ՀՀ հավաքականի նախկին ֆուտբոլիստ Էդգար Մանուչարյանն ասում է, որ «Փյունիկը» խզել է պայմանագիրը ու չի վճարել փոխհատուցումը

Հայաստանի ֆուտբոլի ազգային հավաքականի եւ «Փյունիկի» նախկին հարձակվող Էդգար Մանուչարյանը խոսել է ակումբի հետ ունեցած խնդրի մասին: Նա այդ մասին գրառում է կատարել ֆեյսբուքյան իր էջում: Նշել է, որ ակումբը լուծարել է իր պայմանագիրը եւ չնչին փոխհատուցում առաջարկել, ինչի պատճառով ինքը դիմել է Հայաստանի ֆուտբոլի ֆեդերացիա:

«Շատերդ նկատած կլինեք երեւի, որ անցած տարի դեկտեմբերի 24-ին «Փյունիկ» ակումբի ֆեյսբուքյան էջում հայտարարվեց, որ ես հեռացել եմ ակումբից։ Իրականում ես չէի հեռացել, այլ պայմանագիրս առանց հիմնավոր դրդապատճառի ժամանակից շուտ խզվել էր։ WhatsApp-ով ստացա ծանուցում, որ ակումբն ինձ հետ ուղղակի լուծարում է գործող պայմանագիրս՝ պարտավորվելով հետագայում տալ երկու չնչին փոխհատուցում։ Ես հակադարձ ծանուցումներ կատարեցի եւ փորձեցի խոսել ղեկավարության հետ, բայց՝ անպատասխան եւ անարդյունք։ Նման անհարգալից վերաբերմունքից եւ ոչ պրոֆեսիոնալ գործողություններից հետո որոշեցի բողոքարկել ՀՖՖ Վեճերի լուծման պալատ, որն էլ վերջերս հաստատեց իր որոշմամբ, որ ակումբն իր գործողություններով առանց հիմնավոր դրդապատճառի է լուծարել պայմանագիրը եւ պարտավորվել ինձ վճարել հասանելիք ամբողջ փոխհատուցումը, որը կստանայի մինչեւ պայմանագրիս ավարտը՝ կատարելով որոշակի պահումներ, հետ են ուզել նաեւ ժամանակին վճարված պարգեւավճարը, որն ուղղակի ծիծաղելի է։ 

Երեկ փոխհատուցման առաջին մասի վճարման օրն էր (ի դեպ, մինչեւ հիմա փոխհատուցումը չեմ ստացել), բայց այս անգամ տարբեր միջնորդներից ստանում եմ զանգեր եւ առաջարկներ, որ իբր հրաժարվեմ գումարներից եւ ստանամ ավելի քիչ գումար սույն վեճը վերջնական լուծելու եւ հարցը «խաղաղ» լուծելու համար։ Բնականաբար, նման գործարքի չգնացի, քանի որ ունեմ օրենքով իրավասու մարմնի որոշում եւ ակտ, որով արդեն որոշված է վճարման ենթակա գումարը, իսկ առաջարկն էլ «խելամիտ» չէր եւ ուշացած՝ չնայած հույս ունեի, որ կլսեմ ողջամիտ եւ խելքին մոտ ինչ-որ բան։

Որպես արդյունք՝ ցանկանում եմ արձանագրենք, որ ֆուտբոլիստները եւս պետք է պաշտպանված լինեն, իմանան իրենց իրավունքները, իսկ մեր ակումբները եւ դրանց կառույցները պետք է ղեկավարեն միայն պրոֆեսիոնալ մասնագետները, իսկ իրենց ֆուտբոլային գործունեությունը պետք է լինի միայն ի շահ հայկական ֆուտբոլի զարգացման եւ առաջընթացի, այլ ոչ թե՝ սեփական շահերով շարժվող բիզնեսը։

