Պետք է նոր խորհրդի կազմավորում և արդեն նոր կառավարման խորհրդով ռեկտորի ընտրությունների անցկացում. ՀՊՏՀ խորհրդի նախագահ

ՀՊՏՀ խորհրդի նախագահը ուղերձով դիմել է խորհրդի անդամներին՝ առաջարկելով ստեղծված իրավիճակի հանգուցալուծման օպտիմալ տարբերակը՝ լավագույն լուծում համարելով հիմնադրամ դառնալը՝ նոր օրինական խորհուրդ կազմելով:
Ուղերձում, մասնավորապես, ասվում է.

ՀՊՏՀ խորհրդի հարգելի՛ անդամներ,
շուրջ 2 տարի է, ինչ Հայաստանի պետական տնտեսագիտական համալսարանում որոշակի լարվածություն կա։
Ինչքան էլ փորձեր ձեռնարկվեն հնարավոր ու անհնարին միջոցներով կոծկել այս փաստը, միևնույնն է, համալսարանի գործունեությամբ մի փոքր հետաքրքրվող անձի համար սա ակնհայտ է։

Համալսարանը, որպես կրթական հաստատություն, ոչ միայն ուսանողների, պրոֆեսորադասախոսական կազմի և ղեկավար մարմինների, այլև դրա շրջանավարտների, պետական կառավարման հատվածի և, ի վերջո, հանրության հետ փոխադարձ հարաբերությունների ամբողջությունն է, ինչպես նաև այս ամենի հետևանք՝ համալսարանի հեղինակությունը։

Եվ հենց այս պատճառով է, որ պարզապես անհնար է թաքցնել այն խնդիրները, որոնք օբյեկտիվորեն առկա են այսօր համալսարանում։
Որևէ կերպ չցանկանալով անձնավորել խնդիրների առաջացման մեղավորներին՝ պետք է նշել, որ նշված ժամանակահատվածում պարբերաբար մամուլում և սոցիալական մեդիայում հայտնվում են տարբեր հրապարակումներ, «բացահայտումներ», հանցագործության վերաբերյալ հաղորդումներ, գաղտնի նամակներ ու պաշտոնական փաստաթղթեր, չհրապարակված որոշումներ, մեղադրանքներ և արդարացումներ, որոնք ակամա իրենց վրա են հրավիրում համալսարանով շահագրգիռ մեծ լսարանի ուշադրությունը։

Այս մթնոլորտը չի կարող ապահովել բուհի բնականոն գործունեությունը, և սա չէ այն ճանապարհը, որը կարող է գոնե պահպանել համալսարանի՝ տարիներ ի վեր գրանցած հաջողությունները և ուսանողներին մատուցել որակյալ և պահանջարկված կրթություն:

Ես՝ որպես ՀՊՏՀ կառավարման խորհրդի նախագահ, բազմիցս փորձել եմ միջամտել այս իրավիճակին և լինելով համալսարանի ներկայով և ապագայով ամենամտահոգ և շահագրգիռ մարդկանցից մեկը՝ հանդես չեմ եկել ներգրավված կողմերից որևէ մեկի դիրքերից։ Ցավով պետք է նշեմ, որ ՀՊՏՀ կառավարման խորհուրդը և դրա նախագահը օրենսդրորեն չունեն լիազորություններ իրենց ձեռքը վերցնելու ստեղծված անթույլատրելի իրավիճակի կառավարումը և նախաձեռնել իրավիճակի բարելավման գործողություններ, առավել ևս՝ միջամտելու բուհի ներքին կյանքին և ռեկտորատ-նախարարություն հարաբերություններին։

Իհարկե «միջամտությունը» կարող է լինել գործընկերային և բարոյական հարթությունում, ինչը ենթադրում է՝ խնդրելու, առաջարկելու, հորդորելու տրամաբանությունը։ Սակայն առ այսօր, չնայած բազմաթիվ նմանատիպ փորձերին, նշված մոտեցումները չեն աշխատել և տվել են փոքրիկ ժամանակային լուծումներ, որից հետո խնդիրները էլ ավելի մեծ սրությամբ են արտահայտվել՝ համեմված լինելով նոր փաստերի ի հայտ գալով։

