Մինչ հայտնի հայտարարությունը պարոն Ծառուկյանը պարոն Վանեցյանի հետ նույն այգում բազմաթիվ անգամ հանդիպել է. Ալեն Սիմոնյան

ԱԺ փոխխոսնակ Ալեն Սիմոնյանն այսօր Ազգային ժողովում լրագրողների խնդրանքով անդրադարձավ Գագիկ Ծառուկյանի հետ կապված երեկվա դեպքերին: Անդրադառնալով պնդումներին, թե Ծառուկյանի նկատմամբ իրականացվում է քաղաքական հետապնդում՝ պայմանավորված ԲՀԿ քաղաքական խորհրդի նիստում Կառավարության քննադատությամբ՝ Սիմոնյանն ասաց. 

«Քրեական գործերը հարուցվել են շատ ավելի շուտ, քան պարոն Ծառուկյանը նույն այգում, որտեղ հանդիպումներ է ունենում մինչեւ հիմա, հայտարարություններ է արել՝ կապված իշխանության 100 տոկոս փոփոխության հետ։ Ժամանակագրությունը չի կարելի կեղծել․ դրանք թվեր են, որոնք ակնհայտ են»։

Լրագրողների հարցին, թե արդյոք նախկին ուժային կառույցների ղեկավարների պատճառո՞վ էր, որ նման գործերն առաջ չէին գնում, Սիմոնյանը պատասխանեց՝ հնարավոր է։ Նա չցանկացավ հաստատել կամ ժխտել այդ վարկածը, սակայն եւ չբացառեց, որ նման բան կարող էր լինել։

Լրագրողները նաեւ հայտնեցին, որ երեկվանից համացանցում լայն տարածվում է Սիմոնյանի մասնակցությամբ տեսանյութ, որտեղ նա բարձր է գնահատում Գագիկ Ծառուկյանի քաղաքական գործունեությունը՝ հարցնելով, թե արդյոք դիրքորոշո՞ւմ է փոխվել։ ԱԺ փոխխոսնակը պատասխանեց, որ դա 2012 թվականի հոլովակ է, որը տարածում են մի քանի ԲՀԿ-ական ֆեյքեր։ Նա նաեւ շեշտեց՝ այդ հոլովակում ինքը հայտնում է, որ այդ ժամանակաշրջանում միակ ուժը, որ կարող է պայքարել Սերժ Սարգսյանի հետ, Գագիկ Ծառուկյանն է։

«Եթե դուք դա համարում եք համակրանք, ապա իմ եւ ձեր խոսակցությունը նույնպես կարելի է համարել համակրանք, որ ես համակրում եմ ձեր հեռուստաընկերությանը»,- ասաց Սիմոնյանը՝ դիմելով «Կենտրոն» հեռուստաընկերության լրագրողին, որը բարձրաձայնել էր այդ հարցը։

ԱԺ փոխխոսնակը հավելեց՝ ինքը հիմա էլ կարող է ասել՝ եթե 2012 թվականին Գագիկ Ծառուկյանը որոշեր, որ կարող է Սերժ Սարգսյանի դեմ դուրս գալ, կարող էր իր համակարգով դա անել: Այս հայտարարությունից հետո Սիմոնյանը լրագրողին հարցրեց, թե արդյոք այս փաստի արձանագրումը համարո՞ւմ են համակրանք։ «Ես հասկանում եմ, որ փառասիրությունն այդ համակարգում առաջնային է, բայց իրենք ինքնախաբեությամբ են զբաղվում»,- ասաց Սիմոնյանը։

Հարցին, թե արդյոք նմանություն չկա՞ ՀՀԿ-ի եւ այսօրվա իշխանության գործողությունների միջեւ, Սիմոնյանը տվեց բացասական պատասխան։ Նա շեշտեց, որ այս գործողությունները քաղաքական ենթատեքստ չունեն, եւ ինքը, լինելով իշխող ուժի ներկայացուցիչ, Ծառուկյանի տանը անցկացվող խուզարկությունների մասին իմացել է ԲՀԿ խմբակցության պատգամավոր Արման Աբովյանի տեսանյութից։

