«Պարոն Ծառուկյան, մենք համապատասխանաբար 2020 թվականում ենք». պատգամավորը խորհուրդ է տալիս նորմալ խորհրդական վարձել

ՀՀ վարչապետ Նիկոլ Փաշինյանը երեկ երեկոյան ճեպազրույցի ընթացքում անդրադարձավ որոշ քաղաքական շրջանակների վերջին շրջանի պահվածքին, այդ թվում, առանց անուն տալու խոսեց ԲՀԿ առաջնորդ Գագիկ Ծառուկյանի կողմից կուսակցության քաղխորհրդի նիստում արված հայտարարությունների մասին, թե բոլոր ոլորտները ձախողված են եւ Կառավարության կազմը 100 տոկոսով պետք է փոխվի: 

«Հայաստանում կորոնավիրուսի համավարակի հետ կապված շատ հատկանշական իրավիճակ է արձանագրվել, եւ Հայաստանում դաշտը կարելի է բաժանել երկու մասի: Մարդիկ, որոնք շահագրգռված են, որ կորոնավիրուսի վարակը հնարավորինս տարածվի եւ հնարավորինս վատ ընթացք ստանա: Դրանք հայտնի քաղաքական շրջանակներն են»,- ասաց Նիկոլ Փաշինյանը:

Վարչապետը, սակայն, վստահեցրեց, որ այդ ուժերը համավարակի ավարտից հետո իրենք էլ են ավարտվելու՝ դե յուրե արձանագրելով քաղաքական աղբանոցում գտնվելը, այս անգամ՝ ցկյանս:

«Այսինքն՝ նրանք ավարտված են, բայց էնքան էլ լավ չեն հասկանում, որ ավարտված են: Ովքեր լավ չեն հասկանում եւ հասկանալու հետ կապված օբյեկտիվ, բնածին պրոբլեմներ ունեն, մենք նրանց տեսանելի եւ հասկանալի կերպով կբացատրենք եւ դա էս անգամ, համոզված եղեք, կհասկանան ցկյանս»,- ասաց վարչապետը:

Նա վստահեցրեց, որ այդքանից հետո այդ քաղաքական շրջանակներն այլեւս չեն փորձի քթները խոթել այնտեղ, որտեղ իրենց տեղը չէ:

«ՀՀ ժողովրդի վստահությունը վայելող կառավարության նկատմամբ սաբոտաժային քայլերն արժանանալու են գնահատականների, եւ այդ գնահատականների հեղինակներն արժանանալու են շատ կոնկրետ քաղաքական ճակատագրի. նրանք նետվելու են Հայաստանի քաղաքական պատմության աղբանոցը: Նրանք այնտեղ են դե ֆակտո, եւ այնտեղ լինելու փաստը դե յուրե կարձանագրվի շատ շուտով»,- հայտարարեց Փաշինյանը:

Ինչպես հայտնի է՝ ուրբաթ օրը տեղի ունեցած հրատապ նիստում Ծառուկյանը նաեւ պատրաստակամություն է հայտնել հանդիպել, իր խոսքերով, բոլոր առողջ, ժողովրդի կողմից ընդունելի քաղաքական ուժերի հետ՝ քննարկելու երկիրը ստեղծված իրավիճակից դուրս բերելու ուղղությունները։

Նրա հայտարարություններին արձագանքել են մի քանի ուժեր, այդ թվում ԱԱԾ տնօրենի պաշտոնից հեռացված Արթուր Վանեցյանն ու ՀՅԴ-ն:

Վանեցյանն, օրինակ, «Ազատության» հետ զրույցում ասել է, որ Ծառուկյանի հետ ունեցել է, ունի եւ շարունակելու է ունենալ լավ հարաբերություններ։ Ընդգծել է, թե իրենց հանդիպումները կրում են պարբերական բնույթ, բայց քաղաքական թեմաներով այս պահին դեռ ոչինչ չեն խոսել: ՀՅԴ-ն եւս չի բացառել քննարկումների հնարավորությունը:

