Որոշ ուժերի ոչ ֆորմալ համախմբում արդեն կա, նրանք հիշվելու են որպես պատերազմի ժամանակ թիկունքից հարվածողներ. քաղաքագետ

ՀՀ վարչապետ Նիկոլ Փաշինյանը երեկ Ազգային անվտանգության ծառայության ղեկավար կազմին ներկայացրեց նորանշանակ տնօրեն Արգիշտի Քյարամյանին, ոստիկանության ղեկավար կազմին՝ ոստիկանապետ Վահե Ղազարյանին եւ զինված ուժերի գլխավոր շտաբի ղեկավար կազմին՝ նոր պետ Օնիկ Գասպարյանին: Նա շնորհակալություն հայտնեց այդ պաշտոններում համապատասխանաբար պաշտոնավարած Էդուարդ Մարտիրոսյանին, Արման Սարգսյանին եւ Արտակ Դավթյանին համատեղ աշխատանքի համար՝ չբացառելով պաշտոնանկ եղած  անձանց հետ առաջիկա համագործակցության հնարավորությունը:

Վարչապետը չհստակեցրեց, թե ո՞րն էր նրանց ազատման պատճառը: Եթե Արտակ Դավթյանի դեպքում դա հասկանալի էր, ապա մյուսների դեպքում՝ ոչ այնքան: Հիշեցնենք, որ նախորդ շաբաթ էլ պաշտոնից ազատվել էր ՊԵԿ նախագահ Դավիթ Անանյանը: Այս ամենի շուրջ զրուցել ենք քաղաքագետ Մովսես Հարությունյանի հետ.

- Պարո՛ն Հարությունյան, նախօրեին վարչապետի առաջարկությամբ մի շարք պաշտոնանկություններ տեղի ունեցան: Եթե ԶՈՒ ԳՇ պետի պաշտոնից Արտակ Դավթյանի ազատման պատճառը բոլորին հասկանալի էր (որդու հարսանիքը արտակարգ դրության պայմաններում), ապա մյուս երկու պաշտոնյաների ազատման պատճառը չբացատրվեց՝ հնարավորություն տալով տարբեր շրջանակներին դա ընկալել եւ մեկնաբանել յուրովի: Հետաքրքիր է, թե, ըստ Ձեզ, ի՞նչը կարող էր պատճառ հանդիսանալ այդ ազատումների համար: Ի՞նչ կարծիք ունեք նոր նշանակումների մասին:

- Ճիշտ եք, ազատումների պատճառների մասին չեղավ պաշտոնական հայտարարություն, բայց այսօրվա հրաժեշտի միջոցառումների ժամանակ հնչած տեքստերից կարող ենք արձանագրել, որ հեռացող պաշտոնյաների եւ վարչապետի միջեւ առկա չէ որեւէ տարաձայնություն կամ անձնական կոնֆլիկտ: Կարծում եմ` պաշտոնանկությունները պայմանավորված են զուտ այն բարձր նշաձողով, որը դնում է Նիկոլ Փաշինյանն ուժային կառույցների եւ իրավապահ մարմինների ղեկավարների, իսկ հանրությունն էլ` Նիկոլ Փաշինյանի առաջ, քանի որ հասարակությունը հեղափոխական իշխանությունից ակնկալում է ավելի ուժգին եւ վճռական պայքար նախկինում իրականացված հանցագործությունների բացահայտման ճանապարհին:

- Ինչպե՞ս եք գնահատում քաղաքական իրավիճակը ներկայումս. մի կողմից կա գրեթե համազգային պայքար կորոնավիրուսի դեմ կամ ավելի ճիշտ հակահամաճարակային կանոնները պաշտպանելու համար, մյուս կողմից կան քաղաքական ուժեր, որոնք ակտիվացել են՝ ընդդեմ իշխանությունների: Ինչի՞ կարող է սա հանգեցնել:

- Արձանագրենք մի շատ կարեւոր բան. այս իրավիճակում իշխանության դեմ պայքարողները պայքարում են ոչ թե իշխանության, այլ Հայաստանի Հանրապետության եւ մեր պետականության դեմ: Պատերազմական վիճակում գտնվող Կառավարությանը օգնելու եւ համախմբման կոչեր անելու փոխարեն մենք տեսնում ենք տարբեր շրջանակների կողմից քաղաքական դիվիդենտներ շահելու փորձեր: Չեմ կարծում, որ նկատվող քաղաքական ակտիվացումները կհանգեցնեն ինչ-որ լուրջ քաղաքական գործընթացների: Ընդհակառակը, վստահ եմ, որ այս ամենը հետագայում օգտագործվելու է հենց իրենց դեմ, եւ այդ ուժերը հիշվելու են որպես պատերազմական ժամանակ իրենց հայրենակիցների թիկունքից հարվածողներ:

- Հնարավոր համարո՞ւմ եք, որ իշխանությանը դեմ դուրս եկած ուժերի համախմբում տեղի ունենա: Եթե դիտարկենք այս պահին եղած դիրքավորումները, ո՞ր ուժերը կարող են միանալ իրար այդ պայքարում:

- Կարող ենք ասել, որ ոչ ֆորմալ համախմբում արդեն առկա է: Ասվածի ապացույցն են տարբեր քաղաքական ուժերի կողմից գրեթե նույն ժամանակաշրջանում նույնաբովանդակ տեքստերով հայտարարությունների հնչեցումը եւ քաղաքական ակտիվացումը: Հնարավոր է, որ կարճ ժամանակ անց մենք տեսնենք նաեւ ֆորմալ համախմբման օրինակներ: Դատելով վերջին հայտարարություններից` կարող ենք տեսնել, օրինակ, Արթուր Վանեցյան-ՀՅԴ համախմբում, որին հետագայում կարող են միանալ նաեւ ընդդիմադիր այլ ուժեր: Չեմ բացառում նաեւ այդ ճակատին ԲՀԿ-ի միացումը, ինչն անուղղակի տեքստով իր խոսքում հնչեցրեց ԲՀԿ առաջնորդ Գագիկ Ծառուկյանը:

- Գագիկ Ծառուկյանի վերջին շրջանի պահվածքը, ի դեպ, ինչո՞վ եք պայմանավորում. չէ՞ որ Գագիկ Ծառուկյանի ղեկավարած «Բարգավաճ Հայաստանն» ու Ազգային ժողովի «Ծառուկյան» խմբակցությունը Սերժ Սարգսյանի հրաժարականից րոպեներ առաջ հայտարարեցին «համաժողովրդական շարժմանը միանալու» մասին, դուրս եկան փողոց, միացան Նիկոլ Փաշինյանի առաջնորդած երթին: Կարծում եք՝ նրանք իրո՞ք դժգոհ են Կառավարությունից, թե՞ այլ հաշվարկներ կան: Օրինակ՝ այն, ինչի մասին խոսում էր վարչապետի մամուլի խոսնակը:

- Մենք նկատում ենք, որ ԲՀԿ-ի քաղաքական ակտիվացումները կրում են փուլային բնույթ եւ պայմանավորված են կուսակցության տնտեսական շահերին բախվող մասնավոր օրինակներով: Եթե ողջ աղմուկի նպատակը լիներ միայն Կառավարության քաղաքականությունից դժգոհությունը, ապա կուսակցությունը չէր շտապի եւ իր գնահատականները կհնչեցներ համաճարակային իրավիճակի կայունացումից հետո: Կարծում եմ` նրանց հերթական ակտիվացումը պայմանավորված է որոշակի իրավական գործընթացների մեկնարկով կամ էլ դրանց մեկնարկից ունեցած որոշակի վախերով, որոնց մասին ակնարկեց նաեւ վարչապետի մամլո խոսնակ Մանե Գեւորգյանը:

- Պարո՛ն Հարությունյան, Փաշինյանի նախաձեռնած կադրային փոփոխությունները որքանո՞վ կապ ունեն կոռուպցիայի դեմ պայքարի հարցում եղած իրավիճակի հետ: Օրերս պաշտոնից ազատվեց նաեւ ՊԵԿ նախագահը: Գրեթե զուգահեռ հայտնի դարձավ, որ Միքայել Մինասյանի համակարգիչն է հայտնաբերվել, որում հնարավոր է վերականգնել ֆայլերը եւ, ըստ այդմ, նաեւ բացահայտել նրա կատարմամբ նոր արարքներ, որոնք կարող են լրացնել նրա մեղադրանքի ծավալը:

- Կարծում եմ՝ առկա է ուղղակի կապ տեղի ունեցող փոփոխությունների եւ կոռուպցիայի դեմ իրականացվող պայքարի միջեւ: Նկատելի է, որ Նիկոլ Փաշինյանը դրսեւորում է քաղաքական կամք՝ կյանքի կոչելու իր տված խոստումները: Իրականացվող հաճախակի փոփոխությունները վկայում են, որ նրան փաստացի չեն գոհացնում կոռուպցիայի դեմ պայքարի տեմպերը:

- Այդ առումով նոր նշանակումներն ի՞նչ փոփոխություն կարող են բերել հանցագործությունների բացահայտման գործում: Հանրությունը մի կողմից շարունակում է ակնկալել նախկինների կոռուպցիոն սխեմաների բացահայտում, բայց մյուս կողմից, երբ որեւէ բացահայտում էլ լինում է, հետապնդվողը հասցնում է փախչել:

- Մեծ է հավանականությունը, որ վերջին նշանակումները նոր շունչ եւ որակ են հաղորդելու հանցագործությունների բացահայտման գործընթացին: Մասնավորապես՝ ԱԱԾ նորանշանակ տնօրենի մասով կարող ենք ասել, որ վերջինս նոր դեմք է համակարգում, ինչն էլ քչացնում է հավանականությունը, որ նա հանցագործությունների բացահայտման ճանապարհին կունենա ինչ-ինչ կաշկանդող հանգամանքներ: Կարծում եմ` կարճ ժամանակ անց արդեն հանրությանը տեսանելի կլինեն նոր նշանակումների արդյունքները:

Տպել
5399 դիտում

Ականի պայթյունի հետևանքով պայմանագրային զինծառայողը վիրավորում է ստացել. ՊՆ

Թմրանյութ՝ կոնֆետներում. «Արթիկ» ՔԿՀ-ում քրեական գործ է հարուցվել

Ազգային արժանապատվությունը նվաստացնելու դեպքով հարուցված քրգործով ձերբակալվել է Արմեն Գրիգորյանը. ԱԱԾ (տեսանյութ)

Անցկացվել է գումարտակի մարտավարական զորավարժություն՝ հարձակողական մարտի իրականացմամբ

Մեկնարկել է ընդդիմության հանրահավաքը

Վահագն Խաչատուրյանը պետական պարգև է հանձնել Հայաստանում Սուրբ Աթոռի առաքելական նվիրակին (տեսանյութ)

ՀՀ գլխավոր դատախազ Արթուր Դավթյանը հանդիպել է Եգիպտոսի գլխավոր դատախազին. ստորագրվել է համագործակցության հուշագիր

Դոլարի փոխարժեքը նվազել է. ՀՀ կենտրոնական բանկը հրապարակել է նոր փոխարժեքներ

Արցախի Հանրապետության ճանապարհային ոստիկանությունը ծառայությունն իրականացնում է խստացված ռեժիմով

Ձերբակալվել է КВН-ի նախկին անդամ Արմեն Գրիգորյանը

Կյանքը խաթարող խառնակիչները շարունակում են չհասկանալ՝ աղբարկղները գրկած վազվզելը անհնազանդության ակցիա չէ. Դավոյան

ՎՏԲ-Հայաստան բանկը մեկնարկում է ապառիկ վաճառքի կետերում վարկերի ձևակերպումը ոչ թղթային տեխնոլոգիայի կիրառմամբ

Սևանա լճում որոնողական աշխատանքները շարունակվում են

Երկրաշարժ Խաշթառակ գյուղից 3 կմ արևմուտք. զգացվել է նաև Տավուշի մարզի որոշ գյուղերում

Ամերիաբանկն ստացել է «Տարվա գործարքը 2021–Կանաչ առևտուր» մրցանակը ՎԶԵԲ-ի Առևտրի խթանման ծրագրի շրջանակում

