Ամեն ինչ սկսվեց Սեդրակ Առուստամյանի գործից, երբ նա ասաց, որ պապից ժառանգություն է ստացել. Արփի Դավոյան

Երեկվա քննարկումները, թե իշխանություններն անցել են ռեպրեսիաների եւ ոչնչով չեն տարբերվում ՀՀԿ-ից, «Իմ քայլը» խմբակցության պատգամավոր Արփի Դավոյանն անընդունելի է համարում։

Լրագրողների հետ զրույցում Արփի Դավոյանը պնդեց, որ այսօրվա իշխանությունը երբեք որեւէ սահման չի անցել, որեւէ քաղաքական հետապնդում չի իրականացրել եւ չի էլ կարող իրականացնել, իսկ նման քննադատությունները հնչեցնում են այն մարդիկ, որոնց ձեռնտու է նման հայտարարություններով հանդես գալ։

«Հանրապետականից չտարբերվող» արտահայտությունն էլ, ըստ Դավոյանի, անում են այն մարդիկ, որոնք նրանց ժամանակ ենթարկվել են քաղաքական հետապնդումների եւ հիմա փորձում են իրավական գործընթացին քաղաքական ազդակ տալ։

Ինչ վերաբերում է ոստիկանության գործողություններին, Դավոյանը դրանք օրինաչափ է համարում։ Նրա համոզմամբ՝ ոստիկանները բռնություն չեն կիրառել, ուղղակի տեղի է ունեցել հավաք, որն արտակարգ դրության պայմաններում իրավաչափ չէ։ Նա նշեց, որ մարդիկ նույնիսկ առանց դիմակի են հավաքվում, ինչի արդյունքում էլ հնարավոր է, որ մի քանի օր հետո գրանցվի վարակակիրների մեծ թվով աճ։ «Հետո նորից մեր ընդդիմադիր գործընկերները մեղադրելու են առողջապահության նախարարությանը՝ ասելով, որ այդպես չէ, այնպես չէ»,- ասաց պատգամավորը։

Այնուհետեւ լրագրողները մեջբերեցին ԲՀԿ խմբակցության պատգամավորներ Նաիրա Զոհրաբյանի եւ Իվետա Տոնոյանի հայտարարությունները, թե ինչպես են հատկապես կին պատգամավորները լռում այն պայմաններում, երբ իրենց գործընկերներին «ասֆալտին փռելով»՝ փորձում են ճանապարհ բացել։ Դավոյանը նորից պնդեց, որ իր կարծիքով այդտեղ բռնություն չի կիրառվել, ուղղակի ոստիկանները, նրանց անվտանգությունից ելնելով, փորձել են բոլոր պատգամավորներին ճանապարհից հեռացնել։

Անդրադառնալով նաեւ Գագիկ Ծառուկյանի հետ կապված փաստաթղթին, որ երեկ հրապարակվել էր, եւ որով կիսվել էր նաեւ առողջապահության նախարար Արսեն Թորոսյանը՝ լրագրողները հարցրին, թե արդյոք նորմա՞լ է, որ այս պայմաններում առողջապահության նախարարը նման գործողություններ անի։ Դավոյանը պատասխանեց, որ Թորոսյանը քաղաքական գործիչ է եւ «Քաղաքացիական պայմանագիր» կուսակցության վարչության անդամ, դա չի խանգարում իր մնացած գործողություններին։ «Եթե նրանք բացատրեն, թե այդ 1 րոպեի մեջ ինչ-որ իրադարձություն տեղի ունեցավ, որտեղ Թորոսյանը բացթողում արեց, այդ ժամանակ կխոսենք»,- ասաց Դավոյանը։

Նրա կարծիքով՝ իրենց ընդդիմություն հռչակած մարդիկ համավարակի այս պայմաններում այլ օրակարգ են առաջ բերում, որն ընդհանրապես ՀՀ օրակարգի հետ կապ չունի։

Պատգամավորի խոսքով՝ քրեական գործերը եղել են նախապես՝ մինչեւ Գագիկ Ծառուկյանի հայտարարությունները, եւ նախապես իմանալով դրանց մասին՝ նա որոշել է նախահարձակ լինել եւ ասել, որ սա քաղաքական հետապնդում է։ Ըստ Դավոյանի՝ դա ինքնապաշտպանական միջոց է՝ արդարացում փնտրելու եւ ինչ-որ կերպ իրականությունը լղոզելու համար։

«Ես կարծում եմ՝ այս ամենը սկսվեց Սեդրակ Առուստամյանի հետ կապված քրեական գործից, երբ հրապարակվեցին որոշ մանրամասներ, եւ այնտեղ տեսանք բազմաթիվ փաստեր, նաեւ կապված կաշառքի հետ, ինչպես նաև՝ շատ ծիծաղելի մեկնաբանություններ, թե որտեղից այդ 20 միլիոն դոլարը, որ տատիկից ստացված ժառանգությունն է»,- ասաց պատգամավորը։