Ի հակառակ նրանց, հայտարարություն էր տարածել «Ժողովրդավարական հայրենիք» կուսակցությունը՝ առաջարկելով բոլոր մտահոգ ուժերին, գործիչներին եւ Նիկոլ Փաշինյանին՝ կազմակերպել  լայն համազգային  համախմբում,  կանխել հերթական անգամ  դրսից պարտադրվող  եւ նրանց շահերին սպասարկող պետականակործան զարգացումները։

«Իմ քայլը» խմբակցության պատգամավոր Սիսակ Գաբրիելյանի հետ քննարկել ենք, թե հնարավո՞ր է ԲՀԿ-ն հեղաշրջում կամ իշխանափոխություն նախաձեռնի:

- Պարոն Գաբրիելյան, Կառավարության կողմից բոլոր ոլորտները ձախողելու մասին հայտարարությանը անմիջապես արձագանքեցին «Իմ քայլ»-ի մի շարք պատգամավորներ եւ հետո նաեւ վարչապետի մամուլի խոսնակը՝ ասելով, թե Ծառուկյանը մտահոգված է իր վերաբերյալ քրգործերով, ապօրինի գույքի բռնագանձման մասին օրենքով: Ի՞նչ քրգործերի մասին է խոսքը, ինչո՞ւ Ծառուկյանը հիմա խոսեց: Ինչ որ զարգացումնե՞ր կան այդ քրգործերով:

- Ես չեմ ուզում քրգործերից խոսել, առաջին՝ որովհետեւ որեւէ տեղեկության չեմ տիրապետում, բայց կարող եմ ասել. հարգելի պարոն Ծառուկյան, համապատասխանաբար մենք 2020 թվականում ենք դեռ եւ Կառավարությունն ու «Իմ քայլը» ինչ խոստացել են, քայլ առ քայլ անում են: Թե ինչ են խոստացել եւ չեն արել, այդ հարցին մենք կարող ենք պատասխան տալ 2023 թվականին, որովհետեւ մեր խոստումները 5 տարվա համար էին: Ընդամենը 1 տարի եւ 3 ամիս է պաշտոնավարում այս խորհրդարանը, այսինքն մեր ժամկետի 20-25 տոկոսը, եւ հիմա ասել՝ ձեր խոստումները չեն կատարվել, ծիծաղելու էլ չի անգամ: Պարոն Ծառուկյանը հսկայական գումարների է տիրապետում, ես խորհուրդ կտամ նորմալ խորհրդականներ վարձել, որոնք կհուշեն, որ մենք դեռ 2020 թվականի մեջ ենք եւ չի կարելի ընտրվելուց մեկ տարի հետո ասել, թե դուք չեք կատարել ձեր 5 տարվա խոստումները: Ասեմ ավելին, այդ խոստումներին, որոնք ներառված էին Կառավարության ծրագրում, պարոն Ծառուկյանի գլխավորած խմբակցությունը դեմ է քվեարկել: Այս պարագայում չեմ հասկանում, թե որն է նրանց մտահոգվելու պատճառը: Նրանք դեմ էին այդ խոստումներին, բայց հիմա նեղվում են, որ մենք դրանք չենք կատարում: Մյուս կողմից, մեր խոստումների հասցեատերը մեր ընտրողներն են, միայն նրանք կարող են դժգոհել մեզանից, որովհետեւ նրանք են ընտրել մեզ:

Ինչ վերաբերում է տնտեսական իրավիճակին, պարոն Ծառուկյանը ընդամենը կարող է խորհրդարանի իր ընդդիմադիր գործընկերոջը՝ Էդմոն Մարուքյանին հարցնել, թե ինչպիսի տարի է եղել 2019 թվականը: Խորհրդարանում լավագույն գնահատականը Կառավարությանը տվել է էդմոն Մարուքյանը՝ արտասանելով բառացի հետեւյալ խոսքերը. «Այո՛, պարոն վարչապետ, 2019-ը իսկապես ոսկե տարի էր»: Ես համաձայն եմ նրա հետ: Պարոն Մարուքյանը նկատի ունի եկամուտների մասով, ես էլ դա նկատի ունեմ: Խոստացվել էր 5 տոկոս տնտեսական աճ կլինի, արվել է մոտավորապես 8 տոկոս, խոստացվել էր, որ կբարձրանան թոշակները, արվել է, խոստացվել էր x երկարությամբ ճանապարհներ վերանորոգել, այդ խոստումը մի բան էլ ավելի է կատարվել:

