատուկ նշել նաեւ, որ երեկ՝ կալանավորման օրը, նա ներարկում է ստացել, «տոկերի» պրոցեդուրա է անցել, եւ մենք սրա վերաբերյալ բոլոր փաստաթղթերը ներկայացրել ենք դատարան»: Ըստ պաշտպանի՝ Ասատրյանը շարժողականության խնդիր էլ ունի, տեղաշարժվում է ձեռնափայտի միջոցով եւ դժվարությամբ, բայց նիստին մասնակցել է, իսկ որոշման հրապարակումից հետո արդեն տեղափոխվել է «Երեւան-Կենտրոն» քրեակատարողական հիմնարկ:

Ըստ պաշտպանի՝ ԱԺ 6-րդ գումարման պատգամավոր Վանիկ Ասատրյանը երբեք «Բարգավաճ Հայաստան» կուսակցության անդամ չի հանդիսացել, եւ այդ մասով եւս մեղադրանքի որոշման մեջ անհստակություններ կան. «Փորձում են մարդուն վերագրել մի արարք, որը նա չի կատարել. 2017 թ ԱԺ ընտրությունների ժամանակ Սպիտակ քաղաքում գործել են 2 շտաբներ, մեկը՝ «Բարգավաճ Հայաստան»-ինն էր, մյուսը՝ Վանիկ Ասատրյանի՝ որպես ռեյտինգային ընտրակարգով թեկնածուի անձնական շտաբը, դրանք նույնացվել չեն կարող»: Նշենք, սակայն, որ ԱԺ պաշտոնական կայքի համաձայն՝ Ասատրյանը ոչ միայն «Ծառուկյան» խմբակցության անդամ է եղել, այլ նաեւ՝ «Բարգավաճ Հայաստան» կուսակցության:

Հավելենք, որ պաշտպանական կողմը գլխավոր դատախազի գործողությունները բողոքարկել է միաժամանակ եւ դատախազին եւ դատարան, բողոք է ներկայացվել նաեւ խուզարկության որոշման դեմ: Դատարանի կողմից դրանք վարույթ ընդունել-չընդունելու վերաբերյալ տեղեկություն պաշտպանը դեռեւս չունի:

Ընտրակաշառքի գործով, հիշեցնենք, կալանավորված է նաեւ նախկին պատգամավոր Աբրահամ Մանուկյանը: Նրան մեղադրանք է առաջադրվել ՀՀ ՔՕ-ի 38-154.2 հոդվածի 2-րդ մասով՝ ընտրակաշառք տալուն օժանդակելու համար: Գործով մյուս մեղադրյալները՝ Գագիկ Ծառուկյանը եւ Վազգեն Պողոսյանը, ազատության մեջ են:

 

 

Տպել
2599 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում