Նրանք մեզ ուզում են հավասարեցնել քիլլերների, հանել հավասարակշռությունից. Նիկոլ Փաշինյանը՝ ԱԺ միջադեպի մասին (տեսանյութ)

«Ես դատապարտում եմ այն, որ մենք տրվում ենք սադրանքների։ Իմ եղբորը, իմ ընկերոջը ես դատապարտում եմ, որովհետեւ մենք իրավունք չունենք տրվել սադրանքների»,- Սասուն Միքայելյանին նկատի ունենալով՝ ԱԺ ամբիոնից այս մասին հայտարարեց ՀՀ վարչապետ Նիկոլ Փաշինյանը:

Շարունակելով անդրադառնալ առավոտյան տեղի ունեցած միջադեպին՝ վարչապետն ընդգծեց՝ իրենց անընդհատ, ամեն օր ուզում են շեղել իրենց արժեքներից։

«Այս ամբիոնից էր այդ նույն մարդն ասում մեզ՝ պադյեզդներում ծեծելո՞ւ եք։ Նրանք մեզ ուզում են դարձնել պադյեզդներում իրենց ծեծողներ, նրանք մեզ ուզում են հավասարեցնել քիլլերների, նրանք մեզ ուզում են շեղել մեր արժեքներից, նրանք մեզ ուզում են հանել հավասարակշռությունից։ Եվ, այո՛, այսօր Հայաստանում հաստատված է բացառիկ իրավիճակ, երբ որ իշխանությունը ամեն օր դառնում է բռնության զոհ։ Ամեն օր դառնում է բռնության զոհ՝ սերժական, քոչարյանական հանցավոր բանդայի եւ նրանց խորհրդարանական սպասարկողների կողմից։ Սա է ճշմարտությունը։ Եվ ես ուզում եմ խոսել նաեւ օրենքի եւ օրինականության տեսակետից։ ՀՀ քրեական օրենսգրքում կաշառքը համարվում է հանցագործություն, բայց առանձին վերցրած հանցագործություն էլ կա՝ կաշառքի սադրանքը։ Սադրանքը նույնպիսի հանցագործություն է, ինչ դրա հետեւանքները։ Սա է իմ գնահատականը այսօր տեղի ունեցած միջադեպին։ Եվ, այո՛, ես դատապարտում եմ մեզ եւ դատապարտում եմ ինձ։ Եվ այսօր տեղի ունեցածը համարում եմ մեր եւ անձամբ իմ ամենամեծ պարտությունը, որ մենք ունեցել ենք հեղափոխությունից հետո»,- հայտարարեց Փաշինյանը՝ ընդգծելով, որ դա թող որեւէ մեկին հուսավառ չանի։

Այդ առիթով նա հիշեց հեղափոխության առիթով իր գրած տողերը. «Ես պարտվել եմ, պարտվել եմ քանիցս ու տեսել քմծիծաղը ստի, բայց իմ կամքը ամուր է քարից էլ, իմ ոգին հանձնվել չգիտի»։

Փաշինյանը նկատեց, որ, այո՛, այդ ամենը կապ ունի ապօրինի գույքի բռնագանձման մասին օրենքի հետ, ինչի մասին խոսել էր «Իմ քայլը» խմբակցության ղեկավար Լիլիթ Մակունցը։

Վարչապետն ասաց, որ այդ ամեն ինչը կապ ունի բազմաթիվ եւ բազմապիսի քրեական գործերի հետ։ «Որովհետեւ, երբ այդ գողացված միջոցները վերադարձնեն, բա որտեղի՞ց են իրենց թուլափայը ստանալու թուլափայ ստացողները։ Եվ շատ կենսական հարց է լուծվում այսօր։ Այսօր բռնության է ենթարկվում ոչ միայն իշխող մեծամասնությունը, հոգեբանական բռնության է ենթարկվում հանրությունը։ Որովհետեւ նրանք մեզ ուզում են դնել ընտրության առաջ՝ կա՛մ մենք պետք է դառնանք պադյեզդներում ծեծողներ, կա՛մ մեր թիմակիցները պետք է վախենան պադյեզդներ մտնելուց։ Թույլ չենք տա, այո՛, այդ պադյեզդներում ձեզ ասֆալտներին կպառկեցնենք։ Դուք չունեք հնարավորություն Հայաստանի ժողովրդից վերցնել այն իշխանությունը, որը պատկանում է ժողովրդին։ Ես 100 անգամ ասել եմ այս մարդկանց՝ գնացեք նայեք հարյուրավոր ելույթներ։ Գնացեք տեսեք, թե ոնց է խոսել Էդմոն Մարուքյանը Հովիկ Աբրահամյանի հետ այս ամբիոնից, գնացեք տեսեք, թե ոնց է խոսել Էդմոն Մարուքյանը Սերժ Սարգսյանի հետ այս ամբիոնից եւ գնացեք տեսեք, թե ոնց են նրանք խոսում ժողովրդի լեգիտիմ իշխանություն ունեցող իշխանության հետ՝ ասելով, որ մի քանի վայրկյան խոսելու եմ, անդրադառնալու եմ ելույթի, բայց ափսոսում եմ այդ մի քանի վայրկյանը»,- շարունակեց նա։

Վարչապետը շեշտեց. «Բռնությունը մեր իրականության մեջ տեղ չունի, եւ այդ միջադեպը այլեւս երբեք չպետք է կրկնվի»։

