Երեւանի քաղաքապետարանին այլեւս հարմար չէ սպասարկել մարզային երթուղիներ. Արարատի մարզի գյուղերի բնակիչները ցույց են անում

Հունիսի 15-ին Արարատի մարզի Հայանիստ եւ հարակից համայնքների մի խումբ բնակիչներ Կառավարության շենքի դիմաց բողոքի ցույց էին անում։ Հավաքված կանայք նշում էին, որ այս պահին մարզի գրեթե 5 գյուղ զրկված է տրանսպորտից:

Այդ գյուղերը նախկինում սպասարկել են Երեւանի քաղաքապետարանի ենթակայությամբ գործող 35 համարի երչթուղու ավտոբուսները: Կորոնավիրուսի հետեւանքով հասարակական տանսպորտի շահագործումը դադարեցնելուց, ապա կրկին վերսկսվելուց հետո 35 համարը դադարել է գյուղեր հասնել:

Բնակիչներից շատերը քաղաքում են աշխատում եւ ամեն օր վերոնշյալ տրանսպորտային միջոցից են օգտվել, նշեցին, որ բավականաչափ գոհ են եղել, եւ ավտոբուսը բավարարել է, բայց այժմ գյուղից քաղաք հասնելը գերխնդիր է:

«Երթուղին հանել են գծից, միայն Արգավանդն է սպասարկվում: Արգավանդից այն կողմ, մյուս գյուղերը վիրուսակիրներ են, էնտեղ չի կարելի սպասարկել: Այդ գյուղերում էլ են մարդիկ ապրում, նրանք էլ են աշխատում, ապրել են ուզում, այլմոլորակայիններ չեն: Հիմա մենք բոլորս աշխատում ենք, երեխա ենք պահում, ընտանիք: Կին ենք, դուրս ենք գալիս փողոց, կանգնում ենք ճանապարհին, որ օտար տղամարդու մեքենան մեզ քաղաք հասցնի: Որ օրն էլ չենք կարողանում գնալ, այդ օրը մեր երեխաները սոված են մնում»,- ասաց ցուցարար կանանցից մեկը՝ հավելելով, որ իրենց խնդրով Արարատի մարզպետը չի զբաղվում:

Բացի սա, կանայք նաեւ պահանջում են, որ իրենց համայնք հասնող խմելու ջուրը փորձաքննության ենթարկվի, քանի որ շատերը, այդ թվում՝ երեխաները, ունեն ստամոքսի խնդիրը, ինչը վերջիններիս կարծիքով հենց ջրից է: «Թող ստուգեն, եթե փորձաքննությամբ թույլ տրվեց, որ դա խմելու պիտանի ջուր է, թող խմեն բոլոր պատգամավորների երեխաները, իմ երեխան էլ կխմի, բոլորինն էլ: Ինչո՞ւ պիտի ամեն ինչում տարբերություն լինի: Համախմբված պայքարել ենք, որ լավ լինի բոլորի համար: Փողոցներում ենք մնացել օր ու գիշեր, որ Փաշինյանը մեզ վարչապետ լինի ու մեր հարցերը լուծի, բայց այսօր եկել հասել ենք իր դուռը. մեզ լսող չկա, մեր խնդիրները լուծող չկա»,- ասացին նրանք:

«Հայկական ժամանակը» կապ հաստատեց Արարատի մարզպետարան եւ մեզ հայտնեցին, որ արդեն տեղյակ են բողոքի ցույց անողների մասին, տեղյակ են նաեւ խնդրի մասին: Արարատի մարզպետի խորհրդական Լիլիթ Թադեւոսյանը հայտնեց, որ ջրի հետ կապված 2018 թվականին հրատապ ծրագրով Հայանիստի (բողոքողների մի մասն այդ գյուղից են) Գետաշեն թաղամասում 171 բաժանորդի համար նոր ջրագիծ է անցկացվել: «Մարզպետի ջանքերով է խնդիրը կարգավորվել, բայց դա մեկ օրվա հարց չէ, մնացածն արդեն Վեոլիա ջուրը պետք է անի»,- ասաց Լիլիթ Թադեւսոյանը:

Իսկ ինչ վերաբերում է տրանպորտի խնդրին, ապա մամաուլի քարտուղարը նշեց. «35 համարի ավտոբուսն է սպասարկել, որը Երեւանի քաղաքապետարանինն է, դա մարզային տրանսպորտ չէ, իրենց հետ քննարկում է գնում, փորձում ենք հասկանալ՝ ինչ է հնարավոր»:

Երեւանի քաղաքապետարանից էլ, լսելով խնդիրը, նկատեցին՝ դա մարզային խնդիր է, եւ Երեւանի քաղաքապետարանը պարտավոր չէ հիմա էլ մարզերի խնդիրներով ծանրաբեռնվել: Քաղաքապետի խոսնակ Հակոբ Կարապետյանը քննարկման մասին տեղյակ չէր, միայն նշեց, որ 35 համարի ավտոբուսն աշխատում է, բայց մայրաքաղաքի տրանսպորտային միջոցներն այս պահին սպասարկում են բացառապես Երեւան քաղաքը: «Ժամանակին մայրաքաաղաքի մի շարք տրանսպորտային միջոցներ հարակից մարզեր ու գյուղեր էլ են սպասարկել, բայց այս պահին միայն մայրաքաղաքն են սպասարկում»,- ասաց նա:

Բողոքի ցույցի մասնակիցները ցանկանում էին դիմում-նամակ փոխանցել վարչապետ Նիկոլ Փաշինյանին, տարածքային կառավարման եւ ենթակառուցվածքների նախարար Սուրեն Պապիկյանին, Երեւանի քաղաքապետ Հայկ Մարությանին, որ վերականգնվի համայնքներին սպասարկող տրանսպորտային ցանցը: Սակայն տարածքը հսկող ոստիկանները տեղեկացրին, որ համավարակով պայմանվորված իրավիճակում ՀՀ Կառավարութունը ժամանակավորապես դադարեցրել է քաղաքացիների ընդունելությունն ու թղթային տարբերակով դիմումնեի ընդունումը: Այս պահին գործում է միայն էլեկտրոնային տարբերակով դիմումների ընդունման բաժինը: Տիկնայք նկարեցին փակցված հայտարարությունն ու հեռացան, սակայն շեշտեցին, որ եթե կարճ ժամկետում իրենց խնդրին լուծում չտրվի, փողոցներ են փակելու եւ կաթվածահար են անելու երթեւեկությունը:

ՀԺ-ն կապվեց նաեւ ՀՀ տարածքային կառավարման եւ ենթակառուցվածքների նախարարության ավտոմոբիլային տրանսպորտի վարչության տեխնիկական քաղաքականության բաժնի պետ Արման Կարապետյանի հետ: Վերջինս նշեց, որ հանրապետությունում համաճարակով պայմանավորված եւ ուղեւորահոսքի զգալի պակասի պատճառով՝ Երեւանի քաղաքապետարանն այլեւս նպատակահարմար չի համարում մայրաքաղաքի տարածքից դուրս երթուղիների սպասարկումը: «Մենք Հայանիստ եւ կողքի մի քանի համայնք հասնող մեկ այլ երթուղի ունենք՝ 487 միկրոավտոբուսը, բայց դա այնքան էլ հարմար չէ, քանի որ փոքր է եւ բավարար էլ չէ (մեքենաների քանակը-խմբ.): Այս խնդրի հետ կապված երկու տեսակի լուծում է քննարկվել մեզ մոտ: Մեկը՝ կարճաժամկետ, մյուսը՝ հեռակարային»,- ասաց Կարապետյանը:

Կարճաժամկետ լուծման համար նախարարությունը պատրաստվում է քննարկում ունենալ տվյալ փոխադրողի հետ: Անհրաժեշտության դեպքում կդիմեն նաեւ այլ փոխադրողների, որպեսզի տվյալ երթուղին համալրվի: Մյուս՝ հեռանկարային լուծումը, պայմանավորված է նոր երթուղային ցանցի ներդրմամբ, որը, սակայն, դեռ պարզ չէ, թե երբ կլինի: «Հաշվի առնելով այդ համայնքների մեծությունը՝ մենք նախատեսել ենք ավտոբուսային երթուղի, իսկ մինչ այդ ամեն ինչ կանենք՝ խնդրին հնարավորինս արագ լուծում տալու համար»,- ասաց Արման Կարապետյանը:

Նա նաեւ նշեց, որ այս պահին բոլոր համայնքներում է երթեւեկության խնդիրը, որը հիմնականում նվազ տեղաշարժի ու ուղեւորահոսքի զգալի պակաի պատճառով է:

Տպել
1703 դիտում

Մետրոպոլիտենի աշխատանքը վերականգնվել է, գնացքներն աշխատում են գրաֆիկի համաձայն

Իշխան Սաղաթելյանը վրդովված հարձակվում է ոստիկանների վրա, հրահրում քաշքշուկ (տեսանյութ)

Թանգարանների առաքելությունը միտված է ազգային և համամարդկային մշակույթի պահպանմանն ու տարածմանը. Վահրամ Դումանյան

«Եռաբլուր» զինվորական պանթեոնում հայտնաբերվել է նռնակ

Կաթվածահար է եղել Երևանի մետրոպոլիտենի բնականոն երթևեկությունը. փակվել են բոլոր կայարանների դռները

Երևանը պարալիզացված չէ. փոխոստիկանապետն արձանագրում է՝ ոստիկանությունն այս օրերին չի կիրառել որևէ հատուկ միջոց

Զոհված զինծառայողների մի քանի հարազատներ ներխուժել են զորամասի տարածք, ծեծի ենթարկել գնդապետին. հարուցվել է քրգործ