Ասաց, որ խորհրդի նիստ, վիրավորական արտահայտություններ, «հիստերիկություն» չեն արել, ինչպես ժամանակին անում էին Ծառուկյանի նախկին եւ հետագա գործընկերները։ Նրա խոսքով՝ կա իրավական գործընթաց, որը շարունակվում է եւ շարունակվելու է։

Հարցին, թե որքանո՞վ է իրավաչափ, երբ հարցաքննության փուլում գտնվող գործի փաստաթուղթը հայտնվում է համացանցում եւ այն էլ առողջապահության նախարարն է հրապարակում, Սիմոնյանը պատասխանեց, որ առողջապահության նախարարը նաեւ իշխող կուսակցության վարչության անդամ է եւ բացի առողջապահության նախարար լինելուց, քաղաքական գործիչ է։

Նրա խոսքով՝ երբ հնչում են մեղադրանքներ իշխանության հանդեպ, նորմալ է, որ քաղաքական կուսակցության ղեկավար կազմի անդամները արձագանքում են, անկախ նրանից, թե ինչ պաշտոն են զբաղեցնում։ «Իսկ շահարկել, որ նա առողջապահության նախարար է, կարող է վաղը, մյուս օրը լինի փոխվարչապետ կամ ընդհանրապես պաշտոն չզբաղեցնի»,- ասաց ԱԺ փոխխոսնակը՝ հավելելով, որ նախարարը, ինչպես եւ ինքը, հրապարակել են այդ փաստաթուղթը համացանցում տեսնելուց հետո։ Սիմոնյանի ունեցած տեղեկություններով՝ այն իրավապահների ձեռքում հայտնվել է շատ ավելի վաղ շրջանում եւ մեկ այլ քրեական գործի շրջանակներում։

Վերադառնալով Ծառուկյանի՝ ԱԱԾ հրավիրվելու փաստին՝ լրագրողները նաեւ հարցրին, թե ինչո՞ւ դա եղավ միայն այն փուլում, երբ Ծառուկյանը հայտարարեց, որ իշխանության կազմը պետք է փոխվի, եւ ինչո՞ւ մինչ այդ նմանատիպ գործողություններ չէին կատարվում։ «Ձեզ թվում է, որ մենք պարոն Ծառուկյանի հանդիպումների մասին իմացել ենք նրա հայտարարություններից հետո՞, չարաչար սխալվում եք։ Պարոն Ծառուկյանը հանդիպել է պարոն Վանեցյանի հետ նույն այգում բազմաթիվ անգամ, եւ Վանեցյանը նույնպես դա չհերքեց»,- ասաց նա, ինչից հետո լրագրողներից մեկը հարցրեց, թե արդյոք չի՞ անհանգստացրել այն հանգամանքը, որ Ծառուկյանն ու նախկին ԱԱԾ պետ Արթուր Վանեցյանը հանդիպում են։ Սիմոնյանը շեշտեց, որ ՀՀ իշխանությանը անհանգստացնում է միայն ՀՀ քաղաքացիների հետ շփումը։ Թե ով ում հետ որ այգում կհանդիպի, ինչ հին քաղաքական մեռել կբերի նոր քաղաքական դաշտ, կփորձի դա վերակենդանացնել, Սիմոնյանի պնդմամբ, չորրորդական բան է։

Հարցին, որ եթե գործը վաղուց էր հարուցված, ապա ինչո՞ւ հիմա Ծառուկյանը հրավիրվեց հարցաքննության, Սիմոնյանը պատասխանեց, որ երբ էլ դա լիներ, այդ հարցը հնչելու էր։ Նա վստահեցրեց, որ սա որեւէ կապ չունի քաղաքական հայտարարության հետ, իսկ քրեական գործի ընթացքն ունի հստակ ժամկետներ, ինչի շրջանակներում էլ քննվում է այս գործը։

