Վահագն Հարությունյանի մեղադրանքի մեջ տեքստային փոփոխություններ են արվել. նոր ի հայտ եկած հանգամանք չկա. պաշտպան

Հատուկ քննչական ծառայությունը «Մարտի 1»-ի գործով քննչական խմբի նախկին ղեկավար Վահագն Հարությունյանին կալանավորելու չորրորդ միջնորդությունն է ներկայացրել, որն արդեն քննվում է դատարանում:

«Հայկական ժամանակ»-ի հետ զրույցում Հարությունյանի պաշտպան Միհրան Պողոսյանը նշեց, որ նոր միջնորդության համար, ըստ էության, նոր ի հայտ եկած հանգամանք առկա չէ. «Որոշակի տեքստային փոփոխություններ են արվել, որ նույն շրջանակում են, ինչ նախորդները, մի անգամ այս պրոցեսով արդեն անցել ենք, երբ Երեւանի ընդհանուր իրավասության դատարանը մերժել է այս հիմքերով կալանավորման միջնորդությունը, եւ դրա դեմ վերաքննիչ բողոք չի ներկայացվել, այսինքն՝ ընդունել են դատարանի դիրքորոշումները»: Հարցին, թե նշված տեքստային փոփոխություններն ինչին են վերաբերում, պաշտպանը պատասխանեց. «Մեծ հաշվով մեծ փոփոխություններ չկան, ամեն դեպքում, չմանրամասնելով միայն նշեմ, որ նոր ի հայտ եկած հանգամանքի առկայության օրենքի պահանջը քննիչի կողմից չի կատարվել, ինչ էլ որ նշել են, դրանից քննիչը տեղյակ է եղել առնվազն 2019 թվականի դեկտեմբերին՝ վերջին միջնորդությունը դատարանում ներկայացնելիս»:

Ըստ Պողոսյանի՝ երկու հնարավոր տարբերակ կա. «Կա՛մ փորձում են գտնել իրենց «սրտի դատավորին», մասնավորապես հույս ունեն, որ Գաբրիելյան Արտուշը, Մարտիրոսյան Մնացականը, Դանիելյան Արմենը եւ նման դատավորները կքննեն այս միջնորդությունը, կա՛մ տեղեկություն են ունեցել ձերբակալման մասին եւ դիմել են ցանկացած ապօրինության, որպեսզի կարողանան արագ ընթացակարգերով ստանալ կալանքի որոշում՝ այն ՌԴ իրավապահ մարմիններին ուղարկելու համար, ինչը որ չի հաջողվել»:

Միհրան Պողոսյանի խոսքով՝ հայտնվել են նույն շրջապտույտի մեջ. «Ստացվում է՝ քննիչը փաստական տվյալներ ունի, բայց այդ մասով մեղադրանք չի առաջադրում, իր քմահաճույքով որոշում է, որ մի հատ էլ այդպես մեղադրանքը կփոփոխի եւ էլի կտանի կալանքի, ինչն անթույլատրելի է»: Պողոսյանի համոզմամբ՝ դատական նիստի ընթացքում քննիչը չի կարողանալու հիմնավորել, որ դրանք նոր ի հայտ եկած հանգամանքներ են, եւ դրանց ինքը չէր կարող տեղյակ լինել նախորդ միջնորդության քննարկման ժամանակ:

Հարությունյանը ՌԴ-ում հայտնաբերվել եւ ձերբակալվել էր 2020 թ. մարտի 15-ին: Մեկ օր անց՝ մարտի 16-ի երեկոյան, նա ազատ էր արձակվել մեղսագրվող արարքի համար ՌԴ օրենսդրությամբ սահմանված քրեական պատասխանատվության վաղեմության ժամկետն անցնելու հիմքով:

Հիշեցնենք՝ Մարտի 1-ի գործով քննչական խմբի ղեկավարը սկզբում որպես մեղադրյալ էր ներգրավվել Մարտի 1-ի գործով կարևոր ապացույցներ կեղծելու համար։ Ավելի ուշ ՀՔԾ-ն հայտարարեց, որ լրացրել է մեղադրանքը, և Հարությունյանը որպես մեղադրյալ ներգրավվեց նաև անզգուշությամբ ծանր հետևանքներ առաջացրած պաշտոնեական լիազորությունների չարաշահման և բռնությամբ զուգորդված պաշտոնեական լիազորություններն անցնելու մեջ։ Նա առաջադրված մեղադրանքը չի ընդունում։ Հարությունյանը հետախուզման մեջ է 2018 թվականի հոկտեմբեր ամսից:

Տպել
964 դիտում

Վանաձորում մեքենան բախվել է շինության պատին. վարորդը տեղում մահացել է (լուսանկարներ)

ՍԱՏՄ-ն գյուղատնտեսական մի քանի շուկաներում խախտումներ է արձանագրել. տվյալները կներկայացվեն պարետատուն

Տեսչական մարմնի աշխատակիցները կրկնակի այց և մշտադիտարկում են իրականացրել Երևան երկաթուղային կայարանում

Ոստիկանությունն արգելափակել է Ղալթաղչիի Սուրբ Հովհաննես մատուռ տանող ճանապարհները

Վրաստանը մեզ համար եղբայրական երկիր է, և շատ ջերմացնում է մեզ նման պատրաստակամությունը. վարչապետ

Ռեվանշիստները հիմա էլ ուրի՞շ «պլացդարմ» են փնտրում

Նախատեսված է 100.000 հայկական թեստի արտադրություն. ՄԿԻ-ն ավարտել է լաբորատոր փորձարկումները

358 պացիենտ գտնվում է ծանր, 58-ը՝ ծայրահեղ ծանր վիճակում. Նիկոլ Փաշինյան (տեսանյութ)

Առաջին դասարանցիների առցանց գրանցումը կսկսվի հունիսի 1-ից

Ունենք քաղաքական կամք՝ ֆիզիկական անձանց եկամուտների համատարած հայտարարագրում ներդնելու համար. վարչապետ

Ոստիկանները պարզել են Իջևանում կրակոցներ արձակած անձի ինքնությունը. ոստիկանություն է ներկայացել 42-ամյա տղամարդ

Արմավիրի նախկին քաղաքապետն ապօրինաբար 75 տարով տարածք է հատկացրել ՀՀ ֆուտբոլի ֆեդերացիայի նախկին նախագահին (տեսանյութ)

Պարետի որոշմամբ 24 ժամով արգելվել է 24, և 48 ժամով՝ 2 տնտեսվարողի պատկանող մասնաճյուղերի գործունեությունը

Արցախի նախագահը 2020 թվականի ամառային զորակոչ անցկացնելու եւ զորացրում կատարելու մասին հրամանագիր է ստորագրել

ՊԲ-ում այսօր սանիտարական օր է. ախտահանվել են զորանոցները, բուժկետերը, կենցաղային նշանակության շինությունները(տեսանյութ)

Դելի-Երևան հատուկ չվերթով Հայաստան է ժամանել ՀՀ 23 քաղաքացի, Հնդկաստան է վերադարձել 130 հնդիկ ուսանող

Համավարակը սահման և ազգություն չի ճանաչում. այն ազդեցություն է թողել յուրաքանչյուրիս վրա. Մհեր Գրիգորյանն ուղերձ է հղել

Հասարակության «լրջության կորագիծը»

Մոսկվա-Երևան չարտերային հերթական թռիչքը կկայան վաղը՝ մայիսի 31-ին՝ «Դոմոդեդովո» օդանավակայանից

Սեպտեմբերին մենք կարող ենք դասերը լիարժեք սկսել, սակայն պետք է խստագույնս հետևենք ցուցումներին. ԿԳՄՍ նախարար (տեսանյութ)