ԲՀԿ-ն ակնարկում է՝ իշխանությունը վախենում է հանրաքվեն անցկացնել, «Իմ քայլը» արձագանքում է՝ ժամը մեկ կարող ենք անցկացնել

Ազգային ժողովն այսօր քննարկեց «Իմ քայլը» խմբակցության պատգամավոր Վահագն Հովակիմյանի հեղինակած «Հանրաքվեի մասին» սահմանադրական օրենքում փոփոխությունների մասին նախագիծը:

Օրինագծով հնարավորություն է տրվում արտակարգ դրության ավարտից հետո չեղարկել արդեն իսկ նշանակված հանրաքվեն: Նման նախագծի ընդունման անհրաժեշտություն, հիշեցնենք, առաջացել է ապրիլի 5-ին նշանակված եւ կորոնավիրուսի տարածման պատճառով հետաձգված հանրաքվեի պատճառով:

Հիշեցնենք, որ գործող օրենքով նշանակված հանրաքվեի չեղարկման հնարավորություն չկա, արտակարգ դրության ավարտից հետո եռօրյա ժամկետում պետք է նոր հանրաքվե նշանակվի, ինչը իշխանությունները անհնար են համարում վիրուսի տարածման պատճառով: 

Ներկայացնելով իր նախագիծը՝ Հովակիմյանն ասաց. «Օրենքում ռազմական կամ արտակարգ դրություն հայտարարելու հիմքով չկայացած հանրաքվեի վերաբերյալ կա ընդամենը մեկ դրույթ, այն է՝ արտակարգ կամ ռազմական դրության վերացումից հետո հանրաքվեն նշանակվում է ոչ շուտ, քան 50 եւ ոչ ուշ, քան 65 օր հետո: Ամբողջ գործընթացը, թե ինչպես պետք է վերսկսվի հանրաքվեն, օրենքը չի նշում»:

Ըստ Հովակիմյանի՝ ներկայացված օրենսդրական փոփոխությունը միտված է՝ կարգավորելու հանրաքվեի շարունակականության կանոնակարգման հարցը, ինչպես նաեւ արտակարգ դրությամբ պայմանավորված՝ հանրաքվեն չեղարկելու ինստիտուտի ներդրմանը, ինչը կազդի նաեւ Սահմանադրության փոփոխությունների հանրաքվեի վրա:

ԲՀԿ-ականները, որոնք հանրաքվե նշանակելիս դեմ էին արտահայտվում՝ դա համարելով կեղծ օրակարգ, այսօր էլ սկսեցին քննադատել հանրաքվեի չեղարկման հնարավորություն տվող այս նախագիծը: 

ԱԺ «Բարգավաճ Հայաստան» խմբակցության պատգամավոր Նաիրա Զոհրաբյանը, օրինակ, ասաց.

«Հիմա դուք փորձում եք նորից Հրայր Թովմասյան անունով կեղծ օրակարգ բերել այստեղ։ Մեզ համար չկա նման օրակարգ։ Մեզ համար Հրայր Թովմասյանի եւ ՍԴ-ի այս կազմի հարց չկա, հիշեցնեմ՝ մենք այդ մարդու ընտրությանը դեմ ենք քվեարկել։ Հիմա երկրի իրական օրակարգը թողած, ժողովրդին հուզող բազմաթիվ հարցերը թողած, սոցիալական լարվածությունը մեղմելուն ուղղված տնտեսական քայլերը թողած՝ մենք փորձում ենք բավարարել ձեր ամբիցիաները՝ ազատվել այս ՍԴ-ից։ Ինչո՞ւ եք վախենում հանրաքվեից. արտակարգ դրությունը կավարտվի, հանրաքվեն կանեք»,- նշեց Զոհրաբյանը՝ ակնարկելով, թե իշխանությունները մտավախություն ունեն հանրաքվեն ձախողել:

ԲՀԿ-ից մեկ այլ պատգամավոր՝ Սերգեյ Բագրատյանն էլ նկատեց. «Համոզեցիք ԱԺ-ին եւ հանրությանը, որ ամենաճիշտը համաժողովրդական քվեարկությամբ որոշելն է ՍԴ-ի կարգավիճակը։ Համոզեցիք, մենք ասացինք՝ համաձայն ենք ձեր գաղափարին, իրավական խնդիրներ կան, դրա համար ձեռնպահ ենք քվեարկում։ Հիմա էլ ասում եք՝ չէ, համոզում եք, որ համաժողովրդական քվեարկությամբ ճիշտ չէ, ճիշտ է՝ իրար հետ միասին որոշենք»։

Նրա խոսքով՝ լավ են անում իշխանությունները, երբ ասում են, որ հանրաքվեն չեղարկվում է, քանի որ ժողովրդի մասին են մտածում, բայց միեւնույն ժամանակ, ըստ նրա, ժողովրդին թողնում են, որ գնան մոլերը եւ առեւտուր անեն, ռեստորաններում քեֆ անեն: «Թող մի օր էլ գնան ընտրատարածք՝ ընտրություն անեն»,- հավելեց Բագրատյանը։

