«Լիդիան Արմենիա»-ի աշխատակիցները դիմել են դատարան՝ ընդդեմ կառավարության. սպառնում են հասնել մինչեւ ՄԻԵԴ

Ամուլսարի հանքը փակված է արդեն երկու տարի, եւ աշխատակիցները չեն կարողանում մուտք գործել իրենց աշխատավայր, ոմանք էլ արդեն դիմել են դատարան: Այս մասին այսօր հրավիրված ասուլիսում նշեց «Լիդիան Արմենիա» ընկերության ներկայացուցիչ Լիանա Հովսեփյանը:

«Մոտ 300 աշխատողից այսօր մնացել է 15-20 աշխատող: Տարբեր ստուգումներ են կատարվել, որ մեր իրավունքները վերականգնվեն, կարողանանք աշխատել, սակայն ոչ մի լուծում մինչ այս պահը չի տրվել: Կառավարությունն ի վիճակի չէ որեւէ լուծում տալ այս հարցին: Տեսնելով, որ կառավարությունը չի աջակցում մեզ, կորցնելով մեր վերջին հավատը կառավարության եւ վարչապետի հանդեպ՝ նախորդ շաբաթ մի խումբ աշխատակիցներով ստիպված ենք եղել դատական հայցով դիմել դատարան: Հայցի պահանջն է վերականգնել մեր իրավունքները եւ ճանաչել ոչ իրավական ոստիկանության գործողությունները»,- նշեց նա:

Ըստ նրա՝ մտադիր են պահանջել կառավարությունից փոխհատուցել բոլոր այն ֆինանսական, հոգեբանական վնասների համար, որ ընկերության աշխատակիցները կրել են երկու տարվա ընթացքում: «Ի դեպ, պահանջելու ենք ոչ միայն այն 2 տարիների համար, որ չենք աշխատել, այլեւ այն տարիների համար, որ պետք է աշխատեինք: Պլանավորված էր, որ հանքը 10-15 տարի պետք է աշխատի: Մենք գնալու ենք մինչեւ վերջ՝ գնալու ենք մինչեւ Մարդու իրավունքների եվրոպական դատարան եւ պահանջելու ենք փոխհատուցում մեր բոլոր վնասների համար: Ունենք աշխատակիցներ, որ կորցրել են աշխատանքը, գտնվում են շատ ծանր ֆինանսական վիճակում: Հացի խնդիր ունենալով՝ այստեղ չեն կարողանում աշխատանք գտնել»,- ընդգծեց Հովսեփյանը:

Նա տեղեկացրեց, որ թեպետ այս պահին դատարան է դիմել մոտ 30 մարդ, սակայն այդ թիվն աճելու է՝ հասնելով 300-ի. «Աշխատողների միջին աշխատավարձը կազմել է մոտ 600 հազար դրամ: Եթե բոլոր աշխատողները դիմեն եւ պահանջեն իրենց վնասները, իրենց կորցրած աշխատավարձը, պատկերացրեք՝ ինչ է կատարվելու: Դրանք մեծ գումարներ են: Կառավարությունից մեզ խոստացել էին, որ կբացեն, համբերեք, ձեզ կաջակցենք, բայց մինչ օրս կառավարությունից որեւէ մեկը չի աջակցել. միայն խոստումներ: Մենք կորցրել ենք մեր հավատը եւ ստիպված ենք դիմել այսպիսի քայլի»:

Երեւանի բնակիչ Արթուր Ստեփանյանը նշեց, որ ինքն էլ միացել է հայցին եւ ասաց, որ երկար տարիներ աշխատել է «Լիդիան Արմենիա»-ում՝ որպես ղեկավար: «Տարբեր ժամանակներ ունեցել ենք մոտ 50 աշխատող տարբեր համայնքներից՝ Գնդեվազից, Սարավանից, Գորայքից»,- ասաց նա: Նրա խոսքով՝ այս պահին այս համայնքներից արտագաղթում են, քանի որ գումար վաստակելու հնարավորություն չեն տեսնում: «Հարյուրավոր աշխատակիցներ՝ իմ գործընկերները եւ համայնքների բնակիչները, սպասում էին, որ կառավարությունը մի լուծում կտա: Բայց դեռ ոչ մի բան չենք տեսել: Եթե կառավարությունն ի վիճակի չի մեր քաղաքացիների իրավունքները պաշտպանելու, մենք գնալու ենք մինչեւ Եվրոպական դատարան, պահանջելու մեր ընտանիքների, մեր երեխաների, խլված իրավունքները»:

Գորայք համայնքի նախկին ղեկավար Առուստամ Առուստամյանը նշեց, որ եթե Ամուլսարը մինչեւ մայիս չշահագործվի, տնտեսական առումով համայնքները խիստ բյուջետային կորուստներ կունենան: «Մինչեւ 2018 թվականի մարտի 1-ը ես ղեկավարել եմ Գորայքը, եւ հիմնական աշխատանքները կատարվել են «Լիդիան Արմենիա»-ի կողմից տրված հողի վարձավճարներով: Մենք կարողանում էինք չորս բնակավայրերը՝ Գորայք, Ծղուկ, Սառնակունք, Սպանդարյան, բերել այն կարգավիճակին, որ ցանկալի լինի ժողովրդի համար»,- ասաց նա: Ըստ նրա՝ այսօր հրատապ է հարցի լուծումը՝ ի շահ թե՛ բնակավայրի, թե՛ բնակիչների եւ թե՛ պետության:

