Այս մեկ շաբաթը փորձություն կլինի բոլորիս համար

Եվ այսպես, արտակարգ դրությամբ պայմանավորված սահմանափակումները ՀՀ ողջ տարածքում մեկ շաբաթով խստացվել են։ Սահմանափակվում են մարդկանց տեղաշարժերը, բազմաթիվ հիմնարկներ ժամանակավորապես դադարեցնում են իրենց գործունեությունը, արգելվում են մարդկանց կուտակումները եւ այլն, ընդ որում՝ խախտումների համար շատ լուրջ տուգանքներ են սահմանվում։ Կորոնավիրուսով պայմանավորված՝ աշխարհի բազմաթիվ երկրներ ավելի վաղ էին նման կոշտ միջոցների դիմել ու հիմա հետին թվով խոստովանում են, որ նույնիսկ ուշացել են՝ եթե ավելի շուտ դիմեին այդ քայլերին, վարակն այսքան արագորեն չէր տարածվի։ Այնպես որ՝ ՀՀ իշխանությունների ձեռնարկած քայլերը միանգամայն տեղին են, որքան էլ բարդացնեն շարքային քաղաքացիների կյանքն ու ծանր հարված հասցնեն տնտեսությանը։

Բայց յուրաքանչյուր երկիր իր առանձնահատկություններն ունի, եւ միշտ չէ, որ այլ երկրների ձեռնարկած միջոցառումները ճշգրտորեն կրկնելը հնարավոր է կամ նույնքան արդյունավետ կլինի։ Հայաստանի դեպքում, օրինակ, կոշտ սահմանափակումների այս մեկ շաբաթն, իհարկե, կորոնավիրուսի տարածման կանխարգելման առումով շատ մեծ դրական էֆեկտ կունենա, բայց միաժամանակ կբացահայտի մինչ այժմ չերեւացող բազմաթիվ խնդիրներ։ Ուստի մեծ է հավանականությունը, որ մեկ շաբաթ անց կարանտինային ռեժիմում որոշակի փոփոխություններ մտնեն։ Եվ ընդհանրապես՝ բազմաթիվ հարցեր կան, որոնց լուծումն այս ընթացքում անպայման պետք է գտնվի։

Ի՞նչ խնդիրների մասին է խոսքը։ Օրինակ՝ մարզերի եւ Երեւանի միջեւ հանրային տրանսպորտի չգործելը լուրջ խնդիր կառաջացնի բոլոր նրանց համար, ովքեր ամեն օր աշխատանքի էին գալիս մայրաքաղաք։ Սեփական ավտոմեքենաներով ինքնակազմակերպվելն էլ բարդ կլինի, որովհետեւ ամեն մեքենայում վարորդից բացի կարող է լինել միայն մեկ հոգի։ Այս սահմանափակումն, ի դեպ, էապես «կխփի» նաեւ տաքսու վարորդների գործին։ Եվ ընդհանրապես՝ շատ կտուժեն հատկապես նրանք, ովքեր օրվա վաստակով են ընտանիք պահում՝ անգամ որեւէ տեղ որպես աշխատող պաշտոնապես գրանցված չլինելով։ Սա իր հերթին կարող է հանգեցնել մի վիճակի, որ շատերն ի վիճակի չեն լինի վճարել կոմունալ ծախսերը (լույս, գազ եւ այլն), ու հարց կառաջանա՝ որքա՞ն է այդ ընկերությունների «ամրության պաշարը», եւ ի՞նչ չափով կամ մեխանիզմներով կարող է աջակցել պետությունը, որպեսզի ռազմավարական ենթակառուցվածքները շարունակեն անխափան աշխատել։ Կան նաեւ հազարավոր մարդիկ, որոնց նկատմամբ պետությունը «դե յուրե» սոցիալական պարտավորություններ չունի, բայց չի էլ կարող մի կողմ քաշվել։ Խոսքն այն մարդկանց մասին է, ովքեր չեն կարող օնլայն աշխատել ու վաստակել սեփական հացը։ Օրինակ՝ վարսավիրները, մատուցողները, այն հազարավոր երեւանցիները, ովքեր վարձով տուն էին տալիս մարզերից եկածներին ու դրանով ապրում, արհեստավորները, եւ այլն։ Խիստ կարանտինը թույլ չի տալու այդ մարդկանց շարունակել «ինքնազբաղվել», ու եթե այս վիճակը շարունակվի՝ կարգավորումներում որոշակի փոփոխությունները պարզապես անհրաժեշտ կլինեն։

