«Հովիկ Աբրահամյանի՝ գործարանի սեփականատեր հանդիսանալու ժամանակ կեղծիք է արվել». փաստաբանը հաղորդում է ներկայացրել

Մայր եւ դուստր Գոհար Սարգսյանն ու Մանե Մուրադյանը պնդում են, որ սեփականությամբ իրենց պատկանող գույքը ընտանիքի հոր՝ Գեւորգ Մուրադյանի մահից հետո հափշտակվել է: Խոսքը Արտաշատի գինու-կոնյակի գործարանի բաժնետոմսերի մասին է: Նշենք՝ մամուլը բազմիցս գրել է, որ գործարանը երկար տարիներ պատկանել է ՀՀ նախկին վարչապետ Հովիկ Աբրահամյանի ընտանիքին:

Փաստաբան Մասիս Մելքոնյանը ՀԺ-ի հետ զրույցում պատմեց, որ ընտանիքի հայրը՝ Գեւորգ Մուրադյանը, դեռեւս 1995թ. 660 հազար դրամով ձեռք է բերել «Արտաշատի գինու-կոնյակի գործարան» ԲԲԸ-ի անվանական 66 արժեթղթեր: 2004թ. Մուրադյանը մահացել է, եւ նրա ընտանիքը, սեփականության վերաբերյալ փաստաթղթեր ձեռքի տակ չունենալով, չի կարողացել որեւէ քայլ ձեռնարկել ժառանգության ստացման համար: Ըստ փաստաբանի՝ միայն տարիներ անց՝ 2012թ. է ընտանիքը տնից գտել արժեթղթերի սեփականության բնօրինակ փաստաթղթերը եւ փորձել վերականգնել իրենց իրավունքները. «Բաժնետիրական ընկերությունների մասին այն ժամանակ գործող օրենքով բաժնետերերի, սեփականատերերի ռեեստրները վարելու պարտականությունը կրում էր գործարանը, որը, սակայն, պնդում է, թե Գեւորգ Մուրադյան անունով բաժնետեր իրենց գրանցամատյանում առկա չէ: 2009 թվականին, երբ գործարանը պայմանագիր է կնքել ՀՀ կենտրոնական դեպոզիտարիայի հետ եւ տեղեկատվությունը փոխանցել նրանց, դարձյալ Գեւորգ Մուրադյանի մասին տեղեկություն չի եղել»: Փաստաբանի կարծիքով՝ կեղծիքի միջոցով նրա անունը դուրս է թողնվել:

Դեռ 2013թ. Մուրադյանի դուստրը՝ Մանե Մուրադյանը, քաղաքացիական հայց է ներկայացրել Արարատի եւ Վայոց ձորի ընդհանուր իրավասության դատարան սեփականության վերականգնման պահանջով, որը, սակայն, մերժվել է: Դատարանը հիմք է ընդունել «Հայաստանի կենտրոնական դեպոզիտարիա»-ից ստացված գրությունները, ըստ որոնց՝ Գեւորգ Մուրադյանը չի հանդիսացել «Արտաշատի գինու-կոնյակի գործարան» ՓԲԸ-ի կողմից թողարկված բաժնետոմսերի սեփականատեր, իսկ գործարանի՝ գրանցված սեփականատերերի 2013թ. ցուցակի համաձայն՝ ընկերության արժեթղթերի տեսակը բաղկացած է եղել 15.648 հատ հասարակ անվանական բաժնետոմսերից, որոնց 100 տոկոսանոց սեփականատերն է հանդիսացել Միխայիլ Սամոդելկինը. «Նման պայմաններում դատարանը չի բացառում նաեւ, որ մինչեւ 2004 թվականը հանգուցյալ Գեւորգ Մուրադյանի կողմից օտարված լինեն իր անվանական բաժնետոմսերը, կամ դրանց փոխարեն վերջինս փոխհատուցում ստացած լինի»,- վճռել է դատարանը: Մելքոնյանի խոսքով, սակայն, եթե սեփականության փաստաթղթի բնօրինակը իրենց մոտ է, ապա արժեթղթերը օտարված լինել չեն կարող:

