Ինձ ասում էր՝ լավ էլի, գրի 2 հազար, 8 հազար ձայն չես կարա հավաքես. Ուրիխանյանը խոսեց իր ձեռքով գրված պարտավորագրի մասին

Ազգային ժողովում շարունակվում են Գագիկ Ծառուկյանին պատգամավորական անձեռնմխելիությունից զրկելու հարցի քննարկումները: Ելույթով հանդես եկավ նաեւ նախկին ԲՀԿ-ական, այժմ անկախ պատգամավոր Տիգրան Ուրիխանյանը, որի ձեռքով գրված պարտավորագիրը եւս հայտնվել էր ԱԱԾ տեսանյութի կադրերում:

«Խոսքս սկսում եմ՝ շնորհակալություն հայտնելով ՀՀ ազգային անվտանգության ծառայությանը՝ երեկ պատրաստած եւ հրապարակած հրաշալի տեսանյութի համար: Բերել եմ ինձ հետ կադրերում հրապարակված, նախկինում իմ ձեռքով գրված տեքստը.

Ես՝ Տիգրան Ուրիխանյանս, առաջադրվում եմ Երեւանի թիվ 2 ընտրատարածքում ռեյտինգային ընտրակարգով, «Բարգավաճ Հայաստան» կուսակցության ցուցակով: Հանձն եմ առել ապահովել 8 հազար քվե, ինձ թվում էր, որ դա նորմալ, բավարար, շատ քվե է, բայց չստացվեց եւ պարտվեցի ռեյտինգային ընտրակարգով:

Ընդ որում, նույնիսկ վիճաբանում էինք ե՛ւ Ծառուկյանի հետ, ե՛ւ բազմաթիվ այլ գործընկերների: Ասում էր՝ լավ, էլի, գրի 2 հազար, չես կարա 8 հազար հավաքես, ասում էի՝ չէ՛, պետք ա 8 հազար հավաքեմ: Հլը ասում էի՝ 10 հազար կգրեմ, որովհետեւ էդպիսին էին սոցիոլոգիական հարցումները:

Իրավիճակ էր փոխվել, ինչպես հիշում եք, խոստացվել էր ընտրակարգ փոխել, ընտրական օրենսգիրք փոխել, եւ այն ժամանակ նախորդ խորհրդարանում որպես «Ալյանս» կուսակցության ներկայացուցիչ, «Ծառուկյան» դաշինքի մաս կազմող կուսակցության անդամ՝ ես իմ կուսակից ընկերների հետ որոշում կայացրի առանձին մասնակցել ընտրություններին, ոչ թե ԲՀԿ-ի, այլ «Ալյանս» կուսակցության ցուցակով:

Ծառուկյանն էր ինձ համոզում՝ «Դու հասկանու՞մ ես, որ շանսերդ քիչ են, չես ընտրվի, էյֆորիկ վիճակ էր, չես անցնի, դու իրավունք չունես խորհրդարան չանցնելու, դու պետք ես խորհրդարանում»: Սրանք ներքին խոսակցության էպիզոդներ են, որոնք երեւի չէին լինի այլ առիթ բացահայտման համար, բայց ԱԱԾ-ի պատրաստած նյութից ներքին խոհանոցը հրապարակ բերելուց հետո ստիպված եմ սրա մասին խոսել:

Եվ երբ իմ գործընկերներից շատերը գլուխ էին գովում, որ 10, 20, 50 հազար ձայն կբերեն, մեկը ես եմ ասել՝ թող ամեն մեկը հլը գրի ստորագրի՝ տեսնենք ով քանի ձեն է բերելու: Էդ ձեն ապահովելու մեջ էդպիսի վատ բան կա՞, որեւէ մեկդ չի՞ ուզել երբեւէ ձեն ապահովի, չի՞ հպարտացել իր ապահոված ձեներով, թե՞ էն  ընտրակարգը, որը չփոխվեց, չի ենթադրում անհատ թեկնածուի քվեն, ձայնը՝ թերթիկի մյուս կողմում կուսակցության քվե:

Շարունակում եմ (Տ. Ուրիխանյանը շարունակեց կարդալ թերթիկից).