Իսկ թե ինչու է հիմա խոսում պարոն Ծառուկյանը, իմ կարծիքով մեր հասարակությունը բավական խելացի է, իրենց համար էլ էր հետաքրքիր, թե ինչու հենց հիմա, ի՞նչը փոխվեց:

Ես կարող եմ ենթադրել, կասկածներ ունենալ: Փորձը ցույց է տալիս, որ երբ որեւէ քաղաքական գործիչ սկսում է կոշտ հռետորաբանությամբ հանդես գալ, մենք տեսնում ենք բավական կարճ ժամանակ անց այդ անձի վերաբերյալ ի հայտ են գալիս քրեական գործեր: Բայց այդ գործերը առնչվում են տարիներ առաջ տեղի ունեցածին: Միգուցե պարոն Ծառուկյանին սխալ կամ ճիշտ տեղեկություններ են փոխանցվել իրեն առնչվող գործերի մասին:

- Հիմա եթե իրավական առումով զարգացումներ լինեն քրգործերում, պարզ է չէ՞, որ դրանք ընկալվելու են որպես քաղաքական հետապնդում:

- ԲՀԿ-ն դա այսպես թե այնպես գնահատելու է քաղաքական հետապնդում, եթե իհարկե լինեն նման զարգացումներ: Եթե կլինեն՝ մեր իրավապահները պետք է հրապարակեն բոլոր փաստերը, որպեսզի եւ մեզ համար, եւ հասարակության համար պարզ լինի, թե ինչու է նման գործ հարուցվել:

- Պարոն Գաբրիելյան, եթե հետեւել եք համացանցային քննարկումներին, շատերը Ծառուկյանի այս պահվածքի մեջ մեղադրում էին իշխանությանը՝ ասելով, որ դուք եք նրան իր հայտնի մականունից ազատել, դարձրել պարոն Ծառուկյան, օլիգարխից դարձրել գործարար, 2 տարի է՝ խոսում եք նրան առնչվող քրգործերի մասին, բայց այդպես էլ որեւէ մեղադրանք մինչ այժմ չի առաջադրվել նրա կուտակած հարստության ծագման, խախտումների, նրան առնչվող բիզնեսների վերաբերյալ: Ընդունո՞ւմ եք, որ իշխանությունն ունի այսպիսի մեղավորություն:

- Եթե ընդունեմ, որ կա նման մեղավորություն, ես ուղղակի կհաստատեմ, որ տվյալ անձը հանցագործ է: Ես նման հայտարարություն չեմ կարող անել: Բայց կարող եմ ասել, որ հասարակությունը սպասում է ինչ-ինչ զարգացումների, դա կիսում եմ միանշանակ, որովհետեւ նույն հասարակությունը ասում է՝ մեր աչքի առաջ է ամեն ինչ տեղի ունեցել եւ մենք դա շատ լավ հասկանում ենք: Բայց պետք է հասկանալ, որ բավականին բարդ է իրավապահների գործը: Իհարկե այնպես չէ, որ զարգացումներ չկան. այս պահին կա առաջադրված մեղադրանք, իհարկե ոչ իր նկատմամբ, բայց իր հետ փոխկապակցված անձի նկատմամբ է (խոսքը Մուլտի գրուպ կոնցեռնի տնօրեն Սեդրակ Առուստամյանի մասին է-խմբ.): Ես չեմ բացառում, որ օբյեկտիվ եւ բազմակողմանի քննության արդյունքում իրավապահները ընդարձակեն այդ անձանց շրջանակը եւ մենք քրգործի շրջանակներում տեսնենք այլ անձանց: Գուցե մոտ է այդ ժամանակը եւ սա է պատճառը այդ ակտիվացման:

- Ծառուկյանը նաեւ հայտարարեց, որ պատրաստ է հանդիպել տարբեր քաղաքական ուժերի հետ, քննարկել իրավիճակից դուրս գալու ելքերը: Կորոնավիրուսով պայմանավորված այս պայմաններում երբ իրավիճակը պատերազմական է համարվում, երբ մարդկանց սոցիալական վիճակը վատացել է, նման համախմբումն ընդդեմ իշխանությունների վտանգավոր չէ՞ իշխանության համար՝ հաշվի առնելով, որ նրան արձագանքել են տարբեր հին եւ նորաստեղծ քաղաքական ուժեր: Իշխանափոխության հնարավորություն տեսնո՞ւմ եք:

- Վերջին ընտրություններին մենք ստացել ենք 900 հազար ձայն, բայց 200-300 հազար քաղաքացի չի ընտրել «Իմ քայլ»-ին, Նիկոլ Փաշինյանին, հետեւաբար ես չեմ բացառում, որ երկրում կա մի քանի հազար մարդ, որ դեմ է մեզ: Չի ընտրել, բա դեմ չլինի՞: Ես կարծում եմ, որ այդ մի քանի հարյուր հազարը դարձել է մի քանի հազար, ինչը նշանակում է, որ մենք առաջընթաց ունենք: Հայաստանում ժողովրդավարական ընտրություններն այլեւս անշրջելի են եւ իշխանափոխությունը հնարավոր է միայն ընտրությունների միջոցով:

- Արթուր Վանեցյանը ասել է, որ Ծառուկյանի հետ իր հանդիպումները պարբերական բնույթ են կրում, բայց քաղաքական թեմաներով այս պահին դեռ ոչինչ չեն խոսել: Ի՞նչ ունեն քննարկելու նրանք պարբերաբար, եթե քաղաքական թեմաներով դեռ չեն խոսել:

- Չեմ կարող ասել՝ ինչ են քննարկել, գուցե ընդհանուր ինչ-որ բաներ ունեն, գուցե իրար շատ նման են եւ իրար հետ ասելիք ու խոսելիք ունեն: Եթե պարբերաբար հանդիպում են, կարելի է ենթադրել, որ ընդհանուր խոսելիք ունեն:

Տպել
14547 դիտում

Քրեական գործի շրջանակներում որոնվում է տեսագրության մեջ պատկերած անձը. ՔԿ (տեսանյութ)

Բուրկինա Ֆասոյում իշխանության զավթումը զինվորականների կողմից հաջողվել է. նախագահին շարունակում են ձերբակալված պահել

Արցախում 2021 թվականին հայտնաբերվել է շուրջ 200 նորահայտ հուշարձան

Սերժ Սարգսյանը և Ռոբերտ Քոչարյանը, որպես ՀՀ նախագահներ, հայտարարել են, որ Թուրքիայի հանդեպ տարածքային պահանջներ չունեն

Որոշ կրթական մրցույթների և միջոցառումների մեկնող հայ երիտասարդները ավիատոմսի ծախսի փոխհատուցում կստանան. ԿԳՄՍ

«Հայաստան» խմբակցությունն այս պահին քննարկման փուլում է՝ առաջադրե՞լ ՀՀ նախագահի թեկնածու, թե՞ ոչ

Պոլսո Հայոց պատրիարքը ապաքինվել է կորոնավիրուսից

Խմբակցությունում դեռևս նախագահի թեկնածուի վերաբերյալ քննարկումներ չկան. ՔՊ պատգամավորներ

Շրջակա միջավայրի նոր փոխնախարարը կհամակարգի 2 վարչությունների, Անտառային կոմիտեի և 7 ՊՈԱԿ-ների աշխատանքը

Հայաստանի առաջատար հարկատու բանկը 2021 թվականի տվյալներով. Ամերիաբանկ

Պեկինի ձմեռային օլիմպիական խաղերի ավանը սկսել է ընդունել առաջին հյուրերին

ՔՊ-ական պատգամավորը մեկնաբանում է 102-րդ ռազմաբազան Գյումրիից հանելու մասին լուրերը

