Փաստ է, որ սոցիալական անապահով խավի համար նախատեսված միջոցները գնացել են այլ ուղղությամբ․ Նիկոլ Փաշինյան

Կորոնավիրուսի վերացման 9-րդ ծրագրի շրջանակներում դիմել են բազմաթիվ քաղաքացիներ, որոնք աշխատում են ԱԻՆ-ում, ՊՆ-ում, ոստիկանությունում եւ ստացել են գումարներ։ Հիմա գրություններ են գալիս, որ այդ գումարները պետք է վերադարձվեն, եւ մարդիկ հայտնվել են հարցական իրավիճակում։ Այս մասին այսօր ԱԺ-ում Կառավարության հետ հարցուպատասխանի ժանանակ ասաց «Լուսավոր Հայաստան» խմբակցության պատգամավոր Կարեն Սիմոնյանը։ «Այդ գումարները պետք է հե՞տ վերադարձվեն կառավարությանը, թե՞ այլ տարբերակ կա»,- հետաքրքրվեց պատգամավորը։

ՀՀ վարչապետ Նիկոլ Փաշինյանը պատասխանեց, որ այդ գումարները պետք է վերադարձվեն, որովհետեւ դրանք նախատեսված էին բոլորովին ուրիշ կատեգորիայի մարդկանց համար։ «Այն, որ ծառայության որոշ տեսակներ կան, որոնք գաղտնի են, եւ դրանք չեն արձանագրված ընդհանուր բազաներում, սողանցք է դարձել, եւ շատ ցավալի փաստ է, որ սոցիալական անապահով խավի համար նախատեսված միջոցները գնացել են ոչ այդ խավի համար նախատեսված ուղղությամբ»,- ասաց Փաշինյանը՝ հավելելով, որ պետք է ծառայողական քննություն նշանակվի, թե ինչպե՞ս է այդ ամենը տեղի ունեցել։

«Մեկը բանկում 50 միլիոն դրամ ավանդ ունի, գալիս այդ միջոցառումից գումար է տանում, երրորդի աշխատավարձը առաջնային կարգով բարձրացրել ենք եւ ծառայության պայմանները բարելավել ենք, գալիս գումար է տանում։ Հենց սա է պրոբլեմը, եւ դուք ոչ թե այդ հարցը նման կերպ պետք է տայիք, այլ պետք է ասեիք՝ ե՞րբ եք օր առաջ վերադարձնելու այդ գումարները եւ ճիշտ նպատակին ծառայեցնելու»,- ասաց վարչապետը՝ եւս մեկ անգամ շեշտելով, որ դա շատ վատ երեւույթ է։ Նրա խոսքով՝ շատ վատ երեւույթ է նաեւ, որ կողքից կարող են ասել՝ դե լավ, ոչինչ, տարել տարել են։ «Ոչինչ չԷ, մինչեւ վերջին կոպեկը պետք է վերադարձվի»,- ասաց վարչապետը։

Սիմոնյանը արձագանքեց, որ քաղաքացիներ կան, որոնք չեն իմացել, որ իրենք շահառու չեն, տեսել են իրենց անունը, ստացել են։ «Մենք քաղաքացիներին պետք է ասենք՝ վերադարձրեք գումարները, որովհետեւ դրանք ձերը չեն։ Մեկը չգիտի, որ չի կարելի սարից իջնել գնալ, արտակարգ դրություն է, երրորդը չգիտի, որ չի կարելի բաց պատուհանից մտնել գողություն անել, չորրորդը չգիտի, որ չի կարելի մարդու գլխին տալ, փողերը տանել, ոչ մեկն էլ չգիտի, դա ի՞նչ է նշանակում»,- ասաց վարչապետը՝ հավելելով, որ հստակ գրված էր, թե ում է հասցեագրված այդ ծրագիրը։ Նա հայտարարեց նաեւ, որ շատ ցավալի է, որ իրավապահ համակարգում աշխատող մարդիկ, որոնց կոչումն է պայքարել ապօրինությունների դեմ, մտել գումար են տարել։ «Ես ամաչում եմ այդպես վարված մարդկանց համար եւ դատապարտում եմ այդ երեւույթը»,- եզրափակեց վարչապետը։

Տպել
821 դիտում

Երկրի ճակատագրի հետ խաղալը անընդունելի է. Ալեն Սիմոնյանը՝ Վանեցյանի հայտարարությունների մասին

Շումախերի ընտանիքը որոշել է ոչինչ չպատմել նրա առողջական վիճակի մասին

Վարակը կանխելու համար ԿԳՄՍՆ-ն գնել է 3000 պաշտպանիչ եւ 60 ռեսպիրատոր դիմակ, 1500 պաշտպանիչ ձեռնոց, 2 ջերմաչափ

Վերջին զանգից՝ վերջին պար. 114 դպրոցի ղեկավարության համար կձեռնարկենք ամենախիստ միջոցները. նախարար

Ինձ որևէ զենք կրող մարդ չի ուղեկցում և չի ուղեկցել. Հակոբ Արշակյանը՝ լուսանկարներում զինված քաղաքացու մասին

Դատական համակարգում առկա խնդիրը օր առաջ լուծման անհրաժեշտություն ունի. Ալեն Սիմոնյան

Երեկ գիշեր դանակահարություն է տեղի ունեցել Երեւանում. ավագ եղբայրը ձերբակալվել է՝ կրտսեր եղբորը դանակահարելու համար

Բելառուսի նախագահը նոր վարչապետ է նշանակել

Պացիենտից վարակված բժիշկն այսօր դուրս է գրվել

Բակո Սահակյանը պատասխանել է Ապրիլյան պատերազմի քննիչ հանձնաժողովի հարցերին. հանձնաժողովի աշխատանքի ժամկետը սպառվեց

ԱԺ-ն չընդունեց մեկուսացման նպաստ սահմանող նախագիծը. այն ուղարկվեց առաջարկների ստացման փուլ

«Մշակութային ժառանգություն» դարձած կրպակը ապամոնտաժվեց տնտեսվարողի հետ բանակացությունների արդյունքում. Կուբատյան

Պաշտպանության նախարարությունը հրավիրում է դիմել «1991 ստորաբաժանման» շրջանակում անցկացվող դասընթացներին

Արմավիրի մարզում հաստատվել է կորոնավիրուսով վարակման 717 դեպք, առողջացել՝ 287-ը

Վրաստանում անցած 1 օրում կորոնավիրուսով վարակման 1 դեպք է արձանագրվել

Բանկերն ու վարկային կազմակերպությունները վարկային արձակուրդ են տրամադրել 550 հազար ֆիզիկական անձանց․ վարչապետ

Պարող կինը դպրոցի տնօրենն է. վարչապետը հրապարակել է դպրոցներից մեկում «Վերջին զանգ»-ի տեսանյութը

Բյուջետային ծրագրերի ֆինանսավորման համար ԱՄՀ-ից 315 մլն դոլար վարկային միջոցներ կներգրավվեն․ Ջանջուղազյան

Ընդդիմությունը մեզ հետ խրամատ փորելու փոխարեն պահանջում է Արսեն Թորոսյանի հրաժարականը․ Հրաչյա Հակոբյան

ՀՀ նախագահի 2020թ. մրցանակակիրների անունները հայտարարելու գործընթացը հետաձգվում է