Երևան
26 °C
Կորոնավիրուսն այլեւս զուտ չինական չէ, այն համաշխարհային խնդիր է, եւ պիտի սովորենք ապրել իր հետ այնպես, ինչպես ժամանակին սովորել ենք ապրել գրիպի հետ. ուղիղ եթերում նոր կորոնավիրուսի տարածման խնդրին է անդրադարձել ուկրաինացի հայտնի մանկաբույժ Կոմարովսկին:
Նա հիշեցրել է, որ այս վարակը ծանր չէ երեխաների, երիտասարդների եւ առողջների համար, վտանգավոր չէ նրանց համար, ում իմունային համակարգն ամուր է: Իսկ տարեցներին եւ քրոնիկ հիվանդություններ ունեցողներին հորդորել է մի շարք նախազգուշական միջոցառումների դիմել՝ խուսափել մարդաշատ վայրերից, ավելորդ անգամ չմտնել խանութ ու չօգտվել հանրային տրանսպորտից, հնարավորության դեպքում առանձնանալ ամառանոցներում:
«Որեւէ հիմք չկա պնդելու, որ վարակն առանձնահատուկ վտանգավոր է հղիների համար, որ այն անցնում է պտղին»,- ընդգծել է նա: Կոմարովսկին կարեւորել է պետությունների ձեռնարկած կարանտինային միջոցառումները, քանի որ դրանք հնարավորություն են տալիս բուժկենտրոններին համաչափ սպասարկել վարակակիր բնակչությանը, հակառակ դեպքում, ըստ նրա, կարող է լինել հարյուրավորների միաժամանակյա հիվանդացություն եւ բուժկենտրոնների՝ տարածքային ու մարդկային ռեսուրսները չբավարարեն բոլորին պատշաճ սպասարկելու համար:
Այս եթերից անմիջապես հետո իր հետեւորդներից բժիշկը հարյուրավոր հարցեր է ստացել կորոնավիրուսի վերաբերյալ եւ երեկ պատասխանել է դրանցից առավել արդիականներին: Քանի որ նշված հարցերն այս՝ արդեն պանդեմիկ հիվանդությանն առնչվող հիմնական մտահոգություններն են արտացոլում, ձեզ ենք ներկայացնում նրա պատասխաններից մի քանիսը:
Ի՞նչ առանձնահատուկ ախտանիշներ ունի կորոնավիրուսը
Ոչ մի. ջերմություն է, հոսք քթից ու հազ: Հիվանդությունը ծանրանալիս դառնում է թոքաբորբ:
Ինչպե՞ս է բուժվում
Ինչպես մյուս գրիպները՝ լիտրերով հեղուկ ենք խմում, մեզ կամ այլ հիվանդի չենք ստիպում ուտել, պահպանում ենք թարմ մաքուր օդի սկզբունքը. դա չի նշանակում, որ պետք է միջանցիկ քամու տակ լինել, դա սենյակի օդը մաքուր պահելն է՝ օդանցքը պարբերաբար բացելով:
Լվանում ենք այն ամենն, ինչ հնարավոր է: Վարակազերծում ենք որեւէ միջոցով՝ ախտահանիչներն անթիվ են: Ամենաէժանը նշենք. սպիտակեցնող հեղուկը (ժավել): 1 լիտր ջրին 60-100 գրամ հեղուկը լիովին բավարար միջոց է սենյակների հատակը, բռնակները ախտահանելու համար: Սպիտակեղենը լվանանում ենք առավելագույն ջերմաստիճանով:
Եթե պետք է, ընդունում ենք ջերմիջեցնող: Իսկ եթե վտանգավոր ախտանիշներ են ի հայտ գալիս՝ շնչարգելություն, չոր հազ, դժվարացած շնչառություն, դիմում ենք բժշկին:
Արժե՞ կանխարգելելու համար անընդհատ ողողել կոկորդը ախտահանիչ միջոցներով
Արժե ողողել կոկորդը՝ խոնավեցնել ուղղակի ջրով, եթե գտնվում եք չոր միջավայրում: Կարեւորը՝ թույլ չտալ լորձաթաղանթների գերչորացում: Եթե միջավայրում խոնավությունը բավարար է, անիմաստ է:
Ճի՞շտ է, որ վիրուսն ունի երկու ենթատեսակ
Այո, եւ դրանք տարբերվում են ծանրության աստիճանով. ի դեպ, առավել ծանր ենթատեսակը շուրջ 70 տոկոս տարածվածություն ունի, մյուսը՝ 30: Բայց դինամիկան ցույց է տալիս, որ ավելի ու ավելի շատ է տարածվում թեթեւը: Սրա պատճառը նաեւ այն է, որ ծանր հիվանդները պառկած են, եւ քիչ են շփվում ուրիշների հետ, իսկ մյուսներն ակտիվորեն տարածում են վարակը:
Որքա՞ն ժամանակ է պահպանվում վարակը վերելակում, ավտոբուսում
Նկատենք, որ փռշտալուց անմիջապես հետո վարակի մասնիկները օդից սկսում են նստել տարածքի մակերեւույթին՝ հատկապես մետաղի վրա. այնտեղ դրանք ապրում են ոչ պակաս, քան 10-12 ժամ: Վերելակի կոճակների, շենքի, խանութի բռնակների վրա վարակը, հնարավոր է, սպասում է ձեզ: Դուք պիտի սեղմեք այդ կոճակը, վարակը կմնա ձեր ձեռքին, սակայն որպեսզի այն ունենա ձեզ վարակելու հնարովորություն, դրանից հետո դուք պիտի ձեռք տաք ձեր դեմքին, շուրթերին, բերանին: Եթե դուք տուն հասնեք ու լվացվեք, ապա ձեր ձեռքին եղած վարակը ձեզ համար սպառնալիք չի ներկայացնի: Լվացվեք:
Արժե՞ ոչ միայն ձեռքերը, այլեւ՝ բերանի խոռոչն ու քթանցքը լվանալ օճառով
Օճառը գրգռում է լորձաթաղաթները, իսկ դա ճնշում է տեղային դիմադրողականությունը: Երբ դուք լվանում եք օճառով, մաքրազերծում եք վարակից, բայց դրանից հետո ձեր լորձաթաղանթն առավել ընկալունակ է վարակների նկատմամբ, այսինքն՝ ավելի հեշտ կվարակվեք: Դրա համար միանշանակ սխալ է այդպես լվացվելը:
Վարակը թափանցո՞ւմ է մաշկով
Ոչ: Պետք է վնասվածք, լորձաթաղանթ: Տեսություն կա, որ տղամարդիկ ավելի շատ են հիվանդանում, քանի որ սափրվելիս միկրովնասվածքներ են առաջացնում դեպքին:
Օդի զտիչները որքանո՞վ են օգնում չհիվանդանալ
Բնավ չեն օգնում. հարցն այն է, որ հիմնականում վարակվում եք, երբ ձեզ մոտ հազում-փռշտում են կամ ձեռքներդ բերաններդ եք տանում վարակոտ մակերեսի ձեռք տալուց հետո: Զտիչն ի՞նչ անի:
Ցինկե կոնֆետների կանխարգելիչ նշանակությունը էակա՞ն է
Կա ենթադրություն, որ ցինկի պարունակությամբ ծծովի կոնֆետները որոշակիորեն կանխարգելում են սուր-շնչառական վարակների ընկալումը: Սակայն այդ կոնֆետներն ունեն «ոչ այնքան հաճելի» համ, կողմնակի ազդեցություններ՝ տհաճության զգացում, սրտխառնուք, ցինկից թունավորում: Այսինքն՝ իրական կանխարգելիչ ազդեցությունը հաստատված չէ, տհաճ ազդեցությունները կան:
Վիտամին C-ն մեծ չափաբաժիններով օգնո՞ւմ է չհիվանդանալ
Միայն ցինգայի դեպքում: Սուր-վարակիչ, շնչառական վիրուսների պարագայում այն նման հզոր ազդեցություն չունի, բայց մեծ չափաբաժինների դեպքում կարող է երիկամներում քարերի ձեւավորմանը նպաստել: Այնպես, որ խորհուրդ չեմ տալիս:
Կարելի՞ է կրկնակի օգտագործել դիմակները՝ վարակազերծելով արդուկելով