Լիարժեք գիտակցում եմ, որ հետագա ամբողջ գործունեությունս կախված է բացառապես կուսակցության ղեկավար Գագիկ Ծառուկյանի որոշումից, ստանձնած արդյունքը չապահովելու դեպքում հրաժարվում եմ որեւէ հավակնությունից նախընտրական ցուցակում: Այո՛, շնորհակալություն, ԱԱԾ, որ իմ պարկեշտ հայտարարությունը հրապարկել եք:

Եվ մարդը, որին բերել է կուսակցությունը կամ որեւէ դաշինք խորհրդարան, անհամաձայնության ժամանակ, իսկ ես, այո՛, բոլորիդ է հայտնի, որ 15 թվին ունեցել եմ լուրջ անհամաձայնություն «Բարգավաճ Հայաստան»-ի՝ այն ժամանակվա կազմի հետ, հաջորդիվ կազմի հետ, հիմիկվա կազմից շատերի հետ, եւ դա նկատելի է եղել բոլորիդ համար: Այո՛, ցանկացել եմ դուրս գալ, դուրս գալուց էլ, ինչպես հիշում եք, ասել եմ՝ էս էլ՝ մանդատը, որովհետեւ ես պարտվել եմ ռեյտինգային ընտրակարգով, իսկ խորհրդարան ինձ բերել էր Գագիկ Ծառուկյանը:

Այսպիսին է պատմությունը: Ու Ծառուկյանն է ինձ ասել՝ ո՛չ, չպիտի դնես մանդատդ վայր, որովհետեւ դու պետք ես երկրին ու խորհրդարանին:

Շարունակում եմ (Շարունակեց պարտավորագրի մյուս հատվածի ընթերումը) .

Պատրաստ եմ աշխատել թիմի, կուսակցության եւ հայրենիքիս առաջընթացի համար:

Ես շնորհակալ եմ ԱԱԾ-ին, որ հրապարակեց այն, ինչ ես համեստորեն չէի հրապարակի երբեք, չէի թույլ տա ինձ ասել, որ նույնիսկ ներքին խոհանոցի ռազբորկաների ժամանակ ես պայման եմ դնում հայրենիքին ծառայելու հարցը: Շնորհակալ եմ շատ. ես ինչքան միջոց պետք է ծախսեի՝ նման PR-ի համար:

Վերցրել են էսպես խոշորացնում են գրությունս, մյուսների՝ մի փոքր ավելի էմոցիոնալ գրություններն են մեջբերում, ասում են՝ Տիգրան Ուրիխանյանն էլ է գրել: Լա՛վ եմ արել՝ գրել եմ, հպարտանում եմ նրանով, ինչ գրել եմ: Պարկեշտ եմ պահել ինձ: Կարեւորը, որ միշտ արել եմ այն, ինչ գլխումս է ծնվել, որոշումներս կայացրել եմ իմ սեփական քաղաքական մտքի գեներացման արդյունքում՝ ի շահ ժողովրդի: Կարո՞ղ ա մի վատ նախագիծ եմ բերել, մի վատ նախաձեռնություն ու քվեարկություն եմ արել, ո՛չ:

Եվ ինչպես բոլորիդ հայտնի է, 15 թվականին խոստանալով բոլորիդ՝ ճիշտ այնպես, ինչպես ձեզանից շատերն էին անում ոչ միայն խորհրդարանում, այլեւ տասնյակ հազարավոր մարդկանցով հանրահավաքներում, որ դեմ լինելով նախկին կառավարման համակարգին եւ նրանց բերած սահմանադրական ավանտյուրային՝ եկել եմ խորհրդարան ու մենակով դեմ եմ քվեարկել, ինչպես որ ժողովրդին խոստացել էի: Իմ լեզուն է այսօր երկար, եւ ես կարող եմ ասել, որ՝ այո՛, անհամաձայնություններով հանդերձ՝ ես պաշտպանելու եմ Գագիկ Ծառուկյանին, որովհետեւ իր հետ եմ ես պայքարել, որովհետեւ ինքն է այն ժամանակ առաջնորդել ոչ իշխանական ուժերի քառյակը, այնուհետեւ՝ եռյակը, որովհետեւ ես նրա հետ կիսել եմ հույս, կիսել եմ պայքար, կիսել եմ ձեր իսկ հակառակորդների դեմ տարվող պայքար, երբ դուք նույնիսկ չկայիք քաղաքական դաշտում: Բա պիտի պաշտպանեմ, բա ի՞նչ պտի անեմ, բա գրել եմ, բա լավ եմ արել, կարեւորը՝ արդար եմ, ճիշտ եմ ու պաշտպանում եմ ժողովրդի շահը:

Անդրադառնամ այս թղթի՝ մի շատ կարեւոր հատվածին: ԱԱԾ-ի, այսինքն՝ վարույթն իրականացնող մարմնի տրամադրած նյութերի եւ ԱԱԾ-ի պատրաստած տեսանյութի հիման վրա, պարո՛ն գլխավոր դատախազ, բեւեռում եմ ձեր ուշադրությունը գործընթացային խախտումների վրա, որպեսզի այն դուք շտկեք կամ շտկելու հանձնարարություն տաք՝

