Գիշերը կորոնավիրուսից մահացածը մարալիկցի որսորդն է․ «Գյումրի» ԲԿ-ի մեկուսացված աշխատակիցներն իրենց լավ են զգում

Այս գիշեր կորոնավիրուսի հետեւանքով մահացածը Մարալիկի 68-ամյա որսորդն էր, որին «Գյումրի» բկ-ից Երևան էին տեղափոխել ապրիլի 1-ին: Տղամարդն ունեցել է ուղեկցող տարբեր հիվանդություններ, շաքարային դիաբետ և գլխուղեղային արյան շրջանառության խանգարում, թոքաբորբ, որոնք բարդացրել են վիճակն ու մահ է արձանագրվել:

Քաղաքացին 15 օր բուժումներ է ստացել տանը, այնուհետ մարտի 29-ին դիմել «Գյումրի» ԲԿ, որպես հիվանդ ընդունվել մարտի 30-ին, իսկ արդեն ապրիլի 1-ին տեղափոխվել Երևանի «Գրիգոր Լուսավորիչ» հիվանդանոց, որտեղ էլ տղամարդու մոտ ախտորոշվել էր կորոնավիրուս:

Տղամարդու հետ շփված համագյուղացիներն ու բարեկամները, ինչպես նաև «Գյումրի» ԲԿ-ի 29 բուժաշխատողները երեկվանից են մեկուսացված: Կենտրոնի տնօրեն Արմեն Իսահակյանն ասաց, իրենց գործողություններում որեւէ սխալ չի եղել: Հիվանդը եկել է, համաճարակաբանին հարցրել են, հնարավո՞ր է խնդիր լինի: Բացասական պատասխան են ստացել, տղամարդուն վերցրել են բուժման:

«Եթե հիվանդը գալիս է, մեզ ասում են, որ թոքաբորբ է եւ մեզ ասում են, որ խնդիր չունի, պառկեցրեք, մենք չընդունելու իրավունք չունենք: Այս դեպքում մենք ցուցում էլ չենք ունեցել չընդունելու: Հետո էլ, եթե ընդունելու հիվանդ չէր, ինչո՞ւ ինֆեկցիոնից հասավ մեզ մոտ: Էպիդեմիոլոգին հարցրեք, թե ինչի՞ համար է եկել, մեր մոտ պառկել: Դրանից բացի, մի օրինակ էլ բերեմ: Ասենք, մարդը եկել է, կույրաղիքի վիրահատություն ենք արել, 4-րդ օրը հանկարծ ջերմեց, տարանք, ստուգեցինք, պարզվեց կորոնավիրուս է, ի՞նչ պետք է անենք»,- արձագանքեց Արմեն Իսահակյանը:

Բժշկական կենտրոնում դեռ 2 ամիս առաջ է բոլոր դռների մոտ ամրացվել ալկոգելներ, իսկ ախտահանումներն իրականացվել են անընդմեջ: 

«Գյումրի» ԲԿ-ից մեկուսացված են միայն մահացած տղամարդու հետ շփված բուժաշխատողներն ու բժիշկները: Նրանց ընտանիքների անդամները մեկուսացված չեն: Մահացած տղամարդը պառկած է եղել ընդհանուր թերապիայի բաժանմունքում: Նույն պալատում նրա հետ գտնված մյուս հիվանդն ուղարկվել է Գյումրու ինֆեկցիոն հիվանդանոց՝ թեստավորման:

Կենտրոնում այս պահին խուճապ չկա, բժիշկները գիտակցաբար եւ պարտաճանաչ ներկայացել են աշխատանքի: Մասնագիտական կադրերի խնդիր էլ չկա, մեկուսացված անձնակազմում 7-ն են բժիշկ, մյուսները սանիտարներ, բուժքույրեր, եւ այլ բուժաշխատողներ են: Իսահակյանն ասում է, աշխատում են եւ սպասում, որ 14 օրը լրանալուց հետո մեկուսացված աշխատակիցներն առանց խնդիրներ ունենալու վերադառնալու են: Իսկ մինչ  այդ մյուսներն աշխատում են սովորական առօրյայով:

Մի փոքր անսովոր է Մարալիկի առօրյան: Անի համայնքի ղեկավար Արտակ Գևորգյանն ասաց կանխարգելիչ միջոցառումներն ուժեղացվել են: Մահացածն ապրում էր 5 հարկանի շենքում: Ամբողջովին ախտահանել են բազմաբնակարանի շքամուտքերն ու աստիճանները: Այս պահին Մարալիկում պատկերացում անգամ չկա, թե տղամարդն ումի՞ց կամ որտե՞ղ կարող էր վարակված լինել: Ապրել է կնոջ հետ: Տղան երկար ժամանակ Հայաստանում չի բնակվում, աղջիկները Երևանում են:  Ճշտվում է շրջանակը որտեղից տղամարդը հնարավոր է վարակված լիներ:

Հիշեցնենք, որ երեկ համայնքապետ Արտակ Գևորգյանը ՀԺ-ի հետ զրույցում ասել էր կան խոսակցություններ, որ կորոնավիրուսով վարակված տղամարդը մինչ հիվանդանալը Ձորակապում հուղարկավորության է մասնակցել:

Տպել
1078 դիտում

«Փորձում են Գեւորգ Լոռեցյանին այլ հոդվածով մեղադրանք առաջադրելու հիմքեր ստեղծել». պաշտպան

Nissan ընկերությունը նվազեցնում է արտադրությունն ու փակում գործարաններ. աշխատակիցները բողոքում են

33-ամյա տղամարդուն ինքնասպանության հասցնելու գործով ձեռք են բերվել տվյալներ դիտավորությամբ կյանքից զրկելու վերաբերյալ

Նիգերիայում զինված հանցախումբը հարձակվում է գյուղերի վրա. տասնյակ սպանվածներ կան

Արցախում դիմակների դեֆիցիտը բացառված է

Կայացել է «Մարդու իրավունքները և կանայք Հայաստանի զինված ուժերում» ծրագրի ղեկավար հանձնաժողովի նիստը

Մարտի առաջին կեսին կատարվել է կորոնավիրուսի 411 թեստ, մայիսի առաջին կեսին՝ 16.828, մահացածների մեծ մասը 60-70 տարեկան է

ԱՄՆ-ի դրամաշնորհով ֆինանսավորված Medmedia.am-ը COVID-19-ի մասին ապատեղեկատվություն է տարածում Հայաստանում. The Guardian

Ակունք գյուղում հացատուն է հրդեհվել

Մարմաշենում մահացած երիտասարդի գլխի վրա բռնությամբ զուգորդված ներգործության հետքեր են հայտնաբերվել. կա ձերբակալված

Ռուբեն Հայրապետյանի որդին ինքնակամ ներկայացել է ՔԿ. խափանման միջոց է ընտրվել ստորագրությունը

Հրդեհ է բռնկվել Արտավազ գյուղի անտառում

ԱԱՏՄ-ն Կենտրոն վարչական շրջանում դիտարկած 45 տնտեսվարողից 17-ի մոտ խախտումներ է արձանագրել

Մեր պետությունների միջև փոխվստահության վրա հիմնված համագործակցությունը հետագայում էլ ավելի կխորանա. Գիորգի Գախարիա

Վարչապետի եւ նախարարի միջեւ չի կարող հակասություն լինել․ Նիկոլ Փաշինյան

Ոչ ոք չի կարող բացառել, որ կվերադառնանք կարանտինի, բայց մինչ այդ կլինեն այլ խստացումներ. վարչապետ

316 քաղաքացի գտնվում է ծանր վիճակում, 53-ը՝ ծայրահեղ ծանր․ Արսեն Թորոսյան

Կենտրոն վարչական շրջանում մշտադիտարկվել է 40 տրանսպորտային միջոց, արձանագրվել է իրավախախտման 18 դեպք

2000 քաղաքացու նկատմամբ վարչական վարույթ է հարուցվել, կասեցվել՝ 62 տնտեսվարողի գործունեություն. ՀՀ ոստիկանապետ

Իրավիճակն առավել քան լուրջ է և գնալով՝ ավելի լրջանում է. վարչապետ