Համալսարանի գործունեության արդյունավետության բարձրացման և հանրապետությունում բարձրագույն կրթության ոլորտում բարեփոխումների իրականացման տեսանկյունից մեկ անգամ չէ, որ քննարկվել է համալսարանի կազմակերպաիրավական ձևի փոփոխությունը՝ ՊՈԱԿ-ից անցում կատարելով հիմնադրամի։ Եվ սրանից շուրջ մեկ տարի առաջ ՀՊՏՀ-ի կառավարման խորհուրդը հիանալի հնարավորություն տեսավ բուհի կազմակերպաիրավական ձևի փոփոխության համատեքստում լուծել նաև առկա կառավարման խնդիրներն ու բարելավել բարոյահոգեբանական մթնոլորտը՝ ձևավորելով նոր կառավարման խորհուրդ և նոր ընթացակարգով ընտրելով ռեկտոր։ Այս մասով ՀՊՏՀ կառավարման խորհուրդը, անմիջականորեն ինձ է հանձնարարել զբաղվելու նշված գործընթացներով, ինչի արդյունքում և կազմվեց համալսարանի կանոնադրության նոր նախագիծ, որի վրա լուրջ աշխատանք է կատարվել։ Իսկ խորհրդում ներկայացված են բոլոր շահառուների (ուսանողներ, դասախոսներ, կառավարություն, նախարարություն) ներկայացուցիչներ, որոնք միաձայն հավանություն են տվել նոր կանոնադրությանը, որով նախատեսվում էր համալսարանը վերակազմավորել հիմնադրամի:

Մշակված նախագիծը, ինչպես կարգն է, պաշտոնապես ներկայացվել է ՀՀ ԿԳՄՍ նախարարին՝ գործընթացը սկսելու ակնկալիքով։ Նշեմ, որ առ այսօր ՀՊՏՀ խորհուրդը այդ նամակի պատասխանը չի ստացել։ Հասկանալի է, որ նախարարությունը լինելով մի քանի ոլորտների անմիջական համակարգող և պատասխանատու, միգուցե ժամանակ չի ունեցել ըստ պատշաճի անդրադառնալու առաջարկվող փոփոխություններին։ Սակայն փաստ է նաև այն, որ այդ ընթացքում մամուլում և սոցիալական մեդիայում հայտնվում է ՀՊՏՀ ռեկտորի ժամանակավոր պաշտոնակատարի և ԿԳՄՍ նախարարի միջև Խորհրդից գաղտնի նամակագրության անառարկելի ապացույցներ՝ համալսարանի կազմակերպաիրավական ձևի փոփոխության գործընթացը կասեցնելու խնդրանքի մասին։ Ընդ որում, այդ նամակագրության մասին ՀՊՏՀ կառավարման խորհուրդը, այդ թվում՝ նաև ես, տեղեկանում են ոչ թե ռեկտորի ժամանակավոր պաշտոնակատարից, այլ հենց մամուլից։ Եվ հարցմանը, թե որն է պատճառը, որ այսքան ջանքեր խլած գործընթացը կասեցվել է, հնչում է պատասխան, որ նախարարությունը այդ իրավունքը ունի. այսքանը՝ առանց որևէ լրացուցիչ պարզաբանման։

Մի պահ կարող է թվալ, թե ես այդքան էլ շահագրգռված չեմ համալսարանի կազմակերպաիրավական ձևի փոփոխության հարցում, քանի որ անհայտ է՝ արդյոք ես կլինեմ նոր ձևավորված խորհրդում կամ կառաջադրվեմ որպես խորհրդի նախագահ։ Սակայն ցանկանում եմ հստակորեն ամրագրել, որ ՀՊՏՀ-ի՝ հիմնադրամ դառնալու ջատագովներից առաջինը ես եմ և որևէ կերպ չեմ դողում այս պաշտոնը ամեն գնով պահելու համար։ Ընդհակառակը, ես սրտացավ եմ բուհի հեղինակության համար։ Եվ եթե իմ՝ կառավարման խորհրդից և նախագահությունից դուրս գալը կօգնի ՀՊՏՀ-ի հեղինակության բարձրացմանը, ապա պատրաստ եմ հենց վաղը ներկայացնել իմ հրաժարականը։

ատկանշական է, որ ռեկտորի վերջին երկու պաշտոնակատարների վերաբերյալ, որոնք հանրության շրջանում ընկալվում են հաջորդ ռեկտորի ընտրություններում հավանական թեկնածուներ, եղան հրապարակումներ և գործընթացներ ակադեմիական աշխատանքներում տեղ գտած թերությունների, հնարավոր ֆինանսական խախտումների, ԿԳՄՍ նախարարության բարձրաստիճան պաշտոնյաների հետ ունեցած անձնական կապերի մասին և այլն։ Ցավալին այն է, որ այս մթնոլորտում և իրավիճակում ՀՊՏՀ-ն գնում է նոր ռեկտորի ընտրությունների։

