Եվրո 2020-ի համաեվրոպական ձեւաչափը կարող է փոխվել. The Daily Mail

ՈւԵՖԱ-ն կարող է փոփոխություններ մտցնել Եվրո 2020-ի ձեւաչափում: Այս մասին գրում է բրիտանական The Daily Mail պարբերականը: Ինչպես հայտնի է, կորոնավիրուսի տարածման պատճառով այս ամռանը նախատեսված մրցաշարն ուղիղ 1 տարով հետաձգվել է: ՈՒԵՖԱ-ն կարողացավ 2021 թվականին հարմար ամսաթվեր գտնել մարզական այս խոշոր իրադարձության համար՝ հունիսի 11-ից հուլիսի 11-ը, սակայն անցկացման վայրերի հետ կապված կարող են խնդիրներ առաջանալ: Եվ չնայած ժամկետների փոփոխությունից հետո հայտարարվել էր, որ առաջնությունը տեղի կունենա նույն կարգով՝ այս շրջանում ՈՒԵՖԱ-ն քննարկում է ձեւաչափի փոփոխության հավանականությունը:

Մրցաշարի 60-ամյակը նշանավորելու համար նախատեսված էր, որ այն պետք է անցկացվի եվրոպական 12 քաղաքներում: Եվրոպայի 16-րդ առաջնության բացման խաղը պետք է հյուրընկալեր Հռոմը, իսկ եզրափակիչը՝ Լոնդոնը: 1 տարի հետաձգումը, սակայն, կարող է պլաններ խառնել: Նախ, ըստ աղբյուրի, Իսպանիան ու Իտալիան, որոնք կորոնավիրուսից աշխարհում ամենաշատը տուժած երկրներից են, տնտեսական լուրջ խնդիրների առաջ են կանգնել, եւ այդ երկրների ֆեդերացիաները կասկածներ են հայտնել Բիլբաոյում ու Հռոմում խաղեր հյուրընկալելու վերաբերյալ: Բացի այդ՝ նշվում է, որ որոշ մարզադաշտեր էլ 2021 թվականի համար այլ միջոցառումներ են ունեցել, օրինակ, համերգներ, որոնցից նույնպես ակնկալում էին մեծ երկամուտներ ստանալ:

Չեֆերինը երբեք էլ ոգեւորված չի եղել համաեվրոպական մրցաշարի գաղափարով:

Այս իրավիճակում Լոնդոնի «Ուեմբլի» մարզադաշտը, որը բացի եզրափակչից, պետք է հյուրընկալեր նաեւ Անգլիայի հավաքականի՝ խմբային փուլի 3 խաղերը եւ մրցաշարի 2 կիսաեզրափակիչները, համաձայնել է, ըստ ծրագրի, ընդունել խաղերը, սակայն ստիպված էր եղել հրաժարվել շահավետ համերգից: Ըստ տեղեկությունների՝ նման խնդիրների կարող են բախվել նաեւ հյուրընկալող այլ քաղաքներ:

Գումարած այս բարդություններին՝ կա եւս մեկ հանգամանք, որը կարող է նպաստել նրան, որ տարբեր երկրներում անցկացնելու ձեւաչափը վերանայվի: ՈՒԵՖԱ-ի ներկայիս նախագահ Ալեքսանդր Չեֆերինը երբեք էլ ոգեւորված չի եղել համաեվրոպական մրցաշարի գաղափարով, որը ժառանգել է նախորդ նախագահից՝ կոռուպցիոն սկանդալից հետո հեռացած Միշել Պլատինիից: Եվ հաշվի առնելով, որ կորոնավիրուսի տարածումից հետո կարող են լոգիստիկ խնդիրներ առաջանալ՝ նա կարող է ավելի հակված լինել փոփոխության:

Չեֆերինը համաեվրոպական մրցաշարի գաղափարը «ժառանգել» է Պլատինիից:

Պաշտոնապես ՈՒԵՖԱ-ն չի հաստատում, որ քաղաքների քանակը կարող է կրճատվել: Բրիտանական մեկ այլ պարբերական՝ The Sky Sports-ը, կապ է հաստատել ՈՒԵՖԱ-ի հետ, եւ մամուլի խոսնակն ասել է, որ իրենց նպատակն է, որ 12 քաղաքներն էլ հյուրընկալեն մրցաշարը եւ իրենք բոլոր կողմերի հետ կապի մեջ են: Նաեւ ավելացրել է, որ իրենք աշխատում են ժամանակացույցը սահմանելու վրա:

12 քաղաքները, որոնք Եվրո 2020-ի հանդիպումներ ընդունելու իրավունք էին ստացել, հետեւյալն են՝ Ամստերդամ, Բիլբաո, Բուխարեստ, Բուդաբեշտ, Բաքու, Կոպենգահեն, Դուբլին, Գլազգո, Լոնդոն, Մյունխեն, Հռոմ եւ Սանկտ Պետերբուրգ: Մրցաշարի եզրափակիչ փուլի 20 մասնակիցները հայտնի են դարձել որակավորման փուլում: Մնացած 4 մասնակիցները որոշվելու են փլեյ-օֆի ընթացքում: Ֆուտբոլի Եվրոպայի առաջնության պատմության մեջ սա առաջին դեպքն է, որ այն հետաձգվում է:

Տպել
565 դիտում

Դիմակը COVID-19-ից պաշտպանո՞ւմ է, ինչպե՞ս կրել ձեռնոց եւ ինչո՞ւ չօգտագործել դեղեր, խոսում են հայ մասնագետները

«Դուք անգրագիտություններ եք տարածում»․ «Գազպրոմ Արմենիա»-ի վարչության նախագահը՝ Հանրային խորհրդի անդամին

Նոր համակարգով՝ կրտսեր պարեկի աշխատավարձը կկազմի 250-270 հազար դրամ․ դիմել կարող են նաեւ աղջիկները․ Ռուստամ Բադասյան

20 սննդի կետեր խախտել են պարետի որոշմամբ հաստատված սանիտարահիգիենիկ պահանջները. գործունեությունը դադարեցվել է 24 ժամով

«Ճառագայթային բժշկության և այրվածքների գիտական կենտրոն» ՓԲ ընկերության նախկին տնօրենին մեղադրանք է առաջադրվել

Մեկնարկում են պետական կրթաթոշակով Դրեյփերի համալսարանում ուսանելու առցանց դասընթացները

Ճանապարհային ոստիկանության Թեժ գծի 1-77 հեռախոսահամարը կրկին հասանելի է

Ալկոգել կա, մասկա կա, ջերմաչափ կա, գոնե վաղը եկեք, այ քեզի բան. Գյումրիում 11 տնտեսվարողի գործունեություն կասեցվեց

ՊԵԿ նախագահ Դավիթ Անանյանն ազատման դիմում է գրել

ԱՀ նախագահ Արայիկ Հարությունյանն արդարադատության նախարար է նշանակել

ՄԻՊ-ի իրավական չափանիշների վրա հիմնվելով՝ Վերաքննիչ քրեական դատարանը կայացրել է նախադեպային որոշում

IDBank-ն ու «Արմլիզինգ»-ը կհամագործակցեն

Մարտունու և Սևանի անձնագրային բաժինների պետերի պաշտոնավարումը ժամանակավոր դադարեցվել է. մեղադրանք է առաջադրվել 6 անձի

Այսպես անհնար է պահել համակարգը, այսօր իրավիճակը օգտակար է միայն սպառողին․ «Գազպրոմ Արմենիա»-ի գործադիր տնօրեն

Ֆրիտյոֆ Նանսենի անվան այգում հիվանդության պատճառով 11 թեղի է հատվել. կտրված ծառերի փոխարեն աշնանը կտնկվեն նորերը

Հայ մասնագետները փակ տարածքների, բժշկական սարքավորումների ախտահանման համար օզոնային գեներատորներ են ստեղծել

Գերմանիան, Պորտուգալիան ու Ռուսաստանը հավակնում են Չեմպիոնների լիգայի եզրափակիչն անցկացնելուն

Առաջիկա օրերին կտեսնենք առողջացածների մեծ թիվ. ինչպես COVID-19-ը բուժել տանը՝ մշակվում է ընթացակարգ

Այսօրվանից դիմակներ կարելի է ձեռք բերել նաեւ ինքնաշխատ տաղավարներից. 2 հատը 200 դրամ. վարչապետ

Երեւանի երկաթգծի կայարանի շուկա՝ հենց հիմա. վարչապետը լուսանկար է հրապարակել