Առաջին դասարանցու փաստաթղթերը դպրոց առձեռն չհանձնելու դեպքում հայտագրումը չի չեղարկվում

Հունիսի 1-ից սկսվել է առաջին դասարանցիների առցանց հայտագրումը hayt.emis.am կայքում:

Համացանցի «ծնողական» հարթակներում առաջին դասարանցիների ծնողները մտահոգություն են հայտնում, որ անհրաժեշտ է 15-օրյա ժամկետում դպրոց տանել երեխայի փաստաթղթերը, հակառակ դեպքում դպրոցը հայտը կարող է չեղարկել:

«Չկա նման բան, չկա 15-օրյա ժամկետ, առհասարակ դպրոց փաստաթղթերը տանելու համար ժամկետ չկա: Փաստաթղթերը չտանելու դեպքում չեղարկում չի լինելու: Մինչեւ սեպտեմբեր ծնողները կարող են այդ փաստաթղթերը տանել, եւ ես հորդորում եմ, որ այս օրերին, երբ կորոնավիրուսով վարակվածությունը, տեսնում ենք, բավական շատ է, նրանք ձեռնպահ մնան հերթեր գոյացնելուց, կուտակումներից եւ առհասարակ չշտապեն. մինչեւ սեպտեմբեր դեռ շատ ժամանակ կա»,- ասաց ԿԳՄՍՆ հանրակրթության վարչության պետ Աշոտ Արշակյանը՝ «Հայկական ժամանակ»-ի հարցերին ի պատասխան:

Նա ընդգծեց, որ այժմ նախարարությունը պատրաստվում է շրջաբերական ուղարկել դպրոցներին՝ ամեն առումով (դասագրքերի ու ատեստատների հանձնելու նպատակով կամ որեւէ այլ պատճառով) կուտակումներից խուսափելու ցուցումով: Առաջին դասարանցիների փաստաթղթերը ներկայացնելը եւս հրատապ չէ, եւ, ըստ Աշոտ Արշակյանի, ծնողները անհանգստանալու եւ դրանք հրատապ դպրոց ներկայացնելու կարիք չունեն:

Նշենք նաեւ, որ մայիսի 15-ին ԿԳՄՍ նախարար Արայիկ Հարությունյանի հրամանի համաձայն՝ այս փաստաթղթերի շարքում այլեւս չկա համաբուժարանից վերցվող տեղեկանքը երեխայի առողջության մասին: Առաջին դասարան ընդունելու համար ծնողը դպրոց ներկայացնում է`

ա. դիմում՝ ուղղված տնօրենին

բ. երեխայի հանրային ծառայության համարանիշը

գ. 2 լուսանկար՝ 3x4 չափսի

Հիշեցնենք, որ Կրթության, գիտության, մշակույթի եւ սպրոտի նախարարությունը տեսանյութով քայլ առ քայլ ներկայացրել է, թե ինչպես է պետք կատարել առցանց հայտագրումը: Անհրաժեշտ է մուտք գործել hayt.emis.am կայքը, ընտրել համայնքը, դպրոցների ցանկից՝ դպրոցը, ստուգել՝ որտեղ կան ազատ տեղեր եւ սեղմել «ավելացնել հայտ» կոճակը: Եթե կոճակն ակտիվ չէ, նշանակում է՝ այդ դպրոցում ազատ տեղեր չկան, եւ պետք է ընտրել այլ դպրոց:

Հաջորդիվ մուտքագրել ծնողներից մեկի սոցիալական քարտի համարանիշը, ծնողի անուն-ազգանունը, հեռախոսահամարը եւ սեղմել «շարունակել» կոճակը:

Լրացնել երեխայի սոցիալական քարտի համարանիշը: Առաջին տասը օրերին՝ եւս մեկ շաբաթ, հայտագրվում են այն երեխաները, որ ունեն տվյալ դպրոցում աշխատող ծնողներ կամ սովորող քույր-եղբայրներ:

Մուտքագրումից հետո համակարգը բնակչության պետական ռեգիստրից ինքնաբերաբար ներբեռնում է երեխայի անձնական տվյալները՝ անուն-ազգանուն, ծննդյան տարեթիվ:

Սեղմելով «շարունակել» կոճակը՝ ծնողը ստանում է հայտի հաստատումը հավաստող հաղորդագրություն եւ ծածկագիր, որով ցանկության դեպքում ինքը կարող է չեղարկել հայտագրումը:

Տպել
20217 դիտում

Հայաստանը գնել է Remdisivir դեղամիջոցը, այն դեղատներում չկա, օգտագործվելու է բժշկական կենտրոններում. Ավինյան

Անում ենք հնարավորը, որ սեպտեմբերից հանրակրթական դպրոցները վերականգնեն իրենց աշխատանքը. Տիգրան Ավինյան

Թումանյան քաղաքից մինչև Օձունի խաչմերուկ ճանապարհահատվածը ժայռապայթեցման պատճառով փակ է լինելու

Հրետակոծություններն ու հարվածային ԱԹՍ-ի կիրառման պարբերականությունը նվազել է, հայկական կողմը կորուստներ չունի. ՀՀ ՊՆ

ՀԱՊԿ Մշտական խորհրդի արտահերթ նիստը հետաձգվել է անորոշ ժամանակով. Զայնետդինով

ՀՀ ԱԺ նախագահը նամակներ է հղել ՀԱՊԿ երկրների խորհրդարանների ղեկավարներին

«Ոչ մի սանտիմետր մեր տարածքից չենք տվել». Ալիեւը «Վրեժ» գործողության մասին է պատմել

Մեծ են ակնկալիքները, որ արտակարգ դրությունը հետագայում երկարաձգելու անհրաժեշտություն չի լինի․ փոխվարչապետ

«1 հոգանոց ակցիա անողին ասում են՝ իրավունք չունես, դառնում է, որ արտակարգ դրությունը սրա համար է». Մարուքյանը՝ Ավինյանին

Օլիմպիական խաղերը չեղարկելն ավելի հեշտ կլիներ. ՄՕԿ նախագահ

Հայաստանի ու Ռուսաստանի ԱԳ նախարարները քննարկել են հայ-ադրբեջանական սահմանային իրավիճակը

ՌԴ ԱԳՆ-ն արձագանքել է հայ-ադրբեջանական սահմանին տեղի ունեցող ռազմական գործողություններին

Սա կոտրված հայաստանյան օգտատիրոջ պրոֆիլ է․ մի հավատացեք սենց բաների․ մեդիափորձագետ

Ադրբեջանի սադրանքները և դիվերսիաները դիտարկում ենք որպես անթույլատրելի արկածախնդրություն․ ՀՀ փոխվարչապետ

Եվրամիությունն արձագանքել է Տավուշի սահմանի երկայնքով ծավալվող ռազմական գործողություններին

Ադրբեջանի նախագահը Անվտանգության խորհրդի հրատապ նիստ է հրավիրել

Պաշտպանը Նարեկ Սարգսյանին քաղաքացիական հիվանդանոց տեղափոխելու միջնորդություն է ներկայացրել

Պատերազմից պետք է միշտ խուսափել, միշտ կա այլընտրանք. Աննա Հակոբյանը ադրբեջանցի կանանց դիմել է կոչով

Ինչպես տարբերակել ադրբեջանական ապատեղեկատվությունը՝ իրական փաստերից. ուղեցույց

Իրականացվող գործողություններում պարտադիր ժամկետային ոչ մի զինծառայող ներգրավված չէ. Մովսես Հակոբյան