Երևան
-3 °C
ՀՀ կառավարությունը հարկային բարեփոխումների շրջանակներում ցանկանում է ներդնել եկամուտների համատարած հայտարարագրման մեխանիզմը, ինչպես նաեւ նախատեսում է գույքահարկը համապատասխանեցնել շուկայական արժեքին: Այս մասին «Հայկական ժամանակ»-ի հետ զրույցում ասաց ՀՀ վարչապետի խորհրդական, տնտեսագետ Մեսրոպ Առաքելյանը:
Նախորդ շաբաթ վարչապետ Նիկոլ Փաշինյանի մոտ տեղի ունեցավ խորհրդակցություն՝ ՀՀ-ում հարկային բարեփոխումների հայեցակարգի վերաբերյալ: Քննարկմանը վարչապետն ընդգծել է, որ շատ համարձակ որոշումների են գնալու առաջիկայում՝ հարկային փոփոխությունների առումով:
Հարկային բարեփոխումների մասին ՀԺ-ն զրուցել է Մեսրոպ Առաքելյանի հետ:
- Պարոն Առաքելյան, ի՞նչ նոր փոփոխություններ են նախատեսվում։
- Հարկային բարեփոխումների 2-րդ փուլին ենք անցնում: Այս տարվա հունվարի 1-ից բարեփոխումների առաջին փուլի հիմնական հատվածը մտավ ուժի մեջ: Մի մասը նախորդ տարի էր ուժի մեջ մտել: Բարեփոխումների 2-րդ փուլը, որը նախանշվում է, 2 հիմնական ուղղություն է ենթադրում: Առաջինը եկամուտների համատարած հայտարարագրման մեխանիզմն է, մյուսը՝ գույքահարկի: Քաղաքական առումով այս երկուսը պետք է դիտարկել ընդհանուր կոնտեքստում: Ընդդիմախոսները, ովքեր դեմ են համահարթ եկամտային հարկի համակարգին, ասում էին, որ մեծ եկամուտ ստացողները պետք է ավելի մեծ տոկոսադրույքով հարկվեն: Այս փոփոխությունը, որը նաեւ ի սկզբանե նախանշվում էր, ենթադրում է, որ մենք գնալու ենք ոչ թե եկամտի պրոգրեսիվ հարկման, այլ գույքի: Մասնավորապես՝ այս պահին մենք գույքահարկի առումով ունենք բավականին թույլ գործակիցներ: Նոր փոփոխությունը ենթադրում է, որ շքեղ առանձնատներն ավելի մեծ հարկման կենթարկվեն: Իսկ երկրորդը եկամուտների հայտարարագրումն է, որն իրենից ենթադրում է եկամուտների եւ դրանց արդարացի հարկման մեխանիզմների համակարգում:
- Ի՞նչ չափով է նախատեսված բարձրացնել թանկարժեք առանձնատների գույքահարկը: Կամ՝ որքա՞ն պետք է արժենա առանձնատունը, որ այն համարվի թանկարժեք:
- Այս պահին կդժվարանամ հստակ թվեր ասել, քանի որ դեռեւս աշխատանքները շարունակվում են: Ունենք խնդիր՝ գնահատման համակարգի հետ կապված: Ազգային ժողովի կողմից արդեն ընդունվել է շուկայական արժեքին մոտ՝ կադաստրային գնահատման մասին օրենքը: Մենք ունենք այս պահին կադաստրային արժեքով գնահատում, որն էականորեն շեղված է շուկայական արժեքից: Այդ օրենքն արդեն ուժի մեջ է մտել, եւ մենք ունենալու ենք իրական գնահատում: Գույքը հարկվելու է իրական գնից, ինչը հնարավորություն կտա արդարացի հարկման համակարգ ունենալ:
- Գույքահարկի բարձրացումը հնարավո՞ր է նաեւ սովորական քաղաքացիների մոտ դժգոհություն առաջացնի, հաշվի առնելով, որ բարձրանալու է ոչ միայն թանկարժեք առանձնատների գույքահարկը, այլեւ՝ ավելի էժան տներինը:
- Այստեղ թիրախն ինչ-որ կոնկրետ խմբի վրա չէ բեւեռված: Խնդիրը արդարացի հարկումն է, որի հիմքը շուկայական արժեքի ամրագրումն է: Իհարկե, այդ մտահոգությունը, որ նշեցիք՝ հնարավոր է: Դա էլ է հաշվի առնվելու այդ ուսումնասիրությունների արդյունքում, քանի որ այս պահին հանրապետությունում մոտ 900 հազար գույքային միավոր կա, եւ այդ ուսումնասիրությունները պետք է պատշաճ մակարդակի կատարվեն, որպեսզի սոցիալական խմբերը խնդիր չունենան:
- Արդյո՞ք հունվարի 1-ից ուժի մեջ մտած Հարկային օրենսգրքով հնարավոր չէր ներառել նաեւ այս բաց մնացած հարցերը։
- Հունվարի 1-ից ուժի մեջ մտած օրենսգիրքն ԱԺ-ում ընդունվեց 2019-ի մայիս-հունիս ամիսներին ու դրանից էլ դեռեւս մի քանի ամիս առաջ կառավարությունն ավարտել էր աշխատանքները եւ ուղարկել էր ԱԺ: Թեեւ հունվարի 1-ից է ուժի մեջ մտել, սակայն այդ աշխատանքների էական մասը 1 տարի առաջ արդեն պատրաստ էր: Այստեղ նաեւ օրենսդրական կարգավորումների խնդիր ունեինք, քանի որ որոշ փոփոխություններ միայն հունվարի 1-ից էին ուժի մեջ մտնելու: Հետեւաբար հարկային օրենսդրության ամբողջական խնդիրները կարգավորելու համար որոշակի ժամանակ էր պահանջվում: Ի սկզբանե էլ հայտարարվել էր, որ առաջին փուլի բարեփոխումներն այն ակնհայտ հատվածներին էին առնչվելու, որտեղ ունեինք խնդիր, եւ օր առաջ անհրաժեշտություն կար փորձել այդ ոլորտները բարելավել:
- Հունվարի 1-ից գործող Հարկային օրենսգրքում արդեն թերություններ նկատվե՞լ են։
- Հունվարի 1-ից ուժի մեջ մտած փոփոխություններն իրենցից ենթադրում էին՝ եկամտային հարկի համահարթեցում՝ այս տարի 23 տոկոս, հաջորդ տարիներին էլ 1-ական տոկոս կնվազի մինչեւ 20 տոկոս, շահութահարկի նվազում՝ 20 տոկոսից 18 տոկոս, միկրոձեռնարկատիրության համակարգի ներդրում, որը շատ կարեւոր է: Մենք ձեւավորեցինք մինչեւ 24 մլն շրջանառություն ունեցող ընկերությունների կողմից բիզնեսին առնչվող հարկերից ազատում՝ որոշակի ոլորտներում: Այս պահին արդեն մոտավորապես 30 հազար սուբյեկտ՝ ովքեր նախկինում հարկեր են վճարել, դիմել են, որպեսզի իրենց գործունեությունը ծավալեն միկրոձեռնարկատիրության դաշտում: Սա ես կարեւոր ձեռքբերում եմ համարում, քանի որ այդ ընկերությունները փաստացի սոցիալական խնդիր են լուծում: Չենք կարող ասել, որ այդ փոքր ընկերությունները բիզնես մասնակից են համարվում տնտեսության մեջ, հետեւաբար սա նաեւ կառավարության սոցիալական քաղաքականության կարեւորագույն գործիքներից մեկն է: Այս պահին որեւիցե էական մտահոգություն այս փոփոխությունների առումով տնտեսության կողմից չի արձանագրվել: Չեմ բացառում, որ հնարավոր է որոշակի կարգավորումներ որոշակի մտահոգությունների տեղիք տան: Հնարավոր է հետագայում դրանք կարգավորվեն, եթե բարձրաձայնվեն:
- Սոցցանցերում ոլորտին առնչվող մարդիկ նշել էին, որ հստակեցված չէ, թե ովքեր կարող են համարվել միկրոձեռնարկատիրության սուբյեկտ:
- Օրենսգրքում կա այն ցանկը, ովքեր չեն կարող համարվել միկրոձեռնարկատիրության սուբյեկտ: Իհարկե, յուրաքանչյուր առանձին դեպք՝ հաշվի առնելով որոշակի առանձնահատկություններ, որոշ դեպքերում հնարավոր է օրենսգրքի կարգավորումներից դուրս հայտնվի: Հետեւաբար, եթե կան ինչ-որ սուբյեկտներ, որոնք ունեն այդ կարգավորման հետ կապված մտահոգություններ՝ Էկոնոմիկայի նախարարությունը, ՊԵԿ-ը եւ այլ պատկան մարմիններ պարտավոր են մաքսիմում արագ պաշտոնական պարզաբանում տալ՝ այդ կոնկրետ դեպքերի վերաբերյալ:
- Ե՞րբ է նախատեսված նոր փոփոխություններն արդեն ՀՀ կառավարության եւ Ազգային ժողովի օրակարգ բերել։
- Աշխատանքներն ընթացքի մեջ են: Որպես կիրառում նախատեսվում է, որ 2022 թվականի հունվարից դրանք կսկսեն ուժի մեջ մտնել:
- Սա ենթադրում է, որ համապատասխան օրենսդրական փոփոխությունները ԱԺ եւ Կառավարություն կմտնեն 2021-ի՞ն:
- Այո, մաքսիմում արագ պետք է լինի: Ընդ որում սա լայն քննարկման անհրաժեշտություն ունի, քանի որ վերաբերում է հարյուր հազարավոր քաղաքացիների: Հետեւաբար այստեղ շտապելը հնարավոր է, որ խնդիրներ առաջացնի: Աշխատանքային մեծ քննարկումների եւ վերլուծությունների կարիք կա:
Հայտնում եմ, որ պատգամավորը ստում է․ Դավիթ Անանյանն արձագանքել է Սերգեյ Բագրատյանի ելույթին
Կրեմլը մեկնաբանել է Նավալնիի հետ կապված իրավիճակը
2021 թվականին սպասվող կարևոր սպորտային իրադարձությունները
ՀՀ պաշտպանության նախարարն ընդունել է ԵԿՄ վարչության անդամներին
Սեպտեմբերից սկսած Սահմանադրական դատարանի դատավորները որևէ տեսակի պարգևավճար չեն ստացել․ ՍԴ խոսնակ
Աբովյան քաղաքի ավտոճանապարհները դժվարանցանելի են․ Հանրապետության մեծ մասում ձյուն է տեղում
Վիգեն Ստեփանյանի հուղարկավորման տեղի համար Կառավարության միջամտությանն են դիմել
Արտադրական փակ տարածքներում հակահամաճարակային նորմերի պահպանման թերություններ է արձանագրվել․ ԱԱՏՄ
Դատարանը հեռացավ խորհրդակցական սենյակ՝ Քոչարյանի գործով դատախազների բացարկի միջնորդության վերաբերյալ որոշում կայացնելու
Վահան Քերոբյանը հանդիպում է ունեցել Սյունիքի մարզպետ Մելիքսեթ Պողոսյանի հետ․ քննարկվել են գյուղատնտեսական խնդիրները
Նկատողություն Ռոբերտ Քոչարյանին, Յուրի Խաչատուրովին, մեղադրող դատախազին եւ պաշտպանին
Հայտնաբերվել է տոպրակ` առանձնապես խոշոր չափի թմրանյութով (տեսանյութ)
Մեկնարկել է «i-Portunus» արվեստագետների ճամփորդական դրամաշնորհի մասնակցության հայտերի ընդունումը
4-րդ զորամիավորումում ամփոփվել է 2020 թ. ուսումնական տարին (լուսանկարներ)
Արմեն Փամբուխչյանը և Ֆրանսիայի դեսպանության ներքին անվտանգության կցորդ Էրվե Ժամենը քննարկել են համագործակցության ծրագրեր