Լրագրողները նաեւ ասացին, որ երեկվանից մի խումբ քաղաքացիներ իրենց աջակցությունն են հայտնում Գագիկ Ծառուկյանին՝ փողոց դուրս գալով։ Սիմոնյանը հստակեցրեց, որ այդ մարդիկ նրա աշխատակիցներն էին նաեւ։ Նա մեջբերեց երկու «սքրինշոթ», որոնք տարածվել էին համացանցում, եւ, ըստ որոնց, Գագիկ Ծառուկյանին պատկանող «Շանգրի Լա» կազինոյի հաշվապահներին շտապ կանչում էին։ «Մենք տեսանք ԱԱԾ-ի մոտ հավաքված պատգամավորներին, իրենց օգնականներին, թիկնապահներին եւ եւս մեկ տասնյակ աջակից-աշխատակիցներին»,- եզրափակեց Սիմոնյանը։

Տպել
4499 դիտում

Արցախում օձը մտել է բնակելի շենք․ ԱՀ ԱԻՊԾ-ն հորդորում է զգոն լինել՝ նկատվում է սողունների ակտիվացում

Ըմբիշ Արման Անդրեասյանը ցավալի պարտություն կրեց Մ-23 Եվրոպայի առաջնության եզրափակչում

Ստանիսլավ Զասը իր լիազորությունների շրջանակներում կնպաստի խնդրի խաղաղ հանգուցալուծմանը. ԱԽ քարտուղարի հեռախոսազրույցը

Ոչ միայն ադրբեջանցիները հայկական որևէ դիրք չեն գրավել, այլև նույնիսկ տեսականորեն չէին կարող գրավել. ԶՈւ ԳՇ infocheck

ԵԿՄ-ում զենք ու զրահ չի բաժանվում, գնում ենք զորավարժություններ անցկացնելու. Ռոմիկ Մխիթարյան

37-ամյա տղամարդը որոնվում է որպես անհետ կորած

Ծեծկռտուք, դանակահարություն Մասիսում․ 24-ամյա երիտասարդը հիվանդանոց է տեղափոխվել. (տեսանյութ)

Քաղաքացիները ոստիկանության Սյունիքի մարզային վարչության ստորաբաժանումներում հրազեններ են հանձնել

Մովսես Խորենացու մեդալով է պարգևատրվել Լիտվայի օպերայի և բալետի ազգային թատրոնի մեներգչուհի Հասմիկ Գրիգորյանը(տեսանյութ)

ԱԳ նախարարի տեղակալ Գագիկ Ղալաչյանը վրաց գործընկերոջ հետ մտքեր է փոխանակել տարածաշրջանային անվտանգության մասին

ՀՀ տարածքում շարունակում են գտնվել ադրբեջանական զինվորականներ.ռազմական կցորդներն այցելել են պաշտպանության նախարարություն

Մոսկվան գործադրելու է բոլոր ջանքերը՝ ստեղծված իրադրության խաղաղ հանգուցալուծման համար.Շոյգուն՝ Վաղարշակ Հարությունյանին

Հաղթանակ կամրջից 24-ամյա երիտասարդը փորձել է ցած նետվել

Կայացել է Արմեն Գրիգորյանի և Նիկոլայ Պատրուշևի հեռախոսազրույցը․ քննարկվել է հայ-ադրբեջանական սահմանին ստեղծված իրավիճակը

Փոխադարձ ջանքեր Արցախի ժողովրդի իրավունքները պաշտպանելու համար. Արցախի ՄԻՊ-ի նամակը ԵԽ մարդու իրավունքների հանձնակատարին

Մեկնարկել է ՀՀ Ազգային ժողովի նախագահ Արարատ Միրզոյանի պաշտոնական այցը Ռուսաստանի Դաշնություն

Արարատ Միրզոյանի գլխավորած պատվիրակությունը հանդիպեց Վյաչեսլավ Վոլոդինի հետ (լուսանկարներ)

