Ես ՀՔԾ պետին չեմ վիրավորել, պարզապես իրերը կոչել եմ իրենց անուններով. Ալեքսանդր Ազարյան

«Ես ՀՔԾ պետին չեմ վիրավորել, պարզապես իրերը կոչել եմ իրենց անուններով»:

Այս մասին այսօր հայտարարեց Վերաքննիչ քրեական դատարանի դատավոր Ալեքսանդր Ազարյանը, ում նկատմամբ արդարադատության նախարարությունը կարգապահական վարույթ է հարուցել՝ բավարարելով ՀՔԾ պետ Սասուն Խաչատրյանի միջնորդությունը եւ համարելով, որ դատավորը նրա նկատմամբ անհարգալից վերաբերմունք է ցուցաբերել եւ վիրավորական արտահայտություններ արել:

Իր ելույթը սկսելով՝ Ազարյանը նախ նշեց, որ իր նկատմամբ կարգապահական վարույթ հարուցելու համար հիմք է հանդիսացել ՀՔԾ պետի բազմածավալ՝ 10 էջից բաղկացած հաղորդումը, որից 2 նախադասությունից բաղկացած ընդամենը մեկ պարբերություն է տեղ գտել կարգապահական վարույթ հարուցելու որոշման մեջ: Խոսքը հետեւյալ պարբերության մասին է. «Դատավորը 05.03.2020թ. հրապարակել է քննիչի ինքնաբացարկի միջնորդությունը քննության առնելու վերաբերյալ որոշման եզրափակիչ մասը, որից հետո սկսել է մեկնաբանել որոշումը, մասնավորապես՝ նախ նշել է, որ նախկինում 8 դատական ակտեր է կայացրել ՀՔԾ-ին հակառակ, ինչն արդյունք է քննչական ծառայության վատ աշխատանքի, այնուհետեւ դատավորը սկսել է վիրավորական արտահայտություններ անել պաշտոնատար անձանց հասցեին՝ նշելով, որ դատարանը հույս ուներ, որ քննիչը չէր իջնի քննչական ծառայության պետի մակարդակին՝ վիճարկելով օրինական ուժի մեջ մտած դատական ակտերը»: Ընթերցելով այս պարբերությունը՝ Ալեքսանդր Ազարյանն ասաց, որ այն ամբողջությամբ իրականությանը չի համապատասխանում:

Ըստ Ազարյանի՝ ուսումնասիրելով ՀՔԾ պետի միջնորդությունը՝ կարելի է նկատել, որ դրանում բացակայում է հիշյալ պարբերությունը, եւ 2020թ. մարտի 5-ի նիստի իրադարձությունները ներկայացված են իրականությանը համապատասխան. «Պարոն նախարարն ասաց, որ իմ նկատմամբ վարույթ հարուցելու օրվա դրությամբ ծանոթ է եղել դատական նիստի արձանագրությանը, ինձ մոտ հարց առաջացավ, որն ուղղեցի պարոն նախարարին, եւ որը մնաց անպատասխան. ինչո՞ւ ձեռքի տակ ունենալով ՀՔԾ պետի հաղորդումը եւ 2020թ. մարտի 5-ի ձայնագրությունը, իմ նկատմամբ վարույթ հարուցելու որոշմամբ նախապատվությունը տվել է պետի հաղորդման մեջ եւ իրականությանը չհամապատասխանող տվյալների»: Ազարյանի խոսքով՝ միայն դրանից հետո ԲԴԽ-ին ուղղված իր միջնորդությամբ նախարարը նշել է իրականությունը. «Սա վկայում է այն մասին, որ վարույթ հարուցելու դրությամբ, այնուամենայնիվ, նախարարը դատական նիստին ծանոթ չի եղել եւ վստահել է ՀՔԾ պետին, իսկ այն, որ պետը իմ նկատմամբ հաղորդում ներկայացնելու պահի դրությամբ մարտի 5-ի դատական նիստի ձայնագրությանը ծանոթ չի եղել, կասկած չի հարուցում. համոզվելու համար բավական է ունկնդրել նիստի ձայնագրությունը»:

Ըստ Ազարյանի՝ հատկանշական է, որ այդ պարբերությունը, որը իրականությանը չի համապատասխանում եւ տեղ է գտել ՀՔԾ հաղորդման մեջ, բառացի եւ տառացի արտատպված է իրեն ինքնաբացարկ հայտնելու մասին դատախազի միջնորդությունից. «Ստացվում է, որ ՀՔԾ պետը վստահել է դատախազին, իսկ պարոն նախարաը՝ ՀՔԾ պետին»:

Անդրադառնալով ՀՔԾ պետ Սասուն Խաչատրյանի վերաբերյալ ունեցած իր կարծիքին՝ Ալեքսանդր Ազարյանն ասաց. «Քննիչի կողմից ինձ ինքնաբացարկի միջնորդություն է ներկայացվել այն հիմքով, որ ես կանխակալ վերաբերմունք ունեմ ՀՔԾ-ի նկատմամբ, քանի որ կայացրել եմ ծառայությանը հակառակ 8 որոշում, մերժելու մասին որոշման էությունը պարզաբանելիս ես նշել եմ, որ, այո՛, նախկինում կայացրել եմ այդ դատական ակտերը, սակայն դրանք մտել են օրինական ուժի մեջ, ինչը վկայում է ոչ թե ՀՔԾ-ի հանդեպ իմ կողմնակալության, այլ կոնկրետ գործերով ՀՔԾ ոչ օբյեկտիվ դիրքորոշումների, քննիչների վատ աշխատանքի մասին, ապա կրկնելով, որ դրանք մտել են ուժի մեջ՝ ես ասել եմ՝ հույս ունեմ, որ քննիչը չի իջնի ՀՔԾ պետի մակարդակին եւ չի վիճարկի օրինական ուժի մեջ մտած դատական ակտերի օրինականությունը»:

Ազարյանը պատմեց, թե Սասուն Խաչատրյանը կոնկրետ երբ եւ ինչպես է վիճարկել իր կողմից կայացված եւ ուժի մեջ մտած որոշումները. «ՀՔԾ պետն իր հրապարակային ելույթի ժամանակ՝ 2018թ. օգոստոսի 13-ին, իրեն թույլ է տվել գնահատական տալ իմ կողմից կայացված եւ իր կողմից դեռեւս անծանոթ դատական ակտին՝ այն անվանելով ապօրինի, ինչը, իմ կարծիքով, անթույլատրելի է, բացի այդ, իր մեկ այլ հրապարակային ելույթի ժամանակ՝ օգոստոսի 16-ին, ասել է, որ դատավոր Ազարյանը Մարտի 1-ի գործերով կայացված մի շարք դատական ակտերով խաղաղ ցուցարարների անվանել է ամբոխ, նշեմ, որ այդ չակերտավոր խաղաղ ցուցարարները նրանք էին, որոնք հրկիզում, ոչնչացնում եւ վնասոմ էին պետական եւ մասնավոր գույքը՝ մարմնական վնասվածքներ հասցնելով ոստիկաններին»: Ազարյանը պնդեց, որ ինքը մեղադրական դատավճիռներ է կայացրել հենց ամբոխի մեջ ներառված անձանց նկատմամբ, որոնք կատարել են նշված գործողությունները, այլ ոչ թե խաղաղ ցուցարարների նկատմամբ, ինչպես արտահայտվել է ՀՔԾ պետը. «Սակայն խոսքն այն մասին է, որ պետը, լինելով իրավաբան, պաշտոնյա, փաստացի կասկածի տակ է դրել եւ վիճարկել իմ կողմից կայացված եւ օրինական ուժի մեջ մտած դատական ակտերի օրինականությունը, որը, իմ կարծիքով, դարձյալ անթույլատրելի է»:

Ազարյանը հարց հղեց ԲԴԽ գիտնական անդամներին՝ հետաքրքրվելով, թե նրանք ինչպե՞ս կգնահատեին այն ուսանողին, որը կասեր, որ բարձրաստիճան պաշտոնյան, իրավաբանը կարող է, իրավունք ունի հրապարակային գնահատական հնչեցնել դատական ակտերի վերաբերյալ եւ կասկածի տակ դնել օրինական ուժի մեջ մտած դատական ակտերի օրինականությունը: Ըստ նրա՝ պատասխանը մեկն է՝ անբավարար. «Իսկ անբավարարը, իմ կարծիքով, համապատասխան մակարդակին չհամապատասխանելն է, տվյալ դեպքում՝ իրավաբանական մակարդակին չհամապատասխանելը, ինչի մասին ես արտահայտվել եմ դատական նիստի ժամանակ»:

Ալեքսանդր Ազարյանը նաեւ տարակուսանք հայտնեց, թե ինչու ՀՔԾ պետը վիրավորվեց այդ դատական նիստով, այլ ոչ թե նշված որոշումը կայացնելիս մեկ շաբաթ առաջ, երբ մեկ այլ դատական նիստին այլ քննիչ նույն հիմքով իրեն ինքնաբացարկի միջնորդություն ներկայացրեց, որը ինքը մերժեց՝ բառացի նույն պատճառաբանությամբ եւ ՀՔԾ պետի մակարդակին չիջնելու վերաբերյալ հույս հայտնելով. «Միգուցե այն պատճառով, որ այդ նիստի ժամանակ կայացրել եմ ՀՔԾ դիրքորոշմանը համահունչ որոշում, իսկ այժմ՝ ոչ»,- ասաց դատավորը:

Տպել
2191 դիտում

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան

Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից

Կինը հայտնել է, որ ամուսինը հաճախակի ծեծել է իր անչափահաս դստերը, փորձել նրա հետ սեռական հարաբերություն ունենալ

Հարվածել է, այնուհետ լվացել հատակի և անգիտակից հարևանի դեմքի արյան հետքերը. սպանության նախաքննությունն ավարտվել է

Գևորգ Պապոյանը շվեյցարացի գործընկերոջ հետ քննարկել է փոխգործակցության ընդլայնման հնարավորությունը

Հայաստանն աշխարհի առաջ վերածվում է Արևմուտքի վտանգավոր ծրագրերի իրականացման գործիքի. Զախարովա

Միկոյան-Գալշոյան փողոցների խաչմերուկում երթևեկության կազմակերպման փոփոխություն կլինի

Պապա ջան, ես քեզ միշտ կկարոտեմ, կհանդիպենք մյուս կյանքում․ Արթուր Աբրահամը լուսանկարներ է հրապարակել

Ինդոնեզական բանակը համալրվել է թուրքական տանկերով

Ուկրաինային տրամադրված F-16-ները չեն կարող փոխել իրավիճակը մարտադաշտում, դրանք օրինական թիրախ կդառնան. Պուտին

Տավուշում՝ ռուսական ռազմաբազայում, նկատել են տաջիկների և ղրղզների, գուշակեք՝ սա ինչ կազմ է և ինչի են սպասում. Սաֆարյան

Վրաց խորհրդարանականներն այցելել են Ծիծեռնակաբերդի հուշահամալիր

Ալիևի նախկին փեսան հայտարարել է՝ իրենց պատկանող «Crocus city»-ի վերականգնումը կախված է Պուտինի և Վորոբյովի կարծիքից

ՔԿԾ-ին անհրաժեշտ են վարորդներ. ովքեր և ինչպես կարող են դիմել

Հայաստանում վտարանդի կառավարություն ներկայացող բոլոր գրասենյակները պետք է փակել. Չախոյան

Այս անգամ դաշտ են նետել սիրելի պահեստայինին, որը մեկ շաբաթում մեկ ստորագրությամբ լուծարեց ԼՂ-ն. Հովհաննիսյան

Ընթանում է «Հայաստանը՝ որպես քաղաքակրթական խաչմերուկ» միջազգային գիտաժողովը (տեսանյութ)

Հայաստանի գոյությունը կարող է երաշխավորվել բացառապես եվրոպական ընտանիքում․ Արման Բաբաջանյան

ԿԳՄՍ նախարարն ու Ֆրանսիայի դեսպանն այցելել են ակադեմիական քաղաքի տարածք

Եթե մենք մնում ենք Ռուսաստանի հետ, խնդիրները լուծվելու են մեր հաշվին. Արամ Սարգսյան