Հայաստանը կարող է հաջողության օրինակ լինել. «Թրանսփարենսի Ինթերնեշնլ»-ը հրապարակել է կոռուպցիայի ինդեքսը՝ ըստ երկրների

Գողություն, ծեծ, անչափահասի հետ սեռական հարաբերություն, յուրացում. 1 օրում բացահայտվել է 89 հանցագործություն

Մեկնարկում է բռնցքամարտի Հայաստանի առաջնությունը

Կորոնավիրուսի թվերը շեշտակի աճում են. մեկ օրում գրանցվել է 1332 նոր դեպք, մահվան դեպքեր ևս կան

Չարենցավանի ճանապարհին վրաերթի ենթարկված 34-ամյա կինը մահացել է

Թուրքիան ամենախոցելի տնտեսություն ունեցող երկրների ցանկում 2-րդն է. Bloomberg Economics

Մի քանի պարզաբանում՝ վիճահարույց հրթիռների մասին. Տոնոյանի փաստաբանական խումբը հանդես է եկել հայտարարությամբ

Լորիս Ճգնավորյանը վերջին 2 տարում 40 գործ է հեղինակել. ԿԳՄՍ նախարարն ընդունել է կոմպոզիտորին

Դադիվանքի հոգևորականները պարգևատրվել են «Երախտագիտություն» մեդալով

ՀՀ ԱԳ նախարար Արարատ Միրզոյանը կմեկնի Լյուքսեմբուրգ

Կապան-Տաթև ավտոճանապարհին 5 բեռնատարներ էին մնացել արգելափակման մեջ

Պենտագոնից հայտնել են, որ ԱՄՆ-ը պատրաստ է Եվրոպա ուղարկել 8500 զինվորական

Հայաստանի 4 մարզերում ձյուն է տեղում. Շիրակի մարզի Լանջիկ գյուղում բուք է

4 մարզերի ու Երևանի մի շարք հասցեներում 2-6 ժամով հոսանքազրկումներ են սպասվում

Սևան-Մարտունի-Գետափ ավտոճանապարհին արգելափակումից դուրս է բերվել 7 ավտոմեքենա

Արձանի մասին խոսք եղավ, բոլորն ակտիվացան. վարչապետը՝ Ծառուկյանի՝ Հիսուս Քրիստոսի արձանը տեղադրելու ցանկության մասին

Դժբախտ պատահար Երևանի Գրիբոյեդովի փողոցում. շինհրապարակում անգիտակից վիճակում հայտնաբերվել է աշխատակիցը

Եթե ՌԴ-ն «ներխուժի» Ուկրաինա, ի՞նչ դիրքորոշում է հայտնելու ՀՀ-ն՝ որպես ՀԱՊԿ նախագահող երկիր․ մեկնաբանում է Փաշինյանը

Նորակոչիկները երդվել են անձնվիրաբար ծառայել հայրենիքին

«Դատալեքս» տեղեկատվական համակարգն այս պահին չի գործում. Բարձրագույն դատական խորհուրդը պարզաբանում է տարածել

5 զավակ, 9 թոռ, 15 ծոռ. վանաձորցի Եվգին տատը ծննդյան 100-ամյակն է տոնել

Հայկ Չոբանյանը նշանակվել է «Առաջատար տեխնոլոգիաների ձեռնարկությունների միության» գործադիր տնօրեն

Անթալիայի դիվանագիտական ֆորումին Հայաստանի մասնակցության հավանականությունը մեծ է․ Փաշինյան

Ադրբեջանը Շուշիում հայկական կողմին է փոխանցել Որոտանից հայտնաբերված ևս մեկ աճյուն

ՊՆ-ից արձագանքել են Սուրեն Պապիկյանի հարսանիքի առթիվ դրամահավաքության մասին լուրերին

Վարդենյաց լեռնանցքը փակ է, Նիգավան-Ալագյազ ճանապարհահատվածում բուք է

Սայաթ Շիրինյանը բերման է ենթարկվել գողության կասկածանքով. Ոստիկանություն

Հայաստանը չպետք է անցնի կիսանախագահական կառավարման համակարգի․ Նիկոլ Փաշինյան