100 հազարավոր թոշակառուներից շատ քչերն են օգտվում անկանխիկ թոշակ ստանալու հնարավորությունից․ Արշակյան

ՀՀ Կառավարության այսօրվա նիստում վարչապետ Նիկոլ Փաշինյանը, դիմելով Բարձր տեխնոլոգիական արդյունաբերության նախարար Հակոբ Արշակյանին, ասաց, որ երեկ խնդրահարույց վիճակ ունեին «Հայփոստ»-ում։

«Ի՞նչ միջոցներ եք ձեռնարկել, որպեսզի իրավիճակը 100 տոկոսով համապատասխանի հակահամաճարակային պայմաններին»,- հարցրեց վարչապետը։

Ի պատասխան՝ նախարարն ասաց, որ բոլոր փոստերի բաժանմունքների վրա խնդիր է դրվել, որպեսզի դրսում հերթը վերահսկեն.

«Երեկ՝ օրվա երկրորդ կեսին, արդեն իսկ դրական տեղաշարժ ունեինք այս առումով։ Երեկվա ընթացքում գծանշվել են փոստային մեծ բաժանմունքների դիմացի հատվածները, այսօր շարունակվում են աշխատանքները, եւ օրվա վերջում մեծ մասամբ կունենանք այդ գծանշումները, որոնք սոցիալական հեռավորության պահպանման տեսանկյունից կարեւոր նշանակություն ունեն։ Նաեւ երեկ պարետը որոշում է կայացրել այս ամիս թոշակները փոստատարների միջոցով առաքել տներ։ Այստեղ նաեւ շատ կարեւոր եմ համարում այն հանգամանքը, որ թոշակառուները, կենսաթոշակառուները հնարավորություն ունեն ստանալ բանկային քարտեր եւ իրենց քարտային հաշիվների վրա ստանալ թոշակները։ Դա, իհարկե, պարտադիր բնույթ չի կրում, եւ 100 հազարավոր թոշակառուներից շատ քչերն են օգտագործում այդ միջոցը»,- ասաց նախարարը։

Արշակյանը կոչ արեց թոշակառուներին բանկային քարտերի միջոցով ստանալ թոշակները՝ անկանխիկ եւ այդպիսի հերթերի կուտակումից խուսափելու համար։

«Եվս մի բան կուզեի ավելացնել. այս պահին ԱԺ-ում է գտնվում աշխատանքի եւ սոցիալական հարցերի նախարարության կողմից ներկայացված օրինագիծ, որով մյուս տարվա հունիսից կամ հուլիսից արդեն իսկ պարտադիր է դարձնում կենսաթոշակների էլեկտրոնային բաշխումը։ Կարծում եմ՝ սա լավ հնարավորություն է, որ մենք եւս մեկ քայլ առաջ կատարենք անկանխիկ առեւտրի, ինչպես նաեւ անկանխիկ դրամաշրջանառության առումով»,- նշեց նա։

Արձագանքելով նախարարին՝ վարչապետ Նիկոլ Փաշինյանն ասաց, որ պետական բոլոր մարմինները պետք է առանձնահատուկ ուշադրություն դարձնեն հակահամաճարակային կանոնների պահպանմանը։

«Ուզում եմ հիշեցնել, որ փակ տարածքում բոլորը պետք է լինեն դիմակներով, այս կանոնը պետք է համատարած պահպանվի, այդ թվում՝ պետական հիմնարկներում։ Երեկվանից պարետի որոշմամբ դիմակի կրումը պարտադիր է նաեւ հանրային բաց տարածքներում, այսինքն՝ աշխատանքի վայրից դուրս էլ նույնպես պիտի դիմակներ կրեն մեր քաղաքացիները։ Նաեւ ուզում եմ ասել, որ վերջին շրջանում Տնտեսական մրցակության պաշտպանության պետական հանձնաժողովի, մեր գործողությունների արդյունքում դիմակների որոշակի գնանկում է նկատվել։ ՏՄՊՊՀ-ն հիմա նաեւ վարույթ է հարուցել, եւ մենք հույս ունենք, որ դիմակների գնանկման այս պրոցեսը կշարունակվի»,- ասաց վարչապետը։