Դատարանի վճիռը հայցվոր կողմը բողոքարկել է Վերաքննիչ, հետագայում նաեւ՝ Վճռաբեկ դատարան: Վերջինս 2014թ. այն բավարարել է մասնակի՝ հետ ուղարկելով Առաջին ատյանի դատարան՝ նոր քննության: Դատարանը գտել է, որ երկու ատյաններն էլ խախտում են թույլ տվել ապացուցման բեռը բաշխելիս եւ անտեսել են այն հանգամանքը, որ բաժնետերերի վարման եւ պահպանման պարտականությունը կրել է տվյալ ընկերությունը. «Հետեւաբար ինչպես Գեւորգ Մուրադյանը, այնպես էլ նրա իրավահաջորդը, օբյեկտիվորեն չէին կարող տիրապետել այդ տեղեկատվական համակարգի մեջ մտնող որեւէ տվյալի եւ այն ներկայացնել դատարան»,- ասված է Վճռաբեկ դատարանի որոշման մեջ: Սակայն նոր քննության արդյունքում 2015 թվականին հայցը դարձյալ մերժվել է՝ հիմնավորմամբ, որ գործում առկա չէ որեւէ ապացույց, որը կհաստատեր, որ վերը նշված անվանական բաժնետոմսերի նկատմամբ օրենքով սահմանված կարգով ծագել է հանգուցյալ Գեւորգ Մուրադյանի սեփականության իրավունքը: Մեր հարցին՝ արդյոք ընտանիքի կողմից հայտնաբերված սեփականության փաստաթղթերը դատարանին չե՞ն ներկայացվել, փաստաբան Մասիս Մելքոնյանը պատասխանեց, որ ներկայացվել են, սակայն դրանց վերաբերյալ հետեւություններ չեն արվել. «Դատարանը գտել է, որ արժեթղթերի առկայությունը հիմնավորվում է միայն այն դեպքում, երբ դրանք պատշաճ կարգով գրանցվում են համապատասխան մատյաններում»:

Արդեն այս տարի՝ 2020 թվականին, ենթադրյալ կեղծիքի վերաբերյալ փաստաբանը հանցագործության մասին հաղորդում է ներկայացրել դատախազությանը, որը այն ուղարկել է Արտաշատի ոստիկանություն. «Ոստիկանությունը շատ անորակ նյութեր նախապատրաստեց, մենք բացատրություն տվեցինք, ես տեսուչին էլ ասացի, որ հնարավոր տեղեկությունները կարող են ստանալ ինչպես պետական ռեգիստրից, այնպես էլ՝ գործարանից, սակայն տեսուչը պարզապես զանգահարեց, զրուցեց ռեգիստրի համապատասխան աշխատակցի հետ, ինչ-որ հարցեր տվեց, նա էլ ասաց՝ ձեզ հետաքրքրող տեղեկություններ չունենք, եւ այդպիսով մերժեց քրեական գործի հարուցումը հանցադեպի բացակայության հիմքով»:

Դրանից հետո՝ հունիսի 2-ին, Մասիս Մելքոնյանը փաստաբանական հարցում է կատարել Իրավաբանական անձանց պետական ռեգիստր եւ Արտաշատի գրասենյակում փաստաթղթեր ուսումնասիրելով՝ հայտնաբերել գործարանի տնօրեն Հ. Պապիկյանի անվամբ կազմված սեփականատերերի՝ ռեեստրների թղթային մատյանների՝ 2010թ. քաղվածքը, ըստ որի՝ գործարանի առաջին բաժնետերը եղել է ՀՀ նախկին վարչապետ Հովիկ Աբրահամյանը՝ 15 հազարից ավելի արժեթղթերով, իսկ երկրորդը՝ Գեւորգ Մուրադյանը՝ 66 արժեթղթով. «Այդ տարիներին փոխել են ընկերության գործունեության իրավաբանական ձեւը՝ ԲԲԸ-ից դարձնելով ՓԲԸ, եւ, ըստ այդ ժամանակ գործող օրենքի, ՓԲԸ-ն պետք է ունենար 23-ից ոչ ավելի սեփականատեր, այսինքն՝ իրենք պետական ռեգիստր են ներկայացրել փաստաթուղթ 23 սեփականատերերի մասին, որի մեջ եղել է նաեւ Մուրադյանը»: Ըստ փաստաբանի՝ այն փաստը, որը, դատարանների պնդմամբ չկար, ինքը գտել է. «Հիմա մենք պնդում ենք, որ կեղծիք է եղել, եւ, ըստ մեզ, եղել է 1995-2009թթ., երբ գործարանի փաստացի տերը հանդիսացել է նախկին վարչապետ Հովիկ Աբրահամյանը, նրա ընտանիքը. երբ 2001թ. ընդունվեց օրենքը, ըստ որի՝ ԱԺ պատգամավորները չեն կարող զբաղվել ձեռնարկատիրությամբ, ինքն այն փոխանցեց իր եղբորը, բայց փաստացի պատկանել է իրենց ընտանիքին»:

Ոստիկանության որոշումը չպատճառաբանված որակելով՝ Մելքոնյանը այն բողոքարկել է հսկող դատախազին. դրա վերաբերյալ որոշում դեռեւս չկա. «Սեփականության իրավունքը մարդու հիմնարար իրավունքներից է, եւ դա ցանկացած եղանակով խախտելը սահմանադրական իրավունքի կոպիտ խախտում է. մարդկանց ուղղակի ունեզրկել են աճպարարությունների միջոցով, իսկ դատարանները իրենց աբսուրդ որոշումներով վերջնականորեն զրկել են նրանց սեփականության իրավունքից»,- ասաց Մելքոնյանը:

Նշենք, որ առաջին անգամը չէ, երբ Հովիկ Աբրահամյանի անունը շոշափվում է բաժնեմասերի հետ կապված վեճերում. Ազգային ժողովի նախկին պատգամավոր Գեւորգ Գեւորգյանը հեղափոխությունից հետո հաղորդում էր ներկայացրել իր բիզնեսը խլելու վերաբերյալ: Ըստ Գեւորգյանի՝ 2008 թվականին Հովիկ Աբրահամյանը իրեն կանչել է եւ ասել, որ իր հիմնադրած «Ավազահատիկ» ՍՊԸ-ի բաժնեմասերի 60 տոկոսը պետք է տա իրենց. 30 տոկոսը՝ իրեն, մյուս 30 տոկոսը՝ նախկին ոստիկանապետ Ալիկ Սարգսյանին: Հաղորդման հիման վրա հարուցվել է քրեական գործ պաշտոնեական լիազորություններն անցնելու ու խարդախություն կատարելու դեպքի առթիվ:

Լուսանկարում՝ փաստաբան Մասիս Մելքոնյանը

Տպել
3417 դիտում

«Պատերազմից հետո ինձ ֆիլմ հետ բերեց մաեստրո Մանսուրյանը»․ տեղի ունեցավ երկար սպասված «Զուլալիի» պրեմիերան

Բյուրեղավան համայնքում ավարտվել են ներհամայնքային ճանապարհների կապիտալ ասֆալտապատման աշխատանքները

ՅՈՒՆԻՍԵՖ-ն Արմավիրի առողջության առաջնային պահպանման կենտրոնների համար բժշկական սաքավորումներ է տրամադրել

ՔՈՎԻԴ-19-ի դեմ պատվաստված անձինք 12 անգամ ավելի քիչ են հոսպիտալացվում․ ԱՄՆ-ում իրականացված հետազոտություն

Արման Եղոյանը ԵՄ Թվինինգ ծրագրի շրջանակներում հանդիպումներ է ունեցել Իտալիայի խորհրդարանի գործընկերների հետ

Կարմիր Կատար լեռը ներառվեց բնության հուշարձանների ցանկում

Մեղրաշատ գյուղում այրվել է մոտ 40 հա խոտածածկույթ

Ես չեմ տեսնում պետականամետ ընդդիմություն, նրանք ավելի շատ ռևանշիստներ են, մուռ հանողներ, վրեժ լուծողներ․ Մհեր Արմենիա

Եվրամիությունն աջակցում է տարածաշրջանում խաղաղության ամրապնդմանը․ Արշակ Կարապետյանն ընդունել է Տոյվո Կլաարին

Ալեն Սիմոնյանը Աթենքում հանդիպել է ԵԱՀԿ խորհրդարանական վեհաժողովի նախագահ Մարգարետա Սեդերֆելթի հետ

Ֆրանսիայի Սենատի փոխնախագահն Ալեն Սիմոնյանին է փոխանցել Սենատի նախագահի հրավերը՝ այց կատարելու Ֆրանսիա

Ռուստամ Բադասյանը և Իրանի մաքսային ծառայության ղեկավարը կարևորել են Մեղրիի սահմանային անցակետի արդիականացումը

Կորոնավիրուսից մահացել է Տիգրան Կարապետյանը

Տրամադրվել է առաջին լիցենզիան՝ Տիեզերական գործունեություն իրականացնելու համար

Ալեն Սիմոնյանը բարձր է գնահատել Սլովենիայի հավասարակշռված մոտեցումը ԼՂ հիմնահարցում

