Եթե հիմա ֆուտբոլ խաղայինք, շատ ժամանակ չէի անցկացնի որդուս հետ. Մխիթարյանը դրականն է տեսնում կարանտինի մեջ

Հայաստանի ֆուտբոլի ազգային հավաքականի եւ «Ռոմայի» կիսապաշտպան Հենրիխ Մխիթարյանը փորձում է դրականը տեսնել կարանտինի մեջ: Այս օրերին նա ընտանիքի հետ Հռոմում է՝ Իրալիայում, որը կորոնավիրուսից ամենաշատը տուժած երկրներից է: Ողջ ժամանակը տանն է անցկացնում, սակայն նորածին որդին՝ Համլետը, չի թղնում ձանձրանալ: 31-ամյա ֆուտբոլիստը հարցազրույց է տվել, որը հրապարակված է «Ռոմայի» պաշտոնական կայքում: Դրանում բավական անկեղծ խոսել է կարանտինի ընթացքում զգացողությունների ու դրա պատճառած անհարմարություններից գլուխ հանելու միջոցների մասին:

- Բարեւ, Միկի՛, ինչպե՞ս ես: Նորմա՞լ է, որ քեզ Միկի կոչեմ:

- Բարեւ, ընկե՛րս: Նորմալ է, բոլորն ինձ Միկի են ասում: Ամեն ինչ լավ է: Իրականում տարօրինակ է դուրս գալու հնարավորություն չունենալը, բայց հուսով ենք՝ սա շուտ կվերջանա, ու այլեւս սրա կարիքը երբեք չի լինի:

- Ինչպե՞ ս ես ապրում կարանտինի պայմաններում: Արդեն 6 շաբաթ է:

- Ապրում եմ բնակարանում, եւ, անկեղծ ասած, հեշտ չէ: Երբ դրսում գեղեցիկ եղանակ է, դու ուզում ես դուրս գնալու, ինչ-որ տեղ ինչ-որ բան խմելու ու զբոսնելու հնարավորություն ունենալ: Ես նույնիսկ այգի չունեմ, եւ բարդ է: Բայց մենք պետք է տանը մնանք, գիտենք, որ հիմա դա ամենակարեւորն է: Մենք կենտրոնանում ենք նրա վրա, թե ինչ ենք կարող եւ ինչ պետք է անենք:

- Նոր ես հայր դարձել: Շնորհավորում եմ:

- Շնորհակալություն:

- Կարծում եմ՝ այս իրավիճակի եզակի օգուտներից է, որ կարող ես այդքան շատ ժամանակ անցկացնել Համլետի հետ:

- Այո՛, կարծում եմ՝ կարելի է ասել, որ այդ առումով բախտս բերել է: Ողջ ընթացքում ընտանիքիս, որդուս հետ եմ, դա ամենալավ բանն է աշխարհում: Եթե ֆուտբոլ խաղայինք, ճանապարհորդությունների ու խաղերի պատճառով չէի կարողանա այսքան շատ ժամանակ անցկացնել նրա հետ:

- Էլ ո՞վ է քեզ հետ հիմա նույն տանն ապրում:

- Բացի կնոջիցս ու Համլետից՝ այստեղ են նաեւ մայրս եւ կնոջս մայրը: Նրանք եկել էին, որպեզի երեխայի ծնվելու ժամանակ այստեղ լինեին, հետո կարանտինը սկսվեց, ու մնացին այստեղ, բայց նրանք ակնհայտորեն երջանիկ են, որ երեխայի կողքին են:

- Ինչպիսի՞ն է իրավիճակը քո հայրենիքում: Հետեւո՞ւմ ես Հայաստանում կատարվող իրադարձություններին:

- Իհարկե, մենք կանոնավորաբար կարդում են նորությունները եւ հետեւում մեր ընկերների պատմածներին: Այնտեղ էլ դեպքեր կան, բայց հույս ունենք, որ սահմանափակումները կօգնեն վերահսկել: Մի պահ մենք մտածեցինք՝ գուցե ավելի լավ է, որ ընտանիքի որոշ անդամներ վերադառնան այնտեղ, սակայն հետո որոշեցինք, որ ավելի լավ է ոչ մի տեղ չգնալ: Մենք պետք է մեր բաժինն անենք:

- Ի՞նչ կասես մարզումների մասին: Ինչպե՞ս են ընթանում:

- Լավ են, թեեւ ակնհայտորեն շատ են տարբերվում: Ակումբը հոգ է տանում մեր մասին, ուղարկում է անհրաժեշտ սարքերը եւ ամենը, ինչ անհրաժեշտ է: Մենք ծրագիր ունենք, որին հետեւում ենք, հետեւաբար շարունակում ենք տքնաջան մարզվել: Չեմ կարող տանը շատ վազել ու հետեւաբար շատ ժամանակ եմ անցկացնում հեծանվով:

- Ի՞նչ կասես հոգեբանական կողմի մասին: Բարդ չէ՞ հաշվի առնելով, որ դու սովոր ես խաղեր ունենալուն ու մարզումների վրա կենտրոնացած լինելուն:

- Երբ անընդհատ նույն միջավայրում ես, թուլանալը կարող է բարդ լինել: Պետք է փորձես մնալ հանգիստ, սառնասիրտ, ամեն ինչ ընդունես այնպես, ինչպես կա հիմա, կենտրոնանաս ապագայի վրա: Գիտենք, որ այս ամենը մի շաբաթում չի փոխվի, եւ երբ վերսկսելու հնարավորություն լինի, պետք է 2-3 շաբաթ մարզվենք, որ պատրաստ լինենք խաղալ: Դա այն է, ինչ բոլորը ցանկանում են, բայց մենք պետք է հոգ տանենք, որ ամեն ինչ առաջին հերթին ապահով լինի:

- Ու ինչպե՞ս ես փորձում թուլանալ, հանգստանալ:

- Դե, Համլետը կա, որին կարող եմ նայել ու խնամել: Բայց մենք նաեւ հեռուստացույց ենք շատ նայում, Netflix-ի շատ նախագծեր: Ես շատ ֆիլմեր եմ նայում, առաջ էլ էի շատ նայում, բայց հիմա՝ ավելի շատ:

- Ի՞նչ ես նայում եւ, ամենակարեւորը, ո՞ր լեզվով ես նախընտրում նայել:

- Ես հայկական շատ ֆիլմեր եմ նայում, իհարկե, դրանք Netflix-ում չկան: Նայում եմ անգլերենով, ռուսերենով, իտալերենով՝ դեռ ո՛չ, որովհետեւ երբեմն բարդ է հետեւել առանց ենթագրերի:

- Առոգանությունն ու բարբառները կարո՞ղ են բարդ լինել:

- Ես նորություններն եմ նայում իտալերենով, լսելն օգնում է, որ ավելի լավ սովորեմ, բայց ֆիլմերում որոշ բառեր անհնար է հասկանալ:

- Բոլորը գիտեն, որ դու շատ լեզուներով ես խոսում: Օգտագործո՞ւմ ես դրանք ողջ աշխարհի ընկերներիդ հետ շփվելիս:

- Այո՛, շատ: Ես կարող է ստիպված լինեմ անընդհատ փոխել լեզուները:

- Դա չի՞ խանգարում քո «autocorrect»-ին (խմբ. սմարթֆոններում ուղղագրությունը ստուգող համակարգ): Ես երբեմն ստիպված եմ լինում անգլերենից իտալերենի կամ իտալերենից անգլերենի անցնել, ու իմ «autocorrect»-ը չի օգնում:

- Խնդիրը ոչ թե «autocorrect»-ը շփոթելն է, այլ այն, որ իմ ուղեղում է խառնաշփոթ առաջանում: Եթե պետք է լինում, «autocorrect»-ն ինձ օգնում է: Իմ մեծագույն խնդիրը բառերը մոռանալն է: Երբեմն ես հիշում եմ, թե ինչպես է տվյալ բառը բոլոր լեզուներով, բացի այն մեկից, որն ինձ պետք է: Դա զայրացնում է:

- Կարող եմ պատկերացնել: Իսկ ի՞նչ է կատարվում քո չատերում:

- Դե, նախեւառաջ մենք նորություններ ենք ստանում վարակի մասին, հետո խոսում ենք այն մասին, թե երբ կարող ենք մարզվել: Հետո, իհարկել, մեմեր ենք ուղարկում ու կատակում: Բոլորն ինչ-որ բան գտնելիս ուղարում են մյուսներին:

- (Խմբ. հարցազրույց վարողը լուսանկար է ուղարկել Մխիթարյանին, որում երեխան ամրացված է պատին, իսկ հայրը հեռուստացույց է նայում) տեսնո՞ւմ ես: Միայն ծնողները կհասկանան:

- Սա ճիշտ չէ: Համլետի հետ հիանալի է, նույնիսկ երբ նա լաց է լինում: Բոլոր ծնողներն էլ գիտեն՝ որքան դժվար է հասկանալ՝ ինչու է երեխան լաց լինում:

- Վստահ եմ՝ կարողանում եք նրա համար գտնել անհրաժեշտ ամեն ինչ՝ չնայած կարանտին է:

- Այո՛: Ակնհայտորեն բարդ է, բայց մեզ մոտ հաջողվում է: Ես մայրիկիս ու կնոջս մայրիկին մեքենայով խանութ եմ տանում, որպեսզի նրանք գտնեն ամենը, ինչ պետք է: Կարողանում ենք:

- Դա կարեւոր է: Շնորհակալություն:

- Շնորհակալություն: Ապահո՛վ մնացեք:

Տպել
930 դիտում

Ճանապարհային ոստիկանության Թեժ գծի 1-77 հեռախոսահամարը կրկին հասանելի է

Ալկոգել կա, մասկա կա, ջերմաչափ կա, գոնե վաղը եկեք, այ քեզի բան. Գյումրիում 11 տնտեսվարողի գործունեություն կասեցվեց

ՊԵԿ նախագահ Դավիթ Անանյանն ազատման դիմում է գրել

ԱՀ նախագահ Արայիկ Հարությունյանն արդարադատության նախարար է նշանակել

ՄԻՊ-ի իրավական չափանիշների վրա հիմնվելով՝ Վերաքննիչ քրեական դատարանը կայացրել է նախադեպային որոշում

IDBank-ն ու «Արմլիզինգ»-ը կհամագործակցեն

Մարտունու և Սևանի անձնագրային բաժինների պետերի պաշտոնավարումը ժամանակավոր դադարեցվել է. մեղադրանք է առաջադրվել 6 անձի

Այսպես անհնար է պահել համակարգը, այսօր իրավիճակը օգտակար է միայն սպառողին․ «Գազպրոմ Արմենիա»-ի գործադիր տնօրեն

Ֆրիտյոֆ Նանսենի անվան այգում հիվանդության պատճառով 11 թեղի է հատվել. կտրված ծառերի փոխարեն աշնանը կտնկվեն նորերը

Հայ մասնագետները փակ տարածքների, բժշկական սարքավորումների ախտահանման համար օզոնային գեներատորներ են ստեղծել

Գերմանիան, Պորտուգալիան ու Ռուսաստանը հավակնում են Չեմպիոնների լիգայի եզրափակիչն անցկացնելուն

Առաջիկա օրերին կտեսնենք առողջացածների մեծ թիվ. ինչպես COVID-19-ը բուժել տանը՝ մշակվում է ընթացակարգ

Այսօրվանից դիմակներ կարելի է ձեռք բերել նաեւ ինքնաշխատ տաղավարներից. 2 հատը 200 դրամ. վարչապետ

Երեւանի երկաթգծի կայարանի շուկա՝ հենց հիմա. վարչապետը լուսանկար է հրապարակել

Իշխանության որոշ ներկայացուցիչներ ու հանրային դեմքեր դուրս են գալու փողոց՝ ոստիկանության հետ վերահսկելու իրավիճակը

Երկրի ճակատագրի հետ խաղալը անընդունելի է. Ալեն Սիմոնյանը՝ Վանեցյանի հայտարարությունների մասին

Շումախերի ընտանիքը որոշել է ոչինչ չպատմել նրա առողջական վիճակի մասին

Վարակը կանխելու համար ԿԳՄՍՆ-ն գնել է 3000 պաշտպանիչ եւ 60 ռեսպիրատոր դիմակ, 1500 պաշտպանիչ ձեռնոց, 2 ջերմաչափ

Վերջին զանգից՝ վերջին պար. 114 դպրոցի ղեկավարության համար կձեռնարկենք ամենախիստ միջոցները. նախարար

Ինձ որևէ զենք կրող մարդ չի ուղեկցում և չի ուղեկցել. Հակոբ Արշակյանը՝ լուսանկարներում զինված քաղաքացու մասին