Մի խոսքով, այս մեկ շաբաթը շատ լավ հնարավորություն է՝ հասկանալու համար, թե ինչը պետք է փոխել (մեղմացնել կամ ավելի խստացնել), եթե ստիպված լինենք ավելի երկար ապրել գրեթե համատարած ինքնամեկուսացման պայմաններում։ Ամենայն հավանականությամբ նման բան, իհարկե, տեղի չի ունենա, բայց մեխանիզմները կատարելագործելը չէր խանգարի։ Ե՛վ պետական կառույցները, եւ՛ հասարակությունը պետք է հստակ իմանան իրենց անելիքն արտակարգ իրավիճակներում, ու դա, վստահաբար, կուժեղացնի մեզ։

Տպել
3461 դիտում

Հոսպիտալացման խնդրի պատճառով այսօր ունեցել ենք մահվան առաջին դեպքը. մենք արդեն քայլում ենք դժոխքի եզրով. վարչապետ

ՊԲ հրամանատար Ջալալ Հարությունյանի նախագահությամբ անց է կացվել ՌԽ հեռավար նիստ

72 ժամով կասեցվել է ռեստորանային համալիրի գործունեությունը. մոտ 50 հանրային սննդի օբյեկտի աշխատանքը՝ 24 ժամով

Վարչապետը շնորհավորական ուղերձ է հղել Շվեդիայի վարչապետին՝ երկրի ազգային տոնի առթիվ

Գավառի արյունալի միջադեպերի հետեւանքով տուժած 5 անձինք ապաքինվել են եւ դուրս գրվել հիվանդանոցներից

«Սուրբ Հովհաննես» մատուռ բարձրանալիս քաղաքացին ընկել և վնասել է ոտքը. օգնել են փրկարարները

Քաղաքացիների ահազանգերը՝ տնտեսավարողների կասեցման հիմք․ ԱԱՏՄ-ն շարունակում է անակնկալ ստուգայցերը և կասեցումները

Ձորագյուղի մուտքի ու ելքի սահմանափակումները կգործեն այսօր, ժամը 18:00-ից սկսած՝ 2 շաբաթ շարունակ

Փոխվարչապետ Տիգրան Ավինյանը աշխատակազմին է ներկայացրել ՊԵԿ նորանշանակ նախագահին

Մնացել են փեսայի կեղծ մատնագրերի հույսին

Արցախի 10 համայնքների համար կիրառվող սահմանափակումները շարունակում են գործել, դրանք հանվել են մի շարք համայնքներում

Եսայան եղբայրները հերքում են ԱԱԾ հրավիրվելու մասին լուրը

Վանաձորի տներից մեկի բակում ականանետային արկ է հայտնաբերվել (լուսանկարներ)

Արմեն Սարգսյանը շնորհավորական ուղերձ է հղել Շվեդիայի թագավոր Կարլ Գուստավ Տասնվեցերորդին` երկրի ազգային տոնի առթիվ

Պարետի որոշմամբ կարգելափակվեն Ձորագյուղի ելքերն ու մուտքերը. 1 անձը վարակել է թաղման մի քանի տասնյակ մասնակցի. վարչապետ

Կմեկնարկի Արցախը մայր հայրենիքին կապող նոր մայրուղու շինարարությունը. պաշտոնյաները հարավային թեւում են

Կոլորադոյի Ներկայացուցիչների պալատը միաձայն ընդունել է դպրոցներում Հայոց ցեղասպանության ուսուցման մասին օրինագիծ

Այսօր ուժեղ կարկտահարություն է եղել Գորիսում (տեսանյութ)

Ոստիկանության ուժեղացված ստուգայցերը շարունակվում են. հունիսի 5-ին հայտնաբերվել է 1058 իրավախախտում

Կապամոնտաժվի Մարգարյան փողոցի բանուկ հատվածում ինքնակամ տեղադրված կրպակը. Հակոբ Կարապետյան