Չինաստանի Ուհան քաղաքում մտադիր են 10 օրում թեստավորել ամբողջ 11 միլիոն բնակչությանը

Չինաստանի Ուհան քաղաքի իշխանությունները մտադիր են 10 օրում կորոնավիրուսի անալիզներ վերցնել քաղաքի բոլոր 11 միլիոն բնակիչներից: Հիշեցնենք, հենց Ուհանից սկսվեց Չինաստանում, այնուհետ ամբողջ աշխարհում կորոնավիրուսի վարակի տարածումը:

BBC-ն հայտնում է, որ քաղաքային իշխանությունների այս մտադրությունը դեռեւս նախնական մշակման փուլում է գտնվում, քանի որ իշխանությունները շրջանային ղեկավարներից դեռեւս պահանջելու են  ներկայացնել իրենց տարածքներում բնակչության համատարած թեստավորումն ապահովող պլանների նախնական տարբերակները՝ առաջիկա  10 օրվա ընթացքում:

Ուհանի համալսարանի մասնագետները, սակայն, այդքան էլ ոգեւորությամբ չեն ընդունել նախաձեռնությունը՝ այն համարելով ավելորդ ռեսուրսների վատնում, քանի որ միլիոնավոր բնակիչներ ավելի վաղ արդեն անցել են կորոնավիրուսային թեստավորում:

Նշենք, որ հանգստյան օրերին Ուհանում հաստատվել է կորոնավիրուսի 6 նոր դեպք: Բոլոր վարակման դեպքերը կապված են մեկ օջախի հետ, բոլոր դեպքերը գրանցվել են բազմահարկ մի բնակելի շենքում, շենքի մյուս բնակիչները մեկուսացվել են: Հենց այս հանգամանքն է մեծ անհանգստություն առաջացրել Ուհանի քաղաքային իշխանությունների շրջանում, քանի որ կարանտինն այստեղ հանվել է ապրիլի 8-ին, իսկ վարակման նոր դեպքեր չէին գրանցվում ապրիլի 3-ից սկսած, արդեն մեկ ամսից ավելի: Կորոնավիրուսային վարակի էպիկենտրոնում, որտեղ մեծ դժվարությամբ հաղթահարեցին վարակն ու դրա հետեւանքները, բացվել եւ բնականոն հունով աշխատում են դպրոցները, աստիճանաբար բացվում են կոմերցիոն ձեռնարկությունները, կրկին գործի է անցել հասարակական տրանսպորտը:

Չինաստանի ամբողջ տարածում կորոնավիրուսով վարակվածների թիվը, վերջին տվյալների համաձայն, այս երկուշաբթի մոտեցել է 83 հազարին, համաճարակի ամբողջ ընթացքում վարակից զոհվել է 4633 մարդ:

Այսօր արդեն չինական պետական լրատվամիջոցները հայտնել են, թե Ուհանի քաղաքային իշխանությունների նախաձեռնությամբ 11 միլիոն բնակչություն ունեցող քաղաքում չի լինելու անգամ 1 բնակիչ, որին չկարողանան թեստավորեն 10 օրվա ընթացքում: Այսպիսով, հնարավոր կլինի խուսափել կորոնավիրուսի կրկնակի բռնկման ռիսկերից:

Միեւնույն ժամանակ, քաղաքի խիտ բնակեցված տարածքներում ապրող բնակիչների եւ տարեցների թեստավորումը պետք է համարվի առաջնահերթություն: Այս պլանը փաստաթղթում նկարագրված է որպես «տասնօրյա մարտ վարակի դեմ»:

Ուհանի բարձր որակավորում ունեցող բժիշկները Global Times-ի հետ հարցազրույցում, մեկնաբանելով «տասնօրյա մարտ վարակի դեմ» ծրագիրը, նշել են, որ այն չափազանց ծախսատար է եւ բավական դժվար իրագործելի:

Ուհանի համալսարանի ենթակայությամբ գործող Չժունհանի հոսպիտալի վերակենդանացման բաժանմունքի գլխավոր բժիշկ Պեն Չժիյունն առաջարկել է բոլոր բնակիչներին թեստավորելու դժվարին ծրագրի փոխարեն անալիզներ վերցնել բուժաշխատողներից, ռիսկային խմբի բոլոր քաղաքացիներից եւ հիվանդների հետ կոնտակտ ունեցող բոլոր մարդկանցից:

