20 հազար երկրպագու դահլիճում, տասնյակ հազարներ դրսում ու հայտնի հյուրեր. Լոս Անջելեսում հրաժեշտ են տվել Քոբի Բրայանթին

Լոս Անջելեսի Սթեփլզ Սենթր մարզահամերգային համալիրում հրաժեշտ են տվել լեգենդար բասկետբոլիստ Քոբի Բրայանթին ու նրա 13-ամյա դստերը՝ Ջիանային: Ինչպես հայտնում են միջազգային լրատվամիջոցները, միջոցառումը տեղի է ունեցել երեկ՝ փետրվարի 24-ին: Մարզիկն ու նրա դուստրը մահացել են հունվարի 26-ին տեղի ունեցած ավիավթարից: Նրանց հետ ուղղաթիռում եղել է եւս 9 հոգի:

Հրաժեշտի արարողությանը մասնակցելու ցանկություն է հայտնել եւ տոմսերի համար հայտ է ներկայացրել ավելի քան 88 հազար երկրպագու: Դահլիճում, սակայն, տեղավորվել է շուրջ 20 հազար հոգի: Տասնյակ հազարներն էլ սիրելի մարզիկին հրաժեշտ են տվել՝ համալիրի մոտ հավաքվելով: Բացի երկրպագուներից՝ ներկա են գտնվել ընտանիքի անդամները, մտերիմները, շոու բիզնեսի եւ այլ բնագավառների աստղեր, որոնք մոտ են եղել մարզիկի հետ: Նրանց թվում են բասկետբոլի լեգենդներ Մայքլ Ջորդանը եւ Շաքիլ Օ’Նիլը, նույնպես լեգենդար մարզիկ, լողորդ Մայքլ Ֆելփսը, Քիմ Քարդաշյանը Քանյե Ուեստի, Քլոե Քարդաշյանի եւ Քրիս Ջեների հետ, Ջենիֆեր Լոպեսը, Սնուփ Դոգը եւ այլն: Քոբի Բրայանթին ու դստերը երգ են նվիրել Բեյոնսեն, Ալիշա Քիզը եւ Քրիստինա Ագիլերան:

Հուզիչ ելույթով է հանդես եկել բասկետբոլիստի այրին՝ Վանեսա Բրայանթը: Նա ընդգծել է, որ շատ է զգում ամուսնու ու դստեր կարիքը: Շեշտել է, որ կարոտում է նրանց:

«Ես կարոտում եմ նրա (խմբ. դստեր) համբույրները, նրա խելացիությունը, սարկազմը, սրամտությունը եւ խորամանկ ժպիտը, որը վերածվում էր ծիծաղի: Մայրիկը, Նատալին, Բիանկան, Կապրին եւ հայրիկը քեզ շատ են սիրում, Ջիջի՛: Ես կկարոտեմ քո պատրաստած բացիկները, քաղցր համբույրները եւ շքեղ ժպիտը: Ես ամեն օր կարոտում եմ քեզ: Ես սիրում եմ քեզ.... Քոբին ճանաչված էր՝ որպես բասկետբոլի կորտում պայքարող, բոլոր ժամանակների լավագույնը, գրող, օսկարակիր եւ Սեւ Մամբա: Ես նրան չէի նայում՝ որպես աստղ կամ որպես լավ բասկետբոլիստ: Նա իմ հիանալի ամուսինն էր, հիանալի հայր մեր երեխաների համար: Նա իմն էր, իմ ամեն ինչը: Մենք միասին էինք այն ժամանակվանից, երբ ես 17.5 տարեկան էի, ես նրա առաջին ընկերուհին էի, առաջին սերը, կինը, մարդ, որին վստահում էր իր գաղտնիքները, նրա պաշտպանը...»,- ասել է նա:

Միջոցառման ընթացքում նույնպես հուզիչ խոսքով են ներկայացել նաեւ Մայքլ Ջորդանը եւ Շաքիլ Օ’Նիլը: Ընդգծել են, որ Բրայանթը հիանալի մարզիկ ու հիանալի մարդ է եղել: Խոսելիս նրանք չեն կարողացել թաքցնել արցունքները:

«Երբ Քոբի Բրայանթը մահացավ, իմ մի մասնիկը նույնպես մահացավ: Քոբին ամբողջությամբ նվիրվում էր նրան, ինչ անում էր»,- ասել է Մայքլ Ջորդանը:

Բրայանթի նախկին թիմակից Օ’Նիլն էլ հիշել է իրենց կոնֆլիկտը: Մյուս կողմից ընդգծել է, որ ոչ մի տարաձայնություն կամ մրցակցություն չի ազդել հարգանքի վրա: Շեշտել է, որ միշտ հարգել են իրար:

«Քոբին եւ ես միշտ խոր հարգանք ու սեր ենք ունեցել միմյանց նկատմամբ»,- ասել է նա:

Քոբի Բրայանթի ու Ջիանայի հրաժեշտի արարողության օրը պատահական չի ընտրված եղել՝ փետրվարի 24՝ 24.2: 2 համարի մարզաշապիկը Ջիանան է կրել խաղերի ժամանակ, 24-ն էլ Քոբի Բրայանթի խաղային համարներից է եղել: Հրաժեշտի արարողության տոմսերի վաճառքից ստացված հասույթը փոխանցվելու է «Մամմա եւ Մամբասիտա» մարզական հիմնադրամին, որը ստեղծվել է Քոբի Բրայանթի ու դստեր մահվանից հետո:

Տպել
1105 դիտում

«Այրվածքաբանության ազգային կենտրոն»-ի այրվածքային բաժանմունքը տեղափոխվել է Ուռուցքաբանության ազգային կենտրոն

Քաղաքաշինության կոմիտեն միացել է կորոնավիրուսային հիվանդության դեմ պայքարի աջակցության ծրագրին

«Պարենային շտապ օգնություն»-ը Գյումրիում ծանրոց է հասցրել 50 ընտանիքի, 25-ը տրվել է «Թռչունյան տան» նախկին սաներին

Հետախուզման մեջ գտնվող 36-ամյա տղամարդը փորձել է հաշփտակել Հալաբյան փողոցի վճարային տերմինալներից մեկը (տեսանյութ)

ԱԳՆ մամուլի խոսնակ Աննա Նաղդալյանը մեկնաբանել է Ադրբեջանի կողմից տարածվող ապատեղեկատվությունը

Արցախն այդպիսի ընտրությունների արժանի չէ. քաղաքագետի համոզմամբ՝ խաղից դուրս մնացածներն ու 2-րդ փուլ անցածները կբանակցեն

Անցկացվել են մարտական հերթապահության նախապատրաստման գործնական պարապմունքներ մարտական հերթափոխի մեկնող զինծառայողների հետ

Հայաստանի ֆուտբոլի ազգային հավաքականի գլխավոր մարզիչ Խոակին Կապառոսը խոսել է կատարած աշխատանքի եւ ապագա ծրագրերի մասին

Վրաստանը բեռնատարների տեղաշարժի վերաբերյալ ուղեցույց է հրապարակել. ՊԵԿ

ՏՄՊՊՀ-ն ներկայացրել է կոճապղպեղի թանկացման ուսումնասիրության ընթացիկ արդյունքները

Վարչապետի գլխավորությամբ քննարկվել են տարբեր գյուղմթերքների արտադրության խթանման հետագա քայլերը

Կորոնավիրուսի հաղթահարման ֆինանսական աջակցության հաշվի մուտքերը կազմել են 864664835.7 դրամ

Սահմանափակվել է դիմակների, վիրակապերի, բամբակի եւ այլ բժշկական ապրանքների արտահանումը ՀՀ-ից․ պարետի որոշումը

Արցախում առ այսօր նոր կորոնավիրուսային վարակի (COVID-19) դեպք չի գրանցվել

Որոշ դեպքերում կարող է համարվել, որ պարապուրդը գործատուի մեղքով է, ոչ թե՝ արտակարգ իրավիճակով պայմանավորված

Դեսպանությունը մշտական կապի մեջ է Իսրայելում գտնվող ՀՀ քաղաքացի 9 ուսանողների հետ. Աննա Նաղդալյան

ԱԺ-ն 42 համակարգիչներ փոխանցեց Գեղարքունիքի մարզի 4 եւ ավելի դպրոցահասակ երեխա ունեցող ընտանիքների. Արարատ Միրզոյան

Գործնական պարապմունք է անցկացվել հրետանային զորամասում. ՊՆ

28-ամյա մասիսցու բնակարանից ու մեքենայից ապօրինի զենք-զինամթերք է հայտնաբերվել (տեսանյութ)

Վազքուղի, հանդերձարան, փողոց, մայթ , այգի․ սուբվենցիոն ծրագրով Վանաձորում իրականացվելիք ծրագրերը հաստատված են