Սպանդանոցներին 1․5 տարով անտոկոս վարկեր կտրամադրվեն

Գյուղացիական տնտեսություններին կառավարության կողմից տրամադրվող անտոկոս վարկերից այսուհետ կկարողանան օգտվել նաեւ սպանդանոցները: Նման որոշում կայացվեց ՀՀ Կառավարության այսօրվա նիստում։

Փոփոխություն կատարվեց 2019թ.-ին ընդունված «Գյուղատնտեսական հումքի մթերումների նպատակով ագրովերամշակման ոլորտին տրամադրվող վարկերի տոկոսադրույքների սուբսիդավորման ծրագրում», եւ «հումք» հասկացության մեջ այսուհետ կընկալվի նաեւ մթերվող անասունը:

Հարցը զեկուցող էկոնոմիկայի նախարար Տիգրան Խաչատրյանի խոսքով՝ աջակցության չափը կապված կլինի սպանդանոցի հզորությունից: Նա նշեց, որ վարկը տրամադրվում է 0 տոկոսով, մեկուկես տարով։

«Մենք ունենք մի քանի տիպային կառույցների նախագծեր, որոնց համադրումից պարզ է դառնում, որ մեկ խոշոր եղջերավոր կենդանու սպանդ կազմակերպելու համար անհրաժեշտ եւ բավարար է շուրջ 15 քմ-ը: Մենք առաջարկել ենք վարկային սահմանաչափը կապել այդ մեծության հետ, եւ յուրաքանչյուր 15 քմ-ի հաշվարկով սահմանել 2 մլն դրամ: Այս գումարը բավարար է՝ 7 oր ամբողջ հզորությամբ աշխատելու համար»,- ասաց նախարարը:  

Նրա խոսքով՝ գումարը նախատեսվում է անասուն գնելու պահին գյուղացուն դրա ամբողջ արժեքը տեղում վճարելու համար, որպեսզի գյուղացին ստիպված չլինի սպասել մինչեւ իր կենդանու միսը կհասնի շուկա կվաճառվի, եւ միայն դրանից հետո իրեն կվճարեն:

Վարչապետ Նիկոլ Փաշինյանն էլ ընդգծեց, որ թեեւ վարկավորման իրական շահառունները սպանդանոցներն են, բայց այդ առաջարկից կօգտվեն նաեւ գյուղացիները:

Վարչապետը նաեւ հետաքրքրվեց, թե ինչ ընթացքի մեջ են սպանդանոցների կառուցման աշխատանքները. «Ես էն օրը տեղեկանք ստացա, որ այս պահին 88 սպանդանոց է կառուցվում, որը կբավարարի մեր ամբողջ պահանջարկը»։

Էկոնոմիկայի նախարարը հաստատեց վարչապետի տեղեկությունը՝ նշելով, որ կորոնավիրուսի պատճառով որոշ չափով դանդաղել էր դրանց կառուցման ընթացքը:

Տեսչական մարմինների աշխատանքների համակարգման գրասենյակի ղեկավար Արթուր Ասոյանն էլ իր հերթին ասաց, որ ներկա պահին Հայաստանում գործում է 44 սպանդանոց, որոնցից գյուղացիական տնտեսություններին ու անհատներին ծառայություններ են մատուցում 19-ը, քանի որ մյուսները խոշոր անասնապահական ֆերմաներին կից սպանդանոցներն են, որոնք աշխատում են միայն իրենց կարիքների համար եւ դրսից պատվերներ չեն ընդունում:

Տպել
2219 դիտում

Երևանի Ազատության պողոտայում մեքենա է այրվել. վարորդը հոսպիտալացվել է

Ստեփանծմինդա-Լարս ավտոճանապարհը բաց է միայն ՀՀ-ից մեկնող բեռնատարների համար

Հայաստանը շարունակում է շնորհավորանքներ ստանալ. շնորհավորել է Սերբիայի նախագահ Ալեքսանդր Վուչիչը

«Արարատ-Արմենիա» - «Ցրվենա Զվեզդա» խաղը` ակադեմիայի մարզադաշտում

Կրկեսի վերածվող թեժ աշունը

Ջրամատակարարման նոր գրաֆիկը չի ենթադրում ջրամատակարարման ժամերի կրճատում․ «Վեոլիա Ջուր»-ը պարզաբանում է

Առցանց քննարկում՝ Երևանի կենդանաբանական այգու և ՀԱԱՀ անասնաբուժական բժշկագիտության և անասնաբուծության ֆակուլտետի միջև

Առցանց քննարկում՝ Երևանի կենդանաբանական այգու և ՀԱԱՀ անասնաբուժական բժշկագիտության և անասնաբուծության ֆակուլտետի միջև

Ոստիկանները ուշ ժամի հրավառություն կատարած անձանց են հայտնաբերել

Նախորդ շաբաթ հակառակորդի կողմից հրադադարի պահպանման ռեժիմը խախտվել է շուրջ 330 անգամ

Նախարարությունը COVID-19-ի դեմ պատվաստանյութի ձեռքբերման համաձայնագիր է ստորագրել. կգնեն 600 հազար դեղաչափ

ՀՀ-ում վարկային թալան գոյություն չունի․ այնքան էլ բավարարված չեմ լսումների արդյունքներով․ Ուլիխանյան

Դատախազությունը հունիսին Ծառուկյանին չկալանավորած դատավորի նկատմամբ կարգապահական վարույթ հարուցելու գործընթաց է սկսելու

Ամենայն Հայոց Կաթողիկոսը Վատիկանում կհանդիպի Հռոմի Պապի հետ

ԲՀԿ քաղխորհրդի հայտարարությունը

Ծանրամարտիկ Արմեն Ղազարյանի գործով ձերբակալվել են ոստիկանության Նոր Նորքի բաժնի պետը և երեք օպերլիազոր. ՀՔԾ

Նախատեսված ժամկետից ավել ծառայելու մասին խոսք լինել չի կարող․ ՊՆ խոսնակ

ԳԹԿ-ն վերադարձնում է դիմորդների գումարը․ ԿԳՄՍՆ

Խոշոր եղջերավոր կենդանիներով բեռնված ավտոմեքենան գլորվել է ձորը. վիրավոր է 5 ցլիկ

ՇՎՏՄ-ն խնդրում է տնտեսավարողներին զերծ մնալ խախտումներից, հակառակ դեպքում կկիրառվի վարչական տույժ