Հայաստանն իրեն իրավունք է վերապահում պաշտպանելու իր տարածքային ամբողջականությունն ու ինքնիշխանությունը․ Արտակ Ապիտոնյան

Շարունակելու ենք բարձրացնել ռազմագերիների և կալանավորվածների վերադարձի խնդիրը. ԵԱՀԿ-ն պատասխանել է ՀՀ նախագահի նամակին

Այսուհետ կենսաթոշակի տրամադրման և ավանդների փոխհատուցման գումարի չափը քաղաքացիները կարող են հաշվել ինքնուրույն

Սիսիանում հայտնաբերվել է աղիքային վարակով ևս 43 հիվանդ․ որոշ կետերում ջրի որակը դեռևս չի համապատասխանում նորմերին

Լուկաշենկոն պատրաստակամություն է հայտնել ջանքեր գործադրել իրավիճակը խաղաղ հանգուցալուծելու նպատակով

Ամուսնության գրանցման համար պետական տուրք չի պահանջվի. հանրային ծառայություններում արմատական բարեփոխում է իրականացնում

Վաղարշակ Հարությունյանը և Իգոր Կոնստանտինովը քննարկել են համագործակցության հետ կապված հարցեր

Ալիևը ռուսական կողմի հետ «Զանգեզուրի միջանցքի» հարց չի կարող քննարկել. երկաթուղային ենթակառուցվածքի սեփականատերը ՀՀ-ն է

Իրավիճակն արագ չհանգուցալուծելու դեպքում հետևանքը կարող է անկանխատեսելի լինել. Հարությունյանը՝ ՀԱՊԿ գլխավոր քարտուղարին

Սյունիքից սանավիացիայի ուղղաթիռով Երեւանի «Սուրբ Աստվածամայր» ԲԿ է տեղափոխվել մեկ տարեկան երեխա

Ռուսաստանը պատրաստ է աջակցել Հայաստանին և Ադրբեջանին սահմանազատման և սահմանագծման հարցերում․ Սերգեյ Լավրով

Մարվել է «Հայկական ավանդական խոհանոց. Ղափամա» թեմային նվիրված նամականիշ

Հայաստանը ներկայացնում է իր զբոսաշրջային ներուժը Միջին Արևելքի առաջատար՝ ATM Dubai զբոսաշրջային ցուցահանդեսում

Ջրահեռացման համակարգը մաշվել էր, ջրի զգալի կորուստ էր լինում. ինչ շինաշխատանքներ են ընթանում հրապարակում

Հետաքրքրություն կա, այն էլ՝ շատ մեծ․ Տիխոնովը մեկնաբանել է Հարոյանի հավանական տրանսֆերը իսպանական Լա Լիգա

RESET․ UCOM-ում ցանկացած տեսակի եւ բարդության սմարթֆոնների, պլանշետների եւ շարժական մոդեմների վերանորոգում

Ռուս խաղաղապահների ուղեկցությամբ 80 ուխտավորներ այցելել են Ամարասի վանական համալիր

Մխիթարյանն անձնական ռեկորդ է սահմանել թոփ-5 լիգաներում

Համայնքային թանգարանները կմիանան Թանգարանների միջազգային օրվա և «Թանգարանների գիշեր» ծրագրին

Նիկոլ Փաշինյանը հայ-ադրբեջանական սահմանի իրավիճակի մասին խոսել է Ղրղզստանի նախագահի հետ

Ասկերանի շրջանի Իվանյան համայնքում սկսվել են 180 բնակարանից կազմված նոր թաղամասի կառուցման աշխատանքները

Եռակողմ պայմանավորվածությունների կատարումն այլընտրանք չունի. Պեսկովը՝ Պուտինի դիրքորոշման մասին

Visa Chatbot և Chatbot Consierge նոր ծառայություններ` ՎՏԲ Բանկի Visa և Mastercard պրեմիում դասի քարտապանների համար