Ամենևին զարմանալի չէ, որ ՀՊՏՀ կառավարման խորհրդի հեղինակավոր անդամներ այս ընթացքում հրաժարվեցին իրենց պաշտոններից։ Չնայած իրենց նամակներում վերջիններս որպես հիմնական պատճառ նշում էին իրենց աշխատանքային զբաղվածությունը (և ես որևէ կերպ կասկածի տակ չեմ դրում դա)՝ այնուամենայնիվ կարելի է եզրակացնել, որ առկա այս ողջ իրավիճակը չէր կարող իր բացասական դերակատարումը չունենալ։ Արդյունքում ՀՊՏՀ խորհուրդը կորցրեց ցանկալի մարդկանց։ Սա ամենևին չի խոսում համալսարանի կառավարման արդյունավետության մասին, ինչը խիստ մտահոգիչ է։

Անհրաժեշտ է փաստել, որ այսօր որոշակի խնդիրներ կան ՀՊՏՀ կառավարման խորհրդի որոշ անդամների իրավական կարգավիճակի մասով։ Օրինակ, բազմիցս քննարկվել է, սակայն դեռ չի լուծվել Ուսանողական խորհուրդների կանոնադրության հաստատված չլինելու խնդիրը, որը հենց նախարարությունն էր դեռևս 1.5 տարի առաջ արձանագրում և խոստանում լուծել: Խնդիրներ կան նաև պետական պաշտոնյաների անդամակցության հետ կապված: Սա մեծապես վտանգում է ՀՊՏՀ այս խորհրդով անցկացված ռեկտորի սպասվող ընտրությունների լեգիտիմությունը։ Եվ համոզված եմ, որ գործընթացներ լինելու են։ Բացառված չէ, որ այս իրավիճակը չհարթելու դեպքում ևս լինեն մարդիկ, այդ թվում ես, որ պարզապես հրաժարվեն գործող խորհրդում անդամ լինելուց։

Ստեղծված իրավիճակի լուծումը ՀՊՏՀ կազմակերպաիրավական իրավիճակի փոփոխությունը կյանքի կոչելն է, հետևաբար և՝ նոր խորհրդի կազմավորումը և արդեն նոր և ոչ խնդրահարույց կառավարման խորհրդով ռեկտորի ընտրությունների անցկացումը։ Սա է իմ պատկերացրած լավագույն ճանապարհը առկա խնդիրները լուծելու և լարվածությունը մեկընդմիշտ թուլացնելու համար։

Ցավոք, նման ճանապարհը ընտրելու վերաբերյալ քաղաքական որոշումը ես կամ կառավարման խորհուրդը չի կայացնում, ուստի ունենք այն, ինչ ունենք։
Լիահույս եմ, որ շուտափույթ կերպով կհաղթահարվի այս իրավիճակը, և անձնական նկրտումները կստորադասվեն համալսարանի շահին և պետականամետ մտածելակերպին։

Խորհրդի նախագահ՝

Վահան Մովսիսյան

Տպել
1085 դիտում

Տիգրան Ավինյանն այսօր եղել է Սև լճում

Բանակցությունները կշարունակվեն վաղը.ադրբեջանական կողմին կրկին առաջարկվել է առանց նախապայմանի վերադառնալ ելման դիրքեր.ՊՆ

Հայաստանի՝ ՀԱՊԿ-ին դիմելը Բաքուն որակել է որպես սահմանային իրավիճակի քաղաքականացում

Պետությունն աջակցում է ամուսին չունեցող կանանց մայրանալ. նախկինում նրանք ասոցացվում էին անառակի հետ, այսօր պատկերը այլ է

ՀԱԹ Բ2 թաղամասի բարձրահարկի հրդեհը մարվել է

Արա Այվազյանը հեռախոսազրույցներ է ունեցել ՀԱՊԿ ԱԳ նախարարների խորհրդի նախագահի և Ստանիսլավ Զասի հետ

Օրը 2 անգամ ջուրը նմուշառվում է. ՄԻՊ փաստահավաք աշխատանքների արդյունքները Վերին Շորժայում և հարակից սարատեղիներում

Ճանաչողական այցով Գյումրիում է դեսպան Ջոն Պատրիկ Գալագերին

ՀՀ-ում ստեղծված իրավիճակը ՀԱՊԿ-ի համար աննախադեպ փորձություն է և իմիջային հարց, որպես միջազգային անվտանգային կառույց. ԱԽ

Կկայանա Երվանդ Երկանյանի Թիվ 7 սիմֆոնիայի պրեմիերան. Սիմֆոնիկը հրավիրում է համերգի

