«Սեւիլիան» իմ տունն է, սակայն պահեստայինների նստարանն իմ կյանքն է. Կապառոսը՝ ՀՀ ընտրանին գլխավորելու մասին

Իսպանական «Սեւիլիա» ֆուտբոլային ակումբի պաշտոնական կայքը եւ երկրի առաջատար լրատվամիջոցներն արդեն գրում է մարզիչ Խոակին Կապառոսի նոր աշխատանքի մասին: Հայտնի մասնագետն ստանձնել է Հայաստանի ֆուտբոլի ազգային հավաքականի ղեկը: Կապառոսը, որը մինչեւ այժմ զբաղեցնում էր «Սեւիլիայի» զարգացման տնօրենի պաշտոնը, առաջին հարցազրույց է տվել նշանակումից հետո: Նա ակումբի պաշտոնական կայքին պատմել է նոր աշխատանքի առաջարկի եւ իր առջեւ դրված առաջադրանքների մասին:

««Սեւիլիան» իմ տունն է, սակայն պահեստայինների նստարանն իմ կյանքն է: Հետաքրքիր առաջարկ ստացա Հայաստանի ֆուտբոլի ֆեդերացիայի տեխնիկական տնօրեն Խինես Մելենդեսից, եւ իմ մեջ արթնացավ խաղադաշտ վերադառնալու ցանկությունը: Շատ բարդ, հասուն որոշում էր, որը գալիս է իմ մասնագիտության նկատմամբ եղած կրքից: Առաջարկն ստանալուց հետո տեղեկացրի ակումբին, եւ իմ առաջ ոչ մի խոչընդոտ չդրեցին, ճիշտ հակառակը, ինչի համար շատ շնորհակալ եմ»,- ասել է նա՝ ավելացնելով, որ իր նպատակը ՀՀ հավաքականի հետ լինելու է աշխարհի 2022թ. առաջնության ուղեգիր նվաճելը:

«Սեւիլիայի» նախագահ Խոսե Կաստրոն շնորհակալություն է հայտնել Կապառոսին իր կատարած աշխատանքի ու ներդրման համար: Ըստ նրա՝ Կապառոսը ցույց է տվել իր նվիրվածությունն ակումբին: Ընդգծել է, որ ակումբի դռները միշտ բաց են նրա առաջ:

«Կապառոսն ապացուցել է իր նվիրվածությունն ակումբին եւ այն, որ պրոֆեսիոնալ է մեծատառով: Առանց հապաղելու վերադարձավ ակումբ մեզ համար շատ բարդ ժամանակահատվածում եւ վերջին 2 տարիների ընթացքում մեզ օգնեց դուրս գալ Եվրոպա: Խոակինը ռեկորդակիր է «Սեւիլիայում» հանդիպումների քանակով, իսկական լեգենդ է, եւ լեգենդներին պետք է հարգել: Նրան մաղթում ենք աշխարհի ողջ հաջողությունն իր կյանքի այս նոր փուլում, եւ իհարկե նրա տան՝ նրա «Սեւիլիայի» դռները բաց կլինեն նրա առաջ ցանկացած պահի, երբ ուզենա վերադառնալ: Նա այն մարդկանցից է, որոնք ունեն ակումբի բանալիներն ինչպես ներս մտնելու, այնպես էլ դուրս գալու համար»,- ասել է Կաստրոն:

Կապառոսի 2-րդ փուլը «Սեւիլիայում» սկսվել է 2018թ., երբ նա գլխավոր մարզչի պաշտոնում փոխարինել է Վինչենցո Մոնտելային եւ թիմին Եվրոպա լիգա դուրս բերել: 2018-19 մրցաշրջանն սկսել է որպես տնօրեն, սակայն նորից գլխավորել է թիմը եւ պահպանել տեղը եվրագավաթներում:

Կապառոսը 510 հանդիպում է անցկացրել Իսպանիայի առաջնությունում՝ Լա լիգայում, որպես գլխավոր մարզիչ՝ դրանցից 167-ը «Սեւիլիայում»: «Սեւիլիայի» գլխավոր մարզչի պաշտոնում ամենաշատ հանդիպումներն անցկացրած մասնագետն է: Նաեւ թիմի ղեկին ամենաշատ հաղթանակները տարած մարզիչներից է (111):

Այսօր նա հրաժեշտ է տալու ակումբի աշխատակիցներին: Կապառոսին նվիրված հրապարակմանը կից ակումբը տեղադրել է լուսանկար, որի վրա գրված է. «Շնորհակալություն, Խոակի՛ն»: Կապառոսի պայմանագիրը ՀՖՖ-ի հետ նախատեսված է մինչեւ 2021թ. նոյեմբերի 30-ը:

Տպել
863 դիտում

Վերջին 1 ժամում Նորքի հիվանդանոցում կորոնավիրուսից 2 մահվան դեպք է արձանագրվել. նախարար

Ժամը 21:00-ի դրությամբ Հայաստանում հաստատված է կորոնավիրուսի 407 դեպք

Երևանում հարբած վարորդը մարմնական վնասվածք է պատճառել ոստիկանին. տղամարդը ձերբակալվել է

ՌԴ նոր սահմանափակումների որոշումը Հայաստանի վրա չի ազդի. Նիկոլ Փաշինյան

Ժամը 19:30-ի դրությամբ թոքաբորբով 13 պացիենտ է գտնվում ինֆեկցիոն հիվանդանոցի ինտենսիվ թերապիայի բաժանմունքում

Գյուրջյան փողոցում ծառը վնասվել է. առկա է եղել ընկնելու վտանգ

«Սոցիալական շտապօգնություն». Գյումրիում պարենի ծանրոցներ կստանան ստեղծված իրավիճակում օրվա հացից զրկված ընտանիքները

Մայր Աթոռ Սուրբ Էջմիածնում Հանրապետական մաղթանք է կատարվում. դուրս է բերվել Սուրբ Գրիգոր Լուսավորչի Աջը (ուղիղ)

Պարետի որոշմամբ՝ վեց ժամով արգելվել է սուպերմարկետների մի շարք խոշոր ցանցերի որոշ մասնաճյուղերի գործունեությունը

Մոտ կես միլիոն դրամի հագուստի գողության դեպքը բացահայտվել է. (տեսանյութ)

Նուբար Աֆեյանը գարնանը կորոնավիրուսի պատվաստանյութի փորձարկումից արդյունք ստանալու հույս հայտնեց

Ոստիկանները վարդերի փնջերը ձեռքերին գողերի են բռնել

Մարտի 28-ի ժամը 15-ի դրությամբ ոստիկանությունը 361 արձանագրություն է կազմել

Ալաշկերտում «ԳԱԶ-3110» մակնիշի ավտոմեքենա է այրվել

Վաղն Արցախում ըտրարշավի վերջին օրն է. Արմեն Սարգսյանը հեռախոսազրույց է ունեցել Բակո Սահակյանի հետ

ԱԻՆ-ը վարակազերծման միջոցառումներ է իրականացրել հանրապետության 666 հանրային վայրերում (տեսանյութ)

Հայ խաղաղապահները ներկայացնում են զորախմբերի ներկա վիճակն ու կորոնավիրուսի հետ կապված առկա տվյալները (ուղիղ)

Ոստիկանությունը փողոցում ոչ թե դիմակ ու ձեռնոց է պահանջում, այլ՝ անձնագիր ու տեղաշարժման թերթիկ

ՃՏՊ Մարգարա-Վանաձոր ավտոճանապարհին. կա տուժած

«COVID-19. առերեսվելով համաշխարհային վախին». առցանց քննարկմանը նաեւ Արսեն Թորոսյանն է մասնակցում (ուղիղ)