17 թվին հարուցված քրեկան գործի նյութերի շրջանակներում հրապարակավ զրպարտության, բարի համբավս արատավորելու ձեւով ներկայացվում է մի թուղթ, որում գրված է՝ «Բարգավաճ Հայաստան»-ի նախընտրական ցուցակ: 17 թվականին ԲՀԿ-ի նախընտրական ցուցա՞կ ա եղել, 17 թվին «Բարգավաճ Հայաստանն» ա ընտրություններին մասնակցել: Մասնակցել է «Ալյանս» կուսակցությունը, ԲՀԿ-ի կողմից ձեւավերված «Ծառուկյան» դաշինքը: Այսինքն՝ էս փաստաթուղթն իրավունք ունե՞ր էդտեղ տեղ գտնելու: Հետեւաբար կարո՞ղ են այլ փաստաթղթեր էլ լինել կեղծ: Ընդ որում, ես չեմ քննարկում այն, որ հանցագործը պիտի նստի բանտում, ով ուզում է լինի: Բայց եթե արել է այդ հանցագործությունը: Բա որ արած չեղա՞վ:

Վերջապես, 18 թվին, երբ դեռ Նիկոլ Փաշինյանը պատգամավոր էր, գնացել եմ եկել, ասել եմ՝ եկեք միանանք, անենք էնպես, որ Ծառուկյանն էլ միանա, 15 թվին երբ որ ընդդիմադիր կուսակցության առաջնորդ էր, գնացել ասել եմ՝ եկեք միանանք, այդ թվում՝ Ծառուկյանն էլ միանա, մեկտեղեն ուժերը բոլոր նրանք, ովքեր դեմ են իշխող համակարգին: 18 թվականին արդեն վարչապետ էր, գնացել ասել եմ՝ մեկտեղեք ուժերը: Այդ թվականին վերջապես մի պահ ժողովուրդը ուրախացավ, ասաց՝ միասնական ուժերով հարց է լուծվելու, ու հիմա՝ էսպես:

Բա ասում եք՝ պատերազմ է, ասում եք՝ պատերազմ ենք վարում կորոնավիրուսի դեմ, այդ թվում՝ սահմանին մեզ սպառնացող կորոնավիրուսի դեմ: Բայց ճգնաժամում հնարովր չէ՞ր միատեղել ուժերը:

Ինչ էլ որ մենք էստեղ խոսում ենք, հիմա մարդիկ կլսեն, կքննարկեն, կասեն՝ լա՛վ, Ծառուկյանին դատեցիք, հետո: Հետո հլը տեսեք՝ թվերն ինչ են ասում, վաղը լինելու է ճգնաժամ, վաղը լինելու է արտակարգ իրավիճակ սոցիալական հարթության մեջ, 100 հազարի հասնող արտագնա աշխատանքի մեկնողները մնացին երկրում, 600 հազարի ակնկալվող տուրիզմի մարդիկ, իրենց գումարած՝ ներդրողներ չեկան Հայաստան, +7, 14, չգիտեմ՝ քանի տոկոս աճ ունեցող մեքենաների ներկրում էլ չկա, բնականոն վիճակում աշխատող արտադրական ձեռնարկություններ փակվում են, էս ամենը ի՞նչ է լինելու: Միգուցե ուժեր մեկտեղելու խնդի՞ր է էստեղ լինելու»:

Տպել
4726 դիտում

Կրթական հետազոտությունների եվրոպական ասոցիացիայի (EERA) ամենամյա համաժողովը տեղի կունենա Երևանում

Ստեփանծմինդա-Լարս ավտոճանապարհը փակ է

Արցախի ժողովրդագրությունը հօգուտ ադրբեջանցիների փոխելու քաղաքականությունն Ադրբեջանում նոր չէ. Գեղամ Ստեփանյան

Մեծերը մահ չունեն. լրացավ Հրանտ Դինքի սպանության 15 տարին, Թուրքիայում ոգեկոչել են նրա հիշատակը

Գյումրիում վաղը կգործարկվի քաղաքի շչակը

Հյուսիս-հարավ ճանապարհային միջանցքի Տրանշ-2-ի մրցույթի մասնակցության հայտ է ներկայացրել 4 կազմակերպություն

ՇՄ-ում «Կայուն դպրոցական սնունդ» ծրագրի շահառուներ են 147 դպրոցի 1-ից 4-րդ դասարանցիներն ու 66 նախակրթարանների սաները

100-ավոր որդեկորույս ծնողների եմ հանդիպել, նրանք պատրաստ չեն իրենց մյուս որդիներին էլ ծառայության ուղարկել. Սարգսյան

Բժշկական դիմակով մուտք են գործել «Գրանդ Քենդի»-ի գանձապահի աշխատասենյակ և հափշտակել մոտ 13 միլիոն դրամ (տեսանյութ)