Ուհանի համալսարանի բժիշկ Յան Չժանցուն էլ հայտնել է, որ իր գնահատմամբ, քաղաքի բնակչության զգալի մասը՝ մոտ 3-5  միլիոն մարդ, ավելի վաղ արդեն հանձնել է անալիզներ ե թեստավորել բնակչության մյուս մասին՝ 6-8 միլիոն մարդու տասնօրյա ժամկետում, լիովին իրատեսական ծրագիր է:

Լրատվամիջոցներն էլ գրում են, որ ցանկացած տեսանկյունից նայելիս, Ուհանի իշխանությունների մտադրությունը մեծ դժվարությւոն է ներկայացնում: Օրինակի համար կարելի է նշել, որ աշխարհում այս պահին կորոնավիրուսով հիվանդների եռյակում հայտնված  Ռուսաստանում մինչ այսօր Covid-19-ի մոտ 5,8 միլիոն թեստավորում է իրակացվել, իսկ ԱՄՆ-ում՝ մոտ 9 միլիոն:

Չինական Weibo սոցիալական կայքի օգտատերերը կասկածամտությամբ են մոտեցել  մի ամբողջ քաղաքի թեստավորման գաղափարին՝ նշելով, որ համատարած թեստավորման գաղափարն առաջ բերելուց առաջ պետք էր չվերականգնել Ուհանի հաղորդակցությունը Չինաստանի մյուս բնակավայրերի հետ:

Տպել
643 դիտում

Աննախադեպ թվով մահեր 1 օրում. կորոնավիրուսից 20 մարդ է մահացել, գրանցվել է 517 նոր դեպք

6-ից ավելի նստատեղ ունեցող ավտոմեքենաներով ուղեւորափոխադրում կատարելու մասին օրենքի նախագիծն ընդունվեց առաջին ընթերցմամբ

Վանաձորում անձը չպարզված տղամարդու դի է հայտնաբերվել

Ծայրահեղ անպատասխանատվության դրսեւորում է. ԱԱԾ տնօրենը կզբաղվի կազմակերպիչներով. վարչապետը՝ երեկվա միջոցառումների մասին

Ռուդիկ Հյուսնունցը նշանակվել է Արցախի նախագահի գլխավոր խորհրդական-հատուկ հանձնարարություններով դեսպան

85-ամյա կինը ցանկանում էր ինքնասպան լինել՝ կտրելով դաստակի երակները

Պատրաստվում ենք այս hինգշաբթի կոտրել COVID-19-ի մասին ամենատարածված միֆերը. ԵՊԲՀ ռեկտոր

Վթար Քաջարան-Կապան ավտոճանապարհի 9-րդ կմ-ին. ուղեւորն ու վարորդը հոսպիտալացվել են

Պարետի որոշմամբ՝ ժամանակավորապես կասեցվել է մի շարք տնտեսվարողների գործունեությունը

Արգել գյուղի նախկին դպրոցի շենքում հրդեհ է բռնկվել. դեպքի վայր է մեկնել 4 մարտական հաշվարկ

Վրաստանը սահմանը չի բացի մի շարք երկրների զբոսաշրջիկների, այդ թվում՝ հայերի համար

Երթևեկության նշանները ծածկող խոչընդոտները կվերացվեն

Թուրքական օդուժը Իրաքի հյուսիսում թիրախավորել է բնակավայրեր. կա 2 զոհ

Հրետանավորներն անցկացրել են մասնագիտական պարապմունքներ. ՊՆ

Թրամփն ու ընտանիքը տեղափոխվել է ստորգետնյա բունկեր. ԱՄՆ-ում ցույցերի հետեւանքով 20 զոհ, 4 000 բերման ենթարկված կա

Հաշմանդամություն ունեցող երեխային պետք է սովորեցնել ինքնուրույն կյանք վարելու հմտություններ. ՄԻՊ (լուսանկարներ)

13-ամյա Նազելիի խնամակալությունը կստանձնի Գյումրիում ապրող հորաքույրը. կապրեն այլ հասցեում

Սահմանամերձ Բարեկամավանի միակ շրջանավարտի ավարտական երեկոն․ մի կողմից հակառակորդի հետ սահման, մյուսից՝ անտեսանելի թշնամի

Ամենահաճախակի խախտումները՝ գեղեցկության սրահներում, դեղատներում եւ ստոմատոլոգիական կենտրոններում․ ԱԱՏՄ

Սահմանադրական փոփոխությունների մասին քվեարկությունը ՌԴ-ում կանցկացվի հուլիսի 1-ին