ՀՀ մարդու իրավունքների պաշտպանի աջակցությամբ զինծառայողը ստացել է անհրաժեշտ վիրահատական բուժում

Ռուստամ Բադասյանը կմեկնի արձակուրդ

ՀՀ վարչապետն ընդունել է Ռոբին վան Պույենբրոքին. ներկայացվել է Երևանում համաշխարհային առևտրի կենտրոն հիմնելու նախագիծը

Ոստիկանի նկատմամբ բռնություն գործադրելու կասկածանքով ձերբակալվել է Յուրի Խաչատուրովի որդին՝ Իգոր Խաչատուրովը. ՔԿ

Նախագահ Վահագն Խաչատուրյանը շնորհավորական ուղերձ է հղել Կասիմ-Ժոմարտ Տոկաևին՝ ծննդյան տարեդարձի առթիվ

Ավտոմեքենան դուրս է եկել երթևեկելի գոտուց, ընդհարվել սյանը, վարորդը մահացել է. կատարվում է նախաքննություն (տեսանյութ)

Նիկոլ Փաշինյանին ձերբակալելու մասով միջնորդությունը մերժվել է. ՀՀ գլխավոր դատախազության պարզաբանումը

Ոստիկանության ստորաբաժանումները մեկ օրում բացահայտել են հանցագործության 66 դեպք, որից 7-ը՝ նախկինում կատարված

Օդի ջերմաստիճանը աստիճանաբար կբարձրանա. առաջիկա օրերի եղանակային կանխատեսումը

Ազգային ժողովը «проходной двор» չէ, որ երբ ուզես մտնես ու դուրս գաս. Ալեն Սիմոնյանը՝ ընդդիմադիրների բացակաների մասին

Հակոբ Արշակյանը մասնակցել է ՀԱՊԿ ԽՎ մշտական հանձնաժողովների արտահերթ նիստին

Լոռիում խորտկանոցի սեփականատերը կանանց 1000 և 5000 դրամ է տվել՝ պոռնկությամբ զբաղվելու համար (տեսանյութ)

ՀՀ նախագահն ու Ֆուկուսիմա Մասանորին մտքեր են փոխանակել հայ-ճապոնական երկկողմ օրակարգի շուրջ (տեսանյութ)

Մոսկվան Երևանում տեղի ունեցող ցույցերը Հայաստանի ներքին գործն է համարում. ՌԴ ԱԳՆ

Հայտնի է Եվրոպայի բռնցքամարտի առաջնությունում Հայաստանի հավաքականի կազմը

Երևանի Կիևյան փողոցում «Տոյոտա»-ի վարորդը վրաերթի է ենթարկել մի քաղաքացու, այնուհետ՝ բախվել այլ մեքենայի

Գնել Սանոսյանը և Իրանի նավթի նախարարը քննարկել են գազ՝ էլեկտրաէներգիայի դիմաց ծրագրով նոր պայմանագիրը

Խծաբերդում գումարտակի հրամանատարի կողմից մարտադաշտն ինքնակամ լքելու մասին քրգործն ուղարկվել է դատարան

Բողոքի ակցիաներին մասնակցել է ընդամենը 730 մարդ. Չախոյան

Թանգարանները մայիսի 18-ին անվճար կլինեն բոլոր այցելուների համար

Երևանի տարբեր հատվածներից բերման է ենթարկվել ակցիաների մասնակից 414 քաղաքացի

Ոստիկանությունը չի կարող և չպետք է լավամարդ կամ վատամարդ լինի, մենք էլ պարտավոր ենք նեցուկ լինել նրանց. պատգամավոր

ՄԻՊ-ը դատապարտում է բուժաշխատողների նկատմամբ բռնությունն ու կոչ անում բացառել ցանկացած նման դրսևորում

Քորթնի Քարդաշյանը և Թրեյվիս Բարկերը գաղտնի ամուսնությունից հետո օրինականացրել են հարաբերությունները (լուսանկարներ)

Ստեփանավանում վարորդն ընկել է ինքնաբերաբար ընթացող մեքենայի տակ և մահացել