Հայկական ավիացիայի մուտքը Եվրոպական Միության օդային տարածք արգելվեց. Հայաստանն այդպիսի 16 երկրներից մեկն է

Եվրահանձնաժողովն այսօր թարմացրել է Եվրոպական միության օդային անվտանգության ցանկը՝ EU Air Safety List-ը. ներառվել են այն ավիաընկերությունները, որոնց թռիչքները դեպի ԵՄ կամ ԵՄ-ի ներսում արգելված են, քանի որ դրանք չեն բավարարում անվտանգության միջազգային չափանիշներին: Հանձնաժողովը նշում է, որ ցանկանում է ապահովել օդային անվտանգության ամենաբարձր մակարդակը Եվրոպական Միությունում ճանապարհորդող բոլոր ուղեւորների համար:

Հայաստանին վերաբերող հատվածում նշվում է, որ քաղաքացիական ավիացիայի կոմիտեի եւ վեց հայ ավիափոխադրողների լսումներից հետո, գնահատելով երկրի անվտանգության վերահսկողության հնարավորությունները, Հայաստանում հավաստագրված բոլոր ավիաընկերությունները ներառվել են այս ցանկում:

Ցուցակը բաղկացած է երկու հավելվածից: Առաջինում «արգելված» ավիաընկերություններն են, երկրորդում՝ որոշակի օդանավերը: Հայաստանը՝ իր բոլոր ավիափոխադրողներով, առաջին հավելվածում է:

Եվրահանձնաժողովի տրանսպորտի հարցերով հանձնակատար Ադինա Վալեանը նշել է. «ԵՄ ավիացիոն անվտանգության ցանկը պետք է գործիք լինի, որը կօգնի դրանում ընդգրկված ավիաընկերություններին ու երկրներին վերանայել ու բարելավել իրենց թռիչքային չափորոշիչները: Հայաստանի փոխադրողներին ընդգրկելու որոշման հարցում ԵՄ ավիացիոն անվտանգության կոմիտեի անդամները համակարծիք էին: Կոմիտեն պատրաստ է համագործակցել Հայաստանի հետ՝ բարելավելու վերջինիս ավիացիոն անվտանգությունը»:

Նշենք, որ այս ցանկում ներառվել են է 16 երկրի 90 ավիաընկերություն: Երկրներն են Աֆղանստանը, Անգոլան (բացառությամբ 2 ավիաընկերության), Կոնգոյի Հանրապետությունը, Կոնգոյի Դեմոկրատական Հանրապետությունը, Ջիբութին, Հասարակածային Գվինեան, Էրիթրեան, Ղրղըզստանը, Լիբերիան, Լիբիան, Մոլդովան (բացառությամբ 3 ավիաընկերության), Նեպալը, Սան Տոմե եւ Պրինսիպին, Սիեռա Լեոնեն, Սուդանը: Առանձին արգելանք է կիրառվել 6 ավիաընկերության նկատմամբ՝ «Avior Airlines» (Վենեսուելա), «Iran Aseman Airlines» (Իրան), «Iraqi Airways» (Իրաք), «Blue Wing Airlines» (Սուրինամ), «Med-View Airlines» (Նիգերիա), «Air Zimbabwe» (Զիմբաբվե):

Հիշեցնենք, որ ԵՄ ավիացիոն անվտանգության կոմիտեի լսումները, որին հրավիրված էր ՀՀ Քաղաքացիական ավիացիայի կոմիտեն, կայացել էին նոյեմբերին: Ինչպես նշված էր ԵՄ տեղեկագրում, լսումների ժամանակ ՔԱԿ-ը ներկայացրել էր կազմակերպական եւ կառուցվածքային ընդհանուր տեղեկություններ իր գործունեության վերաբերյալ, այդ թվում՝ մանրամասն ինֆորմացիա թռիչքային պիտանիության եւ աշխատուժի մասին, նշել, թե ինչ գործողություններ էր կիրառել են Հայաստանում գրանցված մի շարք ավիափոխադրողների նկատմամբ, մանրամասնել աշխատակիցների վերապատրաստումների ծրագրերը:

Հանդիպման արդյունքում ԵՄ ավիացիոն անվտանգության կոմիտեն հաղորդել էր, որ պիտի այցելեր Հայաստան՝ ստուգելու, թե արդյոք ՔԱԿ-ը ավիափոխադրողների սերտիֆիկացումն ու վերահսկողությունն իրականացնում է անվտանգության միջազգային չափորոշիչներին համապատասխան: Մասնագետները եկել էին այս տարվա փետրվարի 3-7-ը, եւ ՔԱԿ-ն ու 2 փոխադրող՝ «Ավիակոմպանիա Արմենիան» եւ «Atlantis European Airways»-ը («Տարոն-Ավիան» 2019-ի աշնանն ինքնակամ դադարեցրել էր գործունեությունը): Մարտի 6-ին ստացվել էր նախական գնահատականը, որով մինչեւ վերջնական զեկույցը՝ ժամանակավորապես կասեցվել էր հայկական ավիաընկերությունների թռիչքները դեպի ԵՄ:

Մայիսի 12-ին կայացել էր առցանց քննարկում հայկական կողմի (ՔԱԿ եւ 6 ավիաընկերություն) ու եվրոպական կառույցների միջեւ, որի ժամանակ հայկական կողմի՝ թռիչքային անվտանգության ապահովման հետ կապված երաշխիքները, փաստորեն, եվրոպացի գործընկերները բավարար չեն համարել:

Հ.Գ. Քաղաքացիական ավիացիայի կոմիտեի լրատվական ծառայությունից, անդրադառնալով Եվրահանձնաժողովի նշված որոշման մասին մեր հարցմանը, առաջարկել են հետեւել կոմիտեի ֆեյսբուքյան էջին, որտեղ հրապարակվելու է իրենց հաղորդագրությունը:

Տպել
3389 դիտում

Տավուշում ՀՀ ԶՈՒ երեք զինծառայող է վիրավորվել. նրանց կյանքին վտանգ չի սպառնում. ՊՆ խոսնակ

Խստորեն դատապարտում ենք մեր տարածաշրջանում անկայունություն հրահրելու Թուրքիայի փորձերը. ԱԳՆ-ի հայտարարությունը

ԱԺ նախագահը նամակներ է հղել ԵԽ նախագահ Դավիդ Սասոլիին, ԵԽԽՎ նախագահ Հենդրիկ Դամսին և ԵԱՀԿ ԽՎ նախագահ Գեորգի Ծերեթելիին

ՃՈ հրամանատարը դատապարտվել է քաղաքացու նկատմամբ բռնության գործադրմամբ պաշտոնեական լիազորություններն անցնելու համար

Հայաստանը գնել է Remdisivir դեղամիջոցը, այն դեղատներում չկա, օգտագործվելու է բժշկական կենտրոններում. Ավինյան

Անում ենք հնարավորը, որ սեպտեմբերից հանրակրթական դպրոցները վերականգնեն իրենց աշխատանքը. Տիգրան Ավինյան

Թումանյան քաղաքից մինչև Օձունի խաչմերուկ ճանապարհահատվածը ժայռապայթեցման պատճառով փակ է լինելու

Հրետակոծություններն ու հարվածային ԱԹՍ-ի կիրառման պարբերականությունը նվազել է, հայկական կողմը կորուստներ չունի. ՀՀ ՊՆ

ՀԱՊԿ Մշտական խորհրդի արտահերթ նիստը հետաձգվել է անորոշ ժամանակով. Զայնետդինով

ՀՀ ԱԺ նախագահը նամակներ է հղել ՀԱՊԿ երկրների խորհրդարանների ղեկավարներին

«Ոչ մի սանտիմետր մեր տարածքից չենք տվել». Ալիեւը «Վրեժ» գործողության մասին է պատմել

Մեծ են ակնկալիքները, որ արտակարգ դրությունը հետագայում երկարաձգելու անհրաժեշտություն չի լինի․ փոխվարչապետ

«1 հոգանոց ակցիա անողին ասում են՝ իրավունք չունես, դառնում է, որ արտակարգ դրությունը սրա համար է». Մարուքյանը՝ Ավինյանին

Օլիմպիական խաղերը չեղարկելն ավելի հեշտ կլիներ. ՄՕԿ նախագահ

Հայաստանի ու Ռուսաստանի ԱԳ նախարարները քննարկել են հայ-ադրբեջանական սահմանային իրավիճակը

ՌԴ ԱԳՆ-ն արձագանքել է հայ-ադրբեջանական սահմանին տեղի ունեցող ռազմական գործողություններին

Սա կոտրված հայաստանյան օգտատիրոջ պրոֆիլ է․ մի հավատացեք սենց բաների․ մեդիափորձագետ

Ադրբեջանի սադրանքները և դիվերսիաները դիտարկում ենք որպես անթույլատրելի արկածախնդրություն․ ՀՀ փոխվարչապետ

Եվրամիությունն արձագանքել է Տավուշի սահմանի երկայնքով ծավալվող ռազմական գործողություններին

Ադրբեջանի նախագահը Անվտանգության խորհրդի հրատապ նիստ է հրավիրել