Ծիծեռնակաբերդում մոտ 180 լուսային սարք է օգտագործվել. ովքեր են հուշահամալիրի լուսային ձեւավորման գաղափարի հեղինակները

Ծիծեռնակաբերդի լուսային ձեւավորումը, որի ականատեսը եղանք երեկ երեկոյան, հուզեց ու տպավորեց շատ քաղաքացիների: Մտահղացման հեղինակն ու իրակացնողը C-squared թիմն է: Անձրեւը, մթությունը, լուսային էֆեկտներն ու հուշահամալիրը նրանց մեջ խոր զգացմունքներ են առաջացրել: C-squared թիմի համար, այս աշխատանքը կատարելու հնարավորությունը փոքր երազանք էր, որին տարիներով են սպասել։

Երազանքը, որ տարիներ անց պիտի կատարվեր

Աշխատանքը շատ պատասխանատու էր։ Այսօր մարդիկ զրկված են հուշահամալիր այցելելու հնարավորությունից, եւ անհրաժեշտ էր, որ արտակարգ իրավիճակի պայմանները չխախտվեին, միեւնույն ժամանակ ինչ-որ մի ձեւով անմեղ զոհերին հարգանքի տուրք մատուցվեր, ամեն ինչը հիշվեր, չմոռացվեր:

Այդ օրն առաջացած զգացողությունների, աշխատանքի ու մտահղացման մասին մեզ հետ զրույցում պատմեց C-squared-ի հիմնադիր Կառլեն Մադոյանը։ «Պարտավորեցնող, էմոցիոնալ մեծ պատասխանատվություն կար մեզ վրա, ոնց որ ստացվեց այն, ինչ ուզում էինք»,- ասաց նա։

Եղանակն ամեն կերպ փորձել է խանգարել աշխատանքին: Ըստ Կառլեն Մադոյանի, մի քանի տասնյակ նվիրյալներ օր ու գիշեր աշխատել են՝ տեղադրել լուսային սարքերը։

Նրա խոսքով՝ թեեւ աշխատելիս եղանակային պայմանները խանգարեցին, սակայն լույսերը միացնելուն պես՝ ավելի տպավորիչ պատկեր ստեղծվեց։

Հետո էլ հետաքրքիր դրվագի ականատես եղան․ անձրեւի ժամանակ կարծես լույսի կաթիլներ իջնեին, շատ են տպավորվել տեսարանով։

«Նախորդ օրը փորձի ժամանակ էլ էր դժվար, բայց շատ գեղեցիկ էր․ ամպերը կուտակված էին, կայծակ կար կողքից»,- պատմեց Կառլենն՝ ընդգծելով, որ երեկ տեղի ունեցածը ոչ ստանդարտ նախագիծ էր, որ, փառք Աստծո, իրականացավ։

Մտահղացման հեղինակը Կարեն Վարդանյանն է։ C-squared-ն այն ցանկանում էր դեռեւս 2015 թվականին իրագործել՝ Հայոց ցեղասպանության հարյուրամյակի տարելիցին: Տարիներ առաջ չի հաջողվել իրագործել ու թիմակիցների համար երազանք է դարձել, ու վերջապես ստացվեց այն իրականացնել։

Լուսանկարում ձախից 2-րդը՝ Կարեն Վարդանյանը, 3-րդը՝ Կառլեն Մադոյանը

Նախագիծը ներկայացվել է ՀՀ կրթության, գիտության, մշակույթի եւ սպորտի նախարարություն, հավանության արժանանալուց հետո՝ դրական կարծիք է հայտնել ՀՀ կառավարությունը։ Սկսել են աշխատանքները եւ կարճ ժամանակում իրագործել։

Ծրագրի իրականացման համար էլ շատ մարդ է աշխատել, դիմել են իրենց գործընկերներին։ Ծիծեռնակաբերդում մոտ 180 լուսային սարք է օգտագործվել։ Հիմնադրի խոսքով՝ ընթացքում քննարկել են ԿԳՄՍՆ-ի հետ, եւ նախագծում որոշ բաղադրիչներ ավելացվել են՝ եկեղեցու ղողանջները, քաղաքի լույսերն անջատելը ու տներից վառվող լապտերները։ Կարծես ջահերով երթի նման մի բան է ստացվել։ «Մարդիկ իրենց ներկայությունը, մասնաբաժին լույսը տներից են փոխանցել»,- ասաց մեր զրուցակիցը:

C-squared-ը զբաղվում է ոչ ստանդարտ տեխնիկական, լուսային նախագծերի լուծումներով, անիմացիների պատրաստմամբ եւ այլն: Կ․ Մադոյանի բնորոշմամբ․ «Փորձում ենք տեխնիկական լուծումներով մարդկային երևակայությունը դարձնել իրական»։

Ծիծեռնակաբերդի հուշահամալիրը լուսավորելու գաղափարը, դեռեւս 2015 թվականին մտահղացվել էր ոչ թե մեկ անգամվա, այլեւ մշտական դարձնելու համար։

Նրա խոսքով՝ ընդհանրապես աշխարհում նման հուշահամալիրներն ունենում են լուսային, երբեմն նաեւ ձայնային գեղեցիկ ձեւավորում։

Տպել
29684 դիտում

ՍԱՏՄ-ն գյուղատնտեսական մի քանի շուկաներում խախտումներ է արձանագրել. տվյալները կներկայացվեն պարետատուն

Տեսչական մարմնի աշխատակիցները կրկնակի այց և մշտադիտարկում են իրականացրել Երևան երկաթուղային կայարանում

Ոստիկանությունն արգելափակել է Ղալթաղչիի Սուրբ Հովհաննես մատուռ տանող ճանապարհները

Վրաստանը մեզ համար եղբայրական երկիր է, և շատ ջերմացնում է մեզ նման պատրաստակամությունը. վարչապետ

Ռեվանշիստները հիմա էլ ուրի՞շ «պլացդարմ» են փնտրում

Նախատեսված է 100.000 հայկական թեստի արտադրություն. ՄԿԻ-ն ավարտել է լաբորատոր փորձարկումները

358 պացիենտ գտնվում է ծանր, 58-ը՝ ծայրահեղ ծանր վիճակում. Նիկոլ Փաշինյան (տեսանյութ)

Առաջին դասարանցիների առցանց գրանցումը կսկսվի հունիսի 1-ից

Ունենք քաղաքական կամք՝ ֆիզիկական անձանց եկամուտների համատարած հայտարարագրում ներդնելու համար. վարչապետ

Ոստիկանները պարզել են Իջևանում կրակոցներ արձակած անձի ինքնությունը. ոստիկանություն է ներկայացել 42-ամյա տղամարդ

Արմավիրի նախկին քաղաքապետն ապօրինաբար 75 տարով տարածք է հատկացրել ՀՀ ֆուտբոլի ֆեդերացիայի նախկին նախագահին (տեսանյութ)

Պարետի որոշմամբ 24 ժամով արգելվել է 24, և 48 ժամով՝ 2 տնտեսվարողի պատկանող մասնաճյուղերի գործունեությունը

Արցախի նախագահը 2020 թվականի ամառային զորակոչ անցկացնելու եւ զորացրում կատարելու մասին հրամանագիր է ստորագրել

ՊԲ-ում այսօր սանիտարական օր է. ախտահանվել են զորանոցները, բուժկետերը, կենցաղային նշանակության շինությունները(տեսանյութ)

Դելի-Երևան հատուկ չվերթով Հայաստան է ժամանել ՀՀ 23 քաղաքացի, Հնդկաստան է վերադարձել 130 հնդիկ ուսանող

Համավարակը սահման և ազգություն չի ճանաչում. այն ազդեցություն է թողել յուրաքանչյուրիս վրա. Մհեր Գրիգորյանն ուղերձ է հղել

Հասարակության «լրջության կորագիծը»

Մոսկվա-Երևան չարտերային հերթական թռիչքը կկայան վաղը՝ մայիսի 31-ին՝ «Դոմոդեդովո» օդանավակայանից

Սեպտեմբերին մենք կարող ենք դասերը լիարժեք սկսել, սակայն պետք է խստագույնս հետևենք ցուցումներին. ԿԳՄՍ նախարար (տեսանյութ)

Շիրակի մարզում ինքնամեկուսացված 312 քաղաքացուց 24-ն ունի դրական ախտորոշում՝ հիվանդության անախտանիշ ընթացքով