«Գյումրի» ԲԿ-ի մեկուսացված աշխատակիցները դեռեւս չեն թեստավորվի

Ապրիլի 5-ից մեկուսացման մեջ գտնվող «Գյումրի» ԲԿ-ի 29 աշխատակիցները դեռ չեն թեստավորվել: Առաջիկա օրերին ևս չեն թեստավորվի, անկախ այն հանգամանքից, որ նրանց մեջ կան բուժաշխատողներ, որոնց համար լրացել է կորոնավիրուսով հիվանդի հետ շփման 14-րդ օրը: Այս մասին ՀԺ-ի հետ զրույցում ասաց ԲԿ-ի փոխտնօրեն Արմեն Խաչատրյանը:

«Ճիշտ է, կան մարդիկ, որոնց համար սպասում են, որ լրանա 14 օրը, կան մարդիկ, որ լրացել է այդ օրը, բայց այդ 14 օրը լրացել է հիվանդի հետ վերջին շփումից հետո հաշված: Բայց դրանից հետո նրանք էլի մարդկանց հետ հանդիպել, շփվել են: Դրա համար որոշվեց, որ բոլոր համար հաշվարկը կիրականացվի սկսած մեկուսացման օրվանից»,- ասաց Արմեն Խաչատրյանը:

«Բուժաշխատողները հավանաբար կթեստավորվեն կամ առաջիկա կիրակի, կամ էլ երկուշաբթի օրը»,- տեղեկացրեց Արմեն Խաչատրյանն ու նշեց, որ այս պահի դրությամբ բոլորն իրենց լավ են զգում: Ոչ մեկի մոտ կորոնավիրուսին բնորոշ ախտանիշ չի նկատվում:

Կենտրոնի մյուս աշխատակիցների մոտ ևս խնդիրներ չկան: Բոլորն առողջ են, կանոնավոր ներկայանում են աշխատանքի: Այստեղ պլանային վիրահատությունները չեն իրականացվում: Սպասարկվում են բացառապես անհետաձգելի դեպքերը:

Հիշեցնենք, որ «Գյումրի» ԲԿ-ի բուժանձնակազմը մեկուսացվել էր ապրիլի 5-ին, երբ հայտնի էր  դարձել, որ շփվել են կորոնավիրուսով հիվանդ Անի խոշորացված համայնքի Մարալիկի բնակչի հետ: Վերջինիս մարտի 29-ին «Գյումրի» ԲԿ էր տեղափոխել Մարալիկի շտապօգնությունը: Քանի որ օրը եղել էր կիրակի, կենտրոնը հիվանդին հետազոտել, տուն էր ուղարկել, և ընդունել երկուշաբթի: Հետազոտության ընթացքում այլ հիվանդություններից զատ նաև թոքաբորբ էր ախտորոշվել: Հիվանդն ընդունվել էր  բուժման, սակայն ապրիլի 1-ին հարազատների ցանկությամբ տեղափոխվել էր Երևան, որտեղ էլ հաստատվել էր կորոնավիրուս: 

Բուժաշխատողների մեկուսացումից մեկ օր անց՝ ապրիլի 6-ին, մարալիկցի 68-ամյա տղամարդը մահացել էր:

Տպել
998 դիտում

ՀՀ ազգային անվտանգության նոր ռազմավարությունը վերանայվելու է ոչ ուշ, քան 5 տարին մեկ անգամ. նախորդը ընդունվել էր 2007-ին

Երևանում բերման է ենթարկվել հետախուզման մեջ գտնվող 66-ամյա քաղաքացի

Քննարկվել է Տնտեսական համագործակցության հարցերով հայ–բելառուսական միջկառավարական հանձնաժողովի աշխատանքի ընթացքը

Հրդեհաշիջման աշխատանքներ են իրականացվում Նուբարաշենի աղբավայրում

Հայաստանը լիովին հանձնառու է իրագործել ՄԱԿ-ի կայուն զարգացման 2030 օրակարգը. ներկայացվեց 2-րդ զեկույցը

Հուլիսի 10-ին արձանագրվել է արտակարգ դրության իրավական ռեժիմի կանոնների խախտման 3118 դեպք

Տեղի կունենա մոմավառություն՝ ի հիշատակ Կարեն Վարդանյանի

Փեսայի ուղերձները՝ կառավարության դիմացի մայթին

Անցած 7 օրում հակառակորդը հայ դիրքապահների ուղղությամբ 1800 կրակոց է արձակել

Արցախում կորոնավիրուսի նոր դեպք չի հայտնաբերվել. հաստատված է 146 դեպք, մեկուսացման ցուցում ունի 84 մարդ

«Իմ քայլը» հիմնադրամի աշխատակիցները եղել են Արարատ և Խաչիկ համայնքներում, քննարկել համայնքների զարգացման տարբեր հարցեր

Աշխատանքային այցով Տավուշի մարզում է եղել ՀՀ ԱԻ նախարար Ֆելիքս Ցոլակյանը

Ադրբեջանական լրատվամիջոցը հերթական ապատեղեկատվությունն է տարածել. Արցախի ՊՆ-ն հաղորդագրություն է տարածել

ՀՀ տարբեր մարզերի խոտածածկ տարածքներում հրդեհներ են բռնկվել

Սահմանամերձ Բարեկամավանում մեկնարկել են գերժամանակակից փոստային բաժանմունքի կառուցման աշխատանքները (տեսանյութ)

Հայկական պետությունը հայ ժողովրդի գոյության և զարգացման միակ երաշխավորն է. վարչապետ

Սուրբ Սոֆիայի տաճարին մզկիթի կարգավիճակ տալով թուրքական իշխանությունները վերահաստատեցին այլատյաց կեցվածքը. ԱՀ նախագահ

Կորոնավիրուսի 489 նոր դեպք և 710 առողջացած, 1 օրում մահացել է 13 քաղաքացի, եւս 3-ը՝ այլ հիվանդությունից

Հաստատվել է Ակտաու-Երևան «SCAT» ավիաընկերության DV 5077 չարտերային չվերթը.այն կկայանա վաղը՝ հուլիսի 12-ին

ՃՏՊ Գրիգոր Հասրաթյանի փողոցում. կա 2 տուժած (լուսանկարներ)