Ինչ վերաբերում է քարոզչությանը, Բագրատյանն ասաց, որ պետք չէ ընկնել Սյունիքից մինչեւ Ղարաբաղ եւ Տավուշ, կարելի է օնլայն քարոզչություն անել։ Դրանով կխնայվեն միջոցները, եւ մարդիկ էլ նայում են։ «Քվեարկության օրն էլ մարդը ռեստորան չի գնա, կգնա հանգիստ կքվեարկի, սոցիալական հեռավորություն կպահի, հերթ կպահի»,- ասաց պատգամավորը:

ԱԺ փոխնախագահ Ալեն Սիմոնյանը, պատասխանելով ԲՀԿ պատգամավոր Նաիրա Զոհրաբյանին, հայտարարեց. «Տիկի՛ն Զոհրաբյան, դուք մտածում եք, որ «Իմ քայլը» խմբակցությունը խնդիր ունի հանրաքվե անելո՞ւ: «Իմ քայլը» խմբակցությունը կարող է ժամը մեկ էլ հանրաքվե անցկացնել, քանի որ վստահության ոչ մի խնդիր չունի»։ 

«Այ էդ դիմակը, որ քաշում եք Ձեր դեմքին, դա է պատճառը, որ չենք անում, որովհետեւ, եթե մենք հայտարարենք, որ հանրաքվե, այնուամենայնիվ, անում ենք, դուք կասեք՝ ոնց եք հնարաքվե անում, մենք էստեղ դիմակով ենք»,- ասաց Սիմոնյանը։

Տպել
1048 դիտում

Yandex.Taxi-ն աջակցում է Հայաստանի քաղաքաշինության մասնագետներին՝ Երևանի հանրային վայրերը ձևավորելու գործում

Հուլիսի 16-ին և 18-ին «Դոմոդեդովո» օդանավակայանից դեպի Հայաստան 2 չվերթ կա. դեսպանությունը դիմում է գրանցված անձանց

ԲԴԽ-ն մերժեց դատավոր Ալեքսանդր Ազարյանին կարգապահական պատասխանատվության ենթարկելու միջնորդությունը

Գյումրու ինֆեկցիոն հիվանդանոցում կորոնավիրուսով հիվանդ 76 մարդ է բուժվում

Ucom-ում շարունակվում են ցանցի վերականգնման աշխատանքները

Թող տանեն, միեւնույն է, տանը ուտելու բան չկա. ռեստորանների բողոքի ցույց անող աշխատակիցներից ոմանք բերման ենթարկվեցին

Ինչպիսին է Արցախի Հանրապետության քաղաքացի չհանդիսացող անձանց համար Արցախ մուտքի թույլտվության կարգը. իրազեկում

Ֆինանսների նախարարությունը ուժը կորցրած է ճանաչել «Շանգրի լա» խաղատան լիցենզիան

Ուրախ եմ, որ չենք քննարկում, թե Ալեն Սիմոնյանի տղան մեկին գցել է մեքենայի տակ եւ չի պատժվել. թող սա լինի ամենամեծ խնդիրը

ԿԳՄՍ-ն կիրականացնի ներառական կրթության համակարգի հզորացման ծրագիր

Կառավարությունը ԲԷՑ-ին թույլատրեց «Կասկադ-էներգո» ՍՊԸ-ի հետ 8 մլն 857 հազար դոլարով պայմանագիր կնքել

30-ամյա տղամարդը բերման ենթարկվելու ժամանակ ոստիկանների նկատմամբ բռնություն է գործադրել

ԱԱԾ հաշվեկշռում գտնվող շենքը թալանելու գործով երկու անձի մեղադրանք է առաջադրվել. նրանք կալանավորվել են

ԱԱԾ-ին ամրացված շենքը մրցույթով կօտարվի․ գումարի մի մասը կհատկացվի ԱԱԾ աշխատակիցների բնակարանային խնդիրը լուծելու համար

«Նորք» ինֆեկցիոն հիվանդանոցում հայկական արտադրության վերելակ է տեղադրվել (լուսանկար)

Սուրբ Սոֆիայի տաճարը կրկին ցանկանում են դարձնել մզկիթ․ Ռուստամ Բաքոյանը մտահոգություն հայտնեց

ՀՀ Կառավարությունն արտոնություն տրամադրեց «ԱՐՄԵՆԻԱ ՎԱՅՆ»-ին եւ «ՍԱՆԷՆԵՐՋԻ»-ին

«Մուլտի գրուպ» կոնցեռնին պատկանող Մղարթի ոսկու հանքավայրում խախտումների համար նշանակվել է 100 հազար դրամ տուգանք

Շահութահարկի կանոնի փոփոխության արդյունքում տնտեսության մեջ առնվազն 64 մլրդ դրամի շրջանառություն է մնացել․ փոխվարչապետ

Վարչապետի որոշմամբ՝ Զարեհ Սինանյանը մեկնում է 4 շաբաթյա արձակուրդ