Պարզ է, որ լավ կյանքից չի նման հարց բարձրացվում՝ մի դիմակը մի քանի անգամ օգտագործելու: Պարզ է, որ շատ բարձր ջերմաստիճաններում թանզիֆե (մառլյայե) դիմակը կարելի է լվանալ եւ արդուկի առավելագույն ջերմաստիճանով մշակել: Բայց ո՞վ կերաշխավորի, որ չեք խնայի ջերմաստիճանն ու շոգին: Դրա համար, ես չեմ ստանձնի նման պատասխանատվություն, եւ կհիշեցնեմ, որ Առողջապահության համաշխարհային կազմակերպությունը արգելել է դիմակների կրկակի օգտագործել:
Ինչպե՞ս մեկուսանամ, եթե ապրում եմ հանրակացարանում՝ ընդհանուր է սանհանգույցը, խոհանոցը
Հիշենք, որ վարակը փոխանցվում է մարդկանց հետ շփումների արդյունքում. մտածեք՝ ինչպես նվազագույնի հասցնել շփումները: Կարող եք ավելի շուտ պատրաստել ձեր նախաճաշը, երբ խոհանոցում դեռ ոչ ոք չկա: Կարող եք ուտելիքը նախապատրաստել ու տանել ձեր սենյակը, ուտել այնտեղ: Օդափոխել, վարակազերծել ձեր սենյակը: Ընդհանուր օգտագործման տարածքներում որեւէ բանի ձեռք տալուց հետո ձեր վարակազերծած տարածքում անպայման լվանալ ձեռքերը:
Ստիպված եմ աշխատանքի գնալ հասարակական տրանսպորտում: Ի՞նչ կարող եմ անել
Եթե հեռու չէ աշխատավայրը, քայլեք: Եթե կարող եք, հեծանիվով գնացեք: Վերջիվերջո, կարող եք մի ժամ շուտ արթնանալ եւ նախքան խցանումները, ծանրաբեռնված ժամերը գնալ:
Ի՞նչ անեն առեւտրի ոլորտի աշխատակիցները՝ չեն կարող հաճախորդներին մեջքով շրջվել
Ոչ միայն առեւտրի, այլեւ՝ հյուրանոցների, բանկերի, տարբեր կազմակերպությունների ընդունարանների աշխատակիցները չեն կարող խուսափել մարդկանց հետ շփումներից: Բայց կարելի է ձեռք առնել մի շարք նախազգուշական միջոցառումներ. հնարավորինս հեռու կանգնել մարդկանցից, դնել ապակե միջնորմներ, հերթերը, եթե տարածքը դրա հնարավորությունը տալիս է, սահմանել դրսից, եւ իհարկե, լավ կլիներ, որ սահմանվեն զեղչեր օն-լայն վճարումների համար:
Ուլտրամանուշակագույն լամպերը վարակազերծո՞ւմ են
Տարածքը՝ այո, ձեզ՝ ոչ: Այսինքն՝ օրվա վերջում դատարկ սենյակում ուլտրամանուշակագույն լամպ միացնելը ճիշտ է, այն կվնասազերծի մակերեեւույթները, բայց սենյակում, որտեղ գնացող-եկող կա, միացրած պահել լամպը անիմաստ է:
Ի՞նչ լավ բնական դեղամիջոցներ կան
Ընդհանրապես, միշտ բուժում է բնությունը: Մեզ պետք է ստեղծել այնպիսի միջավայր, որ օրգանիզմն ինքնուրույն պայքարի ու հաղթի վարակին: Այսինքն՝ պետք է չմրսել, շատ ջուր խմել, չխանգարել օրգանիզմին:
Լուրեր կան, որ հիպերտոնիկ դեղամիջոցները մեծացնում են վարակվելու հավանականությունը
Հիպերտոնիկ հիվանդություն ունեցողները ավելի ծանր են կրում կորոնավիրուսը, եւ եթե, ինչպես խոսում են, դադարեք ընդունել ձեր հիպերտոնիկ դեղամիջոցները, կմեռնեք: Ձեր սրտի դեղերը կարգավորում են ձեր ճնշումը, սրտի աշխատանքը, որը շատ ավելի կարեւոր է հիվանդ ժամանակ:
Տնային դեղատուփ. ի՞նչ պետք է ավելանա այնտեղ այս օրերին
