Արտասահմանցի, բարձրակարգ, հայտնի թիմեր մարզած, փորձառու. այսպիսին է Հայաստանի ֆուտբոլի ազգային հավաքականի նորանշանակ գլխավոր մարզիչ Խոակին Կապառոսը: Այսպիսի մասնագետի էին ընտրանու երկրպագուները տարիներ շարունակ ցանկանում տեսնել իրենց թիմի ղեկին: Աբրահամ Խաշմանյանի հեռանալուց հետո պարզ էր, որ ՀՀ-ում այլեւս տարբերակ չի մնացել, ու մարզիչը լինելու է արտասահմանցի: ՀՖՖ-ի իսպանացի ճանաչված տեխնիկական տնօրեն Խինես Մելենդեսի գործոնն էլ դրդում էր մտածել, որ հավանականությունը մեծ է, որ կլինի նրա հայրենիքից: Կարծիքներ կային, որ դա կարող է լինել Սանտիագո Սոլարին կամ Այտոր Կարանկան: Երկուսն էլ հայտնի են, սակայն որպես մարզիչ բավական համեստ ցուցանիշներ ունեն, եւ հնարավոր է՝ շատերը կարծում էին, որ «մատչելի» կլինեն ֆեդերացիայի համար:

Սակայն ՀՖՖ-ն գերազանցեց սպասելիքները: Լա լիգայում իսպանացի մասնագետի մարզած հայտնի թիմերի հանդիպումները հայ ֆուտբոլասերները հաճախ են հնարավորություն ունեցել դիտելու: Նա, իհարկե, մեծ տիտղոսներ չունի, առավելագույնը Բիլբաոյի «Ատլետիկի» հետ 1 անգամ հասել է Իսպանիայի գավաթի եզրափակիչ, 1 անգամ էլ մասնակցել է Սուպերգավաթի խաղարկությանը, եւ 2 դեպքում էլ զիջել է «Բարսելոնային»: Սակայն նրա կարգը հարցականի տակ դնելու հիմքեր չկան: Հենց նա է բացահայտել այնպիսի տաղանդների, ինչպիսիք են Սերխիո Ռամոսը, Խոսե Անտոնիո Ռեյեսը, Դանի Ալվեշը, Ժուլիո Բապտիստան եւ այլն:

Կապառոսը եւ Ռամոսը

Վերջին 2 տարիների ընթացքում 64-ամյա Կապառոսը հիմնականում ադմինիստրատիվ աշխատանք է կատարել «Սեւիլիայում»: Այդ ընթացքում 2 անգամ անհրաժեշտ է եղել, որ ժամանակավորապես փոխարինի թիմի մարզիչներին: ՀՀ հավաքական գալուց առաջ ակումբի՝ ֆուտբոլի զարգացման բաժնի տնօրենն էր: Նա այնպիսի ներդրում է ունեցել անդալուզյան ակումբում ու այնպիսի անուն է ձեռք բերել, որ նրան մեծ շուքով «ճանապարհեցին» Հայաստան՝ ընդգծելով, որ կարող է հեռանալ ու վերադառնալ, երբ ցանկանա:

Անվանի մարզիչ ունենալու ցանկությունը ՀՀ-ում մեծ էր, միշտ էլ եղել է, սակայն սովորաբար հույսերը չեն արդարացվել: Վերջին տարիներին հաճախ է եղել, որ երկրպագուների ցանկությամբ՝ նրանց ճնշման տակ մարզիչներ հեռանան (օրինակ, Վարուժան Սուքիասյան) կամ գան (օրինակ, Վարդան Մինասնի 2-րդ անգամ նշանակվելը): ՀՖՖ-ն 9:1-ից հետո կարծես փորձեց սիրաշահել երկրպագուներին, հերթական անգամ նրանց «խաթրով» գնալ ու այս անգամ արդեն իրականացնել անվանի մասնագետ ունենալու երազանքը: Սակայն, եթե ՀՖՖ-ն մտածել է, որ, եթե ընդառաջ գնացել երկրպագուների ցանկությանը, ապա դա ազատելու է պատասխանատվությունը հնարավոր ձախողումից հետո եւ անհաջողության դեպքում կարողանալու է ասել. «Ճանաչված մասնագետ էիք ուզում, բերեցինք, տեսա՞ք, որ նա էլ չկարողացավ»,- ապա դժվար թե դա ընդունվի: Միեւնույն է՝ ողջ պատասխանատվությունը մնալու է ֆեդերացիայի ուսերին, այլ ոչ թե մարզադաշտում վանկարկողների կամ համացանցում մեկնաբանություններ գրողների:

Արդեն հիմա մի շարք բացասական կարծիքներ կան: Կարելի էր կարծել, որ այս նշանակումից հետո երկրպագուները դժգոհելու առիթ չեն ունենա կամ գոնե կսպասեն անհաջող որեւէ խաղի, չէ՞ որ Կապառոսը ՀՀ հավաքականի բոլոր ժամանակների թերեւս ամենաճանաչված, բարձրակարգ ու փորձառու մարզիչն է: Բայց արի ու տես, որ ֆուտբոլասերները չսպասեցին: Համացանցում անմիջապես հայտնվեցին մեկնաբանություններ, թե ծեր է, ոչ մի տիտղոս չի նվաճել, առողջական խնդիրներ ունի (քրոնիկ լեյկեմիա), թեեւ այս մասնագետն արդեն ցույց է տվել, որ առողջական խնդիրն իրեն չի խանգարել աշխատել, իսկ ինչ վերաբերում է տարիքին, ապա ֆուտբոլում սա սովորական է, ու բազմաթիվ են մոտավորապես այս կամ անգամ ավելի մեծ տարիքում ու ավելի բարձր մակարդակներում հաջողության հասած մասնագետները (օրինակ, Վիսենտե դել Բոսկե, Լուիս Արագոնես, Յուպ Հայնկես):

Կապառոսի պայմանագիրը ՀՖՖ-ի հետ ոչ ամբողջական 2 տարով է՝ մինչեւ 2021թ. նոյեմբերի 30-ը: Ըստ «Սեւիլիայի» պաշտոնական կայքի՝ նրա հիմնական առաջադրանքն է աշխարհի 2022թ. եզրափակիչ փուլ դուրս գալու համար պայքարելը: Ըստ ՀՖՖ փոխնախագահ Արմեն Նիկողոսյանի՝ առաջին հերթին պետք է հաղթել Ազգերի լիգայում ու այնպիսի թիմ ստեղծել, որ կկարողանա պայքարել խոշոր մրցաշարի ուղեգրի համար: Այս ամենի հետ մեկտեղ, սակայն, հավաքականի ու հայկական ֆուտբոլի խորքային խնդիրները դեռեւս չեն լուծվել, ու եթե անգամ մի պահ ենթադրենք, որ ՀՖՖ նախագահ Արմեն Մելիքբեկյանի անձնակազմը ֆուտբոլի զարգացման կատարյալ ծրագիր է ներդրել, այսքան կարճ ժամանակում դա արդյունք չէր էլ տալու: Կապառոսը գրեթե նույն ռեսուրսներն է ունենալու ձեռքի տակ, ինչ հավաքականի նախորդ մարզիչները՝ տարբերությամբ, որ այն բանից հետո, ինչ Ռուսաստանում որոշում է կայացվել, որ հայազգի ֆուտբոլիստներն այլեւս լեգեոներ չեն համարվելու, նրա ընտրության հնարավորությունը մի փոքր կավելանա:

Աշխարհի առաջնության մասին դեռ վաղ է խոսել, սակայն Ազգերի լիգան հնարավոր է հաղթել: C դիվիզիոնի 2-րդ խումբը բավական հարմար է: Էստոնիա, Մակեդոնիա, Վրաստան. թեեւ այս թիմերը միայն հաղթանակի համար են դուրս գալու խաղադաշտ, սակայն այնպիսի մրցակիցներ չեն, որ ավելորդ լարվածության պատճառ դառնան: Կապառոսի համար էլ կարող է լրացուցիչ մոտիվացիա լինել այն, որ ազգային հավաքական գլխավորելու առաջին փորձն է ու հաջողությունը կարող է բարձրացնել իր վարկանիշը:

Ինչպես երեւում է հայկական ֆուտբոլում Մելենդեսի ներկայությունից ու Կապառոսի գալուց, որի նշանակման պատճառներից մեկը, ըստ Նիկողոսյանի այն է, որ աշխատանքի մեթոդները համապատասխանում են ՀՀ-ում ներդրված ծրագրին, ՀՖՖ-ն գնում է ֆուտբոլի զարգացման իսպանական մոդելի ադապտացման ուղիով: Եվ անկախ նրանից, թե Կապառոսը որքանով կկատարի իր առջեւ դրված առաջադրանքները, նա իր մեծ փորձը կփոխանցի հայկական ֆուտբոլին ու կարող է նպաստել այդ մոդելի ամրապնդմանը:

Տեսանյութը՝ ՖԱՖ-ի ֆեյսբուքյան էջից

Տպել
802 դիտում

3 տարեկան Մարիամը հաղթահարել է COVID ասոցացված կավասակիանման հիվանդությունը

Ազգային ժողովի ինքնալուծարման ճանապարհ ստեղծելու հարցում «Իմ քայլին» եւս 5 ձայն է պետք. Բաբաջանյանը կաջակցի, եթե ...

