Կարող են լինել դեպքեր, որ մարդը լինի շահառու եւ չօգտվի ծրագրից. ծրագիրն ավտոմատ է, փաստաթղթավորումը մեծ դեր է խաղում

Գրանցման հասցե ունենալը, ամուսնական կարգավիճակը գրանցած լինելը եւ այլ հարաբերությունների փաստացի արձանագրված լինելը կարեւոր է կառավարության մշակած ծրագրերից օգտվելու համար, քանի որ համակարգն աշխատում է ավտոմատացված կերպով. այս մասին այսօր ասուլիսին նշեց աշխատանքի եւ սոցիալական հարցերի նախարար Զարուհի Բաթոյանը:

Անդրադառնալով այն մարդկանց խնդրին, որ գրանցված չեն եւ որեւէ կերպ չեն կարողանում օգտվել կառավարության ներկայացրած սոցիալական աջակցության 6 ծրագրերից որեւէ մեկից՝ նախարարն ասաց, որ նրանք կարող են անձամբ (կամ լրագրողների միջոցով) դիմել նախարարություն, քանի որ եթե իրենք իրոք ունեն աջակցության կարիք, ապա այն կարող է տրամադրվել: Բաթոյանը հիշեցրեց, որ քաղաքացիները կարող են օգտվել ոչ միայն կառավարության մշակած այս ծրագրերից, այլեւ խոցելի խմբերի սոցիալական աջակցությանն ուղղված այլ գործիքներից:

Նպաստառու, բազմազավակ ընտանիքները շատ ավելի ծանր վիճակում են հայտնվել, քանի որ այս ծրագրերից որեւէ մեկի շահառուն լինել չեն կարող, իսկ օրավարձով աշխատանքը կորցնելու հետեւանքով շատ ավելի լուրջ խնդիրներ ունեն: «Եթե ընտանիքի ամուսինը նախկինում աշխատել է եւ ունեցել բավարար եկամուտ, ապա նախ արձանագրենք, որ նա անազնիվ է եղել նպաստի համակագում ընդգրկվելու առումով, իսկ եթե այնպիսի աշխատանք է իրականացրել, որ դա թույլ կտար նաեւ նպաստի համակարգից օգտվել (ցածր վարձատրման դեպքում մարդը կարղ է աջակցության կարիք ունենալ), ապա այս դեպքում կառավարությունն ունի տարբեր գործիքներ, դասական աջակցության ձեւեր՝ դասական աջակցության խմբերի համար: Նոր մշակված այս ծրագրերը իրավիճակի բերումով խոցելի դրության մեջ հայտնված քաղաքացիներին են ուղղված»,- ասաց նա:

Այն հարցին, թե կա՞ մտավախություն, որ ծրագրերից կարող են դուրս մնալ շահառուները, նախարարը պատասխանեց. «Ցանկերը ձեւավորվում են ամենօրյա աշխատանքի միջոցով. նման ցանկեր երբեւէ չեն եղել: Պայմանականորեն դասական խմբերի մասին, որոնց ուղղված ծրագրեր ենք իրականացրել տարիներ շարունակ, ամբողջական տեղեկատվություն կա, սակայն, օրինակ, բոլոր այն երեխաների ցանկը, որոնց ծնողները չեն աշխատում, պիտի հավաքվի տարբեր տեղեկատվական բազաների համադրմամբ, իսկ դրանց մի մասն էլ, օրինակ, չգրանցված աշխատողների ցանկը, առկա չէ»:

Այդ իսկ պատճառով, ըստ նախարարի, կարող են լինել դեպքեր, որ մարդը լինի շահառու եւ չօգտվի ծրագրից, բայց այդ ամենը փորձ է արվում հասցնել նվազագույնի: Եթե բոլոր տվյալները, հարաբերությունները գրանցված են, ապա կառավարությանը հեշտ կլինի գտնել այդ քաղաքացուն, եթե՝ ոչ, ապա այդ քաղաքացին, ցավոք, ստիպված կլինի ստանալ նաեւ մերժման հայտեր, քանի որ այս աշխատանքն իրականացվում է ավտոմատ կարգով: «Սոցաշխատողը չի այցելում բնակության վայրեր՝ տեսնի փաստացի այնտեղ են բնակվում, թե ոչ: Այդ ամենը ճշտվում է պետռեգիստրից, այսինքն՝ փաստաթղթավորումը մեծ դեր է խաղում, եւ այստեղ, այո՛, կան ռիսկեր»,- ասաց նախարարը:

Տպել
525 դիտում

Կապանում ձերբակալվածներին տեղափոխում են Երեւան, գործով ԱԱԾ-ն է զբաղվելու. ցուցարարները ցրվում են (տեսանյութ)

Քաջարանի քաղաքապետը հանդիպել է ձերբակալվածներին. պնդում է՝ բոլորին բռնության են ենթարկել (տեսանյութ)

Այս պահին ունենք 230 ծանր և 52 ծայրահեղ ծանր պացիենտ. Արսեն Թորոսյան

Նախկինների հանցավոր մնացորդները նոր ու զզվելի՝ իրենց վերջին խաղն են սկսել մաֆիայի վերադարձի համար. նախկին ՄԻՊ

Կապանում իրավիճակը շարունակում է լարված մնալ. քաղաքացիների պահանջով ժամանել է մարզպետ Հունան Պողոսյանը (տեսանյութ)

Կրիմինալի ու կոռուպցիայի հետ կոմպրոմիս չի լինելու. լինելու է չոր հակազդեցություն. Նիկոլ Փաշինյան

Կանոնները չպահպանող սրճարանները, ռեստորանները, վարսավիրանոցները խստագույնս փակվելու են. վարչապետ (տեսանյութ)

2 հեկտարով ընդլայնվում է «Արփի լիճ» ազգային պարկի անտառածածկը. մինչ տարեվերջ 3000 տնկի կավելանա տարածքում (լուսանկարներ)

Այսուհետ ցանկացած մեքենայում 1 անձից ավելի լինելու դեպքում բոլորը պարտադիր պետք է լինեն դիմակով. վարչապետ (տեսանյութ)

Դատապարտում ենք Քաջարան համայնքի բնակիչների նկատմամբ կիրառված ապօրինությունները. Քաջարանի ավագանու հայտարարությունը

Իրավիճակն իսկապես լրջանում է

61 տարեկանում մահացել է դերասանուհի Կարինե Բուռնազյանը

«Հին Գյումրի»-ն ներկայացված է նամականիշների «Եվրոպա» ամենամյա մրցույթին

Գեղարքունիքի մարզում կորոնավիրուսային հիվանդության 35 նոր դեպք կա եւ 26 ապաքինված. Գնել Սանոսյան

Որոշ պետական այրերի կոկորդին կարծես խեղդող փաստ է իմ ժողովրդական հեղինակությունն ու չեզոքությունը. Քաջարանի համայնքապետ

Այսօր ու վաղը ՀՀ զգալի մասում սպասվում է անձրեւ, առանձին վայրերում՝ կարկուտ. կցրտի 8-10 աստիճանով

«Ոստիկանը մերն է». Կապանի ոստիկանական բաժանմունքի դիմաց վանկարկումները շարունակվում են (տեսանյութ)

ՄԻՊ-ը զբաղվում է Քաջարանի բնակիչների ահազանգած բռնության դեպքերով. եւս մեկ անձ է բերման ենթարկվել Երեւանում

Լարված իրավիճակ ու բողոք Կապանում. ոստիկանությունում ծառայողական քննություն է նշանակվել

Արաբկիրում Պուրակը պատնեշած շուրջ 30 կրպակ է ապամոնտաժվում. Երեւանի քաղաքապետարան