Դրանով հայկական կինոն սպանում ենք. Տիգրան Նալչաջյանն ասել է՝ ինչու նոր ֆիլմը անմիջապես հեռուստատեսությունում չի հայտնվի

Ռեժիսոր Տիգրան Նալչաջյանը չի պատրաստվում պրեմիերայից անմիջապես հետո «Դասարանցիները» ֆիլմը տեղադրել յութուբում կամ նույն տարում Ամանորին ցուցադրել հեռուստատեսությամբ: Պրեմիերան կայանալու է մարտի 4-ին «Մոսկվա» կինոթատրոնում, իսկ հաջորդ օրվանից բարձրանալու է մեծ էկրաններ: Ռեժիսորը ցանկանում է, որ այն հնարավորինս երկար լինի կինոթատրոններում: «Հայկական ժամանակ»-ի հետ զրույցում նա նշեց, որ իր կարծիքով՝ հակառակ պրակտիկան սպանում է հայկական կինոն:

«Ուզում եմ՝ հասնենք նրան, որ երբ ֆիլմը դուրս է գալիս, անմիջապես նույն տարվա մեջ Ամանորին չցուցադրվի ու միանգամից չհայտնվի յութուբում, որովհետեւ դրանով հայկական կինոն սպանում ենք: Գոնե 1-2 տարով կարելի է հետաձգել, որպեսզի հանդիսատեսը ֆիլմը նայի կինոթատրոնում»,- ասաց նա՝ ավելացնելով, որ հիմա որեւէ հեռուստաընկերության հետ պայմանավորվածություն չունի:

«Դասարանցիները» ֆիլմը 11-րդ դասարանցիների մասին է: Դրանում նկարագրվում են բարձր դասարանցիների առօրյան, խնդիրները, ապրումները: Նալչաջյանը նշում է, որ գաղափարն իր մոտ առաջացել է մի քանի տարի առաջ, սցենարն ավարտին է հասցրել 2018-ին, իսկ 2019-ի ապրիլ-մայիս ամիսներին Առինջ գյուղում տեղի են ունեցել նկարահանումները: Նշում է, որ նմանատիպ ֆիլմեր հայկական շուկայում չի հանդիպել, սակայն այլ նախագծերից դատելով՝ կարծում է, որ թեման լսարանին հետաքրքիր է:

««Վեջին ուսուցիչ»-ի (խմբ. սերիալ) հաջողությունը ցույց տվեց, որ թեման ունի պահանջարկ: Իրարանցումը, որն ստեղծվել է այս ֆիլմի շուրջ շատ է: Շատ են գրում մեր կինոյի մասին, հարցեր են տալիս: Կարծում եմ՝ դա խոսում է այն մասին, որ սպասված է դարձել: Իմ 3-րդ ֆիլմն եմ նկարում, ամենաշատ պահանջարկը, որ մինչեւ ֆիլմի դուրս գալը զգացել եմ, այս մեկի շուրջ է ստեղծվել»,- ասաց նա՝ ավելացնելով, որ ամեն դեպքում ստեղծագործելիս առաջարկ-պահանջարկի վրա չի կենտրոնանում:

Ֆիլմում հիմնականում նկարահանվել են Տիգրան Նալչաջյանի դերասանական ստուդիայի սաները, որոնք մարմնավորել են աշակերտներին: Նկարահանվել է նաեւ հենց Տիգրան Նալչաջյանը: Բացի այդ՝ կան հրավիրված դերասաններ, օրինակ, Ռոբերտ Հակոբյանը, որը հանդես է եկել տնօրենի դերում, Մոսվկվայից հրավիրած Սահակ Դուրյանը, որը 40-ից ավելի ռուսական ֆիլմերում է նկարահանվել, եւ սա նրա առաջին հայկական ֆիլմն է, եւ ուրիշներ:

Ըստ սյուժեի՝ աշակերտները դժգոհում են իրենց դասղեկից, վերջինս աշխատանքից հեռանում է, ու նրան փոխարինում է Տիգրան Նալչաջյանի կերպարը, որին նույնպես սկզբում չեն հավանում: Ֆիլմը +12 է, պատանիների մասին է, սակայն, ըստ ռեժիսորի, հետաքրիր կլինի ոչ միայն այդ տարիքային խմբի, այլ նաեւ մեծահասակների, ինչպես նաեւ ավելի փոքրերի՝ 8-9 տարեկանների համար։ Ընդգծում է, որ գռեհիկ հումոր չկա, եւ փոքր տարիքի երեխաները հանգիստ կարող են դիտել:

«Կոմեդիայի եւ դրամայի համակցություն է, բայց որպես կոմեդիա ասեմ, որ չենք փորձում ամեն գնով ծիծաղեցնել, չկան ծամածռություններ, ինչ-որ սիթքոմային ոճի գրոտեսկային խաղ: Մերը բնական դպրոցական պատմություն է՝ երեխաներն իրենց առօրյայով, խնդիրներով ու նաեւ սյուժետային զարգացումներով: Այսինքն՝ ֆիլմում եւ կծիծաղեցնենք հանդիսատեսին, ըստ իրավիճակի, եւ նաեւ կհուզվենք՝ ըստ իրավիճակի»,- ասաց նա:

Նալչաջյանի խոսքով՝ ստեղծագործական թիմի անդամներից շատ են հետաքրքրվում «Դասարանցիների» մասին: Հիմնական հարցը, որ տալիս են, այն է, թե արդյոք սյուժեն որեւէ տեղից վերցված է: Ռեժիսորն ընդգծում է, որ բացառապես իր աշխատանքն է:

«Որեւէ տեղից սցենարը վերցված չէ: Լրիվ իմ ստեղծագործությունն է, եթե ինչ-որ նմանություն գտնեն լինի հայկական, թե արտասահմանյան աշխատանքի հետ, զուտ նրանից է, որ դպրոցի մասին ֆիլմերը միշտ իրար նման են, բանակի մասին ֆիլմերն իրար են նման, բանտի մասին ֆիլմերն իրար են նման... դա նորմալ է, ֆորմատից է»,- ասաց նա:

Մարտի 5-ից «Դասարանցիները» ցուցադրվելու է ոչ միայն Երեւանում, այլեւ Գյումրիում, Կապանում ու Քաջարանում: Նալչաջյանը փորձելու է ցուցադրություններ կազմակերպել նաեւ այլ քաղաքներում: Ինչ վերաբերում է երկրից դուրս տանելուն, ապա օգոստոսին Ավտրալիայում հայկական ֆիլմերի փառատոնի մասնակցելու, ինչպես նաեւ մի քանի այլ բանավոր առաջարկներ ունի, սակայն քանի որ պրոդյուսինգով անձամբ է զբաղվում եւ հիմա շատ ծանրաբեռնված է, ցանկանում է առայժմ կենտրոնանալ ներքին շուկայի վրա:

Տպել
2454 դիտում

«Պատերազմից հետո ինձ ֆիլմ հետ բերեց մաեստրո Մանսուրյանը»․ տեղի ունեցավ երկար սպասված «Զուլալիի» պրեմիերան

Բյուրեղավան համայնքում ավարտվել են ներհամայնքային ճանապարհների կապիտալ ասֆալտապատման աշխատանքները

ՅՈՒՆԻՍԵՖ-ն Արմավիրի առողջության առաջնային պահպանման կենտրոնների համար բժշկական սաքավորումներ է տրամադրել

ՔՈՎԻԴ-19-ի դեմ պատվաստված անձինք 12 անգամ ավելի քիչ են հոսպիտալացվում․ ԱՄՆ-ում իրականացված հետազոտություն

Արման Եղոյանը ԵՄ Թվինինգ ծրագրի շրջանակներում հանդիպումներ է ունեցել Իտալիայի խորհրդարանի գործընկերների հետ

Կարմիր Կատար լեռը ներառվեց բնության հուշարձանների ցանկում

Մեղրաշատ գյուղում այրվել է մոտ 40 հա խոտածածկույթ

Ես չեմ տեսնում պետականամետ ընդդիմություն, նրանք ավելի շատ ռևանշիստներ են, մուռ հանողներ, վրեժ լուծողներ․ Մհեր Արմենիա

Եվրամիությունն աջակցում է տարածաշրջանում խաղաղության ամրապնդմանը․ Արշակ Կարապետյանն ընդունել է Տոյվո Կլաարին

Ալեն Սիմոնյանը Աթենքում հանդիպել է ԵԱՀԿ խորհրդարանական վեհաժողովի նախագահ Մարգարետա Սեդերֆելթի հետ

Ֆրանսիայի Սենատի փոխնախագահն Ալեն Սիմոնյանին է փոխանցել Սենատի նախագահի հրավերը՝ այց կատարելու Ֆրանսիա

Ռուստամ Բադասյանը և Իրանի մաքսային ծառայության ղեկավարը կարևորել են Մեղրիի սահմանային անցակետի արդիականացումը

Կորոնավիրուսից մահացել է Տիգրան Կարապետյանը

Տրամադրվել է առաջին լիցենզիան՝ Տիեզերական գործունեություն իրականացնելու համար

Ալեն Սիմոնյանը բարձր է գնահատել Սլովենիայի հավասարակշռված մոտեցումը ԼՂ հիմնահարցում

