«Վստրեչի Ապեր»-ի տնից բերման են ենթարկվել մի շարք անձինք, 2-ը, այդ թվում՝ Վարդանյանի եղբորորդին, ձերբակալվել

«Վստրեչի Ապեր» մականունով հայտնի Արամ Վարդանյանի տանն այս գիշեր իրականացված գործողությունների արդյունքում 2016 թվականին տեղի ունեցած կողոպուտի եւ առեւանգման կասկածանքով բերման են ենթարկվել մի շարք անձինք, որոնց մի մասն ազատ է արձակվել, 2-ը, այդ թվում՝ Վարդանյանի եղբորորդին, ձերբակալվել:

Այս մասին այսօր հրավիրված ասուլիսի ժամանակ լրագրողներին հայտնեցին Վարդանյանի փաստաբաններ Երվանդ Վարոսյանը եւ Լուսինե Սահակյանը:

Ներկայացնելով կատարվածը՝ Լուսինե Սահակյանը նախ նշեց, որ վերջին շրջանում Արամ Վարդանյանի շուրջ տեղի ունեցող իրադարձությունների հետ կապված 50-ից ավելի անձանց բերման ենթարկելու դեպք են ունեցել. «Նրանք անձինք են, որոնք առնչություն են ունեցել Արամ Վարդանյանի հետ, եղել են հարազատ, բարեկամ, ընկեր, հարեւան, եւ բոլորն ապօրինի են բերման ենթարկվել՝ մտացածին պատճառներով, իբր զենք-զինամթերք կրելու կասկածանքով, եւ նրանց նկատմամբ բռնություն է գործադրվել»: Ըստ Սահակյանի՝ այդ ամենը տեղի է ունեցել այն բանից հետո, երբ վարչապետը հայտարարել է, որ բոլորին պետք է «ասֆալտին փռել». «Մենք այդպես էլ չհասկացանք, թե այդ ում էին «ասֆալտին փռում», որովհետեւ այդ անձինք, որ բերման էին ենթարկվում, որեւէ առնչություն չունեին քրեական ենթամշակույթի հետ, եթե, իհարկե, խոսքը գնում էր քրեական ենթամշակույթի դեմ իբր պայքար մղելու մասին»:

Սահակյանի խոսքով՝ այդ ամենը գազանության հասավ երեկ գիշերը, երբ հարյուրավոր ոստիկաններ շրջապատեցին Վարդանյանի եւ նրա մերձավորների տները, պատերի վրայով ներխուժեցին այնտեղ՝ պատճառելով նյութական եւ հոգեբանական վնասներ. «Ոստիկանների հայտնվելուց մոտ 15 րոպե հետո մենք եղել ենք այստեղ, բավականին երկար ժամանակ մեր ներկայությամբ կոտրում էին այս ամենը, եւ երբ մենք հարցնում էինք, թե ինչ է կատարվում, ինչ նպատակով են այստեղ, դատարանի թույլտվություն ունեն-չունեն, մեզ որեւէ մեկը որեւէ պատասխան չէր տալիս, ընդ որում, այս ամենը տեսանկարահանվել է, եւ մենք հետագայում այդ տեսանյութն էլ կհրապարակենք, որպեսզի հանրությունը տեղեկացվի, թե ոստիկանությունն ընդհանրապես ինչ գործելաոճ ունի այսօր»: Սահակյանը նշեց, որ ոստիկանների մի մասը եղել է դիմակավորված, մյուսը՝ ոչ. «Էրեբունու ոստիկանապետն անձամբ այստեղ էր, սակայն նա եւս մեր որեւէ հարցի չի պատասխանել, եւ երբ ես ոստիկաններից մեկին հարցրի՝ լեզու չունե՞ք, ինչո՞ւ չեք պատասխանում, նա ասաց՝ լեզուս ցույց տա՞մ»: Պաշտպանը նշեց, որ մինչ առավոտ եղել են ոստիկանությունում, պահանջել բացատրություն, սակայն դա իրենց այդպես էլ չի տրվել, եւ մամուլի հրապարակումներից են իմացել, որ այդ գործողությունները կատարվել են քրեական գործի շրջանակում, եւ որ ունեցել են Վարդանյանին ձերբակալելու որոշում: 

