ԼՀԿ-ն դեմ կքվեարկի 2019թ. պետական բյուջեի կատարման տարեկան հաշվետվությանը

Այսօր ԱԺ-ում 2019 թվականի բյուջեի կատարողականի քննարկման ժամանակ «Լուսավոր Հայաստան» խմբակցության ղեկավար Էդմոն Մարուքյանն արձանագրեց, որ այս տարի այն քննարկում են 2 խմբակցությունով։ Նրա խոսքով՝ ժամանակին, երբ առկա էր նորմալ կանոնակարգ, եթե խորհրդարանում չէր հաստատվում բյուջեի կատարողականը, Կառավարությունը ցրվում էր։ Հիմա, ըստ էության, չկա նման բան, եւ, Մարուքյանի համոզմամբ, կատարողականի քննարկումը, ինչպես անցած տարի, կարեւոր քննարկում չդարձավ։

Անդրադառնալով այն հանգամանքին, որ կատարողականը քննարկում են 2 խմբակցության պատգմավարներով՝ Մարուքյանը նշեց, որ քաղաքական առումով իշխանություններին հետաքրքիր չէ, երբ ընդդիմադիր որեւէ ֆրակցիա բոյկոտում է։ Նրա կարծիքով՝ երբ ԼՀԿ-ն էր բոյկտում, չէր հետաքրքրում իշխանությանը, հիմա ԲՀԿ-ն է բոյկոտում, էլի նույնն է։

Խոսելով բյուջեի կատարողականի մասին՝ Մարուքյանը նույնպես շեշտեց, որ բյուջեն թերակատարվել է։ Նա նաեւ բացատրեց, թե ինչ է նշանակում, որ կատարողականը թերակատարվել է։ «Այսինքն՝ ժողովուրդը հավաքել է փող, հարկերը տվել է, տնտեսական ակտիվություն է ցուցաբերել, փողն էլ բերել տվել է այ էս հրաշալի մարդկանց (Կառավարության անդամներին), էս մարդիկ չեն ծախսել էդ փողը»,- ասաց Մարուքյանը՝ հավելելով, որ գումար եղել է, ծրագրած է եղել, բայց հիմա կան ծրագրեր, որոնց կատարումը 0% է կազմում կամ 20%:

Նա ասաց նաեւ, որ շատ է խոսվում 2019 թվականի՝ ակտիվ տարի լինելու մասին, ինչն իրենք էլ են ասում, ոչ ոք չի առարկում: «Բայց էդ ակտիվ, լավ տարում ժողովուրդը փողը հավաքել, բերել տվել է ձեզ, բայց դուք չեք կարողանում էդ փողն ընենց ծախսել ժողովրդի համար, որ ժողովրդի համար ավելի լավ լինի, օրինակ՝ այս տարի: ...Հիմա Հայաստանի Հանրապետությունը գտնվում է խոր առողջապահական, սոցիալական, տնտեսական ճգնաժամի մեջ, դրան գումարվում է նաեւ քաղաքական ճգնաժամը: Կա՛մ ասում եք՝ քիչ քննադատեք, մենք ամեն ինչ լավ կանենք, կա՛մ մեր գործընկերն է ասում՝ բայղուշություն են անում: Ես էլի Տիգրան Սարգսյանին հիշեցի վարչապետ, որ ասում էր՝ մի ասեք տնտեսական ճգնաժամ, որ շատ ասում եք, գալիս է Հայաստան»,- ասաց Մարուքյանը։

Նրա համոզմամբ՝ հիմա վատ է իրավիճակը, բայց ապագայում ավելի վատ կլինի, որովհետեւ բոլոր ցուցանիշները դա են ցույց տալիս։ Իսկ ի՞նչ է անում իշխանությունն այդ ընթացքում․ Մարուքյանի կարծիքով՝ ամեն ինչ անում է, որ լռեցնի իր ընդդիմախոսներին, փոխանակ անի այնպես, որ տնտեսությունը զարգանա, մարդկանց կյանքը լավանա, սակայն, նրա խոսքով, մարդկանց կյանքը գնալով վատանում է, իսկ իշխանությունը շրջվել է եւ զբաղված է ընդդիմախոսներով, մամուլով։

Նրա խոսքով՝ Տնտեսական մրցակցության պաշտպանության հանձնաժողովը Հայաստանի պատմության մեջ առաջին անգամ հարցաշար է ուղարկել թերթերին ու ասում է՝ տվեք ձեր կոմերցիոն գաղտնիքները, ինչ գովազդներ եք տալիս, ինչքան եք տալիս, ոնց եք տալիս։ «Այսինքն՝ այստեղ ասում են՝ դիմակը, ալկոգելը, էդ սաղ թողած՝ Տնտեսական մրցակցության պաշտպանության հանձնաժողովը Հայաստանում զբաղված է թերթերով»,- ասաց պատգամավորը՝ պնդելով, որ սա ծիծաղի բան է եւ խայտառակություն։