Ժամանակավորապես դադարեցվելու է Սյունիքի, Լոռու մարզերի և Երևանի որոշ հատվածների գազամատակարարումը

Ծեծ, կաշառակերություն, խոշտանգում. 1 օրում բացահայտվել է հանցագործության 94 դեպք

Երևանում բախվել են կին վարորդների մեքենաները, դրանցից մեկը տապալել է լուսացույցը. հղի կին է հոսպիտալացվել (լուսանկարներ)

ԱՄՆ-ի Պետդեպարտամենտի ներկայացուցիչը երկօրյա այցով Վրաստանում է

Հայկական կողմից ադրբեջանական դիրքերը գնդակոծելու մասին լուրն ապատեղեկատվություն է. ՊՆ

«Երևանի պետական տեխնոլոգիական քոլեջ» ՊՈԱԿ-ի սաները հյուրընկալվել են ՄԻՊ աշխատակազմում

Բերման են ենթարկվել Արթուր Վանեցյանի որդին և «Հայրենիք» կուսակցության մի շարք անդամներ

Սպասելու եմ, որ այդ ուժերը հիմնավորեն Գրիգորյանի խոսքերը և պնդեն՝ նա ազգամիջյան թշնամանք չի սերմանել. Խաժակյան

Երևանում կրկին անհնազանդության ակցիաներ են. բերման են ենթարկվել Էդուարդ Շարմազանովը, Լևոն Քոչարյանը, Արմեն Աշոտյանը

Երկար ժամանակով լույս չի լինելու Երևանում և 4 մարզերում

ՌԴ փոխվարչապետի գլխավորած պատվիրակությունն այսօր մեկնում է Թուրքիա. օրակարգում տնտեսական հարցեր են

Երևան-Մեղրի ավտոճանապարհին մեքենան դուրս է եկել երթևեկելի հատվածից և մոտ 20 մ սահել ձորը. կա տուժած

Իշխան Սաղաթելյանը հայտարարել է, թե այսօր կազմակերպված երթին մասնակցել է 40-50 հազար մարդ, բացահայտ ստում է. Չախոյան

Իշխանափոխության հանրային պահանջ չկա. Գարեգին Միսկարյանը՝ ներքաղաքական իրավիճակի և ընդդիմության գործողությունների մասին

Տղամարդը մեղվի փեթակները գողացել է ու վաճառել

Յուրաքանչյուր տնկված ծառ ներդրում է ավելի կանաչ ապագայի համար. Հակոբ Սիմիդյան

Որքան մարդ է մասնակցել ընդդիմության այսօրվա հանրահավաքին. ԻՔՄ

Ընտանիքում բռնության ենթարկված անձանց ապաստարանի ծառայությունների տրամադրումը շարունակվում է

Թուրքի բալեքը իրենք են, ոչ թե ոստիկանը, որի արժանապատվությունը փորձում են նվաստացնել. Մելքոնյանը՝ ընդդիմության մասին

Մինչև 2026 թ. Գյումրիում, Արարատում և Սյունիքում արդյունաբերական 3 գոտի կստեղծվի. Վահան Քերոբյանն այցելել է Շիրակի մարզ

Ականի պայթյունի հետևանքով պայմանագրային զինծառայողը վիրավորում է ստացել. ՊՆ

Թմրանյութ՝ կոնֆետներում. «Արթիկ» ՔԿՀ-ում քրեական գործ է հարուցվել

Ազգային արժանապատվությունը նվաստացնելու դեպքով հարուցված քրգործով ձերբակալվել է Արմեն Գրիգորյանը. ԱԱԾ (տեսանյութ)

Անցկացվել է գումարտակի մարտավարական զորավարժություն՝ հարձակողական մարտի իրականացմամբ

Մեկնարկել է ընդդիմության հանրահավաքը

Վահագն Խաչատուրյանը պետական պարգև է հանձնել Հայաստանում Սուրբ Աթոռի առաքելական նվիրակին (տեսանյութ)

ՀՀ գլխավոր դատախազ Արթուր Դավթյանը հանդիպել է Եգիպտոսի գլխավոր դատախազին. ստորագրվել է համագործակցության հուշագիր

Դոլարի փոխարժեքը նվազել է. ՀՀ կենտրոնական բանկը հրապարակել է նոր փոխարժեքներ

Արցախի Հանրապետության ճանապարհային ոստիկանությունը ծառայությունն իրականացնում է խստացված ռեժիմով

Ձերբակալվել է КВН-ի նախկին անդամ Արմեն Գրիգորյանը

Կյանքը խաթարող խառնակիչները շարունակում են չհասկանալ՝ աղբարկղները գրկած վազվզելը անհնազանդության ակցիա չէ. Դավոյան

ՎՏԲ-Հայաստան բանկը մեկնարկում է ապառիկ վաճառքի կետերում վարկերի ձևակերպումը ոչ թղթային տեխնոլոգիայի կիրառմամբ

Սևանա լճում որոնողական աշխատանքները շարունակվում են