Հարցին՝ որտե՞ղ է եղել այդ ժամանակ Արամ Վարդանյանը կամ որտեղ է հիմա, պաշտպանները պատասխանեցին, որ դեպքի պահին տանը չի եղել, բայց իրենք նրան հանդիպել են երեկ, թե դեպքից առաջ, թե հետո:

Ըստ պաշտպանի՝ եթե կատարվածը խուզարկություն էր, եւ արտաքնապես հենց այդպիսի տպավորություն էլ թողեց, ապա պետք է լիներ դատարանի թույլտվությունը, եւ խուզարկությունը, ըստ օրենքի, պետք է արվեր սեփականատիրոջ ներկայությամբ: Մինչդեռ սեփականատիրոջը՝ Վարդանյանի որդուն, եւս բերման են ենթարկել. «Ընդ որում, երբ ոստիկանները հայտնվեցին, պատերի վրայով ներս մտան, դուռն արդեն կոտրվեց, եւ հնարավորություն չեղավ այն բացելու, տանը եղած ազգականներից մեկն ասաց՝ սպասեք, մի կոտրեք, որ բացենք, իրենք, միեւնույնն է, շարունակեցին կոտրել մինչեւ այն պահը, երբ բացել այլեւս հնարավոր չեղավ»:

Հարցին՝ ոստիկաններն ինչ-որ բան առգրավել են, պաշտպանը դժվարացավ պատասխանել, ասաց՝ այն բանից հետո, երբ նրանք այլեւս այստեղ չեն եղել, տնից բացակայել են DVR-ները (նկարահանող սարքերը), Արամ Վարդանյանի խաչով ոսկե շղթան եւ օգտագործված օծանելիք. «Այդ գազանությունը տեսագրվել է, եւ առկա է դիվիառներում, մենք, բնականաբար, դա կպահանջենք, բայց նշեմ նաեւ, որ ինքներս էլ տեսանկարահանում ենք կատարել»: Սահակյանը չբացառեց, որ հանցագործության մասին հաղորդում կներկայացնեն. «Մեր տեսադաշտում չի եղել որեւէ այլ անձ, որը ներս կմտներ, եւ այդ ամենը կհափշտակեր, այսինքն՝ ենթադրվում է, որ ոստիկանների կողմից է դա արվել, բայց եթե նույնիսկ իրենք չեն հափշտակել, այլ ստեղծել են իրավիճակ, որի արդյունքում հափշտակություն է կատարվել, իրենք պետք է պատասխան տան դրա համար»:

Անդրադառնալով Ոստիկանության այն պարզաբանմանը, որ գործողություններն իրականացվել են քրեական գործի շրջանակում, Արամ Վարդանյանի մյուս պաշտպանը՝ Երվանդ Վարոսյանը, ասաց, որ այդ դեպքում նրանք պետք է շարժվեին Քրեական դատավարության շրջանակում. «Այսինքն՝ եթե փնտրում են որեւէ անձի, նրան կարող են նախ հրավիրել բաժին, իսկ իրենք քաջատեղյակ են, որ Արամ Վարդանյանը բոլոր դեպքերում իրենց կանչով ներկայացել է, անգամ արտերկրից է վերադարձել, որպեսզի ներկայանա»: Ըստ Վարոսյանի՝ երեկվա գործողությունները որեւէ տրամաբանության մեջ չեն տեղավորվում. «Երբ մենք շարունակ փորձում էինք ստանալ նրանց՝ այստեղ գտնվելու իրավական հիմքը, ինձ էլ մի անգամ ասացին. «Ինչ անում ենք, լավ ենք անում»»:

Վարոսյանը շեշտեց՝ ինքը 20 տարի այս ոլորտում է աշխատում, բայց նման ապօրինություն երբեք չէր տեսել. «Սա միայն ապօրինություն չէր, վայրագություն էր. երբ ես բարձրացա 2-րդ հարկ, ննջասենյակում տեսա Արամ Վարդանյանի հինգ տարեկան աղջիկ թոռանը, որը մոր ձեռքին դողում էր, իսկ դիմակավորված ոստիկանները զենքերով վազվզում էին այդտեղ, դա ուղղակի զարհուրելի էր»: Պաշտպանը նշեց, որ այդ գործողությունների արդյունքում երեխան երեկվանից չի խոսում: 

