ՄԻՊ-ը սոցցանցերի մոնիտորինգ է նախաձեռնել եւ կորոնավիրուսի կասկածով մեկուսացված կնոջն աշխատանքից ազատելու մասին տեղյակ է

Մարդու իրավունքների պաշտպան Արման Թաթոյանը «Հայկական ժամանակին» տված հարցազրույցում անդրադարձել է վերջին շրջանում նոր կորոնավիրուսի հետեւանքով ստեղծված իրավիճակին, առաձին դեպքերում մարդկանց անհանդուրժողականությանը, անձնական կյանքը թիրախավորելուն ու բռնության կոչերին: Ինչպես գիտենք, Էջմիածնի հայտնի պատմությունից հետո կինը, որը թաքցրել էր հիվանդության փաստը, մասնակցել որդու նշանադրության արարողությանը եւ մեծ թվով մարդկանց վարակել, հատկապես սոցիալական ցանցերում բուռն քննադատությունների է արժանանում՝ հաճախ անվայելուչ արտահայտություններով ու մեկնաբաննություններով: ՄԻՊ-ը մանրամասնել է նաեւ գործատու աշխատող հարաբերությունների որոշակի նրբություններ եւ հանդես եկել կոչով:

Պարոն Թաթոյան, նոր կորոնավիրուսի տարածմամբ պայմանավորված Հայաստանում արդեն տեւական ժամանակ է քննադատում ու վիրավորական արտահայտություններ են հնչեցնում  էջմիածինցի կնոջ հասցեին: Բացի ավելի վաղ արված հայտարարությունից, որ ՄԻՊ-ը դատապարտում է ու կոչ անում հանդուրժողականություն դրսեւորել, որեւէ այլ միջոցառում իրականացնելու իրավասություն ունե՞ք: Վարույթ իրականացվե՞լ է կամ ոստիկանություն փոխանցվե՞լ է:

- Մեր երկիրը գտնվում է շատ պատասխանատու ժամանակահատվածում եւ գործ ունենք այնպիսի երեւույթի հետ, որը պահանջում է բոլորիս համախմբվածությունն ու համերաշության մթնոլորտում բոլոր պրոցեսների ապահովումը: Եվ այս պայմաններում՝ արժանապատվության հաշվին, անձնական ու ընտանեկան կյանքի հանգամանքները թիրախավորելն ու վիրավորանքի առարկա դարձնելը մեզ ոչինչ չի տա:

Էջմիածնի կնոջ դեպքին ես նաեւ այդ տեսանկյունից էի անդրադարձել: Հատկապես անձնական կյանքի այն հանգամանքները, այն ձեւը, որով քննարկվում է նրա հետ կապված դեպքը, իհարկե՝ ընդունելի չէ. բացի այն, որ մենք մարդուն, նրա հարազատներին ենք վիրավորում, բացասաբար ենք ազդում նաեւ ստեղծված իրավիճակի վրա: Հիմա դեպքը ստացվել է, ցավոք սրտի այդպես է եղել եւ եթե դա թողնենք ու կանխարգելման աշխատանքների փոխարեն ընկնենք իրար վիրավորելու ու վիճակն  էլ ավելի սրելու հետեւից, միայն կտուժենք: Մեր մոնիթորինգի արդյունքում հասկացանք, որ թիրախավորվում է կոնկրետ մարդ, ինչը կարծես թե լայն տարածում էր ստանում, անմիջապես պարզ էր, որ պետք է քայլեր ձեռնարկել, այսինքն՝ կոչով հանդես գալ: Մեզ մոտ ուսումնասիրություններ են կատարվում եւ ես իմ նախաձեռնությամբ եմ զանգել Էջմիածնի քաղաքապետին, քննարկել այդ հարցը, փորձել հասկանալ այնտեղի իրավիճակը: Լսելով քաղաքապետի մոտեցումներն ու դիտարկումները, ապա հայտարարություն եմ տարածել: Մեր նպատակն է կանխել այս դեպքը, որպեսզի սա նաեւ ազդեցություն ունենա հետագայում նմանատիպ դեպքերից խուսափելու: Պետք է նշեմ, որ այդ կինը կամ իր ընտանիքի անդամները մեզ չեն դիմել, բայց եթե դիմում լինի, կամ կոնկրետ մտահոգություններ, մենք բնականաբար դա էլ կդիտարենք եւ ոստիկանությանը կփոխանցենք: Այստեղ մարդու իրավունքների պաշտպանի իրավասության հարց էլ կա, եթե մենք տեսնենք, որ օրինակ դիմել են իրավապահ մարմնին եւ նա ոչինչ չի անում՝ կմիջամտենք: Բայց այս փուլում ես իմ սեփական նախաձեռնությամբ եմ գործընթացի մեջ մտել, դեռ մոնիթորինգ ենք իրականացնում:

Մոնիթորինգն ինչ նպատակ է հետապնդում:

- Դե մենք ընդհանուր սոցիալական ցանցի մոնիթորինգ ենք իրականացնում, որը հիմա ավելի ինտենսիվ ձեւով է արվում: Նպատակն է հասկանալ, թե այդ վիրավորանքի աստիճանը կամ կոնկրետ մարդու թիրախավորումն ինչ ծավալների է հասնում: Օրինակ, եթե նկատենք, որ կա մարդու կյանքին կամ առողջությանն ուղղված  սպառնալիք, մենք համապատասխան գործողություն իրականացնենք, եթե պարզապես անհանդուրժողականության աստիճանն է բարձր, ապա այս դեպքում կոչով հանդես գանք:  Այս դեպքում հատկապես հետեւում ենք արժանապատվութունը վիրավորող արտահայտություններին եւ աշխատում կանխարգելել հենց դրանք:

- Վերջերս պատգամավորներից մեկն անդրադարձել էր կորոնավիրուսի հետեւանքով մեկուսացված անձանցից մեկին, որին գործատուն ազատել էր աշխատանքից բացակայությունների պատճառով: Խոսքը առաջին վարակակիր եւ հոսպիտալացված քաղաքացու կնոջ մասին է։ Զբաղվելո՞ւ եք այդ կնոջ դեպքով:  Ձեզ նմանատիպ իրավիճակում հայտնված անձինք դիմե՞լ են այս ընթացքում: Եվ ՄԻՊ-ն ընդանուր առմամաբ ի՞նչ գործառույթ ունի նման պարագայում:

- Այս նոր վարակը սկսեց տարածվել եւ առողջապահության միջազգային կազմակերպությունների կոչերից մեկը սա էր՝ մարդիկ սոցիալական միջավայրերում հնարավորինս քիչ հայտնվեն: Այն մարդիկ,  ովքեր մանկահասակ երեխաներ ունեն, դպրոցների եւ պանկապարտեզների փակման պատճառով ստիպված են աշխատել տնից: Մենք պետք է հասկանանք, որ այդ երեխաներին պետք է խնամել, ծնողներին  հո չե՞նք ասելու՝ ձեր երեխաների խնամքով մի՛ զբաղվեք, այլապես ձեզ աշխատանքից ազատում ենք: Նման դեպքերում անհատական մոտեցումներ են պետք: Ինչ վերաբրում է կոնկրետ դեպքին, այո, ես այդ դեպքի մասին գիտեմ, բայց ուզում եմ շեշտել, որ ՄԻՊ-ն այս դեպքում ունի կոնկրետ իրավասություն, որը տարածվում է պետական մարմինների վրա: Եթե ուենենանք պետական ապարատից աշխատանքից ազատելու կամ նմանատիպ դեպք, մենք իհարկե պարզաբանումներ կպահանջենք:

Իսկ այս դեպքը, փաստորեն, մասնավորում է:

-Այո: Եվ հետո մենք որեւէ դիմում էլ չենք ստացել, բայց եթե դիմեր մենք կփորձեինք խորհրդատվություն տալ:

Արտակարգ իրավիճակների դեպքում գործատու աշխատող հարաբերությունները ինչպես են կարգավորվում եւ ՄԻՊ-ն այս պարագայում ինչ-որ առաջարկներ ունի՞։

