Պաշտպաններից մեկի ուշացման պատճառով դատավորը հետաձգեց Դավիթ Սանասարյանի գործով նիստը

Պետական վերահսկողական ծառայության լիազորությունները կասեցված պետ Դավիթ Սանասարյանի եւ մյուսների գործով այսօր նշանակաված դատական նիստը հետաձգվեց ամբաստանյալ Տարոն Ավետիսյանի պաշտպան Հրանտ Անանյանի ուշացման պատճառով:

Նախագահող դատավոր Դավիթ Բալայանը հիշեցրեց, որ ինքը զգուշացրել էր նիստերից չուշանալ. «Քանի որ պաշտպանը դատական նիստին չի ներկայացել, դատարանը որոշում է կայացնում գործի քննությունը հետաձգել»,- ասաց նա:

Սանասարյանի պաշտպան Արսեն Սարդարյանը առաջարկեց մի քանի րոպե սպասել՝ հաշվի առնելով, որ պաշտպան է եւ գուցե հրատապ գործողություն է ունեցել, սակայն դատավորը չընդունեց առաջարկը՝ ասելով, որ նման հրատապ գործողությունը միշտ նույն պաշտպանի հետ է լինում:

Հաջորդ դատական նիստը նշանակվեց օգոստոսի 10-ին՝ ժամը 10:30-ին:

Այն բանից հետո, երբ դատավորը նիստը հայտարարեց փակված, պաշտպան Հրանտ Անանյանը մտավ նիստերի դահլիճ: Դատավորը մեկ անգամ եւս հայտնեց, որ նիստը արդեն փակել է եւ դուրս եկավ դահլիճից:

Նիստից հետո լրագրողների հետ զրույցում Դավիթ Սանասարյանի պաշտպան Արսեն Սարդարյանն ասաց, որ որեւէ կողմից միտում չեն տեսնում. ըստ նրա՝ սա կարող է լինել գերծանրաբեռնված պայմաններում աշխատող դատավորի գերհոգնածության, լարվածության արդյունք. «Չեմ կարծում նաեւ, որ մեր կոլեգան է միտումնավոր ուշանում, որովհետեւ որպես փաստաբան՝ հասկանում եմ նրա ծանրաբեռնվածությունը. կարող է ամբողջ գիշեր քննչական գործողության լինել»: Սարդարյանը, ամեն դեպքում, մտահոգություն հայտնեց նիստերի ձգձգման վերաբերյալ. «Ինչքան կարող է նման պաշտոն զբաղեցնող անձը իր լիազորությունները կասեցված վիճակում անհիմն մեղադրանքով սպասի արդարադատության, եւ դատական նիստերը ամիսներով հետաձգվեն»,- ասաց նա:

Նշենք, որ դատարանն այժմ ապացույցների հետազոտման փուլում է. գործի 28 հատորներից ուսումնասիրվել են արդեն 24-ը:

Դավիթ Սանասարյանին, հիշեցնենք, մեղադրանք է առաջադրվել այն բանի համար, որ հանդիսանալով ՀՀ պետական վերահսկողական ծառայության ղեկավար, ունենալով ծառայության անմիջական ղեկավարումն իրականացնելու, ծառայության աշխատակիցներին նշանակելու և ազատելու, կարգապահական տույժի ենթարկելու, վերահսկվող օբյեկտներում ուսումնասիրություններ իրականացնելու հանձնարարագրեր տալու, վերահսկվող օբյեկտներից ծառայության գործառույթներին առնչվող տեղեկություններ և փաստաթղթեր պահանջելու լիազորություններ՝ նա, խմբային շահերից ելնելով, իր պաշտոնեական դիրքն օգտագործել է ծառայության շահերին հակառակ, ինչպես նաև չի կատարել իր ծառայողական պարտականությունները: Սանասարյանը առաջադրված մեղադրանքը չի ընդունել: Գործով ամբաստանյալի կարգավիճակում է եւս 4 անձ:

Տպել
786 դիտում

Կարծում եմ՝ լինելու են արտահերթ ընտրություններ․ քաղաքագետը՝ Փաշինյանի ակնարկների, սպասվող զարգացումների մասին

Մահացել է բանաստեղծ Եղիշե Չարենցի թոռնուհին՝ բանաստեղծուհի Հասմիկ Չարենցը

Ում հասանելի կլինեն եւ որքան կարժենան կորոնավիրուսի դեմ պատվաստանյութի տարբեր տեսակները

Լոռու մարզի 18 դպրոցում կտեղադրվեն արևային վահանակներ, կկառուցվեն ջերմոցներ, ինտենսիվ այգիներ

Այս տարի Վայոց ձորում աննախադեպ է եղել խաղողի բերքը․ տեղեկություններ մթերումների մասին

Ադրբեջանում գտնվող գերիների վերաբերյալ ողջ տեղեկատվությունը տրամադրվել է ՄԻԵԴ-ին, նաեւ ԱԳՆ, ՊՆ եւ Կարմիր խաչին

Հավատում ենք խաղաղությանն ու պայծառ ապագային. ԱՄՆ ՄԶԳ/Հայաստանի աշխատակիցներն այցելել են Արցախից տեղահանված երեխաներին

Հիմնանորոգվում է Գառնի-Լանջազատ ճանապարհը

Շուտով կավարտվի Արմավիր քաղաքի Երևանյան փողոցի ճանապարհահատվածի հիմնանորոգումը

Տեղի է ունեցել Գերիների, պատանդների և անհայտ կորած անձանց հարցերով զբաղվող միջգերատեսչական հանձնաժողովի նիստ

81-ամյա կինը մահացել է որդու հարվածների հետևանքով.43-ամյա տղամարդը կալանավորված է

Երազանք էր նրա դեմ խաղալը. Ռազմիկ Գրիգորյանն ու Խորեն Հովհաննիսյանը վերհիշում են Մարադոնայի հետ հանդիպումները

Գիշերային շրջիկ ծառայության ժամանակ ոստիկաններն ապօրինի թմրաշրջանառության դեպք են բացահայտե լ(տեսանյութ)

ԿԽՄԿ ներկայացուցիչը վարչապետին տեղեկատվություն է տրամադրել հայ գերիների հետ հանդիպումների մասին

Սարալանջ գյուղի մոտակայքում մոտ 3 հա բուսածածկույթ է այրվել

«Արմավիր» ՔԿՀ-ում կանխվել է նույն անձին թմրամիջոց փոխանցելու 3-րդ դեպքը

Մայիսյանում թեթև և ծանր տեխնիկայի կայանման սպասարկման կենտրոն է կառուցվում. ստեղծվում է 5 հիմնական աշխատատեղ

Էդուարդ Հարությունյանը կգործուղվի Մոսկվա՝ նախապատրաստելու վարչապետ Նիկոլ Փաշինյանի այցը

ՀՀ պաշտպանության նախարարն ընդունել է ՌԴ խաղաղապահ զորախմբի հրամանատարին

Ֆրանսիայից Հայաստան է ժամանել արցախահայությանը տրամադրված հումանիտար օժանդակության երկրորդ ինքնաթիռը (տեսանյութ)