Ազգային ժողովը սկսում է թվային խորհրդարանի ստեղծման աշխատանքները

Սուրբ Գրիգոր Լուսավորիչ բուժկենտրոնի վերակենդանացման նոր բաժանմունքն արդեն գործում է

Կայացել է «Բնակչության պաշտպանության ուժեղացումը Հայաստանում» ԵՄ Թվինինգ ծրագրի համատեղ կոորդինացիոն հանդիպումը

Հանդիպել են Սերգեյ Կոպիրկինն ու ԲՀԿ առաջնորդ Գագիկ Ծառուկյանը

Զարիֆը վաղը կհանդիպի ՀՀ ղեկավարության հետ. ինչ է քննարկվել ավելի վաղ Բաքվում ու այսօր Մոսկվայում

Ակնկալում ենք, որ ԱԹՍ-ների տեղական արտադրություն կստեղծվի եւ տարեկան 1700-ից ավելի մասնագետ կունենանք․ Քասսարջյան

Այս տարի սիրո բարեխոս Սուրբ Սարգսի տոնը կնշվի հունվարի 30-ին

Կառավարությունն առաջարկում է Ազգային ժողովի արտահերթ նիստ հրավիրել

Արմեն Ղուլարյանը կնշանակվի քաղաքաշինության կոմիտեի նախագահ

ՀՀ տարածքում կան փակ և դժվարանցանելի ավտոճանապարհներ

Հրազդանի բնակիչը զենք-զինամթերքը է կամավոր հանձնել. նշանակվել են փորձաքննություններ (տեսանյութ)

Մեկնարկել են 2021 թվականի գյուղատնտեսական տարվա համար ապահովագրական պայմանագրերի կնքման աշխատանքները

ԱԱՏՄ աշխատակիցների հանդիպել են Կենտրոն և Դավթաշեն վարչական շրջանների մանկապարտեզների ու դպրոցների պատասխանատուների հետ

ԱՄՆ իրավապահների պատվիրակությունն այցելել է ՀՀ ոստիկանություն

Շուշիի պետական թատրոնի տնօրենն ու պրոդյուսերը աշխատանքի են անցել Գյումրու տիկնիկային թատրոնում

Ռազմիկ Գրիգորյանը նշանակվել է Հայաստանի Մ19 հավաքականի գլխավոր մարզիչ

Հայաստանի հավաքականի նախկին ֆուտբոլիստը կարող է դատի տալ ռուսաստանցի ֆուտբոլային գործչին

Վարդենյաց լեռնանցքը կցորդիչով տրանսպորտային միջոցների համար դժվարանցանելի է

Մհեր Գրիգորյանը Բելառուսի դեսպանի հետ քննարկել է երկկողմ հարաբերությունների խորացմանն առնչվող հարցեր

Շիրակի ոստիկաններն առանձնապես խոշոր չափի մարիխուանա են հայտնաբերել(տեսանյութ)

Ծովինար Սողոմոնյանը նշանակվել է վարչապետի աշխատակազմի ղեկավարի առաջին տեղակալ

Սեղմ ժամկետում պետք է փաստաթղթերը ներկայացնել Զինծառայողների ապահովագրության հիմնադրամ. ԱՀ ՊՆ

Հավաք-պարապմունք է անցկացվել 5-րդ զորամիավորումում

Օկուպացիայի տակ հայտնված տարածքներում հայկական մշակութային ժառանգության ամբողջական ոչնչացման իրական սպառնալիք կա. ԱՀ ԱԳՆ

Կառավարություն ներխուժած անձինք հափշտակել են նաև վարչապետի դիվանագիտական անձնագիրը. այն չեղարկվել է. «Արմենպրես»

Վարչապետ Նիկոլ Փաշինյանն ընդունել է «իԳործ» ծրագրի մասնակիցներին (լուսանկարներ)

Մանե Գեւորգյանը պատրաստվում է բողոքարկել Գագիկ Խաչատրյանի եւ նրա որդիների գործով դատարանի վճիռը

Իրանի հետ քննարկվում է Հյուսիս-հարավ միջազգային տրանսպորտային միջանցքի ձևավորման գործընթացը. ԱԳՆ

Բանակում գտնվող ուսանող զինծառայողները, եթե մասնակցել են մարտական գործողություններին, աջակցության ծրագրի շահառու են

Անպտղության բուժման արդյունքում լույս աշխարհ է եկել 49 երեխա․ ԱՆ

Վաղարշակ Հարությունյանը կարևորել է հայ-ռուսական ռազմական համագործակցության խորացման անհրաժեշտությունը (լուսանկարներ)

Արմեն Սարգսյանը շնորհավորել է Մարսելո Ռեբելո Դե Սոուսային՝ Պորտուգալիայի նախագահի պաշտոնում վերընտրվելու առթիվ

Երևանի շենքերից մեկի վրա նոր շինություն է խոյացել․ թաղապետարանը ապամոնտաժելու մասին հայտնեց, բայց լուսամուտ էլ հայտնվեց

Քանի դեռ քրեական գործը չի հանգուցալուծվել, մենք չենք կարող որեւէ դիտարկում անել․ նախարարը՝ Ամուլսարի խնդրի մասին

Արցախին հումանիտար օգնության որոշակի հատված կտրամադրվի Ռուս-հայկական մարդասիրական արձագանքման կենտրոնի միջոցով

Հրետանավորներն գործնական պարապմունք են անցկացրել

Խոսրովի արգելոցում մի քանի երթուղիներով արշավային տուրիզմի ծրագրեր են մշակվել․ նախարար

Բուհերում առկա դասապրոցեսը կվերսկսվի․ Տնտեսագիտականում մագիստրատուրայի ուսանողները դասի կհաճախեն երեկոյան ժամը 6-ից հետո