Սասուն Միքայելյանը, Արտակ Մանուկյանն ու Վահե Ղալումյանը պատրաստ են մանդատները վայր դնել, բայց մեկ պայմանով. Մակունց

ԱԺ «Իմ քայլը» խմբակցության ղեկավար Լիլիթ Մակունցն այսօր իր ելույթի ժամանակ անդրադարձավ խորհրդարանում ուրբաթ օրը պատգամավորների միջեւ տեղի ունեցած միջադեպին:  

«Մենք արդեն դատապարտել ենք տեղի ունեցած միջադեպը, դատապարտել ենք այն, որ «Իմ քայլը» խմբակցությունը տրվել է սադրանքի, դատապարտել ենք, որ, անկախ տեղի ունեցող երեւույթներից, մենք իրավունք չունեինք մտնել այդ դաշտ, բայց միեւնույն ժամանակ մենք դատապարտում ենք մարդու արժանապատվությունը հետեւողական կերպով ոտնահարելն ու կոնֆլիկտներ հրահրելը»,- ասաց Լիլիթ Մակունցը:

Խմբակցության ղեկավարը հիշեցրեց նաեւ ԱԺ 7-րդ գումարման ընթացքում «Լուսավոր Հայաստան» խմբկցության ղեկավար Էդմոն Մարուքյանի մասնակցությամբ տեղի ունեցած միջադեպերի ժամանակագրությունը.

«Ես ուզում եմ հիշեցնել՝ ով էր այն պատգամավորը, որ 2019 թվականի հունվարի 16-ին՝ խորհրդարանի երդմնակալության արարողությունից երկու օր անց, կոնֆլիկտ հրահրեց Ազգային ժողովում «Բարգավաճ Հայաստան» խմբակցության հետ. Էդմոն Մարուքյանը: Ես ուզում եմ հիշեցնել եւ հարցնել՝ ո՞վ էր այն պատգամավորը, որը մոտ 2 շաբաթ առաջ այստեղ պատգամավոր Գեւորգ Պապոյանին պարբերաբար ընդհատում էր, հետո ի վերջո հնչեցրեց սպառնալիք՝ ձայնդ կտրիր, թե չէ քթիցդ արյուն է գալու. Էդմոն Մարուքյանը: Ո՞վ էր այն պատգամավորը, որը Ռուբեն Ռուբինյանի վարման կարգով ելույթի ժամանակ իջնում է աստիճաններից, գալիս Ռուբինյանի մոտ, խանգարում՝ փորձելով չթողնել նրան խոսել եւ հրահրել կոնֆլիկտ: Ո՞վ էր այն պատգամավորը, որին Մխիթար Հայրապետյանը դիմում էր՝ խնդրելով չընդհատել եւ խոսել ԱԺ պատգամավորի հետ հարգանքով, չնսեմացնել նրա արժանապատվությունը եւ խոսել Դուք-ով, ոչ թե՝ դու-ով. Էդմոն Մարուքյանը: Ո՞վ էր այն պատգամավորը, որը Սուրեն Գրիգորյանին դիմում էր՝ ով ես դու, արա՛ ոճով. Էդմոն Մարուքյանը: Ո՞վ էր այն պատգամավորը, որը սեռական բնույթի հայհոյանք հնչեցրեց ԱԺ փոխնախագահ Ալեն Սիմոնյանի հասցեին. Էդմոն Մարուքյանը»,- թվարկեց Մակունցը՝ ներողություն խնդրելով մեջբերած բառերի համար:

Մակունցը նշեց, որ Մարուքյանի եղբայրը շարունակում է սեռական բնույթի հայհոյանքների մշակույթը մեկ այլ պատգամավորի (Սասուն Միքայելյանի,-հեղ.) մոր հասցեին:

Անդրադառնալով ուրբաթ օրը տեղի ունեցած միջադեպին՝ իշխող խմբակցության ղեկավարը նշեց. «Ինչպե՞ս կարող է բռնությանը դեմ մարդը, այն բանից հետո, երբ Սասուն Միքայելյանը նրան ապտակել է, եւ որոշ պատգամավորներ պահել էին Միքայելյանին՝ հնարավորություն չտալով նրան որեւէ գործողություն անելու, Մարուքյանը, տեսնելով, որ ինքնապաշտպանվելու կարիք չունի, հարձակվում է եւ ոտքով հարվածում: Ինչպես կարող էր բռնությանը դեմ պատգամավորը վտանգ չներկայացնող եւ ինքնապաշտպանության որեւէ խնդիր չունենալու պարագայում ոտքով հարվածել»:

Մակունցը նաեւ պարզաբանեց, թե ինչու է կրկին անդրադառնում այս հարցին, երբ ուրբաթ օրը միջադեպից հետո արդեն ելույթ էր ունեցել:

««Լուսավոր Հայաստան» խմբակցությունը զոհ չէ, ինչպես իրենք փորձում են պնդել պարբերաբար հայտարարություններով: «Լուսավոր Հայաստան» խմբակցությունը՝ ի դեմս նաեւ իրենց ղեկավար Էդմոն Մարուքյանի, կոնֆլիկտի կողմ է, ավելին՝ կոնֆլիկտը հրահրող կողմ է: Ինձ համար զարմանալի է, որ խմբակցության ղեկավարը կարող է կոնֆլիկտ գեներացնողի դերում հանդես գալ»,- նշեց Մակունցը՝ հավելելով, որ իրենք միշտ հաշտեցնողի դերում են հանդես եկել:

Մակունցը նշեց, որ իրավիճակը հարթելու համար եւ հետագայում նման միջադեպերի կրկնությունը կանխելու համար պետք է իրավիճակն ունենա քաղաքական հետեւանք:

«Այդ հետեւանքի մասին այսօր այստեղից հայտարարություն արեց Սասուն Միքայելյանը: Այո՛, քաղաքական հետեւանք պետք է լինի, եւ Սասուն Միքայելյանի առաջարկով նաեւ: Նա պատրաստ է մանդատը վայր դնել, եթե միաժամանակ մանդատը վայր է դնում նաեւ Էդմոն Մարուքյանը: Ավելին՝ իրենց մանդատները պատրաստ են վայր դնել նաեւ պատգամավորներ Արտակ Մանուկյանն ու Վահե Ղալումյանը՝ պայմանով, որ միաժամանակ իրենց մանդատները վայր են դնելու նաեւ «Լուսավոր Հայաստան» խմբակցության պատգամավորներ Հրանտ Այվազյանը եւ Սարգիս Ալեքսանյանը: Սա է մեր դիրքորոշումը, եւ սա է արդարությունը, եւ սա է քաղաքական հետեւանքը, որը պետք է տեղի ունենա, եթե, իհարկե, այն մարդիկ, որոնք խոսում են արժեքներից, իսկապես այդ արժեքների կրողն են»,- նշեց Մակունցը՝ եզրափակելով, որ «Լուսավոր Հայաստան» խմբակցությունը պետք է շատ կարճ ժամանակում հանդես գա արձագանքով եւ ներկայացնի իր դիրքորոշումը:

Տպել
1093 դիտում

Միշիկն ու Ադրբեջանն ընդդեմ ԱԹՍ խոցող «ջարդոնի». Դավիթ Գալստյանը զենքի վաճառքով զբաղվում է, իսկ Կառավարությունը կապ չունի

Պարետի որոշմամբ արգելվել է համար 24 եւ 122 մանկապերտեզների գործունությունը

Սա «սեւ թուղթ» է Հայաստանի ամբողջ ավիացիայի համար, բայց կարելի է շատ արագ դրությունը փրկել. փորձագետ Նավիկ Խաչատրյան

Լուկաշենկոն Բելառուսի կառավարությունը ցրելու մասին որոշում է կայացրել

Չփորձեք հակադրվել համոզման մեթոդին. հակաօրինական գործողություններին կտրվի կոշտ հակազդեցություն. ՀՀ ոստիկանապետ

Արցախում ճանապարհատրանսպորտային պատահարի հետեւանքով մահացած զինծառայողի եւ 6 վիրավորների դեպքով քրեական գործ է հարուցվել

Չինաստանին ուղղված նոր հարցերի, Շվեդիայի սխալների և իրական սոցիալական հեռավորության մասին. COVID-19

Փրկարար ծառայությունում տեսակապով անցկացվել է հերթական օպերատիվ խորհրդակցությունը

Աշոտ Մելոյանը դատի է տվել Երեւանի ավագանու «Լույս» խմբակցության ղեկավար Դավիթ Խաժակյանին

Մեզ հաջողվեց մինի հեղափոխություն իրականացնել. սկսում ենք հանրային վերահսկողության թիմի ձևավորումը. վարչապետ

Չորրորդ զորամիավորումում անցկացվել են կրակային վարժանքներ

Կորոնավիրուսի դեմ պայքարում հաջողության բանաձեւ՝ «Իմ քայլը» խմբակցությունից, եւ ամեն դեպքում, Նոբելյան մրցանակ ԲՀԿ-ին

Արարատյան մաքսատան բանկերի սպասարկման տարածքները նույնպես կանցնեն ՊԵԿ-ի հսկողություն տակ (լուսանկարներ)

ՀՀ տարածքում ավտոճանապարհներն անցանելի են. Վրաստան մուտքն արգելող որոշումը շարունակում է ուժի մեջ մնալ

Եկեք ընդունենք, որ բոլորս սխալվել ենք. այս զրոյական կետը ֆիքսենք և միասին իրավիճակը վերցնենք հսկողության տակ. վարչապետ

Արարատ Միրզոյանը ցավակցել է ՀՀ ԱԺ նախկին նախագահ Արմեն Խաչատրյանի մահվան կապակցությամբ

Վարչապետի և նրա ընտանիքի անդամների ինքնազգացողությունը լավ է. Մանե Գեւորգյան

Քաղաքացիներին ուղղված մեղադրանք չկա, սխալ կարծիք է, կա իրավիճակի գնահատում. վարչապետ

Հայրիկներ ջան, ի՞նչ եք անում. վարչապետը լուսանկար է հրապարակել

Երևանի վեց դպրոցների տնօրեններին հայտարարվել է նկատողություն