Աբու Դաբիում Գնել Սանոսյանը շրջել է Ապագայի էներգետիկայի համաշխարհային գագաթնաժողովի ցուցադրության տաղավարներում

Վարանդայում իրականացվել է զոհված և անհետ կորած զինծառայողների ու քաղաքացիական անձանց աճյունների որոնողական աշխատանք

Սաստիկ բքի պատճառով Վարդենյաց լեռնանցքը փակ է, դժվարանցանելի է Մաստարա-Լանջիկ-Գյումրի ավտոճանապարհը

Նոր լիցք հայ-բելառուսական հարաբերություններին. ՍԴ նախագահն ընդունել է ՀՀ-ում Բելառուսի դեսպանին

«Արմավիր» քրեակատարողական հիմնարկի ծառայողի մոտ հայտնաբերել են թմրամիջոց և արգելված իրեր

Հայ-հունական հարաբերությունները հիմնված են արյունակցական կապերի վրա և վեր են բոլոր տեսակի այլ շփումներից. Մկրտչյան

Կաշառք ստանալու կասկածանքով պաշտոնատար անձինք են ձերբակալվել

Կասեցվել է Գյումրիում գործող հացաբուլկեղենի արտադրամասի գործունեությունը (լուսանկարներ)

Մոնթեն «այնքան խելացի չի գտնվել, որ ԵՊՀ պատերի տակ ծվարած, կաշառքներ հավաքելով՝ միլիոնատեր դառնա». Փաշինյանը՝ Ղազինյանին

Հայաստանում է Կիպրոսի ազգային գվարդիայի գլխավոր շտաբի պետի գլխավորած պատվիրակությունը (լուսանկարներ)

Կամո Հովհաննիսյանը՝ ղազախական «Աստանայի» ֆուտբոլիստ

Դավիթ Տոնոյանի և ևս 7 անձի գործի քննությունը հետաձգվել է. վիճարկման առարկա է գործը դատավորին մակագրելու հարցը

Զորամասերում անցկացվել են մասնագիտական պարապմունքներ

Ռուբեն Ռուբինյանին ես եմ նշանակել Հայաստանի հատուկ ներկայացուցիչ, նա հաշվետու է ինձ, ԱԽ-ին ու ժողովրդին. Փաշինյան

Հունվարի 25-26-ին կկայանա արագ շախմատի Հայաստանի առաջնությունը

Բարև Ձեզ, մենք տրամադրված ենք կարգավորման. Միրզոյանը՝ Չավուշօղլուի հետ հանդիպման մասին

Հանրապետության գետերը գտնվում են ձմեռային սակավաջուր փուլում

Կոշտ միջոցառումներ՝ ձմեռային օլիմպիական խաղերն անվտանգ անցկացնելու համար

Պարոն Քերոբյանին ես եմ արգելել հրաժարական տալ. Նիկոլ Փաշինյան

ՔԿ-ն թվեր է ներկայացրել վերջին պատերազմում զոհվածների, անհետ կորածների և Ադրբեջանից ՀՀ-ին փոխանցված անձանց վերաբերյալ

Ես հակված եմ վստահ լինել, որ անապահով խավի համար գազի սակագինը չի փոխվելու. Մհեր Գրիգորյան

ՀԾԿՀ-ն ընդունել է ուսումնասիրության գազի սակագների վերանայման վերաբերյալ «Գազպրոմ Արմենիա»-ի հայտը

ՀՀ տարածքում կան փակ և դժվարանցանելի ավտոճանապարհներ

Գնել Սանոսյանը այսօր Աբու Դաբիում հանդիպել է ԱՄԷ էներգետիկայի և ենթակառուցվածքների նախարարին (լուսանկարներ)

Անգելա Մերկելը հրաժարվել է աշխատել ՄԱԿ-ում

Շրջանների զգալի մասում սպասվում է ձյուն. առաջիկա օրերի եղանակային կանխատեսումը

Դոլարի փոխարժեքն աճել է, եվրոն էժանացել. կենտրոնական բանկը սահմանել է նոր փոխարժեքներ

Առողջապահության նախարարությունը քննարկել է «օմիկրոնի» տարածման կանխարգելիչ միջոցառումների հետ կապված հարցեր

Հաշվեքննիչ պալատի նախագահ Լևոն Յոլյանը հրաժարականի դիմում է ներկայացրել

Երևանում թալանել են բանկի վաճառքի վարչության պետի բնակարանը. հափշտակել են խոշոր չափի ոսկյա զարդեր

Թուրքիայի սահմանի բաց լինելն ավելի լավ է, քան՝ փակ. Ռուստամ Բադասյան