Դեպքից հետո արդեն Ոստիկանության բաժնում պաշտպաններին են տրամադրել քննչական խմբի որոշում, որից էլ հենց նրանք իմացել են, որ խոսքը 2016 թվականին ինչ-որ մեկի «BMW» մակնիշի մեքենայից կատարված կողոպուտի մասին է. «Բայց այդ որոշման բովանդակության մեջ մենք առեւանգում չտեսանք, եւ նրանք ոչ էլ մեզ պարզաբանեցին, թե ինչի մասին է խոսքը, թե ում են կողոպտել, առեւանգել»: Լուսինե Սահակյանը հայտնեց, որ դիմել են դատարան եւ վիճարկում են ձերբակալման որոշումը. «Այդ ձերբակալումը չէր կարող լինել, էլ չեմ խոսում այն մասին, որ անձը պիտի փախուստի դիմեր, որ ձերբակալեին, իսկ 2016 թվականից բազմաթիվ անգամներ նույն եղբորորդին՝ Արման Վարդանյանը, ապօրինի բերման է ենթարկվել, նաեւ՝ հրավիրվել Ոստիկանության բաժին եւ մշտապես ներկայացել, եւ այս պայմաններում երեկ որոշեցին նրան ձերբակալել»:  Թե ովքեր են այդ քրեական գործով նրանց դեմ հաղորդում տվել, պաշտպանները չմանրամասնեցին՝ նշելով, որ այդ մասին հրապարակումներ կանեն առաջիկայում. «Եվ հանրությունը կտեղեկացվի, թե ինչպիսի հանցագործներ են հաղորդումներ տվել, ցավոք, իշխանության կողմից այսօր հանցագործների հովանավորչություն է իրականացվում»:

Սահակյանի խոսքով՝ իրական գործառույթներով զբաղվելու փոխարեն ոստիկանությունն այժմ զբաղված է իմիտացիաներով. «Զբաղված է մարդկանց փռելով, նկարահանումներ կատարելով, վարչապետին տրամադրելով, որպեսզի վարչապետն էլ իր ֆեյսբուքյան պատին տեղադրի, արդյունքում կան բազմաթիվ սպանություններ, վիրավորներ, որոնցով մեղավորներ չեն բացահայտվում»: Նրա խոսքով՝ ամիսներ շարունակ Էրեբունու տարածքում հնչում են տարատեսակ կրակոցներ, ինչ-որ դեպքեր, այդ թվում՝ սպանություններ են տեղի ունենում, բայց չի եղել որեւէ հաղորդագրություն այն մասին, որ դրանցից որեւէ մեկը բացահայտվել է. «Փորձելու ենք ներպետական ատյաններում բոլոր միջոցներով այս հարցերը բարձրացնել, եւ ես կարծում եմ, որ ինչպես նախկինում, այնպես էլ հիմա, ստիպված ենք լինելու հասնել մինչեւ Եվրոպական դատարան»,- ամփոփեցին պաշտպանները:

Տպել
10390 դիտում

«Հայաստանի հեռուստատեսային և ռադիոհաղորդիչ ցանց»-ի տնօրենը հրաժարականի դիմում է ներկայացրել

200 եվրո՝ 200 հազար դրամի փոխարեն. առցանց անմաքս առևտրի շեմը ենթարկվել է փոփոխության

Սյունիքի մարզում դատավոր է նշանակվել

Իրավապահները խուզարկում են Ժիրայր Սեֆիլյանի ու «Բևեռ»-ի մյուս անդամների բնակարանները

Նոր Նորքի ոստիկանական բաժին ներխուժելու դեպքի շրջանակում խուզարկություն է անցկացվում ավելի քան 40 վայրում

Հորը ծեծելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեկան առողջության կենտրոնում

Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)

Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք

«Երևան ավտոբուս» ընկերության տնօրենն աշխատանքից ազատման դիմում է ներկայացրել

Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում

Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին

Կարեն Գիլոյանը հետևել է հեծանվուղու և մարզադպրոցի կառուցման աշխատանքներին

Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը

Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ

Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել

Երբ է սպասվում դեղձենու մասսայական ծաղկումն Արարատյան դաշտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Երևանի և 2 մարզի որոշ հասցեներ մի քանի ժամով կհոսանքազրկվեն

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են