COVID-19-ի տարածումը կանխարգելելու գործընթացում ներգրավված է եղել 45 հյուրանոցային տնտեսության օբյեկտ

Առողջապահության նախարար Արսեն Թորոսյանը, ինչպես հայտնի է, հայտարարել է, որ կորոնավիրուսով հիվանդների հետ շփված անձինք ու նաեւ այն վարակակիրները, որոնց մոտ հիվանդությունը ծանր ընթացք չունի, արդեն այսօրվանից կմնան կբուժվեն իրենց տներում առողջության առաջնային օղակի բժիշկների հսկողության ներքո:

Մինչ այս կառավարությունը տասնյակ հյուրանոցներից եւ հյուրատներից ծառայություններ է գնել՝ հիվանդների հետ շփում ունեցած անձանց, ինչպես նաեւ արտերկրից ժամանած ՀՀ քաղաքացիներին պահելու եւ նրանց առողջությանը հետեւելու համար:

Այս ամենի համար կատարված հատկացումների մասին «Հայկական ժամանակ»-ի հարցմանն ի պատասախան՝ Էկոնոմիկայի նախարարության գլխավոր քարտուղար Արմեն Խաչատրյանը նշել է, որ COVID-19 կորոնավիրուսային վարակի տարածումը կանխարգելելու միջոցառումների շրջանակներում ծավալվող աշխատանքների կազմակերպման գործընթացում ներգրավված է 45 հյուրանոցային տնտեսության օբյեկտ (ՀՏՕ), որոնցից 36-ից կառավարությունը ծառայությունը ձեռք է բերել վճարովի հիմունքներով: Մյուսները դա արել են որպես բարեգործություն:

Հյուրանոցային ծառայությունների մատուցման պատրաստակամություն է հայտնել 101 ՀՏՕ, որոնցից՝ 49 կազմակերպություն մարզերից (Արարատի մարզ՝ 2 կազմակերպություն, Արմավիրի մարզ՝ 2 կազմակերպություն, Գեղարքունիքի մարզ՝ 5 կազմակերպություն, Շիրակի մարզ՝ 3 կազմակերպություն, Կոտայքի մարզ՝ 13 կազմակերպություն, Սյունիքի մարզ՝ 6 կազմակերպություն, Վայոց ձորի մարզ՝ 2 կազմակերպություն, Տավուշի մարզ՝ 16 կազմակերպություն) եւ 52 կազմակերպություն Երեւանից:

Ի՞նչ նվազագույն եւ ի՞նչ առավելագույն արժեք է ունեցել մեկ անձի մեկ օրվա համար գնված ծառայությունը (կեցությունը, սնունդը, ախտահանման նյութերն ու ծառայությունները) հարցին ի պատասխան՝ Խաչատրյանը նշել է, որ հյուրանոցների մեկ համարի առավելագույն արժեքը կազմել է 22 հազար դրամ, իսկ նվազագույն արժեքը՝ 5 հազար դրամ, ներառյալ՝ հարկերը, անկախ՝ համարում մեկուսացած անձանց քանակից։

Կախված տվյալ ժամանակամիջոցում հյուրանոցային ծառայություն մատուցող ՀՏՕ-ից եւ նույն ժամանակամիջոցում մեկուսացված անձանց քանակից՝ 14-օրյա կեցության արժեքը տարբեր է եղել:
Ընդհանուր առմամբ ՀՀ էկոնոմիկայի նախարարությանը հատկացված «Կորոնավիրուսով (COVID-19) պայմանավորված մեկուսացված անձանց կեցության ապահովում» 07-04-01-09 ծրագրի շրջանակներում 2020 թվականի մայիսի 14-ի դրությամբ նախարարությունը հյուրանոցներում եւ հյուրատներում մեկուսացված անձանց կեցության համար վճարել է ավելի քան 620 միլիոն 797 հազար դրամ, իսկ սննդի տրամադրման համար՝ ավելի քան 125 միլիոն 997 հազար դրամ: Էկոնոմիկայի նախարարությունն ախտահանիչ նյութերի ձեռքբերման եւ տարածքների ախտահանման ծառայությունների կազմակերպման աշխատանքներում ներգրավված չէ:

Գումարի ո՞ր մասն է տրամադրվել պետբյուջեից, ո՞ր մասը՝ COVID-19-ի դեմ պայքարի հիմնադրամի հանգանակությունից հարցը, ըստ էության, անպատասխան է մնացել: Խաչատրյանը հղում է կատարել այն որոշումներին, որոնցով իրականացվել են գնումները: Նշվում է, որ կորոնավիրուսի տարածումը կանխարգելելու միջոցառումների շրջանակներում հյուրանոցային ծառայությունների գնման գործընթացի եւ սննդի կազմակերպման ծառայությունների իրականացման համար Էկոնոմիկայի նախարարության ֆինանսավորումը կատարվել է ՀՀ վարչապետի՝ 2020 թվականի մարտի 28-ի թիվ N388-Ն, 2020 թվականի ապրիլի 23-ի թիվ 592-Ն եւ 2020 թվականի ապրիլի 28-ի թիվ 636-Ն որոշումների հիման վրա: Այս որոշումները ծախսային վերաբաշխումների, նոր կորոնավիրուսի տարածման հետ կապված միջոցառումներին գումար հատկացնելու մասին են ընդհանուր առմամբ: Ծախսերի համամասնության մասին ոչինչ նշված չէ:

COVID-19-ի դեմ պայքարի հիմնադրամի հանգանակությունից իրականացված ծախսերի վերաբերյալ տեղեկատվությանը ՀՀ Էկոնոմիկայի նախարարությունը չի տիրապետում:

Ի՞նչ միջոցներ են ձեռնարկվել արտակարգ դրության ընթացքում օպերատիվ միջոցառումների անհրաժեշտությամբ հնարավոր դարձած կոռուպցիոն ռիսկերը նվազագույնի հասցնելու համար հարցի պատասխանում ընդգծվում է, որ կոռուպցիոն ռիսկերը նվազ չեն:

Հայաստանի Հանրապետությունում նոր COVID-19 կորոնավիրուսային վարակով պայմանավորված արտակարգ դրության պայմաններում կորոնավիրուսի տարածումը կանխարգելող միջոցառումների շրջանակներում պետական կառավարման մարմինների  գնման գործընթացը, ըստ կառավարության 2020 թվականի մարտի 12-ի թիվ 296 Ա որոշման, կարող է կատարվել առանց գրավոր պայմանագրերի կնքման՝ վճարումները կատարելով հաշիվ-ապրանքագրի կամ հսկիչ դրամարկղային մեքենայի կտրոնի հիման վրա, ինչպես նաեւ բացառիկ դեպքերում առանց վերջիններիս առկայության, սակայն հնարավոր կոռուպցիոն ռիսկերից խուսափելու նպատակով Էկոնոմիկայի նախարարությունը հյուրանոցային ծառայություններից գնման գործընթացը եւ վճարումներն իրականացրել է գրավոր գնառաջարկների, ընդունման-հանձնման ակտերի եւ հաշվետվությունների հիման վրա:

Ի դեպ, երեկվա ասուլիսում Առողջապահության նախարար Արսեն Թորոսյանը նշել է, որ կորոնավիրուսի հետ կապված միջոցառումներին մինչ օրս տրամադրվել է 2.4 մլրդ դրամ: Նախարարն այն գնահատել էր որպես «կատաստրոֆիկ փոքր գումար»: «Տարբեր գնահատականններով մեր երկրին մինչեւ տարեվերջ անհրաժեշտ է լինելու 300 մլն դոլար (մոտ 145 միլիարդ դրամ-խմբ.)»,- ասել է նա:

Տպել
1285 դիտում

Ռուս գործարարների «Հերմես» ակումբը ֆինանսական աջակցություն է տրամադրել «Բարի մամա» հասարակական կազմակերպությանը

ՀՀ-ում 18-ից 20.000 կորոնավիրուսի ասիպտոմ դեպք կարող է լինի. Նիկոլ Փաշինյան (տեսանյութ)

Իրականացան մեր կանխատեսումները՝ դեպքերի թիվը հասնում է 10 հազարի. պահեք երեք պարզ կանոնները

Արման Սահակյանը մեղադրվում է պաշտոնեական լիազորությունների չարաշահման մեջ. նրա նկատմամբ 5 միլիոն դրամ գրավ է կիրառվել

Գյումրիում շատերը թույլ չեն տալիս թափառող շներին տարածքից հեռացնել, թաղամասերի 80 տոկոսում այդ խնդիրը կա

«Էրեբունի» ԲԿ-ում 5 կգ 600 գ քաշով տղա երեխա է ծնվել

Արթուր Դավթյանին հունից հանեց «Դուք ձեզ Սերժ Սարգսյանի մնացորդ համարո՞ւմ եք» հարցը

«Աբովյան» և «Արմավիր» ՔԿՀ-ում 9-րդ դասարանն ավարտած չորս անչափահասների տրվել են ավարտական վկայականներ

ԱԻՆ-ը համավարակի կանխարգելման քարոզչական շրջայցեր է իրականացնում հանրապետությունում (տեսանյութ)

«Հոկտեմբերի 27»-ի գործով չի բացառվում, որ հարցաքննվի նաեւ Գագիկ Ջհանգիրյանը. Արթուր Դավթյան

Նախկին դատախազ Հենրիկ Խաչատրյանի սպանության դեպքը ժամանակին ստացել է իր իրավական գնահատականը․ Արթուր Դավթյան

ՀՀ պատվիրակությունն Արցախ էր այցելել միայն թեստ հանձնելուց և բացասական արդյունքից հետո

Արարատ Միրզոյանը Երևանում ընդունել է Արցախի իր պաշտոնակցին

Նախագահական կայք՝ երեխաների համար. գործարկվել է Հանրապետության նախագահի՝ երեխաների համար նախատեսված կայքը

Վանաձոր-Ալավերդի-Վրաստան միջպետական ավտոճանապարհի տարբեր հատվածներում կատարվում են ասֆալտապատման աշխատանքներ

Ավտոմեքենաների պետհամարանիշներ են գողանում, հետո զանգահարում ու գումար պահանջում․ պատգամավորը՝ դատախազին

Լիտվայի նախագահը ծննդյան օրվա առթիվ շնորհավորել է Նիկոլ Փաշինյանին եւ մաղթել շուտափույթ ապաքինում

Մխիթարյանը լուսանկար է հրապարակել որդու հետ ու շնորհավորել երեխաների պաշտպանության օրը

Նիկոլ Փաշինյանին ծննդյան օրվա առթիվ շնորհավորական ուղերձ է հղել Վրաստանի վարչապետ Գիորգի Գախարիան

Զորամասի հրամանատարին մեղադրանք է առաջադրվել իշխանազանցություն, պաշտոնեական կեղծիք կատարելու և կաշառք ստանալու համար