Երևան
27 °C
Քաղաք Գյումրի, Պռոշյան 14. սա այն հասցեն է, որտեղ երեկ ծեծի հետեւանքով մահացել է 42-ամյա Մարինեն, իսկ կնոջ դուստրը՝ 12-ամյա Նազելին, սկզբում՝ Գյումրիում, հիմա արդեն Երեւանում կենաց ու մահու կռիվ է տալիս:
Տարածքում քար լռություն է, հարեւանների դռները՝ կողպված: Երկու բաց դարպաս կար ընդամենը՝ դեպքի վայր հանդիսացող տանն ու կողքի հարեւանինը:
Մարինեի տան բակում ամեն ինչ խառն է, տոպրակներով հավաքված վառելիք՝ գրքեր եւ ստվարաթուղթ, ծառի ճյուղեր, եղեւնու մնացորդներ: Տան պատուհանից երեւում էր, որ ներսում էլ է ամեն բան խառը. անկողին, կենցաղային տարբեր առարկաներ ու հագուստներ են իրար վրա լցված: Տանը մարդ չկար: Դրսի լույսը, սակայն, վառվում էր:
Ովքե՞ր են Պռոշյան 14 հասցեի բնակիչները:
Այս հարցի պատասխանը գտնելու համար ժամեր պահանջվեց: Հարեւանները լուռ էին քարի պես: Նույն լռությունն էր նաեւ տարիներ առաջ, երբ սպանվել էին գյումրեցի Ավետիսյանները: Նույնն էր նաեւ հարեւանների պատասխանը. «Մենք բանից խաբար չենք, ո՛չ լսել ենք, ո՛չ էլ տեսել ենք»: Այս դեպքում նաեւ մեկ նախադասություն էր ավելացել: Տարիներով իրար կողք կողքի ապրած մարդիկ ասում էին, թե մահացած կնոջն ընդհանրապես չեն էլ ճանաչում:
Երկար փնտրտուքից հետո հնարավոր եղավ գտնել մարդկանց, որոնք ի վերջո համաձայնեցին բանավոր պատմել, թե ովքեր էին Պռոշյան 14 հասցեի բնակիչները:
28-ամյա տղամարդը, որը երեկ հանցագործությունը կատարելու կասկածանքով ձերբակալվել է, ապրել է Մարինեի եւ նրա դստեր՝ անչափահաս Նազելիի հետ: Մարինեն նաեւ որդի ուներ: Տղան, սակայն, ապրում է հորաքույրներից մեկի հետ, արդեն բանակի տղա է»,- ասաց հարեւաններից մեկը: Հորաքույրները շատ են խնդրել, որ աղջիկն էլ տնից տեղափոխվի: Երեխան չի համաձայնել:
Ըստ մեր զրուցակիցների՝ կինն էլ, երեխան էլ մշտապես դեմքերի վրա կապտուկներ են ունեցել: Մարինեն իր կապտուկների համար ասել է, թե ճնշման տատանումներ է ունենում, ընկնում է պարբերաբար, ինչի հետեւանքով էլ կապտուկներ են առաջանում:
Ի՞նչ առօրյա են ունեցել Պռոշյան 14 հասցեի բնակիչներ վերջին մեկ-երկու տարում: Հարեւանները բազմանշանակ հայացքներով լռում են՝ մեջբերելով, սակայն, մեկ դեպք: «Քանիմ վախտ առաջ էդ տղուն, համարյա մերկ, մե շալվարմ էր մենակ հագը, ըստեղ մայլի մեջը քաշին, շան ծեծ տվին: Թե ինչ էր էրել, ով էին, չհասկցանք: Հա էլ էդ էր, անընդհատ սաղի հետ կռիվ կեներ»:
Տղամարդը, որն այս պահին ձերբակալված է, խոստովանել է, որ երեկ ինքն է ծեծել 42-ամյա կնոջը եւ նրա անչափահաս դստերը, նույն թաղի մեկ այլ փողոցի բնակիչ է:
Մարինեն ամառը դաշտերում էր աշխատում: Վստահ չէին, բայց զրույցի ժամանակ նշեցին, թե նոյեմբերից քաղաքի տարբեր խանութներում հավաքարար էր աշխատում:
Դեպքի մասին շտապօգնություն հենց այդ 28-ամյա տղայի մայրն է զանգել: Կանչը գրանցվել է ոչ թե երեխայի, այլ 42-ամյա կնոջ համար: «Էդ ծեծից հետո զանգել, մորն է կանչել, էն էլ եկել, զանգել է, էլի»:
Մարինեի աղջիկը՝ Նազելին, որը եւս ծեծվել էր երեկ, այս պահին գտնվում է «Սուրբ Աստվածամայր» ԲԿ-ի վերակենդանացման բաժանմունքում: Վիճակը գնահատվում է ծայրահեղ ծանր:
Աշխույժ, ժիր երեխա է, բոլորի հետ դրսում խաղում, ընկերություն է անում: Սա՝ ըստ հարեւանների:
Պարտաճանաչ աշակերտուհի, հազվադեպ բացակայություններ ունեցող, միջինից բարձր առաջադիմություն ունեցող, մշտապես տնային հանձնարարությունները կատարող, կոկիկ հագ ու կապով, լավ վարքով երեխա: Սա էլ՝ ըստ Օյումջյան դպրոցի, որի սանն է աղջիկը: Դպրոցի տնօրեն Հասմիկ Անդրիասյանը ՀԺ-ի հետ զրույցում ասաց՝ Նազելին երբեք կապտուկներով դպրոց չի եկել, չունի բացակայություններ: Անցյալ կիսամյակում ընդամենը մեկ բացակայություն է ունեցել, որի համար մատյանում առկա է համապատասխան բժշկական փաստաթուղթ: «Օր չի եղել, որ դասին պատրաստ չլինի, երբեք տխուր կամ մեկուսացված չի եղել, մշտապես ընկերություն է արել դասարանի գերազանցիկների հետ: Դասամիջոցներին բոլոր երեխաների նման վազում էր բուֆետ»:
Մայրը գալի՞ս էր ծնողական ժողովներին՝ ՀԺ-ի հարցին՝ տնօրենն ասաց՝ պարտադիր: Բացի դրանից, նա ամեն օր աղջկան դպրոց էր բերում: «Դասղեկն իրենց մոտ է ապրում: Հաճախ է եղել, որ ճանապարհին հանդիպել է երեխային ու մորը, միասին եկել են մինչեւ կանգառ, հետո այդ մի քանի քայլը դասղեկն ու Նազելին եկել, հասել են դպրոց, մայրն իր երթուղայինը նստել, գնացել է իր աշխատանքին,- պատմեց տնօրենը:
Ինչու՞ մայրն ու դուստրը ենթարկվեցին բռնության, եւ ինչո՞վ է նրանց հարվածել տղամարդը: ՇՄ դատախազ Կարեն Գաբրիելյանը ՀԺ-ի հետ զրույցում ասաց՝ մորն էլ, երեխային էլ հարվածները հասցրել է ձեռքերով: Վարկածներից մեկն այն է, որ վիճաբանությունը ծագել է խանդի հողի վրա: Երեխան էլ խառնվել է վեճին, ինչի հետեւանքով նաեւ երեխային է ծեծել:
Դեպքի պահին տղամարդն ալկոհոլի ազդեցության տակ գտնվել է, թե ոչ, առհասարակ՝ ինչ վիճակում է եղել, դեռ հստակ չէ: Ըստ դատախազի՝ միջոցներ են ձեռնարկվել անհրաժեշտ նմուշներ վերցնելու ուղղությամբ: Իր մեղքը խոստովանած 28-ամյա երիտասարդը նախկինում մի քանի անգամ դատապարտված է եղել: Վերջին անգամ դատապարտվել է խուլիգանության համար,- ասաց ՇՄ դատախազը:
Լուսանկարում Պռոշյան փողոցի 14-րդ տունն է, որտեղ կատարվել է դեպքը
Լուսանկարում ծեծի ենթարկված աղջկա՝ Նազելիի տետրերն են
Բեռլինում կայացել է Շոլց-Ալիև հանդիպումը
Աննա Հակոբյանը լուսանկարներ է հրապարակել Գյումրի կատարած այցից
Ռուսաստանը նամակ է ուղարկել Հայաստան. այն հասել է Ալեն Սիմոնյանին
ՆԱՏՕ-ից Ուկրաինային տրամադրված և ՌԴ-ի կողմից գրավված տեխնիկան բերվել է ցուցադրության (լուսանկարներ, տեսանյութ)
Շուրջ երկու տասնյակ ավտոմեքենա է տեղափոխվել տուգանային հրապարակ. վարորդները պատասխանատվության կենթարկվեն
Ապագայի շատ կոնկրետ նախագիծ է դրվում սեղանին, Հայաստանի լինելիության հարցն է լուծվում. վարչապետ (տեսանյութ)
Դիլիջանում կին վարորդը «Տոյոտա»-ով բախվել է կայանված «Մերսեդես»-ին, այնուհետ՝ գլխիվայր շրջվել
Փոխվարչապետն ու ՎԶԵԲ տարածաշրջանային տնօրենը կարևորել են Երևանում եվրոպական բանկի տարեկան հանդիպման կազմակերպումը
Բագրատ սրբազանն օգտագործում է նույն խոսույթը, ինչ ՀԱՊԿ-ը, որն իրականում աղետ է Հայաստանի համար. Տարոն Չախոյան
