Ոստիկանների նկատմամբ բռնություն գործադրելու մեջ մեղադրվող 28-ամյա քաղաքացին գրավի դիմաց ազատ է արձակվել

Ոստիկանների նկատմամբ բռնություն գործադրելու մեջ մեղադրվող 28-ամյա երիտասարդը 1.5 միլիոն դրամ գրավի դիմաց ազատ է արձակվել:

«Հայկական ժամանակ»-ի հետ զրույցում նրա պաշտպան Գուրգեն Հովհաննիսյանը տեղեկացրեց, որ Երեւանի ընդհանուր իրավասության դատարանը՝ դատավոր Ռոբերտ Պապոյանի նախագահությամբ, բավարարել է իր պաշտպանյալին կալանավորելու վերաբերյալ քննիչի միջնորդությունը՝ միաժամանակ բավարարելով իր գրավի միջնորդությունը: Որոշումը հրապարակվել է այս գիշեր՝ 04:30-ի սահմաններում:

Հովհաննիսյանը տեղեկացրեց, որ իր պաշտպանյալին մեղադրանք է առաջադրվել Քրեական օրենսգրքի 316-րդ հոդվածի 2-րդ կետով (իշխանության ներկայացուցչի նկատմամբ կյանքի կամ առողջության համար վտանգավոր բռնությունը՝ կապված նրանց կողմից իրենց ծառայողական պարտականությունները կատարելու հետ): Առաջադրված մեղադրանքում 28-ամյա քաղաքացին իրեն մեղավոր չի ճանաչել. «Բնականաբար, չի ընդունում մեղադրանքը: Նրա լուսանկարները համացանցում արդեն կան, ես պահանջում եմ, որ կանգնեցնեն նրան ու ոստիկանին եւ համեմատեն, թե ով է տուժել: Եթե ոստիկանությունը համարում է, որ իր գործողությունները՝ անձին խոշտանգելը, նվաստացնելը իրավաչափ են եղել… Մանրամասներ կան, որ Տիգրանը ամաչում է պատմել, բայց նրան նվաստացրել են Մալաթիայի բաժնում»:

Հարցին՝ Ոստիկանության գործողությունների վերաբերյալ հաղորդում ներկայացնելո՞ւ է, Գուրգեն Հովհաննիսյանը պատասխանեց, որ արդեն իսկ ներկայացրել է Հատուկ քննչական ծառայությանը, միաժամանակ դիմել է նաեւ Մարդու իրավունքների պաշտպանին. «Արդեն ակնկալում ենք ՀՔԾ դիրքորոշումը. իրավաչափ կհամարի՞, թե՞ կգտնի, որ հանցակազմը բացակայում է»:

Դիտարկմանը, որ Ոստիկանությունն իր հաղորդագրության մեջ նշում է, որ քաղաքացին դիմադրություն է ցույց տվել, պաշտպանը պատասխանեց. «Չորս հոգի ոստիկանին դիմադրություն ցույց տալը ո՞րն է: Ոստիկանությունից ուրիշ բան չէինք սպասում, ոստիկանությունը ե՞րբ է ասում, որ ոստիկանը մեղավոր է, մի դեպք ցույց տվեք, որ քաղաքացին ոստիկանությունում խոշտանգվել է, ու վերջինս համաձայնել է դրան: Ես նման դեպք չեմ տեսել: Դատարաններն անգամ չեն համաձայնում դրան, եթե համաձայնեին, տուժողները չէին սպառի ներպետական ատյանները եւ միջազգային ատյաններում չէին գրանցի Կոնվենցիայի 3-րդ հոդվածի խախտում»: Ինչ վերաբերում է Ոստիկանության տեսանյութին, պաշտպանը նշեց, որ դա դեռեւս չի տեսել, բայց եթե ամբողջական տեսանյութն է, ուրեմն Մալաթիայի ոստիկանության բաժնի տեսագրությունները եւս պետք է ցույց տան. «Այսինքն՝ դա այն է, ինչ իրենք ցույց են տալիս, իսկ այնտեղ երեւում է նաեւ, որ ծեծելուց, հայհոյելուց հետո, երբ պաշտպանյալս է սկսում հայհոյանքներ տալ, միանգամից սկսում են նկարել. դրա մասին նաեւ Տիգրանն է բարձրաձայնում»,- նշեց Գուրգեն Հովհաննիսյանը:

ՀՔԾ մամուլի խոսնակ Մարինա Օհանջանյանը մեր հարցին ի պատասխան նշեց, որ հաղորդումը ստացել են, ընթացքի վերաբերյալ կտրվի լրացուցիչ տեղեկատվություն:

Հիշեցնենք, որ, ըստ Ոստիկանության, մարտի 27-ին՝ ժամը 05-ի սահմաններում, ոստիկանության Մալաթիայի բաժնի ծառայողները Շերամի և Օհանովի փողոցների խաչմերուկում ստուգման նպատակով մոտեցել են բարձր արագությամբ ընթացող «Միցուբիշի» մակնիշի ավտոմեքենային, ներկայացել եւ վարորդից պահանջել տրամադրել փաստաթղթերը: Վարորդն ու ուղևորը ակնհայտ եղել են ոգելից խմիչքի ազդեցության տակ, եւ չունենալով վարորդական իրավունքի վկայական՝ դրսևորել են ագրեսիվ վարքագիծ, չեն ենթարկվել ոստիկանության ծառայողների օրինական պահանջներին, դիմադրել են, հնչեցրել հայհոյանքներ: Պաշտպանական կողմը, սակայն, պնդում է, որ քաղաքացու երեխան վատ է զգացել, այդ պատճառով էլ թեեւ մի երկու բաժակ խմած է եղել, առանց փաստաթղթերի դուրս է եկել տնից, շտապել դեղատուն: Ըստ պաշտպանի՝ քաղաքացուն ծեծելով, քարշ տալով են տարել Ոստիկանություն:

Տպել
1825 դիտում

Ավարայրից մինչեւ Սարդարապատ եւ Շուշի մեր բոլոր հաղթանակների խորհուրդը մեկն է. Արայիկ Հարությունյան

«Զվարթնոց» օդանավակայանում ռումբի առկայության մասին կեղծ ահազանգ է եղել

Բազում դժնդակ օրեր հաղթահարած ժողովուրդը միաբան ջանքերով կհաղթահարի նաեւ առկա մարտահրավերը. կաթողիկոսի ուղերձը

Կամրջից նետված 14-ամյա աղջնակի վիճակը ծանր է, բայց՝ կայուն. ունի բազմաթիվ դիմածնոտային վնասվածքներ

Քաղաքացին ցանկացել է ինքնասպանություն գործել՝ նետվելով Կիևյան կամրջից

1 օրում արձանագրվել է կորոնավիրուսի հետեւանքով 15 նոր մահ. 442 նոր դեպք է հաստատվել

Առաջին հանրապետության փորձը, ձեռքբերումները և ձախողումները մեզ դասեր են տալիս. Արմեն Սարգսյանի ուղերձը

Անկախությունն ու պետականությունը չեն ընծայվում. դրանց ձեռքբերման ճանապարհը դժվար և բարդ է եղել. ԲԴԽ նախագահի ուղերձը

Թուրքիայում հայկական եկեղեցու վրա հարձակում է եղել. անհայտ անձը պոկում ու նետում է խաչը. ահազանգում է Փայլանը

Վարչապետն ու ՀՀ բարձրաստիճան ղեկավարությունը, Արցախի նախագահը հարգանքի տուրք են մատուցում հուշահամալիրում (տեսանյութ)

«Կարմիր» կոչվող կամրջից 14-ամյա աղջիկ է նետվել. հոսպիտալացվել է «Սուրբ Աստվածամայր» ԲԿ

Հավատացած ենք՝ ունենալու ենք մեր երազանքների Հայաստանը. վարչապետը շնորհավորական ուղերձ է հղել Հանրապետության տոնի առթիվ

Հարավկովկասյան երկաթուղու աշխատակիցը զոհվել է դժբախտ պատահարի հետեւանքով. մանրամասները պարզվում են

Մենք ապրող ու հաղթող ժողովուրդ ենք. վարչապետ

Հայաստանը նշում է Առաջին Հանրապետության օրը

«Արմենիա» ավիաընկերությունը նախատեսում է իրականացնել հատուկ չվերթ Երևան-Լիոն-Երևան ուղղությամբ

Նորք-Մարաշ եւ Նուբարաշեն վարչական շրջաններում դիտարկված 36 տնտեսվարողից 21-ի մոտ ԱԱՏՄ-ն խախտումներ է արձանագրել

Երկրորդ զորամիավորումում հայտարարվել է ուսումնական տագնապ

Արտաքին տուրիզմի մասին խոսելը վաղ է, բայց ներքին տուրիզմի հնարավորությունների հետ պետք է հաշվի նստենք. Տիգրան Պետրոսյան

ՄԻԵԴ-ի վճիռը կարևոր նշանակություն կունենա էթնիկական ատելության հիմքով հանցագործությունների կանխման համար․ Արման Թաթոյան