12 մարզադաշտերը, որոնք 10 օրից պետք է սկսեին ընդունել Եվրո 2020-ի խաղերը, եթե չլիներ կորոնավիրուսը

Մի քանի օրից պետք է սկսվեր մարզական ամենախոշոր իրադարձություններից մեկը՝ Եվրոպայի ֆուտբոլի 2020թ. առաջնությունը: Այն աննախադեպ էր լինելու, քանի որ մրցաշարի 60-ամյակի կապակցությամբ ունենալու էր համաեվրոպական բնույթ. խաղերը պետք է կայանային եվրոպական 12 քաղաքներում: Կորոնավիրուսը, սակայն, փոխեց օրացուցային պլանը. պատմության մեջ առաջին անգամ Եվրոն հետաձգեց, եւ կկայանա 1 տարի անց:

Մինչեւ հետաձգման օրը՝ մարտի 17-ը, արդեն պատրաստ էր գրեթե ամեն ինչ: Մնում էր անցկացնել միայն փլեյ-օֆ փուլը պարզելու համար վերջին 4 մասնակիցներին: Եզրափակչի մյուս 20 թիմերն արդեն հայտնի էին, վիճակահանությունն արված էր: 12 մարզադաշտենրն էլ նրանց էին սպասում:

Բացմանը խաղը պետք է կայանար Հռոմի «Օլիմպիկոյում»: Այս մարզադաշտը բացվել է 1953թ.: Ունի 68 հազար նստատեղ: Իրենց տնային հանդիպումների համար այն օգտագործում են «Ռոման» ու «Լացիոն»:

Մարզադաշտերից մեկն Ամստերդամի «Յոհան Կրոյֆ Արենան» է, որը տեղավորում է 54 հազար հանդիսական: Այն բացվել է 1996թ.: Այստեղ իր տնային հանդիպումներն է անցկացնում «Այաքսը»: Սա շարժական տանիքով առաջին մարզադաշտն է Եվրոպայում: 2018թ. այն անվանափոխվել է ու ստացել լեգենդար ֆուտբոլիստի՝ Կրոյֆի անունը, որը մահացել է 2016թ.:

Մյուսը Բաքվի «Օլիմպիական» մարզադաշտն է: Ունի 69 հազար նստատեղ եւ ընդունում է Ադրբեջանի հավաքականի խաղերը: Բացվել է 2015թ.: Միջազգային ֆուտբոլի կարեւորագույն իրադարձություներ անցկացնելու հարցում վերջին փորձը լավ հուշեր չի թողել: 2019թ. այստեղ կայացավ Եվրոպա լիգայի «Չելսի»-«Արսենալ» եզրափակիչը: Համաշխարհային մամուլում դրան նախորդեց ու հաջորդեց Ադրբեջանին ուղղված քննադատությունների ու ծաղրանքների մեծ ալիք, քանի որ ՀՀ հավաքականի ավագ Հենրիխ Մխիթարյանը, անվտանգության նկատառումներով, չկարողացավ մասնակցել հանդիպմանը: Դա, ինչպես նաեւ մրցավայրի հեռու լինելու փաստը, նպաստել էին, որ մեծ մարզադաշտը չլցվեր: Ազատ նստատեղերը կոծկելու նպատակով՝ խաղի ընթացքում տեսախցիկները խաղադաշտից բավական հեռու էին տեղադրել, ինչից բազմաթիվ հեռուստադիտողներ սոցցանցերում բողոքել էին ու հեգնել:

Եվրոյի մյուս հյուրընակլողը Բիլբաոյի «Սան Մամեսն» է: Կարող է տեղավորել 53 հազար հանդիսական: «Ատլետիկի» մարզադաշտ է: Բացվել է 1913թ.: 2013-ին ավարտին է հասցվել վերանորոգումը: Այն դրսի կողմից լուսավորվում է: Համարվում է Բիլբաոյի ճարտարապետության կարեւոր մասնիկներից մեկը:

Բուխարեստի «Ազգային» մարզադաշտը նույնպես ընտրված 12-ից մեկն է: Տեղավորում է 54 հազար հանդիսական: Վերաբացվել է 2011թ.: Այստեղ իրենց տնային հանդիպումներն են անցակցնում «Ստյաուան», Բուխարեստի «Դինամոն» եւ Ռումինիայի ազգային հավաքականը: Այն առանձնանում է նրանով, որ շարժական տանիք ունի:

Բուդապեշտի «Պուշկաշ» մարզադաշտը եւս պետք է տոնի մասնակիցներից է: Տարողությունը 68 հազար է: Բացվել է 2019թ.: Ընդունում է Հունգարիայի ազգային հավաքականի տնային խաղերը: Երկրի ամենահայտնի ֆուտբոլիստի պատվին այս նոր մարզադաշտի կառուցման աշխատանքներն սկսվել են 2016թ.: Նրա անվան նախորդ մարզադաշտը քանդվել է նորը կառուցելու համար:

Կոպենհագենի «Պարկեն» մարզադաշտը նույնպես Եվրոն ընդունելու իրավունք ստացածների թվում է: Այն կարող է տեղավորել 38 հազար երկրպագուի: Բացվել է 1992թ.: Այստեղ իրենց տնային հանդիպումներն են անցկացնում «Կոպենհագեն» թիմն ու Դանիայի ազգային հավաքականը: Երկրի ամենամեծ մարզադաշտն է:

Հաջորդը «Դուբլին Արենան» է: Տարողությունը 51 հազար է: Այստեղ տեղի են ունենում ռեգբիի հանդիպումներ, ինչպես նաեւ Իռլանդիայի ֆուտբոլի ազգային հավաքականի խաղերը: Վերակառուցվել է 2010թ.:

Եվրո 2020-ի մյուս հյուրընակլողն աշխարհի ամենահին միջազգային մարզադաշտն է՝ Գլազգոյի «Հեմփդեն պարկը»: Կառուցվել է 1903թ.: 1908-50թթ. եղել է աշխարհի ամենամեծ մարզադաշտը՝ տեղավորելով 149 հազար հանդիսական: Այժմ կարող է ընդունել 51 հազար հոոգու: Այստեղ իրենց տնային խաղերն են անցակցնում «Քուինզ Պարկ» թիմն ու Շոտլանդիայի ազգային հավաքականը: «Հեմփդեն պարկը» է տեղի ունեցել Չեմպիոնների լիգայի ամենահայտնի եզրափակիչներից մեկը՝ 2002թ. «Բայեր»-«Ռեալ Մադրիդ» խաղը, որում Զինեդին Զիդանն իր հրաշալի գոլով ապահովել է իսպանական թիմի հաղթանակը:

Մյունխենի «Ալիանս Արենան» եւս այս խոշոր մրցաշարի խաղեր կհյուրընկալի: Այն տեղավորում է 70 հազար հանդիսական: Բացվել է 2005թ.: Այստեղ իր տնային հանդիպումներն է անցկացնում «Բավարիան»: Սա աշխարհի առաջին մարզադաշտն է, որն արտաքինից գույների փոփոխման համակարգ ունի: Լեդերը կարող են 16մլն գույներ ստանալ: Գիշերը մարզադաշտը տեսանելի է ավստրիական Ալպերից:

Խաղեր կընդունի նաեւ Սանկ Պետերբուրգի «Սանկտ Պետերբուրգ» մարզադաշտը, որը 2018թ. ֆուտբոլի աշախրհի առաջնության մրցավայրերից էր: Այն բացվել է 2017թ.: Իր տնային հանդիպումներն է այստեղ անցկացնում «Զենիթը»:

Լոնդոնի «Ուեմբլիում» նախատեսված է Եվրո 2020-ի եզրափակիչը: Այստղ Եվրոյի եզրափակիչ է կայացել նաեւ 1996թ. «Ուեմբլին» կարող է տեղավորել 90 հազար երկրպագու: Վերանորոգումն ավարտվել է 2007թ.: Այստեղ կայանում են Անգլիայի ազգային հավաքականի խաղերը: Ի տարբերություն մի շարք մարզադաշտերի՝ «Ուեմբլիում» չեմպիոնների տիտղոսը հանձնում են ոչ թե խաղադաշտում, այլ տրիբունայում:

Այն բանից հետո ինչ համավարակի պատճառով մրցաշարը տեղափոխվեց 2021թ. հունիսի 11-ից հուլիսի 11-ը, մամուլում տեղեկույուններ են տարածվել, ըստ որոնց, համաեվրոպական ձեւաչափը կարող է փոփոխություններ կրել: Որպես պատճառաբանություն նշվում էր, որ որոշ մարզադաշտեր ՈՒԵՖԱ-ի սահմանած նոր ժակետների համար նախապես ամրագրված այլ միջոցառումներ են ունեցել: Ամեն դեպքում ՈՒԵՖԱ-ն հակված է փոփոխություններ չանելուն:

Տպել
790 դիտում

Գավառ քաղաքի Հացառատ թաղամասում այրվել է փայտյա տնակ

«Գուդվին» խաղատան մոտակայքում մեքենան բախվել է էլեկտրասյանը, սյունն ընկել է ճանապարհի երթեւեկելի հատված

«Թիմ»-«ՎԵՈՆ Արմենիա» հնարավոր գործարքը պետք է արգելվի.Ucom

ԱՀ նախագահը հաշմանդամության կարգի տրամադրման խնդիրներին նվիրված խորհրդակցություն է անցկացրել

ԵԱՏՄ Տեղեկատվական տեխնոլոգիաների վարչության տնօրենի պաշտոնի համար հայտարարված է մրցույթ. նախարարը կոչ է անում մասնակցել

Կառուցենք Հայաստանը նորովի. վարչապետը հրապարակել է Տաթեւ-Աղվանի-Կապան ճանապարհի շինաշխատանքների կադրերը

Հրշեջ-փրկարարները մարել են խոտածածկ տարածքներում բռնկված հրդեհները՝ ընդհանուր ընդգրկելով մոտ 21 հա տարածք

ՍԴ մտնելու պատրվակով աղմուկ առաջացնել, ամեն գնով Քոչարյանի գործով որոշում կայացնել...ինչ սցենարներ կարող են լինել վաղը

Վարդենիսում կհիմնանորոգվի երաժշտական դպրոցը, կկառուցվի եւ կվերակառուցվի լուսավորվածության ցանցը, կասֆալտապատվի 10 փողոց

Հրապարակվել է առաջիկա օրերին կայանալիք չվերթների ցանկը

Հայտնի է Ֆրանսիայի նոր կառավարության կազմը. կան նորեկներ, վերանշանակումներ ու փոխադրումներ

«Առողջ եղիր»՝ հորդորում ու մաղթում են երեխաները գյուղերից

ԱԺ-ն հուլիսի 8-ին արտահերթ նիստ է հրավիրել

Բնակարանային գողություն Ավանում. հափշտակված դրամապանակում նախնական տվյալներով՝ 1307 դոլար և 40 հազար դրամ է եղել

Հիմնանորոգվում է Ծովակ համայնքի խմելու ջրատարի արտաքին ցանցը

Արթիկում 21-ամյա երիտասարդ է դանակահարվել. կասկածյալը տղայի մորաքրոջ 49-ամյա ամուսինն է (տեսանյութ)

Նոր դպրոցի համար կառուցվելիք վերգետնյա անցումը թթվածնի նման անհրաժեշտ է աշակերտներին

Պարենի անվտանգությունը առաջնային նշանակություն ունի. նախագահի հանդիպել է «Սյունիք Ֆուդ» ընկերության սեփականատիրոջը

ՀՀ նախկին վարչապետ Արմեն Դարբինյանը դատի է տվել Իոսիֆ Կուբատյանին

Պետությունը տրիաժ ծառայության համար ֆինանսավորում կտրամադրի «Գյումրի» ԲԿ-ին. կենտրոնում 15 մահճակալանոց մեկուսարան կա