- Գործատուն պարտավոր է աշխատակիցների անվտանգության համար պայմաններ ապահովել: Բայց մեր օրինակով կարող եմ ասել, որ աշխատակիցների համար ապահովել ենք դիմակներ, ախտահանիչ նյութեր, ձեռնոցներ: Ամեն առավոտ եւ երեկո ախտահանում ենք իրականացնում: Դա մենք մեր կողմից ենք արել, եւ բազաթիվ պետական մարմիններ հիմնականում արել են եւ կարծում եմ՝ ճիշտ մոտեցումը սա է: Անընդհատ խոսում են սոցիալական պատախանատվության մասին, բայց բիզնեսն էլ պիտի ունենա դա: Լինելով պետական հիմնարկի ղեկավար կամ գործատու ոչ թե հույսներս դնելու ենք աշխատողի վրա, որ ինքը հոգա իրեն անհրաժեշտ միջոցները (թեպետ իրենք էլ գիտակից մարդիկ են, եթե չտրամադրեինք՝ կառնեին), այլ լիարժեք ապահովագրումից ելնելով ապահովում ենք առաջին անհրաժեշտ միջոցներով, հենց սա է համախմբումը:

Եվ վերջում կցանկանայի անպայման մի բան շեշտել. արտակարգ դրության ժամանակ պետությունը հիմա մեխանիզմներ է ներդրել, բոլորս համատեղ պետք է աշխատենք, որովհետեւ սա համազգային հարց է: Անհանդուրժողական վերաբերմունքն ու խուճապային տրամադրությունները պարարտ հող են ստեղծում եւ խանգարում կանխարգելման պրոցեսին: Ուզում եմ հատուկ շեշտել, որ այս հարցում լրագրողների դերը եւս շատ մեծ է: Ուշադիր եղեք եւ պատասխաատվություն կրեք ձեր ցանկացած տողի ու բառի համար, դա շատ կարեւոր է:

Տպել
2297 դիտում

«Մանկական Եվրատեսիլ - 2020»-ում հաղթող է ճանաչվել Ֆրանսիայի մասնակիցը (տեսանյութ)

Երեւանից դեպի Ստեփանակերտ ուղեւորվող ավտոբուսները վատ եղանակի պատճառով վաղը չեն մեկնի

Վերսկսվում են Մոսկվա-Գյումրի-Մոսկվա երթուղով չվերթները

Կիմ Բալայանը դադարեցրել է հացադուլը

ՀՀ ՊՆ և ԱՀ ԱԳ նախարարները կարևորել են հայ զինծառայողների վերադարձի աշխատանքները

Վթար Գառնի գյուղ տանող ավտոճանապարհին. վարորդները հոսպիտալացվել են

Նիկոլ Փաշինյանը մանրամասնել է՝ ինչ է խոսել Պուտինի հետ հոկտեմբերի 19-ին եւ ինչ պայմաններ են առաջարկվել

Հայաստանի 5 մարզերում ձյուն է տեղում, Վարդենյաց լեռնանցքում մերկասառույց է

Քիմ Քարդաշյանը հայտնել է արցախցի երեխաներին ուղղված ամանորյա նախաձեռնության մասին

Այսօր ու վաղը ձյանն ու ձնախառն անձրևներին կհաջորդի առանց տեղումների եղանակը

«Ի՞նչ անել», եւ «ո՞վ է մեղավոր»

Դաշնակահար Սվետլանա Նավասարդյանն արժանացել է «Համագործակցության աստղեր» միջպետական մրցանակի

Պետական մարմինները պարտավոր են բոլոր լծակները կիրառել անհետ կորածների ու գերիների հարազատների հետ հաղորդակցության համար

Ստեփանակերտում և Մխիթարաշեն գյուղի մերձակայքում տեղի կունենա չպայթած ականների վնասազերծում. Արցախի ԱԻՊԾ

Պատերազմից հետո զինծառայողների հանգստի հարցը շուտով կլուծվի. հանդիպում ՊՆ-ում՝ զինվորների հարազատների եւ ծնողների հետ

Յուրաքանչյուր հայ Հայաստանի մասին պետք է մտածի՝ որպես իր տան. Ա.Սարգսյանը հանդիպել է ռուսաստանահայ համայնքի անդամներին

Զարուհի Բաթոյանը ներկայացրել է իր պաշտոնավարման ընթացքում կատարված աշխատանքների մասին հաշվետվություն

Յուրաքանչյուր զինվոր, որտեղ էլ լինի, մեր երեխան է. Արսեն Գրիգորյան

«Օդալեն» ռեստորանի խոհանոցի առաստաղը փլուզվել է․ կա զոհ

Անցյալի եւ ապագայի առջեւ