Պետք է անպայման ունենալ այն դեղերը, որ ընդունում եք քրոնիկ հիվանդությունների դեպքում. լավ կլինի, որ մի փոքր էլ ավելի լինեն: Նաեւ, հարկ է ունենալ ջերմիջեցնող՝ պարացետոմոլային կամ իբուպրոֆենային դեղամիջոցներ, քթանցքի մշակման համար նախատեսված աղային հեղուկներ:
Ի՞նչ սննդամթերքներ պաշարել կարանտինի պատրաստվելու համար
Ցանկացած, բայց այդ սննդամթերքները պիտի լինեն շուտ չփչացող՝ եւ՛ մրգեր ու բանջարեղեն, եւ՛ մակարոնեղեն ու սննդարար հատիկեղեն, ալյուր, որից ինքներդ կարող եք ինչ-որ բաներ պատրաստել. տանն եք լինելու, կզբաղվեք:
Ջուրը փոխանցո՞ւմ է վարակը
Հաստատված չէ, տեսականորեն նման բան պնդելու որեւէ հիմք չկա: Լողավազաններից խուսափելու հիմք՝ եւս:
Մարզասրահներից խուսափե՞լ
Մարզասրահներում մի շարք խնդիրներ կան. բազմաթիվ բռնակներ կան, որոնց անընդմեջ ձեռք են տալիս տարբեր մարդիկ՝ իրարից հետո: Մարդիկ այստեղ անընդհատ քրտնում են, քրտինքը ձեռքով սրբում ու, էլի, տարբեր տեղերի ձեռք տալիս: Լավ կլիներ, որ մարզարահների տերերը հայտարարեին, որ բոլոր նրանք, որ հիմա իրենց աբոնեմենտներով չեն հաճախի, նրանց աբոնեմենտների ժամկետները կերակարաձգվեն երկու ամսով: Բայց նրանք այդպես չեն ասի՝ փող կկորցնեն: Իսկ հաճախորդներն էլ մտածելու են. վճարել եմ, ո՞նց կլինի՝ չգնամ: Ճիշտ հետեւություններ արեք:
Վերջում հիշեցնենք, որ ՀՀ Առողջապահության Նախարարությունում գործում է շուրջօրյա «թեժ գիծ» ծառայություն 8003 եւ «օպերատիվ զանգերի կենտրոն» 060838300 հեռախոսահամարներով, որոնցով կարելի է դիմել մասնագետնեին՝ հուզող հարցեր ունենալու դեպքում:
Հայ դպրոցականները 3 մեդալ են նվաճել Մենդելեևյան 58-րդ միջազգային օլիմպիադայում
Կոստանյանը Կատարի ԱԳՆ պետնախարարին է ներկայացրել «Խաղաղության խաչմերուկ»-ի սկզբունքները և պոտենցիալ հնարավորությունները
Հայրենիքի մեջ հայրենիք ենք փնտրել, մենք հիմա պետական գիտակցություն ենք մտնում նոր․ վարչապետ
Հարկադիր քարաթափում է իրականացվել Գեղարքունիքի և Կոտայքի մարզերում
Գագիկ Սուրենյանը նոր գրառում է արել
Հյուրանոցային համալիրում հայտնաբերվել է 2 օտարերկրացու մարմին, ևս 2 հոգի տեղափոխվել է հիվանդանոց․ ինչ է հայտնի
«Տոյոտա»-ն բախվել է կայանված «Մերսեդես բենց» մակնիշի ավտոմեքենային և շրջվել
Happy birthday love. Սուրեն Պապիկյանի կինը շնորհավորել է ամուսնու ծննդյան օրն ու համատեղ լուսանկար հրապարակել
Հայաստանի և Ադրբեջանի սահմանին կոորդինատների ճշգրտման աշխատանքների շրջանակներում 28 սահմանային սյուն է տեղադրվել
Ժամը 17։30-ի դրությամբ Երևանում փակ ճանապարհներ չկան, Սևան-Երևան ճանապարհի երթևեկությունը վերականգնվել է
ՀՀ-ն ստացել է խաղաղության պայմանագրի նախագծի վերաբերյալ ադրբեջանական կողմի առաջարկները. ԱԳՆ խոսնակ
«Կողմնակալ» փաստաթուղթ է․ Բաքուն Եվրախորհրդարանի բանաձևը միակողմանի է որակել
Պետական դավաճանություն կատարելու համար քրեական հետապնդում է հարուցվել ՀՀ 2 քաղաքացու նկատմամբ․ նրանք հետախուզվում են
