Լաբորատորիայի արդյունքները հավաստում են՝ քաղաքացու վրա հարձակված կենդանին հովազ չէր. նա պնդում է հակառակը

Ենոքավանի անտառներից մեկում քաղաքացու վրա անցյալ տարի նոյեմբերին հարձակված վայրի կենդանին հովազ չի եղել: Այս մասին այսօր հրավիրված մամուլի ասուլիսի ժամանակ ասել է Վայրի բնության եւ մշակութային արժեքների պահպանման հիմնադրամի տնօրեն Ռուբեն Խաչատրյանը: Նրա խոսքով՝ նկարահանված են քաղաքացու վրա հարձակման դեպքի վայրում առկա արյան հետքերը, կենդանու թաթերի հետքերը: «Կարծում էինք՝ հովազ է, սակայն հովազ չէ»,- նշել է նա:

NABU-Armenia բնապահպանական կազմակերպությունն էլ տեսախցիկներով հսկել է տարածքը, սակայն հովազ չեն նկատել: Կազմակերպության ներկայացուցիչ Նարեկ Գրիգորյանը նշել է, որ իրենց ֆոտոթակարդները շարունակում են մնալ տվյալ հատվածում. «Ապրիլին էլ կստուգենք, տեսնենք՝ ինչ նկարներ կան»:

Բնության համաշխարհային հիմնադրամի Հայաստանի մասնաճյուղի տնօրեն Կարեն Մանվելյանն էլ հիշեցրել է, որ հավաքել են կենդանու մազերի եւ այլ կենսաբանական մնացորդներ, ուղարկել են Գերմանիա՝ հայտնի լաբորատորիա հետազոտության, պատասխան են ստացել, որ այդ մնացորդները պատկանում են սովորական լուսանի, ոչ թե՝ ընձառյուծի:

«Սա շատ լավ խթան էր, որ այդ շրջանն ուսումնասիրեինք, քանի որ այդ տարածքները շատ քիչ են ուսումնասիրվել: Այդ տարածքում հովազ եղել է, բայց հիմա չկա: Չնայած ենթագիտակցորեն շատ էինք ցանկանում, որ դա լիներ հովազ, քանի որ Հայաստանում շատ քիչ է հովազների թիվը: Ցավոք, դա հովազ չէր»,- ասել է «Ողնաշարավոր կենդանիների կենդանաբանության լաբորատորիայի» վարիչ Մամիկոն Ղասաբյանը: Նա ընդգծել է, որ Ենոքավանի այս տարածքն արգելավայրին կավելացվի:

Արման Գաբրիելյանը, սակայն, նա, որ անտառում հարձակման էր ենթարկվել, չհամաձայնեց մասնագետների դիտարկմանը՝ պնդելով, որ իր վրա հարձակվել է հովազ. «Իրա պոչը շատ երկար էր, իսկ լուսանինը կարճ է լինում: Ինքն իրա կերի վրա չի հարձակվել. ինքն ուղղակի փակուղու մեջ էր՝ ինքը պուճուր քարանձավից էր դուրս եկել»: Նա ասաց, որ հովազ տեսել է միայն հեռուստացույցով:

Հիշեցնենք, որ անցյալ տարի նոյեմբերի 18-ին Ենոքավանի անտառներից մեկում վայրի կենդանու կողմից հարձակման էր ենթարկվել իր կենդանիներին հաշվելու գնացած Արման Գաբրիելյանը: Բազմաթիվ խոր վերքերով 35-ամյա քաղաքացուն տեղափոխել էին Իջեւանի բժշկական կենտրոն: «Հայկական ժամանակ»-ի հետ զրույցում նա պատմել էր, որ պարբերաբար անտառ էր գնում՝ տեսնելու, թե ինչպես են իր 150 խոզերը: Այդ օրը եւս գնացել էր, ճանապարհին տեսել ընկած մի խոզ՝ մի մասը կերած: Մի քիչ էլ էր գնացել՝ տեսել էր երկրորդ հոշոտված խոզին, հետո՝ երրորդին: Քայլելով բարձրացել էր արյան հետքերով՝ դեպի Ենոքավանի բարձունքների ժայռոտ հատվածները: Այդտեղ ժայռերից մեկի մոտով անցնելիս գլուխը բարձրացրել էր ու տեսել օդում իր վրա ցատկող հովազին: Լինելով փորձառու որսորդ՝ ինքնապաշտպանվել էր՝ բռունցքը կենդանու բերանը մտցնելով, պայքարել մոտ հինգ րոպե, որից հետո կենդանին թողել հեռացել էր:

Կենդանաբանները, սակայն, մեզ հետ զրույցում քիչ հավանական էին համարել, որ այդ կենդանին հովազ լիներ՝ նշելով, որ հովազը սովորաբար մարդուց խուսափում է, ցերեկով որս չի անում, կուշտ ժամանակ չի հարձակվում:

Վայրի բնության համաշխարհային հիմնադրամի տնօրեն Կարեն Մանվելյանն էլ ընդգծել էր, որ կովկասյան ընձառյուծի՝ հովազի պահպանությունը շատ կարեւոր է, եւ 2002 թ.-ից գործում է դրան ուղղված ծրագիր, որի շնորհիվ այսօր Հայաստանում մոտ տասը հովազ ունենք: Ի դեպ, ՀՀ կառավարությունը 2019 թվականը հռչակել էր Կովկասյան ընձառյուծի տարի:

Նշենք նաեւ, որ հովազը գրանցված է ՀՀ Կարմիր գրքում եւ Բնության պահպանության միջազգային միության (IUCN) Կարմիր ցուցակում՝ «կրիտիկական» կարգավիճակով: «Բնապահպանական իրավախախտումների հետեւանքով կենդանական եւ բուսական աշխարհին պատճառված վնասի հատուցման սակագների մասին» օրենքի համաձայն՝ կովկասյան ընձառյուծ որսալու համար սահմանված տուգանքը 3 մլն դրամ է: Ապօրինի որսի համար պատիժ է սահմանվում նաեւ քրեական օրենսգրքով:

Տպել
3175 դիտում

Կապանում ձերբակալվածներին տեղափոխում են Երեւան, գործով ԱԱԾ-ն է զբաղվելու. ցուցարարները ցրվում են (տեսանյութ)

Քաջարանի քաղաքապետը հանդիպել է ձերբակալվածներին. պնդում է՝ բոլորին բռնության են ենթարկել (տեսանյութ)

Այս պահին ունենք 230 ծանր և 52 ծայրահեղ ծանր պացիենտ. Արսեն Թորոսյան

Նախկինների հանցավոր մնացորդները նոր ու զզվելի՝ իրենց վերջին խաղն են սկսել մաֆիայի վերադարձի համար. նախկին ՄԻՊ

Կապանում իրավիճակը շարունակում է լարված մնալ. քաղաքացիների պահանջով ժամանել է մարզպետ Հունան Պողոսյանը (տեսանյութ)

Կրիմինալի ու կոռուպցիայի հետ կոմպրոմիս չի լինելու. լինելու է չոր հակազդեցություն. Նիկոլ Փաշինյան

Կանոնները չպահպանող սրճարանները, ռեստորանները, վարսավիրանոցները խստագույնս փակվելու են. վարչապետ (տեսանյութ)

2 հեկտարով ընդլայնվում է «Արփի լիճ» ազգային պարկի անտառածածկը. մինչ տարեվերջ 3000 տնկի կավելանա տարածքում (լուսանկարներ)

Այսուհետ ցանկացած մեքենայում 1 անձից ավելի լինելու դեպքում բոլորը պարտադիր պետք է լինեն դիմակով. վարչապետ (տեսանյութ)

Դատապարտում ենք Քաջարան համայնքի բնակիչների նկատմամբ կիրառված ապօրինությունները. Քաջարանի ավագանու հայտարարությունը

Իրավիճակն իսկապես լրջանում է

61 տարեկանում մահացել է դերասանուհի Կարինե Բուռնազյանը

«Հին Գյումրի»-ն ներկայացված է նամականիշների «Եվրոպա» ամենամյա մրցույթին

Գեղարքունիքի մարզում կորոնավիրուսային հիվանդության 35 նոր դեպք կա եւ 26 ապաքինված. Գնել Սանոսյան

Որոշ պետական այրերի կոկորդին կարծես խեղդող փաստ է իմ ժողովրդական հեղինակությունն ու չեզոքությունը. Քաջարանի համայնքապետ

Այսօր ու վաղը ՀՀ զգալի մասում սպասվում է անձրեւ, առանձին վայրերում՝ կարկուտ. կցրտի 8-10 աստիճանով

«Ոստիկանը մերն է». Կապանի ոստիկանական բաժանմունքի դիմաց վանկարկումները շարունակվում են (տեսանյութ)

ՄԻՊ-ը զբաղվում է Քաջարանի բնակիչների ահազանգած բռնության դեպքերով. եւս մեկ անձ է բերման ենթարկվել Երեւանում

Լարված իրավիճակ ու բողոք Կապանում. ոստիկանությունում ծառայողական քննություն է նշանակվել

Արաբկիրում Պուրակը պատնեշած շուրջ 30 կրպակ է ապամոնտաժվում. Երեւանի քաղաքապետարան