Դավոյանը կրկին շեշտեց, որ Գագիկ Ծառուկյանի հետ կապված այդ գործը բացառապես իրավական գործընթաց է եւ խնդրեց չառաջնորդվել ԲՀԿ խմբակցության պատգամավորների արած քաղաքական հայտարարություններով, քաղաքական հետապնդման մասին սրտաճմլիկ տեքստերով։ «Նրանք մի ձեւով պետք է արդարանան եւ ասեն, որ սա բացառապես ճնշում է, որովետեւ իրենք ասացին, որ Կառավարությունը պետք է 100 տոկոսով փոխվի, եւ մենք որոշեցինք հակադարձելով նրանց՝ քրեական գործեր․․․: Սա մեր գործելաոճը չէ»,- ասաց պատգամավորը՝ հայտնելով նաեւ, որ նրանք սովոր են նման գործելաոճին, որովհետեւ 2015 թվականին գտնվել են նման առեւտրի մեջ։ Դրա հիմնավորման համար կան փաստաթղթեր, տեսանյութեր, եւ, Դավոյանի համոզմամբ, բոլորը գիտեն, թե ինչ է տեղի ունեցել։ Երբ Գագիկ Ծառուկյանն ասաց, որ այլեւս  քաաղքականություն չի վերադառնալու, հետո միանգամից վերադարձավ, եւ, ինչպես ասաց Դավոյանը, բոլորը միանգամից մոռացան, թե ինչ էր տեղի ունեցել 2015 թվականին։

Լրագրողները հարցրին նաեւ, թե արդյոք իշխանությունը մտահոգություն ունի՞, որ եթե Գագիկ Ծառուկյանին զրկեն անձեռնմխելիությունից եւ քրեական հետապնդում սկսեն, հասարակության մի զանգված կարող է փողոց դուրս գալ, անվստահություն հայտնել իշխանությանը, բողոքի ակցիաներ անել։ Դավոյանը պատասխանեց, որ իր համար մտահոգությունը միայն այն է, որ եթե լինեն բողոքի ակցիաներ, կլինի խնդիր համավարակի հետ կապված։

Անդրադառնալով նաեւ ցուցարարներին, որոնք վանկարկում էին Ծառուկյան՝ վարչապետ՝ Դավոյանը հարցրեց՝ բա ի՞նչ էիք ուզում։ «Մարդիկ բերել են «Առինջ մոլ»-ի աշխատակիցներին՝ իրենց աշխատակիցներին, իսկ այն մարդիկ, որոնք իրենց կոտորում էին՝ վանկարկելով այդ կոչերը, ԲՀԿ-ի մերձ շրջանակներին են պատկանում»,- ասաց Դավոյանը՝ հավելելով, որ չի տեսնում այդտեղ ժողովրդի ձայնը, որովհետեւ մարդիկ ուրիշ բան են խոսում։

Տպել
3010 դիտում

Սա մեր ապագան կառուցելու միակ տարբերակն է, հեշտ հարց չէ. վարչապետը՝ Կիրանցի բնակիչներին (տեսանյութ)

Վարչապետը տիկնոջ հետ ներկա է գտնվել «...և նորից Գարուն» ներկայացմանը (լուսանկարներ)

Ինչ պայմանավորվածություն է ձեռք բերվել Փաշինյանի՝ Տավուշ այցի ժամանակ. մանրամասներ (լուսանկարներ)

Ես չեմ վիրավորում, ասում՝ «գյադեն հերդ ա», քոքից բռնվեք, կհանդիպենք․ Հովհաննես Դավթյանը՝ Արզաքանցյանին

Մենք պետք է թույլ չտանք պատերազմի սկսում․ ինչ է ասել վարչապետը տավուշցիների հետ հանդիպմանը

Պուտինն իրեն լեգիտիմություն տվեց՝ այլանդակությունները շարունակելու համար, ՌԴ-ին բարի ճանապարհ դեպի գերեզման. Սուքիասյան

Երևանն այս տարի կունենա 20 հա տարածք զբաղեցնող տնկարան, կտնկվի 2000 ծառ

ԱՄՆ-ն մտադիր չէ շնորհավորել Ռուսաստանի նախագահին ընտրություններում հաղթելու համար․ Պատել

Ամեն խաղի պետք է պատրաստվենք, ինչպես վերջինի․ Հարոյանը՝ Կոսովոյի հավաքականի հետ խաղի մասին

Հայաստանի և Մալթայի ԱԳՆ պաշտոնյաների խորհրդակցությունների ընթացքում անդրադարձ է եղել ՀՀ-ԵՄ գործընկերության խորացմանը

ՌԴ ԿԸՀ-ն ավարտել է ձայների հաշվարկը․ ընտրողների 87,28% քվեները Վլադիմիր Պուտինինն է

