Գեւորգ Լոռեցյանի կալանավորման ժամկետը երկարաձգվել է. պաշտպանը բողոք է ներկայացրել

ՀՀ կրթության, գիտության, մշակույթի եւ սպորտի նախկին փոխնախարար Գեւորգ Լոռեցյանը կշարունակի մնալ կալանավորված:

«Հայկական ժամանակ»-ի հետ զրույցում նրա պաշտպան Լեւոն Սահակյանը տեղեկացրեց, որ Երեւանի ընդհանուր իրավասության դատարանը՝ դատավոր Կարեն Ֆարխոյանի նախագահությամբ, մարտի 26-ին բավարարել է նախաքննական մարմնի միջնորդությունը եւ որոշել եւս երկու ամսով երկարաձգել Լոռեցյանի կալանավորման ժամկետը:

Հիշեցնենք՝ Գեւորգ Լոռեցյանին մեղադրանք է առաջադրվել առանձնապես խոշոր չափերով կաշառք ստանալու համար: Ըստ ԱԱԾ-ի՝ Լոռեցյանը, նախարարության ենթակա հիմնարկների կարիքների համար մարզագույքի եւ մարզահագուստի ձեռքբերման նպատակով հայտարարված մրցույթներում աջակցություն ցուցաբերելով տնտեսվարողներից մեկին, վարորդի օժանդակությամբ պայմանավորվածություն է ձեռք բերել դրա դիմաց ստանալ առանձնապես խոշոր չափերով կաշառք: Նա կալանքի տակ է 2019 թվականի դեկտեմբերից:

Մեր զրույցում Լոռեցյանի պաշտպան Լեւոն Սահակյանը տեղեկացրեց, որ դատարանի՝ կալանավորումը երկարաձգելու որոշման դեմ էլեկտրոնային եղանակով վերաքննիչ բողոք է ներկայացրել: Ըստ նրա՝ որոշման հիմքում քննությունից խուսափելու, ապօրինի ազդեցություն գործադրելու վերաբերյալ ստանդարտ ձեւակերպումներ են եղել. «Բողոքով միջնորդել ենք նաեւ թույլատրելի համարել գրավի կիրառելիությունը, այն կպնդենք նաեւ դատական նիստի ժամանակ»: Նշենք, որ բողոքը ներկայացվել է երեկ, եւ դեռեւս պարզ չէ, թե ում է այն մակագրվել:

Ամիսներ առաջ Լեւոն Սահակյանը միջնորդություն էր ներկայացրել նաեւ ԿԳՄՍ նախարար Արայիկ Հարությունյանին հարցաքննելու համար, ինչը քննիչը մերժել էր: Հարցին՝ մերժումից հետո այդ ուղղությամբ այլ քայլեր ձեռնարկե՞լ է, պաշտպանը բացասական պատասխան տվեց. «Բացարձակ, որովհետեւ այն, ինչ մենք այդ միջնորդությամբ ցանկանում էինք ապացուցել, գործի այլ նյութերով հաստատվում է, նախաքննական մարմինը հաստատված կհամարի, թե ոչ, ես չգիտեմ, կարող է՝ համարի, բայց դրանց գնահատական չտա»: Թե ինչ նյութերի մասին է խոսքը, պաշտպանն ասաց, որ այս պահին մանրամասնել չի կարող: Նշենք, որ Արայիկ Հարությունյանին հարցաքննելու անհրաժեշտությունը պաշտպանը հիմնավորել էր նրանով, որ դեպքից առաջ Լոռեցյանը Հարությունյանին աշխատանքից ազատման դիմում էր ներկայացրել. «Կարծում ենք՝ մեր այդ դիմումը գործի համար էական նշանակություն ունի, մասնավորապես, եթե մեղադրանք է առաջադրվել, որ այս կամ այն ընկերությանը նա իր աջակցությունն էր պատրաստվում ցուցաբերել իր պաշտոնական դիրքի հետ կապված, այս ամենն ապացուցում է, որ նա նման մտադրություն չի ունեցել, ավելին՝ նույնիսկ պատրաստվել է աշխատանքից դուրս գալ»,- ասել էր Լեւոն Սահակյանը:

Վերջինիս խոսքով՝ այսօրվա վարակի տարածման պայմաններում առաջնային է, որ Լոռեցյանը հայտնվի ազատության մեջ. «Իսկ վարույթն իրականացնող մարմինը եթե մինչ օրս կարծում է, որ պարոն Լոռեցյանն իրոք մեղավոր է, թող փորձի ապացուցել»:

Նշենք, որ Լոռեցյանը պահվում է «Կենտրոն» քրեակատարողական հիմնարկում: Արդարադատության նախարարությունը նախորդ օրը հայտարարեց, որ վարակի դեպք է արձանագրվել «Վարդաշեն» քրեակատարողական հիմնարկի պահպանության բաժնի 5 աշխատակցի մոտ, որոնք հոսպիտալացվել են. «Նշված աշխատակիցներն իրենց ծառայությունն իրականացնում են քրեակատարողական հիմնարկի բնակելի գոտու սահմաններից դուրս եւ կալանավորված անձանց ու դատապարտյալների հետ որեւէ շփում չունեն: Բաժնի մյուս՝ 28 աշխատակիցները եւս մեկուսացվել են, կատարվում է նմուշառում»,- ասված էր հայտարարության մեջ:

Մեր զրույցում Լեւոն Սահակյանը տեղեկացրեց, որ նաեւ դատախազին է բողոք ներկայացրել՝ Լոռեցյանի հեռախոսային խոսակցությունների նկատմամբ արգելանք կիրառելու որոշման դեմ. «Մենք քննիչին էինք միջնորդել, որ, հաշվի առնելով այսօրվա պայմանները, այն, որ պարոն Լոռեցյանը արտաքին աշխարհի հետ որեւէ կապ չունի, իսկ նրա ծնողներն էլ վտանգավոր գոտում են՝ կապված կորոնավիրուսի հետ, արգելանքը վերացվի, սակայն քննիչը, միեւնույն է, ստանդարտ ձեւակերպումներով մերժել է միջնորդությունը, ինչն էլ բողոքարկել ենք հսկող դատախազին»: Հարցին, թե մերժման որոշման մեջ քննիչն ինչ ռիսկեր է նշել, պաշտպանը պատասխանեց. «Իբր կարող է հեռախոսային խոսակցությունների միջոցով վկաների վրա ազդեցություն ունենալ: Պաշտպանական կողմի համար, սակայն, անհասկանալի է, թե այս չորս ամսվա ընթացքում այդ ինչ վկաներ կային, որոնց քննիչը չի հարցաքննել, մի հատ էլ մտավախություն ունի, որ Գեւորգ Լոռեցյանը կարող է ազդել նրանց վրա»: Հարցին՝ ինքն ի՞նչ տեղեկություն ունի, որ այդ վկաները չեն հարցաքննվել, պաշտպանն ասաց. «Ես ենթադրում եմ, բացարձակ տեղեկություն չունեմ, թե ինչ վկաների մասին է խոսքը, ես ասում եմ, որ այդպիսի վկաներ էլ չկան, որոնց վրա պարոն Լոռեցյանը կարող է ազդել կամ ընդհանրապես կարիք ունի ազդելու, սակայն եթե քննիչը կարծում էր, որ այդպիսի վկաներ կային, այնուամենայնիվ, թող բարի լիներ այս չորս ամսվա ընթացքում հարցաքններ նրանց»: Հարցին՝ առերես հարցաքննություն, օրինակ, չի՞ եղել, պաշտպանը նշեց, որ նախաքննական գաղտնիքով պայմանավորված՝ այս պահին պատասխանել չի կարող. «Մենք ապօրինի ազդեցություն գործադրելու ո՛չ կարիք ունենք, ո՛չ հնարավորություն, բայց եթե ենթադրում են, որ նման վկաներ կան, թող նրանց հարցաքննեին, որպեսզի ապօրինի ազդեցության խնդիր այլեւս առաջ չգար, եւ մարդու՝ հեռախոսային խոսակցություններ ունենալու սահմանադրական իրավունքը անհարկի չսահմանափակվեր»:

Ըստ պաշտպանի՝ կա նաեւ մեկ այլ տարբերակ. «Գուցե ընդհանրապես ո՛չ նման վկաներ կան, ո՛չ էլ քննիչը նման ենթադրություն ունի, եւ այս հեռախոսային խոսակցությունների սահմանափակումը պարզապես հոգեբանորեն ճնշում գործադրելու միջոց է»:

Դատախազության հանրային կապերի բաժնի պետ Արեւիկ Խաչատրյանը մեր հարցին ի պատասխան՝ տեղեկացրեց, որ պաշտպանի բողոքն ստացել են, դրա վերաբերյալ որոշում դեռեւս չկա:

Տպել
1625 դիտում

Բազում դժնդակ օրեր հաղթահարած ժողովուրդը միաբան ջանքերով կհաղթահարի նաեւ առկա մարտահրավերը. Կաթողիկոսի ուղերձը

Կամրջից նետված 14-ամյա աղջնակի վիճակը ծանր է, բայց՝ կայուն. ունի բազմաթիվ դիմածնոտային վնասվածքներ

Քաղաքացին ցանկացել է ինքնասպանություն գործել՝ նետվելով Կիևյան կամրջից

1 օրում արձանագրվել է կորոնավիրուսի հետեւանքով 15 նոր մահ. 442 նոր դեպք է հաստատվել

Առաջին հանրապետության փորձը, ձեռքբերումները և ձախողումները մեզ դասեր են տալիս. Արմեն Սարգսյանի ուղերձը

Անկախությունն ու պետականությունը չեն ընծայվում. դրանց ձեռքբերման ճանապարհը դժվար և բարդ է եղել. ԲԴԽ նախագահի ուղերձը

Թուրքիայում հայկական եկեղեցու վրա հարձակում է եղել. անհայտ անձը պոկում ու նետում է խաչը. ահազանգում է Փայլանը

Վարչապետն ու ՀՀ բարձրաստիճան ղեկավարությունը, Արցախի նախագահը հարգանքի տուրք են մատուցում հուշահամալիրում (տեսանյութ)

«Կարմիր» կոչվող կամրջից 14-ամյա աղջիկ է նետվել. հոսպիտալացվել է «Սուրբ Աստվածամայր» ԲԿ

Հավատացած ենք՝ ունենալու ենք մեր երազանքների Հայաստանը. վարչապետը շնորհավորական ուղերձ է հղել Հանրապետության տոնի առթիվ

Հարավկովկասյան երկաթուղու աշխատակիցը զոհվել է դժբախտ պատահարի հետեւանքով. մանրամասները պարզվում են

Մենք ապրող ու հաղթող ժողովուրդ ենք. վարչապետ

Հայաստանը նշում է Առաջին Հանրապետության օրը

«Արմենիա» ավիաընկերությունը նախատեսում է իրականացնել հատուկ չվերթ Երևան-Լիոն-Երևան ուղղությամբ

Նորք-Մարաշ եւ Նուբարաշեն վարչական շրջաններում դիտարկված 36 տնտեսվարողից 21-ի մոտ ԱԱՏՄ-ն խախտումներ է արձանագրել

Երկրորդ զորամիավորումում հայտարարվել է ուսումնական տագնապ

Արտաքին տուրիզմի մասին խոսելը վաղ է, բայց ներքին տուրիզմի հնարավորությունների հետ պետք է հաշվի նստենք. Տիգրան Պետրոսյան

ՄԻԵԴ-ի վճիռը կարևոր նշանակություն կունենա էթնիկական ատելության հիմքով հանցագործությունների կանխման համար․ Արման Թաթոյան

Ճանապարհաշինություն, մշակույթի տան հիմնանորոգում ու ոչ միայն. Լոռիում եւս 10 սուբվենցիոն ծրագիր է հաստատվել

«Կացնով մարդասպանը», հունգարական անմեղությունն ու արդարությունը՝ 16 տարի անց. միջազգային անդրադարձը՝ ՄԻԵԴ վճռին