Տավուշի և Ղազախի հատվածում սահմանազատման գործընթացը տեխնիկապես ավարտվել է. Արմեն Խաչատրյան․ «Ազատություն»
Դոլարն ու եվրոն թանկացել են․ ինչ փոփոխություններ է արձանագրել տարադրամի շուկան ապրիլի 26-ին
Պատգամավոր Արթուր Խաչատրյանը բերման է ենթարկվել
Գիշերել են ազատազրկվածների համար նախատեսված ազատ հիվանդասենյակներում․ ՔԿՀ 2 աշխատակից ազատվել է զբաղեցրած պաշտոնից
Բարձր ենք գնահատում Ադրբեջանի և Հայաստանի միջև բանակցությունները, խաղաղության հասնելու լավ հնարավորություններ կան․ Ալիև
Լևոն Տեր-Պետրոսյանը դուրս է գրվել հիվանդանոցից
Ոստիկաններն ու պարեկները կանխել են մի խումբ երիտասարդների վենդետան. կռվի երկու կողմերում հարազատ եղբայրներ են
Ժամը 15:30-ի դրությամբ Երևանում փակ ճանապարհներ չկան. ՆԳՆ
Գիշերային ժամերին խախտել են աղմուկի թույլատրելի շեմը, բռնություն կիրառել պարեկի հանդեպ․ Թորոսյանը տեսանյութ է հրապարակել
Պացիենտների վերջույթները կապել են սավաններով ու զուգագուլպաներով. չհայտարարված այց Սևանի հոգեկան առողջության կենտրոն
Հայաստանի ու Իտալիայի պատվիրակությունները քննարկել են ռազմական համագործակցությանը վերաբերող հարցեր
Հայտնի է «ՀՀ վարչապետի գավաթ» սեղանի թենիսի սիրողական մրցաշարի եզրափակչի օրը և պարգևների չափը
Հավատում ենք, որ այս տարի Ադրբեջանի և Հայաստանի միջև կստորագրվի խաղաղության պայմանագիր. Շոլց
Բեռլինում կայացել է Շոլց-Ալիև հանդիպումը
Աննա Հակոբյանը լուսանկարներ է հրապարակել Գյումրի կատարած այցից
Ռուսաստանը նամակ է ուղարկել Հայաստան. այն հասել է Ազգային ժողով
ՆԱՏՕ-ից Ուկրաինային տրամադրված և ՌԴ-ի կողմից գրավված տեխնիկան բերվել է ցուցադրության (լուսանկարներ, տեսանյութ)
Շուրջ երկու տասնյակ ավտոմեքենա է տեղափոխվել տուգանային հրապարակ. վարորդները պատասխանատվության կենթարկվեն
Ապագայի շատ կոնկրետ նախագիծ է դրվում սեղանին, Հայաստանի լինելիության հարցն է լուծվում. վարչապետ (տեսանյութ)
Դիլիջանում կին վարորդը «Տոյոտա»-ով բախվել է կայանված «Մերսեդես»-ին, այնուհետ՝ գլխիվայր շրջվել
Փոխվարչապետն ու ՎԶԵԲ տարածաշրջանային տնօրենը կարևորել են Երևանում եվրոպական բանկի տարեկան հանդիպման կազմակերպումը
Բագրատ սրբազանն օգտագործում է նույն խոսույթը, ինչ ՀԱՊԿ-ը, որն իրականում աղետ է Հայաստանի համար. Տարոն Չախոյան
ՀՀ-ն իր էներգառեսուրսը պետք է գնի այնտեղից, որտեղ ամենաէժանն է ու շահավետը. Թունյանը՝ Ադրբեջանից գազ գնելու մասին
Մի քանի օրից կարճատև տեղումները կվերադառնան Երևանում ու մարզերում
ՀՀ ֆինանսների նախարարն ու ԵՄ դեսպան Մարագոսը քննարկել են բռնի տեղահանված անձանց խնդիրները
Երևան-Էջմիածին ճանապարհի երթևեկությունը վերականգնվել է. ՆԳՆ-ն հայտնել է՝ ինչ վիճակ է մայրաքաղաքի փողոցներում
Մեծ Բրիտանիայի քրիստոնյա առաջնորդները կառավարությանը կոչ են արել ճանաչել Հայոց ցեղասպանությունը
© 2024 Հայկական ժամանակ