Նա քաղաքացիներին կրկին կոչ արեց պահպանել հակահամաճարակային կանոնները. «Դա է ճանապարհը։ Մեր վարքագծից է կախված, թե արդյոք առողջապահական համակարգը կկարողանա տանել այն բեռը, որը մենք դնում ենք նրա վրա։ Մեր խնդիրն է մեր անհատական վարքագծով թեթեւացնել առողջապահական համակարգի բեռը»։

Տպել
431 դիտում

Երեւանի գործող մանկապարտեզների աշխատակիցները կստանան հավելավճարներ, մյուսները կվճարվեն 100%-ով

Հինգերորդ զորամիավորումում անկացվել են հակաօդային պաշտպանության վարժանքներ

«Դալմա Գարդեն Մոլ» զվարճաառևտրային համալիրում եւս ռումբ չի հայտնաբերվել

Ծառն ընկել է ճանապարհի երթևեկելի հատված՝ այն դարձնելով միակողմանի երթևեկելի

Հրայր Թովմասյանն ու ՍԴ նախկին 3 անդամները դիմել են ՄԻԵԴ. Կառավարությունը դատարանից հարցադրումներ է ստացել եւ պատասխանել

«Շիրակը» կորցրեց առաջին տեղը, «Նոան» հաղթեց ու ՀՀ ֆուտբոլի առաջնությունում չեմպիոնության լուրջ հայտ ներկայացրեց

Անգլերենից 524 հոգի 18-20 է ստացել, 133-ը՝ անբավարար․ հայտնի են օտար լեզվի միասնական քննության արդյունքները

Երբ առողջապահական համակարգն այլևս ի վիճակի չլինի սպասարկել, այլ ելք չի լինի, քան՝ սահմանափակումներին վերադառնալը

Կասեցումներ են իրականցվել սոցիալական ապահովման ծառայության տարածքային բաժիններում եւ Ազգային արխիվում

Ոստիկանությունն արտակարգ ծառայություն է իրականացնում զինկոմիսարիատների մոտակայքում (տեսանյութ)

Ովքեր որոշել են ամփոփել կորոնավիրուսի դեմ պայքարի արդյունքները, առնվազն շտապում են. Փաշինյան

Իրավիճակի հաղթահարման միակ երաշխիքը մեր անհատական վարքագիծն է. վարչապետ

650 քաղաքացի գտնվում է ծանր և ծայրահեղ ծանր վիճակում․ Արսեն Թորոսյան

Ադրբեջանի հատուկ ծառայությունները համացանցով փորձել են տեղեկություններ կորզել ՀՀ ԶՈՒ վերաբերյալ. ԱԱԾ

«Իմ քայլը» հիմնադրամի ֆինանսավորմամբ ատամնաբուժական ծառայություններ են մատուցվում Գյումրու խնամքի կենտրոնի տարեցներին

Ճապոնացիների 77%-ը կարծում է, որ օլիմպիական խաղերը չեն կարող կայանալ հաջորդ տարի

Առաջիկայում առնվազն մեկ անգամ էլ կերկարաձգենք արտակարգ դրությունը. Նիկոլ Փաշինյան (տեսանյութ)

Հուլիսի 6-ին մեկ անձ խախտել է մեկուսացման կամ ինքնամեկուսացման կանոնները

Հուլիսի 6-10-ը առցանց ձեւաչափով կանցկացվի «Հայաստան - Ինժեներական շաբաթ-2020» խորագրով 3-րդ ամենամյա միջոցառումը

ՀՀ-ում կորոնավիրուսային իրավիճակը շարունակում է մնալ լարված. առողջապահական համակարգն աշխատում է գերլարված (ուղիղ)