ՀՀ-ն իր էներգառեսուրսը պետք է գնի այնտեղից, որտեղ ամենաէժանն է ու շահավետը. Թունյանը՝ Ադրբեջանից գազ գնելու մասին
Մի քանի օրից կարճատև տեղումները կվերադառնան Երևանում ու մարզերում
ՀՀ ֆինանսների նախարարն ու ԵՄ դեսպան Մարագոսը քննարկել են բռնի տեղահանված անձանց խնդիրները
Երևան-Էջմիածին ճանապարհի երթևեկությունը վերականգնվել է. ՆԳՆ-ն հայտնել է՝ ինչ վիճակ է մայրաքաղաքի փողոցներում
Մեծ Բրիտանիայի քրիստոնյա առաջնորդները կառավարությանը կոչ են արել ճանաչել Հայոց ցեղասպանությունը
ԼՂ-ի հայկական ներկայության բոլոր հետքերը ջնջելն Ալիևի վարչակարգի նախագիծն է․ Պետել
Մարմնամարզության երիտասարդների ԵԱ. Համլետ Մանուկյանն ու Մամիկոն Խաչատրյանը եզրափակչում են
Հաստատվել է ՄԻԵԴ-ի դատավորի պաշտոնում Հայաստանի թեկնածուների ցանկը
Ալիևը Գերմանիայում է. ինչ են քննարկելու Ադրբեջանի նախագահն ու Գերմանիայի կանցլերը
Եղբայրները հարվածել են Կառավարության դռանը, ջարդելով, գույքը վնասելով՝ ներխուժել շենք. նախաքննությունն ավարտվել է
Օտարերկրացի երիտասարդի մոտ թմրամիջոց է հայտնաբերվել. վերջինս ձերբակալվել է (տեսանյութ)
Բելառուսը հրապարակել է ռազմական դոկտրին, համաձայն որի՝ ագրեսիայի դեպքում օգնություն կցուցաբերի ՀԱՊԿ անդամներին
Բռնցքամարտի Եվրոպայի առաջնությունում Հայաստանը եզրափակչի 2 մասնակից կունենա
Երևանում ապամոնտաժվել է շուրջ 10.500 ինքնակամ գովազդ (տեսանյութ)
ԼՂ-ում տեղակայված թուրք-ռուսական համատեղ մշտադիտարկման կենտրոնը դադարեցրել է իր գործունեությունը
Երևանում փակ փողոցներ չկան․ ՆԳՆ ոստիկանություն
Ծեծկռտուք Երևանի դպրոցներից մեկում․ 14-ամյա տղաները ծեծել են համադասարանցուն, վերջինս տեղափոխվել է հիվանդանոց
Ինչպես օտարերկրյա քաղաքացիները պետք է մուտք գործեն «Ֆիզիկական անձանց էլեկտրոնային ծառայությունների միասնական համակարգ»
Նավուրի ճանապարհին իրականացվելու են հորատապայթեցման աշխատանքներ
Հայաստանում նոր ԱԷԿ-ի կառուցման հետազոտություններին ներգրավված են նաև ամերիկյան կազմակերպություններ. ՏԿԵ փոխնախարար
Երևանը դիտարկում է Հայաստանի ու Ադրբեջանի ԱԳ նախարարների հանդիպում կազմակերպելու Ղազախստանի առաջարկը. ԱԳՆ
Ոստիկանություն դիմած ռուս կանայք հայտնել են, թե «Հաղթանակ» զբոսայգու սեփականատերը հարվածել է իրենցից մեկին, թքել դեմքին
Վանաձորի նախկին քաղաքապետը կշարունակի մնալ կալանքի տակ
Պուտինը վերընտրվելուց հետո առաջին պաշտոնական այցը կկատարի. նա նշել է՝ որ երկիր է մեկնելու
Կոնվերս Բանկը միացել է Career City Fest-ին
Արաբական երկրները մերժել են Գազայի հարցով Թուրքիայի առաջարկը
Բարեկարգվել է Երևանի այգիներից ևս մեկը (տեսանյութ)
Մի քանի ժամով կհոսանքազրկվեն Երևանի ու 7 մարզի բազմաթիվ հասցեներ
Հացատանը բռնկված հրդեհի հետևանքով մասամբ այրվել են ավտոտնակն ու անասնագոմը
Նարեկ Մանասյանը հաղթել է Ադրբեջանը ներկայացնող բռնցքամարտիկին
Տեղի է ունեցել «Քաղաքացիական պայմանագիր» կուսակցության նախաձեռնող խմբի նիստ․ Նիկոլ Փաշինյանը հանդես է եկել զեկույցով
© 2024 Հայկական ժամանակ