Բադասյանը և Ռուսլան Դավիդովն արձանագրություն են ստորագրել. կարդիականացվի մաքսային ոլորտի իրավապայմանագրային դաշտը

Միրզոյանը և ԱՄՆ պետքարտուղարի եվրոպական և եվրասիական հարցերով տեղակալը քննարկել են տարածաշրջանային անվտանգության հարցեր

Մեկ բնակարան, մեկ հողամաս և մեկ մեքենա. ինչ ունեցվածք ունի Շիրակի մարզպետը

Արտակարգ դեպք Արմավիրի մարզում. 19-ամյա զինվորը տեղափոխվել է հիվանդանոց. shamshyan.com

Սկսում ենք կրկնակի դիպլոմների շնորհման գործընթացը․ Հայաստանի եվրոպական համալսարանը նշում է հիմնադրման 20-ամյակը

ՀՀ քաղաքացիություն ստանալու դիմումների քննարկման ժամկետը 6 ամսվա փոխարեն կսահմանվի 90 աշխատանքային օր. ԱԺ (լուսանկարներ)

ՔՊ-ն հեղափոխական իր ամենակարևոր խոստումը պահել է՝ մենք ընտրությունները թողնում ենք ժողովրդին. Արմավիրի համայնքապետ

Արշակ Կարապետյանը ՆԱՏՕ-ի ներկայացուցչի հետ հանդիպմանը նշել է 44-օրյա պատերազմում ՆԱՏՕ-ի անդամ երկիր Թուրքիայի դերի մասին

Շվեյցարիան աջակցում է ՀՀ-ի հակակոռուպցիոն ջանքերին․ նախարարն ընդունել է Շվեյցարիայի Գործերի ժամանակավոր հավատարմատարին

Արարատ Միրզոյանը Տոյվո Կլաարի հետ քննարկել է տարածաշրջանային անվտանգության ու կայունության հարցերը (լուսանկարներ)

Տարածաշրջանում կան խնդիրներ, որոնք սպասում են իրենց լուծմանը․ վարչապետն ընդունել է Խավիեր Կոլոմինա Պիրիսին

ԱԺ նախագահը ԵԽ գլխավոր քարտուղարի հետ զրույցում անդրադարձել է Ադրբեջանի կողմից ռազմագերիներին պատանդության մեջ պահելուն

Բարեկամական կապերի խորացման գործում իր ներդրումն ունի Ֆրանսիայի հայկական համայնքը․ կաթողիկոսն ընդունել է Անն Լույոյին

Միրաք գյուղում այրվել է մոտ 660 հակ կուտակած անասնակեր

ԵՄ-ն հանձնառու է խորացնելու գործընկերությունը ՀՀ-ի հետ. վարչապետն ընդունել է ԵՄ հատուկ ներկայացուցչին (լուսանկարներ)

Հայաստանը համարվում է Հյուսիսատլանտյան դաշինքի վստահելի գործընկերը․ Արարատ Միրզոյանն ընդունել է Խավիեր Կոլոմինա Պիրիսին

Մուշեղ Բաբայանը նշանակվել է Հակակոռուպցիոն կոմիտեի նախագահի տեղակալի պաշտոնակատար

Սպանության փորձ մոր նկատմամբ. 56-ամյա գյումրեցին, մորը հատակին գցելով, ձեռքից վերցրել է ձեռնափայտը և հարվածել. ՔԿ

Քրեակատարողական նոր օրենսգրքի նախագծի հանրային քննարկմանը ԱՄՆ դեսպանատան ներկայացուցիչները ևս մասնակցել են

Օրակարգում Հայաստանում ռուսական դպրոցներ բացելու հարց չկա. Դումանյան

Զորամասերից մեկը մարտավարական զորավարժություն է անցկացրել (լուսանկարներ)

5 կողմ, 4 ձեռնպահ. ԱԺ հանձնաժողովը հավանություն տվեց հունվարի 2-5-ը և 7-ը աշխատանքային դարձնելու նախագծին

Հայաստան է ժամանել Լեհաստանի Մրցակցության և սպառողների շահերի պաշտպանության գրասենյակի երկրորդ պատվիրակությունը

996 ուսուցչից 468-ն է անցել կամավոր ատեստավորումը. ամենաբարձրը մաթեմատիկա առարկայի արդյունքներն են

ՆԱՏՕ-ն արժևորում է Հայաստանի հետ համագործակցությունը. Խավիեր Կոլոմինա Պիրիզը ՀՀ նախագահին (լուսանկարներ)