Հիշեցնենք, որ Զանգեզուրի լեռնաշղթայի հյուսիսային հատվածում՝ Սյունիքի եւ Վայոց ձորի մարզերի սահմանագծին է գտնվում Ամուլսար լեռնագագաթը (բարձրությունը 2987 մետր)։ Այն՝ որպես ոսկու հանքավայր շահագործելու՝ «Լիդիան Արմենիա» ընկերության լիցենզիայի օրինականությունը վիճարկում են բնապահպանները: Նրանք նշում են, որ սարը, ունենալով բարձր դիրք շրջակա բնակավայրերի նկատմամբ, ջրային թափոններով միջավայրն աղտոտելու իրական վտանգ է ներկայացնում: Բնապահպանները փաստարկներ են ներկայացնում, որ բաց հանքի շահագործումը ուժեղ քամիների ազդեցությամբ կաղտոտի նաեւ օդը՝ ըստ էության զրկելով Ջերմուկ քաղաքը մաքուր օդ ու ջրից, որպես առողջարանային քաղաք վաստակելու հնարավորությունից: Նրանք փակ են պահում դեպի հանքավայր տանող ճանապարհները: Վարչապետ Նիկոլ Փաշինյանը անկախ փորձագիտական «Էլարդ» ընկերությանն էր հանձնարարել փորձագիտական ուսումնասիրություն կատարել՝ պարզելու Ամուլսարի շահագործման անվտանգության աստիճանը: Հետազոտության ավարտին ուղիղ եթեր-տեսակապի ժամանակ «Էլարդ»-ի մասնագետները հայտարարել էին, որ «Լիդիան»-ը չի տրամադրել այն բոլոր տվյալները, որ անհրաժեշտ էին՝ փաստելու այս ընկերության կողմից հանքավայրի շահագործման անվտանգությունը:

Տպել
1172 դիտում

Կապանում ձերբակալվածներին տեղափոխում են Երեւան, գործով ԱԱԾ-ն է զբաղվելու. ցուցարարները ցրվում են (տեսանյութ)

Քաջարանի քաղաքապետը հանդիպել է ձերբակալվածներին. պնդում է՝ բոլորին բռնության են ենթարկել (տեսանյութ)

Այս պահին ունենք 230 ծանր և 52 ծայրահեղ ծանր պացիենտ. Արսեն Թորոսյան

Նախկինների հանցավոր մնացորդները նոր ու զզվելի՝ իրենց վերջին խաղն են սկսել մաֆիայի վերադարձի համար. նախկին ՄԻՊ

Կապանում իրավիճակը շարունակում է լարված մնալ. քաղաքացիների պահանջով ժամանել է մարզպետ Հունան Պողոսյանը (տեսանյութ)

Կրիմինալի ու կոռուպցիայի հետ կոմպրոմիս չի լինելու. լինելու է չոր հակազդեցություն. Նիկոլ Փաշինյան

Կանոնները չպահպանող սրճարանները, ռեստորանները, վարսավիրանոցները խստագույնս փակվելու են. վարչապետ (տեսանյութ)

2 հեկտարով ընդլայնվում է «Արփի լիճ» ազգային պարկի անտառածածկը. մինչ տարեվերջ 3000 տնկի կավելանա տարածքում (լուսանկարներ)

Այսուհետ ցանկացած մեքենայում 1 անձից ավելի լինելու դեպքում բոլորը պարտադիր պետք է լինեն դիմակով. վարչապետ (տեսանյութ)

Դատապարտում ենք Քաջարան համայնքի բնակիչների նկատմամբ կիրառված ապօրինությունները. Քաջարանի ավագանու հայտարարությունը

Իրավիճակն իսկապես լրջանում է

61 տարեկանում մահացել է դերասանուհի Կարինե Բուռնազյանը

«Հին Գյումրի»-ն ներկայացված է նամականիշների «Եվրոպա» ամենամյա մրցույթին

Գեղարքունիքի մարզում կորոնավիրուսային հիվանդության 35 նոր դեպք կա եւ 26 ապաքինված. Գնել Սանոսյան

Որոշ պետական այրերի կոկորդին կարծես խեղդող փաստ է իմ ժողովրդական հեղինակությունն ու չեզոքությունը. Քաջարանի համայնքապետ

Այսօր ու վաղը ՀՀ զգալի մասում սպասվում է անձրեւ, առանձին վայրերում՝ կարկուտ. կցրտի 8-10 աստիճանով

«Ոստիկանը մերն է». Կապանի ոստիկանական բաժանմունքի դիմաց վանկարկումները շարունակվում են (տեսանյութ)

ՄԻՊ-ը զբաղվում է Քաջարանի բնակիչների ահազանգած բռնության դեպքերով. եւս մեկ անձ է բերման ենթարկվել Երեւանում

Լարված իրավիճակ ու բողոք Կապանում. ոստիկանությունում ծառայողական քննություն է նշանակվել

Արաբկիրում Պուրակը պատնեշած շուրջ 30 կրպակ է ապամոնտաժվում. Երեւանի քաղաքապետարան