Ալիս Դուրյանի համար բացառություն կարվի՞. սովորական ընթացակարգերով անձնագիր ստանալու համար 6 ամիս է պահանջվում

Ինչպես տեղեկացրել ենք, աշխարհահռչակ դիրիժոր Օհան Դուրյանի կինը՝ երգչուհի Ալիս Դուրյանը, դիմել է ՀՀ վարչապետ Նիկոլ Փաշինյանին՝ խնդրելով իրեն շնորհել ՀՀ անձնագիր: Եվ քանի որ իր նամակում Դուրյանը նշել է, որ անձնագիր ստանալով ցանկանում է մասնակցել ապրիլի 5-ի հանրաքվեին՝ ՀՀ ոստիկանության անձնագրային եւ վիզաների վարչությունից փորձեցինք պարզել, թե հնարավո՞ր է անձնագրի տրամադրումը մինչ ապրիլի 5-ը:

Անձնագիր ստանալու համար անհրաժեշտ սովորական եւ բացառիկ ընթացակարգերի մասին մեր զրույցում մանրամասնել է ՀՀ ոստիկանության անձնագրային եւ վիզաների վարչության պետ Մնացական Բիչախչյանը:

- Պարոն Բիչախչյան, երգչուհի Ալիս Դուրյանը դիմել է վարչապետին՝ անձնագիր ստանալու հարցով: Որքա՞ն ժամանակում նրան անձնագիր կտրամադրվի:

- Սովորական ընթացակարգերով քաղաքացիություն ստանալու համար կպահանջվի 6 ամիս: ՀՀ-ում գտնվող անձը նախ պետք է դիմի անձնագրային եւ վիզաների վարչություն: Դիմելուց հետո պետք է ներկայացնի հիմնավորում փաստաթղթերը՝ ծննդյան վկայական, օտարերկրյա պետության անձնագիր: Եթե դիմողը կամ ծնողները ազգությամբ հայ են՝ այս դեպքում այլ փաստաթուղթ մենք չենք պահանջում: Ազգությամբ հայ լինելու դեպքում առանց վերջին 3 տարում Հայաստանում բնակվելու մասին փաստաթղթերի՝ կարող է գնալ քաղաքացիություն ստանալու: Եթե ազգությամբ հայ չէ՝ պետք է 3 տարի բնակվի Հայաստանում, նոր ստանա քաղաքացիություն: Բոլոր փաստաթղթերը ստանալուց հետո ուղարկում ենք Ազգային անվտանգության ծառայություն, ԱԱԾ-ից գալիս է եզրակացությունը, ամփոփում, ուղարկում ենք Արդարադատության նախարարություն, հետո վարչապետի աշխատակազմ: ՀՀ վարչապետը առաջարկությամբ դիմում է նախագահին: Այդ բոլոր փուլերով անցնում է:

- Դրանից շուտ հնարավոր չէ՞:

- Վարչապետի կողմից եղել է հանձնարարական՝ ազգությամբ հայերի դեպքում պարզեցված ընթացակարգի մասին, որ 6 ամիսը կրճատվի, դառնա 3 ամիս: Օրենքի նախագիծ է դրված շրջանառության մեջ, որով նախատեսվում է միջանկյալ փուլը հանել արանքից: Այսինքն այդ օրենքի ընդունվելու պարագայում ԱԱԾ-ից եզրակացությունը ստանալուց հետո միանգամից կուղարկենք վարչապետին, վարչապետը՝ նախագահին:  

- Այս պարագայում, երբ անձը ուղիղ դիմել է վարչապետին, ուրիշ որեւէ ընթացակարգ չի՞ գործում:

- Դրա համար գործում է նաեւ այլ ընթացակարգ՝ երկրի համար բացառիկ ծառայություններ մատուցած անձանց համար: Վարչապետը իրավասու է անմիջապես դիմելու ՀՀ նախագահին, նախագահը հրամանագրով կարող է անձին քաղաքացիություն շնորհել անմիջապես: Դա վարչապետի եւ նախագահի բացառիկ իրավասությունն է:

- Նախագահի հրամանագրից հետո որքա՞ն ժամանակ կպահանջվի՝ անձնագիր ստանալու համար:

- Երբ նախագահը ստորագրեց հրամանագիրը՝ 5 աշխատանքային օրվա ընթացքում անձը կարող է անձնագիր ստանալ:

- Անձնագիր ստանալուց հետո անձը կարո՞ղ է անմիջապես մասնակցել ընտրական պրոցեսի:

- Իհարկե:

- Պարոն Բիչախչյան, Ալիս Դուրյանը նախկինում դիմե՞լ է քաղաքացիություն ստանալու համար:

- Ես նման բան չեմ հիշում իմ պաշտոնավարման ժամանակահատվածում:

Տպել
1759 դիտում

Երգիչ Իգոր Նիկոլաեւի կորոնավիրուսային թեստի պատասխանը բացասական է. օերերս երկկողմանի թոքաբորբով դիմել էր հիվանդանոց

Թուրքիայում կորոնավիրուսով վարակվածների թիվը շուրջ 10 հազար է. մահերի թիվը հասել է 131-ի

Ոստիկաններին հայհոյել է, հարվածներ հասցրել. 28-ամյա տղամարդը ձերբակալվել է. մանրամասներ (տեսանյութ)

Ավտոմեքենան սահել է ձորը. տուժածներ չկան

Վարչապետի աշխատակազմը հրավիրում է աշխատանքի Կադաստրի կոմիտեում

ԲՏԱՆ հայտարարում է թոքերի օդափոխման սարքերի նախագծման եւ մասնակի արտադրության առաջարկների մասին

Ստեփանծմինդա-Լարս ավտոճանապարհը ձնամաքրման աշխատանքներից հետո բաց է միայն բեռնատարների համար

Վրաստանը և Ռուսաստանը Հայաստանի բեռների համար կապահովեն «կանաչ գոտի». հանդիպում ընկերությունների ղեկավարների հետ

Հնարավոր կլինի օնլայն տեղեկություն ստանալ հաստատված կորոնավիրուսով հիվանդ անձանց շփման շրջանակի վերաբերյալ. Ավինյան

Արցախում կորոնավիրուսի կասկածով մեկուսացված քաղաքացիներ չկան. տեղեկատվական շտաբ

4 ավիաընկերություն այսօր Բելառուսից ու Ռուսաստանից ուղեւորափոխադրումներ կիրականացնի Հայաստան

Ինչպե՞ս կարող է դժգոհություն չլինել, ո՞վ է գոհ այս իրավիճակից. Տավուշի մարզպետ

Բանակը ապաղաքականացված կառույց է, յուրաքանչյուր զինծառայող՝ ազատ իր ընտրության մեջ. հայտարարություն

Արցախի զորամասերից մեկում սննդի ապահովման նոր համակարգով ճաշարան է բացվել (լուսանկարներ)

Կառավարությունում քննարկվել են սոցիալական առանձին խմբերին միանվագ աջակցության միջոցառումները

Հայաստանի 3 մարզերում ձյուն է տեղում. ճանապարհներն հիմնականում անցանելի են

Կորոնավիրուսը կապ չունի մարդկային գործոնի հետ, «չի փախել» ոչ մի լաբորատորիայից. ռուս պրոֆեսորի դիտարկումները

Վանաձորի, Սիսիանի, Արմավիրի, Գորիսի, Երեւանի մի շարք սուպերմարկետներ փակվել են 6 ժամով. ներկայացվում են պատճառները

Հրդեհ Զաքարիա Քանաքեռցու փողոցում. այրվել է մեքենայի շարժիչի հատվածը

Արցախում ժամանակավորապես դադարեցվել է մի շարք երթուղիների սպասարկումը