Դասադուլ եւ գործադուլ Գյումրու թիվ 19 դպրոցում. մանկավարժներն ու ծնողները պայքարում են նախկին տնօրենի վերադարձի դեմ

Այսօր վաղ առավոտից Գյումրու թիվ 19 դպրոցում ծնողների որոշմամբ եւ դպրոցի մանկավարժների կամքով դասադուլ է հայտարարվել: ՀԺ-ի հետ զրույցում դպրոցի տնօրենի պաշտոնակատար Արտակ Մարտիրոսյանն ասաց՝ որոշումը կոլեկտիվնն է եղել: Պայքարում են կոռուպցիայի համար մեղադրվող նախկին տնօրենի վերադարձի դեմ:

«Նախկին տնօրենը լուր էր ուղարկել, որ այսօր գալու է դպրոց՝ որպես տնօրեն, քանի որ դատարանը վերականգնել է իր իրավունքը: Կոռեկտության սահմաններն անցնել չեմ ուզում, թե չէ կասեի՝ գալու լուրի հետ նաեւ ինչ խոստում է նա փոխանցել մանկավարժներին»,- ասաց Մարտիրոսյանն ու խորհուրդ տվեց գնալ Շիրակի մարզպետարան, ուր ավելի վաղ գնացել էին ուսուցիչներն ու ծնողները:

Հիշեցնենք, որ թիվ 19 դպրոցի նախկին տնօրեն Նարինե Մեսրոպյանի նկատմամբ 2018 թվականի հուլիսի 31-ին մեղադրանք էր առաջադրվել ՀՀ քրեական օրենսգրքի 308-րդ հոդվածի 1-ին մասի (Պաշտոնեական լիազորությունները չարաշահելը) եւ 314-րդ հոդվածի 1-ին մասի (Պաշտոնեական կեղծիքը) հատկանիշներով:

Մասնավորապես, թիվ 19 միջնակարգ դպրոցի համապատասխան փաստաթղթերում, աշակերտների ցուցակներում և դասամատյաններում, որպես տարբեր դասարանների աշակերտներ, գրանցված է եղել 16 անձի տվյալ, որոնք դպրոց չեն հաճախել և չեն մասնակցել դասապրոցեսներին: Նաեւ ձեռք էին բերվել փաստական տվյալներ, որ Գյումրիի 12 բնակիչներ տարբեր ժամանակահատվածներում իրենց ծնողների դիմումների հիման վրա ընդունվել են նշված միջնակարգ դպրոց, սակայն ուսումնական տարիների ընթացքում տևական ժամանակ, որոշ դեպքերում՝ ամբողջ ուսումնական տարվա ընթացքում, բացակայել են Հայաստանի Հանրապետությունից, այսինքն՝ որևէ դասապրոցեսի չեն մասնակցել: Դպրոցի տնօրենն ուսուցիչների միջոցով, ինչպես նաև անձամբ, դպրոցի պաշտոնական փաստաթղթերում կեղծ տեղեկություններ է մտցրել վերը թվարկված աշակերտների՝ դասապրոցեսներին մասնակցելու կամ ավելի քիչ դասաժամերին բացակայելու վերաբերյալ:  

Իր գործողությունների մեջ Մեսրոպյանը ներքաշել էր դպրոցի 25 աշխատակցի: «Նախաքննությամբ փաստվեց, որ Նարինե Մեսրոպյանը կատարել է հանցագործություն, բայց ես նպատակահարմար չգտա դատել նրան, քանի որ ե՛ւ տնօրենին, ե՛ւ 25 ուսուցչին դատելն աննպատակահարմար է: Ո՞նց եք պատկերացնում՝ մի դպրոցից 25 ուսուցչի միանգամից դատի տայինք»,- 2019 թվականի փետրվարի 18-ին Գյումրիում կայացած ասուլիսի ժամանակ հայտարարել էր Շիրակի մարզի դատախազ Կարեն Գաբրիելյանը:

Դատախազը նաեւ միջնորդել էր Շիրակի մարզպետ Տիգրան Պետրոսյանին, որ վերջինս լուծարեր թիվ 19 դպրոցի տնօրեն Նարինե Մեսրոպյանի հետ ունեցած աշխատանքային պայմանագիրը, քանի որ աշխատանքային օրենսգրքով եւս սահմանված է վստահությունը կորցնելու պարագայում պայմանագրի լուծարումը: Հենց այդ որոշումն է Մեսրոպյանը վիճարկել դատարանում եւ ստացել իր օգտին վճիռ: ՇՄ առաջին ատյանի դատարանը որոշել է ՀՀ Շիրակի մարզպետի 2019 թ. փետրվարի 28-ի թիվ 32 որոշումն անվավեր ճանաչել, Նարինե Մեսրոպյանին նախկին աշխատանքում վերականգնել, ինչպես նաեւ հարկադիր պարապուրդի ամբողջ ժամանակահատվածի համար վճարել միջին աշխատավարձը:

Այսօր էլ Մեսրոպյանը, օգտվելով իր ունեցած նոր հնարավորությունից, որոշել է վերադառնալ դպրոց եւ զբաղեցնել տնօրենի պաշտոնը, ինչին էլ ընդդիմանում են ե՛ւ Մեսրոպյանի հետ տարիներ շարունակ աշխատած մանկավարժները, ե՛ւ նորեկները, ե՛ւ ծնողները:

Շիրակի մարզպետարանում մարզպետ Տիգրան Պետրոսյանի հետ հանդիպելուց, խնդիրը ներկայացնելուց հետո նույն կազմը գնաց նաեւ ՇՄ դատախազություն: Դատախազ Կարեն Գաբրիելյանն ընդունեց 10 հոգուց կազմված խմբի՝ 3 ծնողի, 7 ուսուցիչի: Թե ներսում ինչ խոսեցին, հայտնի չէ: Մանկավարժները հրաժարվեցին մեզ հետ զրուցել, նաեւ ասացին՝ նկարահանվել չեն ուզում: Ավելին՝ լրագրողի ներկայությունը դատախազությունում համարեցին իրենց վրա գործադրվող ճնշում:

Դատախազի հետ հանդիպումից հետո դպրոցի ծնողական խորհրդի նախագահ Նարինե Դավթյանը համաձայնեց պատմել, թե ինչու են որոշել դասադուլ անել եւ ինչ են ուզում: Պարզվեց՝ նախքան դասադուլը դպրոցում ստորագրահավաք է կազմակերպվել ընդդեմ Նարինե Մեսրոպյանի, որը դեռ նախորդ շաբաթ է ներկայացվել ե՛ւ Շիրակի մարզպետին, ե՛ւ ՇՄ դատախազին:

«Ստորագրահավաքը պարտադրված չի եղել: Ուսուցչական կազմի 98 տոկոսն ստորագրել է, ծնողներից էլ հիմնականում տարրական օղակի աշակերտների ծնողներն են ստորագրել: Իրենք են ամեն օր դպրոց գալիս, բարձր դասարանցիներն արդեն ինքնուրույն են, նրանց ծնողները չեն գալիս դպրոց: Մենք էլ ոչ մեկին հատուկ ո՛չ զանգել ենք, ո՛չ կանչել, ով եղել է դպրոցում, իր կամքով ստորագրել է: Բոլորի պահանջը մեկն է, որ նախկին տնօրենը չվերադառնա, քանի որ նրա ղեկավարությամբ ոչ մեկը չի պատրաստվում աշխատել»,- ասաց Նարինեն:

ՀԺ-ի հարցին, թե ինչու մանկավարժները չեն ցանկանում աշխատել նախկին տնօրենի հետ, ծնողխորհրդի նախագահն ասաց՝ չգիտի: «Դա իրենց ներքին խոհանոցն է, ինչ-ինչ խնդիրներ են ունեցել, տնօրեն-ուսուցիչ հարաբերությունը երբեք չեն ունեցել, ստրուկներ են եղել: Ծնողներն էլ շատ անգամներ խնդիրներ ու խոչընդոտներ են ունեցել՝ դրամահավաքության հետ կապված, որը վերացել է ԺՊ-ի նշանակմամբ: Նախակրթարանի համար նախկինում ծնողն ստիպված է եղել պարտադիր վճարել 4000-ից 4500 դրամ: Հիմա այդ վճարը փոխարինվել է ծնողական ներդրում 1000 դրամով, որը նախատեսված է 2-րդ անգամ սննդի համար, նաեւ ընդհանուր սննդի համար հավաքվող 800 դրամ պարտադիր գումարը դարձել է 500, նաեւ ընդառաջում են բոլոր այն երեխաների ընտանիքներին, որոնց համար դժվար է այդ գումարը վճարելը: Իսկ նախկինում մինչեւ վերջին աշակերտն այդ 800 դրամները վճարել է »,- ասաց Դավթյանը:

Այսօր որոշվեց դասերն անհարկի չչեղարկել: Պահանջը մնաց մեկը՝ դեմ են նախկին տնօրենին: Կշարունակեն պայքարն այնքան ժամանակ՝ մինչեւ նախկին տնօրենի վերադառնալու վտանգն անցնի:

Տպել
2457 դիտում

Անցած տարի սուբվենցիոն ծրագրերով մոտ 150 կմ ներհամայնքային ճանապարհ է ասֆալտապատվել (տեսանյութ)

Ադրբեջանը և Թուրքիան պիտի պատասխանատվության ենթարկվեն․ Բադասյանը Ճապոնիայում ներկայացրել է ռազմական հանցագործությունները

Արմեն Սարգսյանը հանդիպել է Վահրամ Բաղդասարյանի հետ

«Հայ բարերարների ճեմուղի» հուշահամալիրից առևանգվել են բոլոր հուշարձանների մետաղյա պատկերները (լուսանկարներ)

Ստեփանծմինդա-Լարս ավտոճանապարհը բաց է, բայց ռուսական կողմում դեռ 520 բեռնատար կա կուտակված

