Համաշխարհային ֆուտբոլի աստղերի ամենաբարձր աշխատավարձերը. նման թվեր կարող են այլեւս գոյություն չունենալ

Աշխարհում ստեղծված իրավիճակը կարող է հանգեցնել նրան, որ համաշխարհային ֆուտբոլի աստղերն այլեւս աստղաբաշխական աշխատավարձեր չստանան: Միջազգային մամուլը նման կանխատեսումներն աստիճանաբար ավելի ու ավելի իրական է համարում: Կարծիքներ են հնչում, որ գոնե մոտ ապագայում չենք տեսնելու այն բազմաթիվ զրոներով աշխատավարձերը, որոնցով հարուստ ակումբները (այդ թվում նրանք, որոնց սեփականատերերը շեյխեր են) գրավում են գերաստղերին:

Իսպանական հայտնի Marca պարբերականը, հղում կատարելով ֆրանսիական France Football-ին, ներկայացրել է աշխարհում ամենաբարձր աշխատավաձներն ստացող 20 ֆուտբոլիստներին: Նրանց թվում կան մի շարք այնպիսի ճանաչված անուններ, որոնք հայտնի են նույնիսկ ֆուտբոլով չհետաքրքրվող մարդկանց: Նրանց չհարկված աշխատավարձերն այսքան են.

1. Լեո Մեսսի («Բարսելոնա») – 131 մլն եվրո

2. Կրիշտիանու Ռոնալդու («Յուվենտուս») – 118 մլն եվրո

3. Նեյմար (ՊՍԺ) – 95 մլն եվրո

4. Գարեթ Բեյլ («Ռեալ Մադրիդ») – 38.7 մլն եվրո

5. Անտուան Գրիզման («Բարսելոնա») – 38.5 մլն եվրո

6. Էդեն Ազար («Ռեալ Մադրիդ») – 35 մլն եվրո

7. Անդրես Ինյեստա («Վիսել Կոբե») – 34 մլն եվրո

8. Ռահիմ Ստերլինգ («Մանչեստեր Սիթի») – 33.8 մլն եվրո

9. Ռոբերտ Լեւանդովսկի («Բավարիա») – 29 մլն եվրո

10. Կիլիան Մբապե (ՊՍԺ) – 27.6 մլն եվրո

11. Լուիս Սուարես («Բարսելոնա») – 27 մլն եվրո

12. Ժերար Պիկե («Բարսելոնա») – 27 մլն եվրո

13. Տոնի Կրոս («Ռեալ Մադրիդ») – 26.4 մլն եվրո

14. Ֆիլիպո Կոուտինյո («Բավարիա») – 26 մլն եվրո

15. Օսկար («Շանհայ») – 26 մլն եվրո

16. Ալեքսիս Սանչես («Ինտեր») – 25.8 մլն եվրո

17. Մեսութ Օզիլ («Արսենալ») – 25.7 մլն եվրո

18. Քեւին դե Բրույնե («Մանչեստեր Սիթի») – 25.65 մլն եվրո

19. Սերխիո Ագուերո («Մանչեստեր Սիթի») – 25.3 մլն եվրո

20. Դավիդ դե Խեա («Մանչեստեր Յունայթեդ») – 24.8 մլն եվրո

Այս ֆուտբոլիսներն արդեն իսկ հիմա ստիպված են լինելու որոշակի զիջումների գնալ աշխատավարձերի հարցում: Ֆուտբոլի դադարի պատճառով ակումբները միլիոնավոր եվրոներ են կորցնում, խնդիրներ են ունենում տարատեսակ հովանավորչական պայմանագրերի հարցում: Բացի այդ՝ նրանք աշխատավարձեր պետք է վճարեն ոչ միայն աստղային ֆուտբոլիստներին ու մարզիչներին, որոնք մշտապես մեր հեռուստաէկրաններին են, այլեւ տվյալ ակումբի հարյուրավոր այլ աշխատակիցների:

Ըստ մամուլի՝ բոլոր ակումբներն էլ այս կամ այն չափով կրճատելու են աշխատավարձերը: Օրինակ, «Բարսելոնան» համաձայնության է եկել ֆուտբոլային թիմի խաղացողների հետ աշխատավարձերը 70%-ով կրճատելու հարցում: Բացի այդ՝ ֆուտբոլիստները որոշել են ֆինանսական աջակցություն ցույց տալ ակումբին, որպեսզի մյուս աշխատակիցներն այս ընթացքում ամբողջությամբ՝ 100%-ով, ստանան իրենց աշխատավարձերը: Աշխատավարձի կրճատման ճանապարհով է գնում նաեւ «Յուվենտուսը»: Օրինակ, թիմի պորտուգալացի աստղ Կրիշտիանու Ռոնալդուի աշխատավարձը կրճատվելու է 10.36 մլն եվրոյով ու դառնալու է 2.59 մլն եվրո: Լոնդոնի «Թոթենհեմն» էլ անորոշ ժամանակով արձակուրդի է ուղարկել 550 աշխատակցի, ու նաեւ աշխատավարձերի կրճատում է սպասվում:

Կան ֆեդերացիաներ, որոնք նույնպես ստիպված են կտրուկ որոշումներ կայացնել: Օրինակ, Ուրուգվայի ֆեդերացիան հեռացրել է բոլոր աշխատակիցներին՝ շուրջ 400 հոգու՝ այդ թվում ազգային հավաքականի գլխավոր մարզիչ Օսկար Տաբարեսին, որն այդ պաշտոնը զբաղեցնում էր 14 տարի:

Ֆուտբոլում պատկերը կփոխվի ոչ միայն ֆուտբոլիստների աշխատավարձերի, այլեւ նրանց տրանսֆերային արժեքների հարցում: Սպորտի հետազոտությունների միջազգային կենտրոնը հաշվարկել է, որ թոփ 5 առաջնությունների՝ Անգլիայի, Իսպանիայի, Գերմանիայի, Իտալիայի եւ Ֆրանսիայի ակումբների կազմերի ընդհանուր արժեքը կնվազի 28%-ով:

Ընդհանրապես ընթացիկ իրադարձությունները, ըստ մամուլի ու ֆուտբոլային աշխարհի ներկայացուցիչների, լուրջ վերադասավորումների պատճառ կարող են դառնալ: «Բավարիայի» նախկին նախագահ Ուլի Հյոնեսը նշել է, որ առաջիկա տարիներին մեզ նոր ֆուտբոլային իրականություն է սպասվում: Նմանատիպ հայտարարություն է արել նաեւ ՖԻՖԱ-ի նախագահ Ջիանի Ինֆանտինոն: Համաշխարհային ֆուտբոլի ղեկավարը, որը սովորաբար կողմ է եղել մրցաշարերի ավելացմանը, կանխատեսումներ չի արել, թե կոնկրետ ինչ փոփոխություններ կարող են տեղի ունենալ, սակայն նշել է, որ մրցաշարերն ու հանդիպումները կարող են կրճատվել, ինչը հավասարակշռություն կապահովի ու կնպաստի նրան, որ դրանք ավելի դիտարժան ու մրցունակ լինեն:

Տպել
689 դիտում

20 սննդի կետեր խախտել են պարետի որոշմամբ հաստատված սանիտարահիգիենիկ պահանջները. գործունեությունը դադարեցվել է 24 ժամով

«Ճառագայթային բժշկության և այրվածքների գիտական կենտրոն» ՓԲ ընկերության նախկին տնօրենին մեղադրանք է առաջադրվել

Մեկնարկում են պետական կրթաթոշակով Դրեյփերի համալսարանում ուսանելու առցանց դասընթացները

Ճանապարհային ոստիկանության Թեժ գծի 1-77 հեռախոսահամարը կրկին հասանելի է

Ալկոգել կա, մասկա կա, ջերմաչափ կա, գոնե վաղը եկեք, այ քեզի բան. Գյումրիում 11 տնտեսվարողի գործունեություն կասեցվեց

ՊԵԿ նախագահ Դավիթ Անանյանն ազատման դիմում է գրել

ԱՀ նախագահ Արայիկ Հարությունյանն արդարադատության նախարար է նշանակել

ՄԻՊ-ի իրավական չափանիշների վրա հիմնվելով՝ Վերաքննիչ քրեական դատարանը կայացրել է նախադեպային որոշում

IDBank-ն ու «Արմլիզինգ»-ը կհամագործակցեն

Մարտունու և Սևանի անձնագրային բաժինների պետերի պաշտոնավարումը ժամանակավոր դադարեցվել է. մեղադրանք է առաջադրվել 6 անձի

Այսպես անհնար է պահել համակարգը, այսօր իրավիճակը օգտակար է միայն սպառողին․ «Գազպրոմ Արմենիա»-ի գործադիր տնօրեն

Ֆրիտյոֆ Նանսենի անվան այգում հիվանդության պատճառով 11 թեղի է հատվել. կտրված ծառերի փոխարեն աշնանը կտնկվեն նորերը

Հայ մասնագետները փակ տարածքների, բժշկական սարքավորումների ախտահանման համար օզոնային գեներատորներ են ստեղծել

Գերմանիան, Պորտուգալիան ու Ռուսաստանը հավակնում են Չեմպիոնների լիգայի եզրափակիչն անցկացնելուն

Առաջիկա օրերին կտեսնենք առողջացածների մեծ թիվ. ինչպես COVID-19-ը բուժել տանը՝ մշակվում է ընթացակարգ

Այսօրվանից դիմակներ կարելի է ձեռք բերել նաեւ ինքնաշխատ տաղավարներից. 2 հատը 200 դրամ. վարչապետ

Երեւանի երկաթգծի կայարանի շուկա՝ հենց հիմա. վարչապետը լուսանկար է հրապարակել

Իշխանության որոշ ներկայացուցիչներ ու հանրային դեմքեր դուրս են գալու փողոց՝ ոստիկանության հետ վերահսկելու իրավիճակը

Երկրի ճակատագրի հետ խաղալը անընդունելի է. Ալեն Սիմոնյանը՝ Վանեցյանի հայտարարությունների մասին

Շումախերի ընտանիքը որոշել է ոչինչ չպատմել նրա առողջական վիճակի մասին