Իսկ ի՞նչ է անում քաղաքական մեծամասնությունն այս ընթացքում։ Մարուքյանի խոսքով՝ զբաղված է իր՝ ժամանակին տված խոստումներով, որոնք չի կարողանում իրականացնել իրավական հստակ ճանապարհներով, իրականացնում է բոլոր նորմերի խախտումների միջոցով։

Այնուհետեւ Մարուքյանը հարցրեց վարչապետին, որ երբ նա եղել է թերթի խմբագիր, ՏՄՊՊՀ-ն երբեւէ դիմե՞լ է իրեն, հարցրե՞լ է, թե գովազդը քանի դրամով են դնում։

Մարուքյանն ասաց նաեւ, որ հիմա ժողովուրդը փող չունի, որ նորից հավաքի տա Կառավարությանը, որ Կառավարությունն այդ ծրագրերը չկարողանա կատարել, բայց հիմա էլ քաղաքական պատասխանատվության հարց կա։ Նա հարցրեց, որ երբ փողը կար, ինչո՞ւ չի ծախսվել, ինչո՞ւ չեն կարողացել աշխատել, ասաց, որ ով չի կարողացել աշխատել, նրանց պետք է վերանայել։ «Ամեն ինչ բարդել, որ նախկինում, չգիտեմ՝ ինչ, բան, 2 տարի է՝ էդ ենք լսում, կարո՞ղ է, ասենք, ամեն տարի գաք, էդ ասեք։ Չի կարող էդպես լինել»,- ասաց Մարուքյանը։

Վերջում Մարուքյանն ասաց, որ ԼՀԿ-ն թերակատարված բյուջեի կատարողականին դեմ է քվեարկելու։

Մանրամասները՝ տեսանյութում.

Տպել
893 դիտում

Հայաստանում հաստատվել է կորոնավիրուսով վարակվելու 1174 նոր դեպք. մահացել է 21 մարդ

Մշակույթի գործիչները նամակ հանձնեցին ՌԴ դեսպանատուն

Բացարձակ անթույլատրելի են սոցիալական ցանցերում վիրավորական գնահատականները Արցախի մեր հայրենակիցների մասին. ՄԻՊ

Զինված ավազակային հարձակում Արարատի մարզում. թալանել են բենզալցակայանը

Աշտարակ-Ագարակ ավտոճանապարհին այրվել է ավտոմեքենա

Ազատության հրապարակից մեկնարկել է մտավորականների և արվեստագետների երթը դեպի ՌԴ դեսպանատուն

«Աստղիկ» ԲԿ-ում ռումբի տեղադրման մասին կեղծ ահազանգ է եղել

2020 թվականի դիվանագիտական ձախողումը հենված է բանակցային ողջ նախորդ ժամանակաշրջանի դիվանագիտական ձախողումների վրա

Սիսիան-Գորիս ավտոճանապարհը դժվարանցանելի է, Սյունիքի մարզում ձյուն է տեղում

Հրդեհ Վերին Անտառային փողոցում․ կան տուժածներ, այդ թվում՝ 8 ամսական եւ 3 տարեկան երեխաներ

Վարչապետը կրկին հանդիպել է գերեվարված և անհետ կորած անձանց ընտանիքների անդամներին

2018 թվականի դրությամբ Ղարաբաղի հարցը փակուղում էր, որից միայն մեկ ելք կար՝ տարածքների անվերապահ հանձնում. վարչապետ

Արա Այվազյանն ու Սերգեյ Լավրովը հեռախոսազրույցում մտքեր են փոխանակել դեկտեմբերի 7-ին Մոսկվա կատարելիք այցի շուրջ

Կարևոր է միջազգային ասպարեզում արցախահայության իրավունքների և շահերի լիարժեք հասցեագրումը. ՀՀ, ԱՀ ԱԳ նախարարներ

ՃՏՊ Գյումրիում․ կա տուժած

Պատերազմում ոտքերից զրկված կամավորականին չի հաջողվում հաշմանդամության կարգ ստանալ․ ԲՍՓ աշխատակիցները կայցելեն նրանց տուն

15 տարի կպահանջվի Լեռնային Ղարաբաղի տարածքն ամբողջությամբ ականազերծելու և պայթուցիկներից մաքրելու համար (տեսանյութ)

Ֆիզուլիում ականի պայթյունից 4 ադրբեջանցի է զոհվել

Դեկտեմբերի 1-ից Բագրատաշենի մաքսակետը կանցնի բնականոն աշխատանքի. ՊԵԿ

«Սոթբի»-ի աճուրդի տանը վաճառքի է հանվել 17-րդ դարի հայերեն ձեռագիր. նախնական արժեքը՝ 10.000 Ֆունտ սթերլինգ