Նռնակ, պայթուցիչ ու փամփուշտներ․ Կապանի բնակիչը փրկարարական ջոկատում հանձնել է ԼՂ-ից բերված զինամթերքը

Վրաստանի ԱԺ կրթության հանձնաժողովի նախագահը գալիս է Հայաստան․ մանրամասներ

Մկրտչյանը ԱՄՆ ՄԶԳ փոխկառավարչի հետ քննարկել է ԼՂ-ից բռնի տեղահանվածներին աջակցության հարցում համագործակցությունը

Ինչ իրավիճակ է ՀՀ ճանապարհներին ժամը 20։00-ի դրությամբ

Վրաստանը պետք է ավելին անի Ռուսաստանին զսպելու համար․ ՆԱՏՕ-ի գլխավոր քարտուղար

Երկու երիտասարդ վիճել են տաքսու վարորդի հետ, ապա դանակահարել ուղևորին

Պուտինը հանդիպել է ՌԴ նախագահի թեկնածուների հետ, առաջարկել շարունակել ակտիվ համատեղ աշխատանքը

Հայաստանը հստակ դիրքորոշում ունի հասնել խաղաղության․ նախագահը հանդիպել է ֆրանսիացի մտավորականների հետ

Բորիս Բախշինյանը նշանակվել է Արարատի և Վայոց ձորի մարզերի առաջին ատյանի ընդհանուր իրավասության դատարանի դատավոր

Իսակովի պողոտայում՝ ռուսական եկեղեցու դիմաց, «ԿամԱԶ»-ը վրաերթի է ենթարկել հետիոտնին

ՀՀ ԱԳՆ պատվիրակությունը Բրյուսելում մասնակցել է Եվրոպական միության Արևելյան գործընկերության Ավագ պաշտոնյաների հանդիպմանը

Բայրամովը Լուիս Բոնոյի հետ հանդիպմանը վերահաստատել է Ադրբեջանի հանձնառությունը խաղաղության գործընթացին

Արտուր Հարությունյանը նշանակվել է Շիրակի մարզի առաջին ատյանի ընդհանուր իրավասության դատարանի դատավոր

Հակոբ Բալայանն ու Երևան քաղաքի ավագանու անդամ Միքայել Խաչատրյանը շրջայց են իրականացրել Էրեբունի վարչական շրջանում

Գորիսում 3 անձի նկատմամբ մահափորձի վարույթով հետախուզվող տղամարդը հայտնաբերվել է. մանրամասներ

ԱԺ-ում տեղի է ունեցել «Քաղաքացիական պայմանագիր» խմբակցության նիստը․ քննարկվել են տեղահանվածներին տրամադրվող ծրագրերը

Հռոմի Պապը չի շնորհավորել Պուտինին նորից վերընտրվելու համար․ Սուրբ Աթոռից հերքում են տեղեկությունները

Շիրակի մարզպետարանի կալանավորված պաշտոնյաների լիազորությունները կասեցվել են

Ինչ իրավիճակ է Ստեփանծմինդա-Լարս ավտոճանապարհին

Դուք շարունակում եք շարժվել Բուխարեստի գագաթնաժողովի որոշմամբ, Վրաստանը կդառնա ՆԱՏՕ-ի անդամ․ Ստոլտենբերգ

Քանաքեռավանի գազալցակայանում «Պեժո»-ի լիցքավորման պահին տեղի ունեցած պայթյունի հատկանիշներով նախաձեռնվել է քրվարույթ

Նիկոլ Փաշինյանը մանրամասնել է, թե ինչ խոսակցություն է ունեցել տավուշցիների հետ

Հասանովը Ստոլտենբերգին զեկուցել է հայ-ադրբեջանական սահմանին տիրող իրավիճակի մասին

Չեխիայի Հանրապետության խորհրդարանի Պատգամավորների պալատի նախագահը եվրոպական դրոշ է փոխանցել Սիմոնյանին

Աբովյանում ուղևորափոխադրման հարցի շուրջ տեղի ունեցած խուլիգանության գործով երեք անձի մեղադրանք է ներկայացվել

Երևանյան 28 փողոցներում վերգետնյա մալուխները կանցկացվեն ստորգետնյա կապուղիներով

Անդրանիկ Քոչարյանը ՆԱՏՕ ԽՎ նստաշրջանից առաջ հանդիպում է ունեցել ՀՀ ԱԳ փոխնախարարի հետ

Բաքվում Պուտինի օգտին քվեարկել է ռուսաստանցիների 77%-ը, ռեկորդային քվեարկությունը գրանցվել է Չեչնիայում՝ 98,99 տոկոս

Կալանավորվել է Շիրակի մարզպետարանի Քաղաքաշինության վարչության պետը և ևս մեկ հոգի