Առողջապահության նախարարի գլխավորած պատվիրակությունն այցելել է Կապանի և Գորիսի բժշկական կենտրոններ

ՀՀ տարածքում վաղը սպասվում են ձյան առատ տեղումներ, բուք, ցածր տեսանելություն, հաջորդող օրերին՝ մերկասառույց

«Բումերանգի օրենքն» արդարացում չէ. Թաթոյանը դատապարտում է պատգամավորների տների մոտ դագաղներ ու ծաղկեպսակներ դնելը

ՀՀ տարածքում ավտոճանապարհները հիմանկանում բաց են. ձյուն է տեղում Կոտայքի ու Արագածոտնի մարզերում

Սյունիքի բնակիչների իրավունքների երաշխավորման համար ճանապարհներին և գյուղերի մոտ ադրբեջանական դրոշներ չպետք է լինեն. ՄԻՊ

ԱՀ նախագահը հանդիպել է Կաչաղակաբերդ բարձրանալու համար Արցախ մեկնած երիտասարդների խմբին

«Ադրբեջան» գրությամբ վարորդական իրավունքը սխալմունքի արդյունք է եղել. խնդիրն արդեն լուծված է (լուսանկար)

Փրկարարները տարբեր մարզերում ձյան մեջ արգելափակված 9-ը մեքենա են դուրս բերել

ՌԴ-ում դեպի Վրաստան տոմսի պահանջարկն աճել է 37 անգամ

1 օրում կատարված 3361 թեստավորումից հաստատվել է կորոնավիրուսի 422 նոր դեպք. գրանցվել է 2 մահ

Հրդեհ Բերքանուշ գյուղում. այրվել է վագոն-տնակն ու ներսում կուտակված վառելափայտը

Մայրաքաղաքում և մարզերում էլեկտրաէներգիայի պլանային անջատումներ են լինելու

Վթար Հալաբյան փողոցում. կա 2 զոհ

«Կենացդ խմեմ». Իվետա Մուկուչյանը ներկայացրել է նոր տեսահոլովակ (տեսանյութ)

Գեղարքունիքում անցկացվել է պատանիների շախմատի 2021 թվականի մարզային առաջնությունը

Էջմիածնում հայտնաբերվել է հետախուզման մեջ գտնվող 25-ամյա տղամարդ

Մալաթիա-Սեբաստիա վարչական շրջանում ավտոմեքենա է այրվել

Խստիվ արգելվում է ծառայողական ավտոմեքենաներն աշխատանքային ժամերից դուրս կամ ոչ աշխատանքային օրերին վարելը. ԱՀ դատախազ

«Լոռին ժամանակների հանդիպման վայր». վերաբացվել է Լոռի-Փամբակի երկրագիտական թանգարանը

Ֆիզուլիի և Ջեբրայիլի շրջաններում այսօր իրականացված որոնողական աշխատանքների ընթացքում ևս 2 աճյուն է հայտնաբերվել

ՀՀ զինված ուժերի և ԱԱԾ սահմանապահ զորքերի ստորաբաժանումները վերահսկում են սահ­մա­նային իրավիճակը

Անցած մեկ օրում Հայաստանում արձանագրվել է ճանապարհատրանսպորտային 9 պատահար

Սկսվել է Գյումրի-Երևան ճանապարհի Լանջիկի հատվածի փոսալցումը. այն դարձվում է բավարար երթևեկելի

Օրական 2-ից 4 տոննա կաթ հետ է վերադարձվում ցածր որակի պատճառով, նոր ներդրումներ կաթի վերամշակման ոլորտում

Առավոտից տարածվում է անհեթեթ ինֆորմացիա Երևանի մանկապարտեզներում երեխաների ընդունելության հետ կապված. Հայկ Մարության

ՌԴ իրավապահների կողմից հետախուզվողը ներկայացել է ոստիկանության Կոտայքի բաժին

Օդի ջերմաստիճանը մարտի 8-ի ցերեկը կնվազի 5-ից 7 աստիճանով. Երևանում սպասվում են տեղումներ

Բացահայտվել է հիվանդանոցում կատարված գողությունը. 27-ամյա կասկածյալը տվել է խոստովանական բացատրություն

Բողոքի ակցիա են իրականացնում Օնիկ Գասպարյանի աջակիցները

Գավառում պատանիների վիճաբանությունն ավարտվել էր դանակահարությամբ

Զոհված հերոսների ևս 121 ընտանիք հատուցում է ստացել

Մեսրոպ Առաքելյանը ՄԱԿ-ի Բնակչության հիմնադրամի ներկայացուցչի հետ քննարկել է ժողովրդագրական իրավիճակի բարելավման հարցերը

Արցախ է մեկնել ՀՀ առողջապահության նախարարի գլխավորած պատվիրակությունը

Կառավարությունը մտադիր է ևս 6 ամսով երկարաձգել թուրքական ապրանքի ներկրման արգելքը. Վարոս Սիմոնյան (տեսանյութ)

ՊԵԿ մասնագետները հասարակական կազմակերպություններին են ներկայացրել օրենսդրության փոփոխությունները