Տղամարդու կեցվածքի մեջ ինձ համար ամենաանընդունելի բանը լաչառությունն է. Ռոբերտ Քոչարյան
Գերիների ու անհետ կորածների ընտանիքներին չպետք է միայնակ թողնել, բայց դա պետք է անել հնարավորինս աննկատ․ Ա. Քոչարյան
Վարդենյաց լեռնանցքը փակ է, ՀՀ 9 մարզում ձյուն է տեղում
Ուսուցիչներին տրվող լրավճարների չափը կենթարկվի՞ փոփոխության. ԿԳՄՍՆ-ից պարզաբանում են, որ բանաձեւը լրամշակման փուլում է
Դուք դավաճանների աջակիցն եք. Խաչատուրովը՝ դատավորին
Նիկոլ Փաշինյանը և Նիդերլանդների դեսպանը քննարկել են երկկողմ կապերի զարգացման օրակարգը (լուսանկարներ)
Առանց պետական գրանցման ու լիցենզիայի կազմակերպվել են «պոկեր» կենդանի խաղեր․ պետությանը պատճառվել է 5,5 մլրդ դրամի վնաս
«Շուշին հանձնողներից մեկն ես, էլի». վիճաբանություն Քոչարյանի, նրա պաշտպանների եւ մեղադրող դատախազի միջեւ
Առաջին զորամիավորումում անցկացվել է ռազմաբժշկական պատրաստության պարապմունք (լուսանկարներ)
Արման Թաթոյանը Գերմանիայի դեսպանի հետ քննարկել է Ադրբեջանում պահվող հայկական կողմի գերիների վերադարձի հետ կապված հարցեր
ՀՀ պետական սահմանի հայ-ադրբեջանական շփման գծի ամբողջ երկայնքով շարունակվել է պահպանվել կայուն օպերատիվ իրավիճակ․ ՊՆ
Ժաուտիկովյան միջազգային 17-րդ օլիմպիադայում Հայաստանի մասնակիցները վաստակել են այնքան մեդալ, որքան նախորդ 10 տարիներին
Վարազդատ Դալիբալթայանը նշանակվել է պաշտպանության նախարարի խորհրդական
Կտրուկ ավելացել են ՀՀ պաշտպանության նախարարությանը վերաբերող ապատեղեկատվությունները․ ՊՆ հայտարարությունը
Դավիթ Անանյանն էլ չգիտեմ քանի գլխանի է եղել, որ չի եկել ձեր հանձնաժողովի նիստերին․ Արման Բաբաջանյանը՝ Սերգեյ Բագրատյանին
Նոյեմբերյան-Ջուջևան ավտոճանապարհը և Դիլիջանի ոլորանները փակ են բեռնատարների համար
Վանաձորում բացվեց կրծքագեղձի քաղցկեղի վաղ հայտնաբերման շարժական մամոգրաֆը․ ախտորոշումը և բուժումը կլինեն անվճար
Հրապարակվել է վարորդական իրավունքի վկայական ստանալու նոր կարգը (տեսանյութ)
«Ես չեմ հրաժարվի «ժեխ» բառն օգտագործելուց». Զոհրաբյանը՝ Վ. Մանուկյանի «բոմժ» արտահայտության եւ դրա տարբերության մասին
Ժառանգության պահպանություն. ստեղծվել են հայկական ավանդական խաղերի և ուտելի բույսերի շտեմարաններ
Սյունեցիները փակել են ճանապարհը, վանկարկում են «Վազգեն դավաճան». «Հայրենիքի փրկության շարժումը» պնդում է՝ նա Երեւանում է
Սյունիքում պայթյունից տուժած փրկարարներից մեկի վիճակը ծանր է
Իրանը Բայդենից առաջարկ չի ստացել ԱՄՆ-ի միջուկային գործարքին վերադառնալու վերաբերյալ
Մեղրիի տարածաշրջանում պայթյուն է տեղի ունեցել. երկու փրկարար տեղափոխվել է հիվանդանոց
Քննարկվել է ՀՀ ոստիկանության և Ֆրանսիայի ՆԳ նախարարության տարեկան գործողությունների ծրագիրը
© 2021 Հայկական ժամանակ