Ասաց, որ երկրում տեղի է ունեցել մասշտաբային փոփոխություն, բայց այդ մասշտաբային փոփոխության ընթացքում այդպիսի միջադեպեր չեն եղել, բռնության դրսեւորում որեւէ մեկի նկատմամբ չի եղել, եւ էլի միակ բռնության դրսեւորման հեղինակը եղել է նույն մարդը՝ Սասուն Միքայելյանը, որը պլաստիկե շիշը ուղղորդել էր դեպի տխրահռչակ Լեւոն Երանոսյանը։

«Եթե Անդրանիկ Քոչարյանը չզինաթափեր Սասուն Միքայելյանին, թերեւս դրանով էլ կավարտվեր միջադեպը»,- ասաց Նիկոլ Փաշինյանը՝ նկատի ունենալով, որ միջադեպի պահին Անդրանիկ Քոչարյանը շիշը հետ քաշեց Սասուն Միքայելյանի ձեռքի մոտից:

Այնուհետեւ շարունակելով իր խոսքը՝ Փաշինյանն ասաց. «Բայց ես էլի ուզում եմ ասել՝ այո,՛ ժողովո՛ւրդ, մենք այսօր պարտվեցինք։ Ես դատապարտում եմ, հարգելի՛ պարոն Միքայելյան, ձեզ, ես դատապարտում եմ ինձ, ես դատապարտում եմ մեզ, դատապարտում եմ՝ ծառայության ՀՀ ժողովրդին, Արցախի ժողովրդին եւ այն արժեքներին, որոնք դարձել են 2018 թվականի ոչ բռնի, թավշյա, ժողովրդական հեղափոխության լոկոմոտիվ, տանող ուժ»:

Այնուհետեւ անցնելով 2019 թվականի Կառավարության ծրագրի կատարման ընթացքի վերաբերյալ իր եզրափակիչ ելույթին՝ վարչապետն ասաց, որ հարկ չի համարում զեկույցի մասին խոսել: Ընդգծեց, որ նախորդ օրը իր պլանավորած ելույթից ընդամենը վերջին նախադասությունը կօգտագործի՝ վերցնելով այն մարտահրավերը, որ այդ ամբիոնից նետել է «Իմ քայլը» խմբակցության պատգամավոր Հայկ Կոնջորյանը՝ խոսելով Հայաստանի քաղաքական դաշտի ֆլորայի եւ ֆաունայի մասին։

«Բայց ես այլաբանական խոսակցությունը կուզեմ տեղափոխել իրական խոսակցության եւ ասել որպես կառավարության գործունեության չգիտեմ՝ ուղղակի, թե անուղղակի արդյունք՝ 2019 թվականի ընթացքում 3-րդ հանրապետության պատմության մեջ եղել է նվազագույն ծառահատումը ՀՀ տարածքում, այդ թվում եւ՝ Տավուշի մարզում։ Եվ 2020 թվականի մայիսին արձանագրվել է, բայց դե ֆակտո դա տեղի է ունեցել 2019 թվականի դեկտեմբերին, երբ կովկասյան ընձառյուծը 1970 թվականից հետո առաջին անգամ երեւացել է իմ հայրենի Տավուշի մարզում եւ իմ պապենական գյուղ Ենոքավանի տարածքում։ Ես սա շատ լավ սիմվոլ եմ համարում եւ շատ ուրախալի իրադարձություն։ Եվ ուրեմն՝ կեցցե՛ ազատությունը, կեցցե՛ Հայաստանի Հանրապետությունը, կեցցե՛ Արցախի Հանրապետությունը, կեցցե՛ ազատագրված Շուշին եւ կեցցե՛նք մենք եւ մեր երեխաները, որ ապրում ենք եւ ապրելու ենք ազատ եւ երջանիկ Հայաստանում, բռնությունից զերծ Հայաստանում»,- եզրափակեց վարչապետը։ Ելույթից հետո ԱԺ-ում ծափահարություններ հնչեցին։

Փաշինյանի ելույթի առաջին հատվածը՝ այստեղ

Տպել
3785 դիտում

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան

Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից

Կինը հայտնել է, որ ամուսինը հաճախակի ծեծել է իր անչափահաս դստերը, փորձել նրա հետ սեռական հարաբերություն ունենալ

Հարվածել է, այնուհետ լվացել հատակի և անգիտակից հարևանի դեմքի արյան հետքերը. սպանության նախաքննությունն ավարտվել է

Գևորգ Պապոյանը շվեյցարացի գործընկերոջ հետ քննարկել է փոխգործակցության ընդլայնման հնարավորությունը

Հայաստանն աշխարհի առաջ վերածվում է Արևմուտքի վտանգավոր ծրագրերի իրականացման գործիքի. Զախարովա

Միկոյան-Գալշոյան փողոցների խաչմերուկում երթևեկության կազմակերպման փոփոխություն կլինի

Պապա ջան, ես քեզ միշտ կկարոտեմ, կհանդիպենք մյուս կյանքում․ Արթուր Աբրահամը լուսանկարներ է հրապարակել

Ինդոնեզական բանակը համալրվել է թուրքական տանկերով

Ուկրաինային տրամադրված F-16-ները չեն կարող փոխել իրավիճակը մարտադաշտում, դրանք օրինական թիրախ կդառնան. Պուտին