Բադասյանը և Ռուսլան Դավիդովն արձանագրություն են ստորագրել. կարդիականացվի մաքսային ոլորտի իրավապայմանագրային դաշտը

Միրզոյանը և ԱՄՆ պետքարտուղարի եվրոպական և եվրասիական հարցերով տեղակալը քննարկել են տարածաշրջանային անվտանգության հարցեր

Մեկ բնակարան, մեկ հողամաս և մեկ մեքենա. ինչ ունեցվածք ունի Շիրակի մարզպետը

Արտակարգ դեպք Արմավիրի մարզում. 19-ամյա զինվորը տեղափոխվել է հիվանդանոց. shamshyan.com

Սկսում ենք կրկնակի դիպլոմների շնորհման գործընթացը․ Հայաստանի եվրոպական համալսարանը նշում է հիմնադրման 20-ամյակը

ՀՀ քաղաքացիություն ստանալու դիմումների քննարկման ժամկետը 6 ամսվա փոխարեն կսահմանվի 90 աշխատանքային օր. ԱԺ (լուսանկարներ)

ՔՊ-ն հեղափոխական իր ամենակարևոր խոստումը պահել է՝ մենք ընտրությունները թողնում ենք ժողովրդին. Արմավիրի համայնքապետ

Արշակ Կարապետյանը ՆԱՏՕ-ի ներկայացուցչի հետ հանդիպմանը նշել է 44-օրյա պատերազմում ՆԱՏՕ-ի անդամ երկիր Թուրքիայի դերի մասին

Շվեյցարիան աջակցում է ՀՀ-ի հակակոռուպցիոն ջանքերին․ նախարարն ընդունել է Շվեյցարիայի Գործերի ժամանակավոր հավատարմատարին

Արարատ Միրզոյանը Տոյվո Կլաարի հետ քննարկել է տարածաշրջանային անվտանգության ու կայունության հարցերը (լուսանկարներ)

Տարածաշրջանում կան խնդիրներ, որոնք սպասում են իրենց լուծմանը․ վարչապետն ընդունել է Խավիեր Կոլոմինա Պիրիսին

ԱԺ նախագահը ԵԽ գլխավոր քարտուղարի հետ զրույցում անդրադարձել է Ադրբեջանի կողմից ռազմագերիներին պատանդության մեջ պահելուն

Բարեկամական կապերի խորացման գործում իր ներդրումն ունի Ֆրանսիայի հայկական համայնքը․ կաթողիկոսն ընդունել է Անն Լույոյին

Միրաք գյուղում այրվել է մոտ 660 հակ կուտակած անասնակեր

ԵՄ-ն հանձնառու է խորացնելու գործընկերությունը ՀՀ-ի հետ. վարչապետն ընդունել է ԵՄ հատուկ ներկայացուցչին (լուսանկարներ)

Հայաստանը համարվում է Հյուսիսատլանտյան դաշինքի վստահելի գործընկերը․ Արարատ Միրզոյանն ընդունել է Խավիեր Կոլոմինա Պիրիսին

Մուշեղ Բաբայանը նշանակվել է Հակակոռուպցիոն կոմիտեի նախագահի տեղակալի պաշտոնակատար

Սպանության փորձ մոր նկատմամբ. 56-ամյա գյումրեցին, մորը հատակին գցելով, ձեռքից վերցրել է ձեռնափայտը և հարվածել. ՔԿ

Քրեակատարողական նոր օրենսգրքի նախագծի հանրային քննարկմանը ԱՄՆ դեսպանատան ներկայացուցիչները ևս մասնակցել են

Օրակարգում Հայաստանում ռուսական դպրոցներ բացելու հարց չկա. Դումանյան

Զորամասերից մեկը մարտավարական զորավարժություն է անցկացրել (լուսանկարներ)

5 կողմ, 4 ձեռնպահ. ԱԺ հանձնաժողովը հավանություն տվեց հունվարի 2-5-ը և 7-ը աշխատանքային դարձնելու նախագծին

Հայաստան է ժամանել Լեհաստանի Մրցակցության և սպառողների շահերի պաշտպանության գրասենյակի երկրորդ պատվիրակությունը

996 ուսուցչից 468-ն է անցել կամավոր ատեստավորումը. ամենաբարձրը մաթեմատիկա առարկայի արդյունքներն են

ՆԱՏՕ-ն արժևորում է Հայաստանի հետ համագործակցությունը. Խավիեր Կոլոմինա Պիրիզը ՀՀ նախագահին (լուսանկարներ)