Ես՝ որպես պրոֆեսիոնալ ֆուտբոլիստ, Հայաստանի ֆուտբոլի ազգային հավաքականի նախկին խաղացող, իմ պարտքն եմ համարում խաղընկերներիս եւ ձեզ հայտնել Փյունիկի գործունեության եւ սույն վեճի մասին, այս անգամ սխալ մարդու էիք թիրախավորել։ Վստահ եմ, որ նախկինում եւս նման դեպքեր եղել են ակումբում, անհիմն լուծարվել են ֆուտբոլիստների պայմանագրերը, եւ չեն վճարվել վերջիններիս արդարացիորեն հասանելի փոխհատուցումները։

Տեսնենք՝ Փյունիկի ղեկավարությունը որքան է խուսափելու օրինական ուժի մեջ մտած որոշումը կատարելուց եւ ինձ փոխհատուցելուց»,- գրել է նա:

Մանուչարյանը «Փյունիկի» սան է: Հարզատ ակումբ նրա վերադառնալու մասին հայտնի էր դարձել 2019թ. հունիսին:

Տպել
760 դիտում

20 սննդի կետեր խախտել են պարետի որոշմամբ հաստատված սանիտարահիգիենիկ պահանջները. գործունեությունը դադարեցվել է 24 ժամով

«Ճառագայթային բժշկության և այրվածքների գիտական կենտրոն» ՓԲ ընկերության նախկին տնօրենին մեղադրանք է առաջադրվել

Մեկնարկում են պետական կրթաթոշակով Դրեյփերի համալսարանում ուսանելու առցանց դասընթացները

Ճանապարհային ոստիկանության Թեժ գծի 1-77 հեռախոսահամարը կրկին հասանելի է

Ալկոգել կա, մասկա կա, ջերմաչափ կա, գոնե վաղը եկեք, այ քեզի բան. Գյումրիում 11 տնտեսվարողի գործունեություն կասեցվեց

ՊԵԿ նախագահ Դավիթ Անանյանն ազատման դիմում է գրել

ԱՀ նախագահ Արայիկ Հարությունյանն արդարադատության նախարար է նշանակել

ՄԻՊ-ի իրավական չափանիշների վրա հիմնվելով՝ Վերաքննիչ քրեական դատարանը կայացրել է նախադեպային որոշում

IDBank-ն ու «Արմլիզինգ»-ը կհամագործակցեն

Մարտունու և Սևանի անձնագրային բաժինների պետերի պաշտոնավարումը ժամանակավոր դադարեցվել է. մեղադրանք է առաջադրվել 6 անձի

Այսպես անհնար է պահել համակարգը, այսօր իրավիճակը օգտակար է միայն սպառողին․ «Գազպրոմ Արմենիա»-ի գործադիր տնօրեն

Ֆրիտյոֆ Նանսենի անվան այգում հիվանդության պատճառով 11 թեղի է հատվել. կտրված ծառերի փոխարեն աշնանը կտնկվեն նորերը

Հայ մասնագետները փակ տարածքների, բժշկական սարքավորումների ախտահանման համար օզոնային գեներատորներ են ստեղծել

Գերմանիան, Պորտուգալիան ու Ռուսաստանը հավակնում են Չեմպիոնների լիգայի եզրափակիչն անցկացնելուն

Առաջիկա օրերին կտեսնենք առողջացածների մեծ թիվ. ինչպես COVID-19-ը բուժել տանը՝ մշակվում է ընթացակարգ

Այսօրվանից դիմակներ կարելի է ձեռք բերել նաեւ ինքնաշխատ տաղավարներից. 2 հատը 200 դրամ. վարչապետ

Երեւանի երկաթգծի կայարանի շուկա՝ հենց հիմա. վարչապետը լուսանկար է հրապարակել

Իշխանության որոշ ներկայացուցիչներ ու հանրային դեմքեր դուրս են գալու փողոց՝ ոստիկանության հետ վերահսկելու իրավիճակը

Երկրի ճակատագրի հետ խաղալը անընդունելի է. Ալեն Սիմոնյանը՝ Վանեցյանի հայտարարությունների մասին

Շումախերի ընտանիքը որոշել է ոչինչ չպատմել նրա առողջական վիճակի մասին