Իրանում խորհրդարանական ընտրություններ են. փոփոխությունների հավանականությունը մեծ է համարվում

Իրանում այսօր խորհրդարանական ընտրություններ են: Որոշվում է, թե ովքեր են առաջիկա տարիներին ղեկավարելու ԱՄՆ-ի կողմից տնտեսական ճնշումների տակ գտնվող երկիրը. պայքարն ընթանում է նախագահ Հասան Ռոհանիի կողմնակիցների՝ խորհրդարանական մեծամասնություն կազմող ռեֆորմիստների եւ պահպանողականների միջեւ: Ըստ փորձագետների՝ ավելի մեծ շանսեր ունեն վերջինները:

BBC-ի հաղորդմամբ՝ թեպետ խորհրդարանականները զբաղվում են երկրի ներքին գործերով եւ չեն որոշում արտաքին քաղաքականության ուղղությունը, այս քվեարկության արդյունքներն առաջիկա տարիների համար կձեւավորեն Իրանում քաղաքական ռազմավարությունը բոլոր առումներով, կազդեն 2021 թվականի նախագահական ընտրությունների վրա: Նշվում է, որ ընտրություններն ընթանում են շիկացած մթնոլորտում:

Տարեսկզբին աշխարհը շունչը պահած հետեւում էր Իրանի եւ ԱՄՆ-ի միջեւ հակամարտության լրջագույն սրացմանը. ամերիկացիներն սպանեցին Իրանի արտաքին քաղաքականության հիմնական գաղափարախոսին, որը պատասխանատու էր Մերձավոր Արեւելքում ռազմական գործողությունների համար՝ Քասեմ Սուլեյմանիին: Վրեժխնդրությամբ լի՝ իրանցիները հրթիռներ արձակեցին Իրաքի ամերիկյան ռազմակայանների ուղղությամբ եւ սխալմամբ գնդակոծեցին ուկրաինական Boeing-ը՝ սպանելով բոլոր 176 ուղեւորներին, որոնց մեծ մասն Իրանի քաղաքացիներ էին:

Եվ հիմա շատ կարեւոր է Իրանի համար ներկայանալ՝ որպես ժողովրդի համակրանքը վայելող իշխանություն ունեցող երկիր: Իրանի ղեկավարության համար ընտրությունները լեգիտիմության ցուցադրման առանցքային միջոցն են: Ընտրություններին հանրության ակտիվ մասնակցությունն իշխանության համար ժողովրդի աջակցությունն ունենալու հիմնական ցուցիչն է: «Իրանում ընտրությունները միշտ ծառայել են որպես ժողովրդական աջակցության եւ համայնքների մասնակցության բարոմետր, նույնիսկ եթե դրանք չենք կարող կոչել բացարձակ ազնիվ եւ ազատ»,- նշել են փորձագետները:

290 պատգամավորական տեղի համար պայքարում է ավելի քան 7000 թեկնածու (նախնական փուլում առաջադրված էր ավելի քան 15 000 անձ. նրանց մի մասը հանել է իր թեկնածությունը, մի մասի թեկնածությունն էլ չի հաստատել Սահմանադրության հսկողության խորհուրդը, եւ արդյունքում ընտրություններին մասնակցում է նրանց կեսից քիչը):

Հիշեցնենք, որ օրենքը պատգամավորական երկու (մեկը՝ հարավի, մյուսը՝ հյուսիսի) մանդատ է նախատեսում հայկական համայնքի՝ որպես ազգային փոքրամասնության համար: Հյուսիսային հատվածում մեկ տեղի համար պայքարում է 4 հայ թեկնածու՝ Արա Շահվերդյանը, Ալբերտ Պողոսյանը, Արիս Շահբազյանը, Սեւան Սոհրային: Հարավային հատվածում մեկ տեղի համար պայքարում են Ռոբերտ Բեգլարյանն ու Էմին Հովսեփը:

Տպել
1350 դիտում

Ձնեմարդ՝ ծաղկած այգիների տակ. Արցախում եւս ցրտահարություն է գրանցվել (լուսանկար)

Մարդկանց կորոնավիրուսային մեկուսացման շնորհիվ բնությունը շնչում է, օդը մաքրվում է, պանդաները՝ զուգավորվում

Արաբական կոալիցիան եւս Եմենում հրադադար է հայտարարել

Երեւանը բժշկական պարագաներ է ստացել չինական Չոնգցին գործընկեր քաղաքից

Կորոնավիրուսի համաճարակի հետեւանքով աշխարհում կարող է աղքատանալ 500 միլիոն մարդ

Դանակահարություն Արտաշատում. բերման է ենթարկվել 37-ամյա տղամարդ

ՌԴ-ում մնացած նորածինն ու մայրն արդեն Հայաստանում են, ինքնամեկուսացման մեջ. ՄԻՊ-ը ևս մեկ ընտանիք է վերամիավորել

Հակաճգնաժամային միջոցառումների շրջանակներում բաշխվել է 10 միլիարդ 700 միլիոն դրամի աջակցություն. վարչապետ

Ո՞ր դեպքերում են թույլատրվում միջմարզային և դեպի Երևան ուղևորափոխադրումները (տեսանյութ)

Հրետանային ստորաբաժանումների զինծառայողները պարապմունքներ են անցկացրել

Միջադեպեր, ծեծկռտուք Սիսիանում. կիզակետում Սիսիանի ոստիկանապետի պաշտոնակատարն է

Չգիտեմ, թե ինչն է իմ ԱԱԾ-ում հանդիպման շուրջ անհանգստության եւ անառողջ աժիոտաժի իմաստը. Հակոբ Ճաղարյանը

Հանրային պաշտպանները 108 միջնորդություն են ներկայացրել. կալանավորված 29 անձի խափանման միջոց արդեն փոխվել է

Գագիկ Սուրենյանը գյուղատնտեսներին խորհուրդ է տալիս բացօթյա սածիլում չկատարել. ցուրտ օդային հոսանքները պահպանվելու են

Քաշաթաղի ինքնամեկուսացված համայնքները առաջիկայում կապահովվեն անհրաժեշտ պարենամթերքով. ԱՀ ԱՆ

Մայիսի 1-ից գազալցակայաններում այլեւս խաղային ավտոմատներ չեն լինի. վարչապետ

Այս օրերին ճիշտ կլինի թուրմերը եւ համեմունքները համադրել․ Դավիթ Պիպոյանի խորհուրդները

Վարչապետ Նիկոլ Փաշինյանը նոր նշանակում է արել

ԱԺ նախկին պատգամավոր Արթուր Գեւորգյանին կալանավորելու որոշում է կայացվել. նա հետախուզվում է

Հայ Առաքելական եկեղեցին նշում է Ավագ հինգշաբթին