Ասկերանի Իվանյան համայնքում ճաշարան է հրդեհվել

30-ամյա հետախուզվողը բերման է ենթարկվել

Իտալացի սենատորը հորդորել է ԱԳ նախարարին արձագանքել ՀՀ պետական սահմանն ադրբեջանցիների կողմից խախտելու փաստին.«Արմենպրես»

«Ակունքից՝ տիեզերք». ժողովրդական արվեստների թանգարանը կներկայանա նոր ցուցանմուշներով

Հայաստանը կլիմայի փոփոխության հետևանքների նկատմամբ խիստ խոցելի երկիր է (տեսանյութ)

Արա Այվազյանն ու Քուբադ Թալաբանին տարածաշրջանային և միջազգային օրակարգային հրատապ հարցեր են քննարկել

Թանգարանային գիշեր. հրավիրում է Հայաստանի բնության պետական թանգարանը

Վահան Քերոբյանը Դիլիջանում մասնակցում է «Հայաստանը՝ որպես արդի արդյունաբերական և գիտահեն պետություն» ֆորումին

Հայաստանի նկատմամբ ադրբեջանական սադրանքը պետք է դադարեցվի զորքերի անհապաղ դուրսբերմամբ. իտալացի պատգամավոր.«Արմենպրես»

Վահան Քերոբյանը Գյումրիում մասնակցեց «Դիստրիկտ» էկոթաղամասի հիմնադրման մեկնարկին

Հրդեհ Երևանի ՀԱԹ Բ2 թաղամասում. հայտարարվել է հրդեհի բարդության «1 ԲԻՍ» կանչ

Շրջանների զգալի մասում սպասվում է կարճատև անձրև և ամպրոպ, առանձին հատվածներում՝ նաև կարկուտ

ՀՀԿ-ն և «Հայրենիքը» հուշագիր են ստորագրել. Սերժ Սարգսյանը նորաստեղծ դաշինքի ցուցակում չի լինի

Սյունիքում երեկ կատարվածի փաստով հարուցված քր. գործով կա 1 ձերբակալված, հարցաքննվել են մի շարք անձինք. Քննչական կոմիտե

Սպանության մեղադրանքով հետախուզվողները հայտնաբերվել են Պռոշյան գյուղում (տեսանյութ)

Արցախում ընթացքի մեջ է կորոնավիրուսի դեմ պատվաստման գործընթացը

Մհեր Գրիգորյանն Իրաքյան Քուրդիստանի փոխվարչապետին է ներկայացրել ԵԱՏՄ շուկայի բիզնես գործունեության առավելությունները

Ատոմակայանի աշխատանքը կանգնեցվեց. այն չի աշխատի 141 օր

Պատերազմից հետո 38-ամյա քաղաքացին յուրացրել է ՊՆ-ին պատկանող «ՈՒԱԶ»-ը

Մինչև 1 տարեկան երեխաների համար ՀՀ մուտք գործելիս ՊՇՌ թեստավորման պահանջը հանվել է

Հայաստանի Հանրապետությունը վճռական է բոլոր միջոցները ձեռնարկել՝ ապահովելու իր տարածքային ամբողջականությունը. ԱԳՆ

Մենք խաղաղ էինք մեր լեռների պես, Դուք հողմերի պես խուժեցիք վայրագ. Ջոնաթան Լաքոթը հայերենով Շիրազ է հրապարակել

Մեղրի-Քաջարան ճանապարհահատվածը դարձել է միակողմանի անցանելի. իրականացվում է մաքրման աշխատանք

«Ի սեր հայ ու հայկականի». Գյումրիում անցկացվեց «Շիրակի էսքիզներ» հանրապետական պարային մրցույթ-փառատոնը (լուսանկարներ)

Սևանի ՃՈ անշարժ պահակակետի հարակից տարածքում հետախուզվող է հայտնաբերվել

Արցախում կորոնավիրուսի 4 նոր դեպք է հաստատվել. ստացիոնար բուժում է ստանում 30 վարակակիր

Սյունիքում երեկվա ակցիայի մասնակից 8 անձ է բերման ենթարկվել. կա ձերբակալված

Խոշոր քարաթափում հայ-իրանական սահմանի Մեղրիի լեռնանցքի հատվածում. ճանապարհահատվածը երկկողմանի փակ է

Հաստատվել է կորոնավիրուսային հիվանդության 282 նոր դեպք. առողջացել է 636, մահացել՝ 13 մարդ

ԱԻ նախարարի պաշտոնակատար Անդրանիկ Փիլոյանը Մոսկվայում հանդիպել է ՌԴ և Բելառուսի ԱԻ ղեկավարների հետ (տեսանյութ)